المقالات
السياسة
ليك يا والده قسمنا
ليك يا والده قسمنا
12-08-2014 02:34 PM


هذه القصيده مهداء الى تلك الوالده الشجاعه إبنة حلفايه الملوك التى أعلنت أمام الجميع مقاطعتها للإنتخابات وحضت الشعب على المقاطعه وعدم تسجيل أسمائهم فلها منى التجله والتحيه
ليك يا والده قسمنا
كلمات: حسين شنقراى
ليك يا والده أنحنا قسمنا
مش حنسجل تانى إسمنا
شق بلدنا و باعنا قسمنا
طريق الثوره أمامنا رسمنا
خلاص هبينا الليله وقُمنا
--------------
من حلفايه حملنا الرايه
وقلنا كفايه وليكا نهايه
سنينا الجايه محال تَحْكُمنا
حقنا ضايع مابنبايع
ياما نصارع ونملا الشارع
لمًا الظَلًمَهْ يضُوقو وسِمنا
يلا نسارع عامل وزارع
ماهر وبارع شافع ويافع
يملو الدنيا يسَكِتو نافع
وخط الثوره يقودو قلمنا
----------------
إنت بتسرق ونحنا بنمرق
ضواً يبرق يمْحًى وهمنا
مهما جيوشك تبقى تحوشك
شلنا عصينا عليك وسهمنا
كلِ سياسى كمان شماسى
فى ثوره أساسى وقول للناسى
ملانا مآسى طفشنا وحُمنا
رجعنا نناضل مخلص وفاضل
والشعب الفاضل حالف يكاتل
يبدأ يناتل وطنن حاتل
ومهما تماطل شيلتك رُمْنا
-----------------
يا والده مرقنا كلاما حرقنا
و ثوره خلقنا العايز يلحقنا
وليها صحينا خلاص ما نُمنا
و مهما ف دمنا خضنا وعُمنا
مابنصوت ومابنفوت مهما تَمًوِت
شلنا عصينا عليكا وقُمْنا



تعليقات 0 | إهداء 0 | زيارات 447

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراى
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة