المقالات
السياسة

11-12-2014 08:36 PM


بسم الله الرحمن الرحيم
عاجبني زول ملتوف..بيزيلم الكيزان (قصيدة)
عاجبني زول ملتوف
بيزيلم الكيزان
مليان غضب للطيش
من سلطة الكيزان
توقيعه بقى معروف
للصاحي والغبيان
تعليقه زي مابشوف
هو الوصفه والإمكان
للثورة في السودان
للرغبة في التغيير
لي شهوة التدمير
لي هذه الأوثان
يحشد خلاياه
جوه المدن كامنة
من طلبة أو حركات
أو ناس قبيل نايمة
ومسلحين دِييشك !!!
جاهزين وناس دشمان
زمن الحوار بدري
في عُرفه قد ولّى
صدقني ياملتوف
الزمبرك بِملا
قد نختلف مرات
أو نتفق مره
والزمبرك بملا
صرخات بنات تابت
دمعات نساء تابت
تزييف ..كضب..تحريف
والزمبرك بملا
واحد ضرب في القصر
واحد دخل مجلس
والزمبرك بملا
والثورة غضبة شعب
والخوف وكل الخوف
الحل يكون ملتوف
الخوف وكل الخوف
الحل يكون ملتوف

معمر حسن محمد نور
12/11/2014

muamar61@yahoo.com


تعليقات 5 | إهداء 0 | زيارات 1347

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1148735 [آمال]
3.00/5 (2 صوت)

11-13-2014 10:18 AM
ثورة حتى النصر بإذن الله

[آمال]

#1148561 [بت البلد]
3.00/5 (2 صوت)

11-13-2014 07:43 AM
أخونا يا ملتوف
كلامك عجب ود النور
وعاجبني أنا كمان
ليه ما نقوم ونثور

الثورة يا أخوان
ما نبقى شعب جبان
نضرب يمين وشمال
وندمر الكيزان

نضرب في المليان
ونفرح الغضبان
يللا يا أخوان
نعلن العصيان

ايه فضل تاني
ما الشعب كلو جعان

داك ولد مضروب
والوطن مغصوب
سلاحنا بس الطوب
وغضبة المغلوب

بت تابت الغلبانه
لازم نجيب تارا
ونحرق الانقاذ نكويها بى نارا
ولازم يضوقو الذل
ما أصلو الدنيا دواره

[بت البلد]

#1148452 [بت البلد]
3.00/5 (2 صوت)

11-13-2014 12:06 AM
أخونا يا ملتوف
كلامك عجب ود النور
وعاجبني أنا كمان
ليه ما نقوم ونثور

الثورة يا أخوان
ما نبقى شعب جبان
نضرب يمين وشمال
وندمر الكيزان

نضرب في المليان
ونفرح الغضبان
يللا يا أخوان
نعلن العصيان

ايه فضل تاني
ما الشعب كلو جعان

داك ولد مضروب
والوطن مغصوب
سلاحنا بس الطوب
وغضبة المغلوب

بت تابت الغلبانه
لازم نجيب تارا
ونحرق الانقاذ نكويها بى نارا
ولازم يضوقو الذل
ما أصلو الدنيا دواره

[بت البلد]

#1148450 [ملتوف يزيل الكيزان]
3.00/5 (3 صوت)

11-12-2014 11:58 PM
صدقني يا معمر ، سنلتقى وسط الجموع يوم النصر القريب ، سنلتقي في وسط شارع القصر و الجماهير تموج ، كما موج البحر نهتف و نغني و نبكي فرحا و نسكر بنشوة النصر الكبير:
"حتى تدور جماجم الاموات من سكر جرى فينا " كما تغنى بدر شاكر السياب.

[ملتوف يزيل الكيزان]

#1148420 [حكيم]
5.00/5 (2 صوت)

11-12-2014 10:22 PM
الخوف و كل الخوف
الحل يكون ملتوف

نسأل الله جل في علاه أن يلطف بالشعب الممكون و صابر أن يأتي التغيير سلسآ دون اراقة دماء .. و يكفينا ما نشاهد كل يوم بالصومال و ليبيا و العراق و اليمن .

[حكيم]

معمر حسن محمد نور
مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة