المقالات
السياسة
يابومة أنعقى وافرحى..!!
يابومة أنعقى وافرحى..!!
11-18-2014 03:06 PM


بالحُسنى أمــرُق يافقُـــر..
شِلتَ كُل العِندنا..
لا مروءة لا زولاً سخى..
حتى الصبُر..
أصبح قليـل..
الزول عليل..راقد هزيل..
فى عنقريباً مُترخــى..
جيتنا فى جوة البـلاد..
جايب معاك جيش من ولاد..
حلبوا البقر..طلعوا الشجر..حتوا الثمر..
الساق وقع قال للفروع إتملخى..
قالـت بنـية الحــاج خلـيل..
جانـا الفـقـر يابــويـا ليـل..
ضايقنا جـوة البيت عديل..
ساكن معـاى فى مطبخى..
دارفورنا يا كاسـنا وبليل..
فى دماكى يـوت اتلطخى..
أهل الشمــال..
كل البيوت العامرة ديـك..
تحت الرمـال..
صارت تلال..
يا بومة أنعقى وافــرحــى..
جـاك يا جزيــرة الخـيـــر..
العيش وفير..الخير كتيير..
تشرب حليب..تاكل فطير..
تسمع خرير..
الموية جارية بلا وقـوف..
جاها الفقُر اتوقفت..
يا تُرعة حوضك وسخِىِ..
كان تلقى طين..
إنتى يا ..
عاصمة البلد الرخِى..
قسموكى نُصين..
نص فقير ساكن طرف..
الغاز صفوف..العيش صفوف..
قوم يا أخى..
الناس وقوف..لكل شئ..
التانى داك خليهوا ســــاى..
حاجاتوا هاى..
خاف الفـقر ولـى وهـرب..
ساكــن معــاى..
يا والدة بس شيلى الصـبر..
ما تصرخى..
بالحُســنى أمرُق يا فـقــُر..

بلا أقنعة...
صحيفة الجريدة السودانية..
[email protected]


تعليقات 1 | إهداء 0 | زيارات 455

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1152330 [برعي]
0.00/5 (0 صوت)

11-18-2014 03:28 PM
وريني كيف بالحسني امرق يا فقر ؟؟؟؟ عمرو الفقر ما كان كده لا بد من شد للحيل والضهر وانكرابا .

[برعي]

زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة