المقالات
السياسة
ياسر عرمان والحركة الشعبية
ياسر عرمان والحركة الشعبية
11-22-2014 09:41 AM


تفاوض الحركة الشعبية ق ش حكومة المؤتمر الوطني ق ش برضه. وكلما قال أحدهما كاس قال الآخر قرعة. وكل ما أكد الاول أنه ثور نادى الثاني بأن نحلبه. يعني قضيبي سكة حديد ولن يلتقيا حتى في آخر محطة. لا يهمنا فليتناقشان إلى أبد الدهر طالما خزينة الدولة تدفع ال550 يورو يومياً لكل مفاوض حكومي وخزائن المخابرات الغربية والإسرائيلية تدفع بمئات الآلاف من الدولارات لمفاوضي الحركة الشعبية ومن يلف ويدور معهم.
لا يهمني ما ستصل إليه المفاوضات ولا ما لا تصل إليه لأنني أعلم علم اليقين أنها لن تصل لشئ ولن نحصل منها على زبدة. فكل ناتجها سيكون زبداً لا يمكث في الأرض ولأنه غثاء ستحمله الأمواج والهواء إلى قرار سحيق لأنه بلا فائدة لمن يرجو منها خيراً. المدافعون عن ياسر عرمان وزمرته يقولون أنه زعيم الحركة الشعبية ق ش والتي تمثل كل السودان يعني ناس دنقلا عندهم فيها نصيب. كلام معقول. لكن رشح في الأخبار أن ياسر عرمان طالب بالحكم الذاتي لمنطقتي جبال النوبة والنيل الازرق. لماذا لم يطالب لسكان ابيي بنفس المطالبة أليست هي ثالثة الأثافي؟ ولا عشان عيون النسابة؟
قلنا خير وبركة فليتحدث ياسر عرمان وزمرته باسم الحركة الشعبية ق ش ولكن لم نقل ونقر بأن يتحدث ياسر عرمان وزمرته باسم سكان جبال النوبة. لنا اسبابنا ومسبباتنا. نحن كمواطنين في جبال النوبة لم نفوض ياسر عرمان ولا خلافه للتحدث باسمنا لاسباب بدهية. فياسر عرمان لا يمثلنا ولا من معه من أبناء جبال النوبة الذين يتحدثون باسم الحركة الشعبية. فليتحدثوا باسم الحركة ما شاء لهم الحديث ولكن ليس باسم مواطن جبال النوبة.
نحن لم نفوِّض ياسر عرمان والحركة الشعبية للمطالبة باسمنا بالحكم الذاتي ولا الفيدرالي ولا تقرير المصير ولا أي شئ من هذا القبيل. وعليه نقول عندنا يأتي الحديث عن الحكم الذاتي فنحن جحا ونحن أولى بلحم ثورنا من ياسر ومن منسوبي الحركة الشعبية. المنضوين تحت لواء الحركة الشعبية ق ش لهم نفس الحق مثلنا في التحدث عن تقرير المصير والحكم الذاتي وهلم جرا ونحن سواسية كأسنان المشط في هذا الامر ولكن لا ناقة لياسر عرمان وزمرته في أمرنا نحن سكان جبال النوبة.
أقول قولي هذا وهو رأي ما يفوق النصف من سكان جبال النوبة وأعني بالتحديد الجبال الشرقية الممتدة من طوطاح على حدود أمروابة شمالاً وحتى الليري جنوبا وكاكا التجارية في الجنوب الشرقي والمقينص في الشرق. كلنا لم نخوِّل ياسر عرمان ولا الحركة ولا منسوبي الحركة من أبناء المنطقة المذكورة في التحدث باسمنا في موضوع الحكم الذاتي أو الفيدرالي أو تقرير المصير.
فهلا حصرت نفسك يا ياسر عرمان في مشكلة الحركة الشعبية ق ش مع الحكومة وتركت جبال النوبة في حالها الله يديك العافية. (العوج راي والعديل راي).
كباشي النور الصافي
[email protected]


تعليقات 16 | إهداء 0 | زيارات 1409

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1155729 [بادي ابو شلوخ]
0.00/5 (0 صوت)

11-23-2014 02:00 PM
(أقول قولي هذا وهو رأي ما يفوق النصف من سكان جبال النوبة وأعني بالتحديد الجبال الشرقية الممتدة ... )
الحبيب كباشي عملت الاستفتاء بتين عشان تعرف رأي ما يفوق النصف
يا الحبيب خليك في جوازك ونسابتك وقناتك في اليوتيوب وما وكلام الحرب والمفاوضات دا خليهو للناس القاعدة في الكراكير وقابضة جمر القضية
وبطل شتارة وشوت ضفاري ... نحن ما ناقصين عنصرية

[بادي ابو شلوخ]

#1155621 [عم عبد الرحيم]
0.00/5 (0 صوت)

11-23-2014 11:23 AM
انت كووووووووووووز كبير
وليتك تمتلك واحد الالف من شجاعة ونضال وزهد ياسر ياسر عرمان الذى
ترك الوزارة والمناصب عندما دخلت الحركة الخرطوم دخول الفاتحين وتفرغ ياسر عرمان
للدراسة بالجامعة لذلك يحق للمناضل ياسر عرمان ان يتكلم بكل ملم2 من ارض السودان
ايها المتملق للكيزان

[عم عبد الرحيم]

#1155238 [برجل]
0.00/5 (0 صوت)

11-22-2014 08:57 PM
للاسف كباشي النور اراك تعزف على نفس وتر الكيزان الماسونيين وما يخططون له من ممارسات عنصرية لماذا حددت الجبال الشرقية بانها ترفض ذلك ام هذا التوهم من بنات افكارك وما يدعوك اليه فكرك المتعنصر فاذا كنت ترمي الى ان الجبال الشرقية يغلب عليها العنصر العربي فاين الحوازمة من ذلك وانك تعلم علم اليقين ان ثقلهم القبلي يوجد في الجبال الغربيةومتى قمت بهذا الاستطلاع وانت تتفيأ ظلال الصنوبر في عاصمة الضباب منذ سنين عددا

[برجل]

#1155213 [omer]
0.00/5 (0 صوت)

11-22-2014 07:35 PM
و من يمثل اهلنا في جبال النوبة و النيل الازرق انت بكتاباتك الركيكة و الممجوجة ام بالاستجداء الرخيص و الدنئ ...... لا يفل الحديد الا الحديد و البادئ اظلم

[omer]

#1155209 [نورالدين باقان]
0.00/5 (0 صوت)

11-22-2014 07:19 PM
انت ياكبش ومنو الفوضك حتى تتحدث عننا اوحتى تكتب عننا لدينا كتاب اتحد عن نفسك فقط

[نورالدين باقان]

#1155198 [Tony]
0.00/5 (0 صوت)

11-22-2014 06:40 PM
Kabashi, go collect the benefit (British remains) and look for job as security if available and shut up, this is not your field

[Tony]

#1155187 [هديس]
0.00/5 (0 صوت)

11-22-2014 06:23 PM
نحن لم نفوض ياسر عرمان لكي يتحدث إنابةعنا. نقطة سطر جديد
هو انت فاضي ولا قعدت لاهلك البتتكلم عنهم وتتبجح باسمهم ديل يعني يالعشاء باللبن يجيك ياسر عرمان يقول ليك عليك الله وقع لي تفويضك هنا,, ياخ قوم لف عليك الله والله انت لو فاكر بي كتاباتك الباهتة دي حتعمل حاجة تكون غاشي نفسك خليك في بريطانيتك دي وعيش لملم ليك قريشات وصم خشمك عليك هو عليك الله ما كتر خير ناس الحركة الشعبية ش ,ولا غيرم ديل اتبنو القضية الهاجرت وخليتا عيب عليك الدهانات الانت عايش فيها دي اصحي يابابا وقول الحمد لله خليت رجال بي وراي مش تبقي ذي صاحبنا القال للدبيب لو كان معانا راجل كان كتلك

[هديس]

#1155153 [ملتوف يزيل الكيزان]
0.00/5 (0 صوت)

11-22-2014 04:41 PM
اشهدو يا ناس الراكوبة ، الشخص ده قبل كلامو اليوم ظل بكل خبث الكيزان و كذبهم ، يدعي الوطنية و انه مع الحق والان يقول ما لم يقول به اهل الانقاذ. طيب لو انت راجل وتعتبر الجبال وطنك ما وقفتا ليه مع ناس الجبال البيضرب فيهم الانقاذ بالطيران . والان هم مشردين وبعضهم سكن الكهوف و اولادم الصغار ما لاقين التطعيم الضرورى. يخس على جنس دي رجالة.

[ملتوف يزيل الكيزان]

#1155143 [كمال الهدع]
0.00/5 (0 صوت)

11-22-2014 04:23 PM
في انقلاب هاشم العطا يقال بأن النميري سأله لماذا قمت بالأنقلاب فقال له أسال نفسك اولا وبعد تجيب سوف تلقى الأجابة.
لذلك نحنا ماعندنا فرق بين سوداني وآخر بقدر ما يقدمه للوطن وكذلك أي منطقة هى السودان لذلك عند انفصال الجنوب حسينا بأن هنلك قطعة من لحمنا قطعت منا ولذلك ما يهمنا بأن أجدادنا ضحو من أجلنا جميعا بأن نعيش معززين كرماء ولم يقولو لنا هنالك فرق بين منطقة وأخرى ، وعند حضور ناس الجبهة الشعبية للسودان وذهابهم للشمالية قالو انتم المحتاجين للتنمية....

[كمال الهدع]

#1155090 [MAN]
0.00/5 (0 صوت)

11-22-2014 02:37 PM
كباشي الاعوج، ياهو ده فهمك الصغير وما يطلبه منك جهاز الامن، ياسر نال شرعية الحديث من خلال نضاله لاكثر من ثلاثين سنة من اجل الحرية والعدالة والديمقراطية، انت ورينا كسبك شنو غير علاقتك المشبوهة يالسفارة في لندن وخدمة اجندة الاخوان المنافقين

[MAN]

#1155088 [ود الكبجاب]
0.00/5 (0 صوت)

11-22-2014 02:35 PM
طيب ياسر خلينهو انت حلك شنو لمشكلة جبال النوبة. ولا مافي مش أصلا لسكان هذا الإقليم.

[ود الكبجاب]

#1154988 [السيراميك]
5.00/5 (1 صوت)

11-22-2014 12:04 PM
الكوز كباشى المركب مكنة انصارى وحزب امة انت قايل انحنا نسينا مقالاتك المعطنا بيها وشكرك للنظا المجرم تغيب كم شهر كدا وتظهر لينا انك انصارى لا يا خوبا يفتح الله عايز مقالاتك نجيبها ليك هنا ..
انت كوز مزروع فى تربة فاسدة لا يمكن ان تنمو فى تربة نظيفة معارضة مثل تربة الانصار وزب الامة انت اخو مسلم ومهمتك معروفة للقاصى والدانى
اوع السيراميك بيرميك وبكرة تبكى لطوب الارض وعرضها قال حركة شعبية ابعد وانقرع ومقالاتك موجودة نجيبها ليك

[السيراميك]

#1154975 [سعيشه]
5.00/5 (1 صوت)

11-22-2014 11:51 AM
والله انته زول سطحي..وكمان عامل فيها بريطاني..يعني من الاسره المالكه؟ عارفنك جيت بالبحر جوه سمكه ولا جابك الموج وبعد داك حشروك في قندراني عامل لينا فيها بتاع قنوات وانته زول بتاع مكنات..وين شركه الطيران والقناه الفضائيه وصادر السمسم وانته حق الفطور ماعندك جاي اخر الزمن تتكلم عن ياسر عرمان يارزقي يابتاع الحكومه انته..

[سعيشه]

ردود على سعيشه
United Kingdom [الحكيم] 11-22-2014 01:05 PM
هذا البقاري المنفوخ و الموهوم، خليه أول حاجة يتحرر من عبودية أولاد المهدي، و بعدها يجئ يحدثنا عن دولارات المخابرات للحركة الشعبية.
و بعدين دا اتهام من حق ناس الحركة الشعبية مقاضاته عليه.


#1154966 [الحاجابى مراقب]
0.00/5 (0 صوت)

11-22-2014 11:42 AM
كلام جيد لكن البقنع شيخ ياسر منو؟! وهو كل همه يعارض ناس المؤتمر الوطنى ويعاكس قريبه البشير شخصيا لان عنده احقاد معه وخاصة بعد ما رفضه الاخير كمستشار ليه عندما رشحته الحركة الشعبية فى الفترة الانتقالية وبعدين ياسر عايس ومنتشى بالحاصل اضواء متسلطه علية ونثريات وفنادق وبوفيهات مفتوحة وده كله ما بلقاه لو الحرب وقفت حتى لو بقى وزير وما تنسى يا كباشى انه يسورى ده ممن ساعدوا الجبهة الاسلامية للانقاض على الديمقراطية لانه هو تمرد على الديمقراطية وانضم للحركة الشعبية عام 1986 تذكروا هذا التاريخ جيدا ياسر ما يهمه لو كل ناس جبال النوبة والنيل الازرق بل والسودان كله لو مات

[الحاجابى مراقب]

ردود على الحاجابى مراقب
United Kingdom [الحبشي] 11-22-2014 01:07 PM
يا التيس المراقب ، من الذي فوض عمر البشير الشمالي العنصري للتحدث باسم السودان كله؟؟!!

United Kingdom [صلاح جادات] 11-22-2014 12:59 PM
أقتباس: "نافع دا أبيض مثل صحن الصيني الكلام البقولوا فيه دا كله مافيه، و مكتبه مفتوح للجميع، و أي زول عايز يقابله أنا مستعد أوصله له."
كانتونا- المصدر سودانيز أوان لاين


#1154963 [خليل الجزيري]
5.00/5 (1 صوت)

11-22-2014 11:39 AM
يأخي إستحي شوية وسيب العنصرية وشوف الإنقاذ بتضرب في أهلك بالطائرات وتحرق في قراهم وتغتصب نساءكم إذا إنت مؤتمر وطني نقول معليش ما فيك فائدة وياسر عرمان رجل ثوري وبدافع عن قضايا الوطن مطارد ومجكوم عليه بالإعدام من أجل قضيتك وأنت جالس في الخرطوم ومرطب طيب روح إنت وقول قولة حق في وجه ناس الإنقاذ إذا تقدر ومش خايف على نفسك.

[خليل الجزيري]

#1154919 [ودالجزيره]
0.00/5 (0 صوت)

11-22-2014 10:23 AM
ياعم الحركة الشعبيه دى وظيفة ماعندها علاقة بمواطن الجبال ..يعنى هسه انت لوقالوا ليك سيب الصحافه بتسيبها .؟حاتاكل عيش من وين ؟وماينطبق على الحركة الشعبيه ايضا ينطبق على جميع الحركات المسلحه الدرفوريه .مجرد وظائف تدفع مقابلها ملايين اليورهات والدولارات عشان كده ماحايكون فى نقطة لقاء مع الحكومه طول ما الدولارات منهمره عليهم .اما المابدوهم من الدولارات بجو طوالى جارين جرى نحو الحكومه عشان القو ليهم مليار وله اتنين من الحكومه .ومع اننا عارفنهم لكن برضو بنديهم مسحة شنب ماخساره فيكم مادام بقيتوا سودانيين ورميتو السلاح.ودى كل القصه .؟وشكرا

[ودالجزيره]

ردود على ودالجزيره
South Africa [Mohammed Hago] 11-22-2014 09:34 PM
كباشى حزب امة منتفع ...يكتب في جرائد الكيزان ...ياخى مائة مرة الازمة ليست في المناضل الجسور ياسر بن عرمان حفظه الله وانما ازمة وطنية شاملة ...انت يا كبوش غلبك ال social integration في بلاد الفرنجة وبقيت تكتب هذا الهراء...قوم لف

Saudi Arabia [mahmoudjadeed] 11-22-2014 11:15 AM
عافيت منك ومن كاتب المقال ومن الراكوبة كمان . الحركات المسلحة آلات رموتها لدى الغرب الذي يغدق عليها بالاموال وجمال رسنها هناك . الحرب ليس فيها غالب ولا مغلوب والسلام بعيد المنال ويبقى الوضع على ما هو عليه حتى يقضي الله أمراً كان مفعولا .


كباشي النور الصافي
كباشي النور الصافي

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة