المقالات
السياسة
قصيدة .. واطات الغبش
قصيدة .. واطات الغبش
12-12-2014 10:55 AM


كتر خيرك
مين يا طيبة بلاك لامينا
مين الشايل همنا غيرك
جونا العسكر يا(تاج راسنا)
يبسه زرعك .. هجره طيرك
اب(عشرين) يالغالية اتبشتن
ناح بالوجع الفيه مسورك
شيخ الحلة الطافش مده
شايل حالك وجانا يكورك
قال الفايدة الفيك اتعدمت
ماتت حيلتك وطشش نورك
الا وحاتك كضبا كاضب
ورغم اساك لساك بندورك
انتى الفينا مداخل بكرة
ولسه عشمنا على باجورك
نزرع فيك احلامنا الجاية
وكل ماتصبح وتمسى نزورك
باكر نشتل( سكلاريدس)
وكل الدنيا تقيف لحضورك
يامسقية بى دم اجدادنا
قسما نحنا نبيده( قبورك)

[email protected]



تعليقات 2 | إهداء 0 | زيارات 636

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1168350 [ملتوف يزيل الكيزان]
0.00/5 (0 صوت)

12-12-2014 10:27 PM
على ناس الجزيرة الاتحاد على كلمة واحدة. على ناس الجزيرة الاتعاظ بناس دارفور. البشيرافتعل الشكلة عشان يرسل الجنجويد للجزيرة عشان يعملوا في ناس الجزيرة متل العملوا في دارفور اغتصابات و نهب وسرقة. لتطفيش اهل الجزيرة من بلدم و بيع الارض لي ناس التنظيم الدولي لاخوان الشيطان.
احملوا السلاح ذودا عن العرض و الارض.

[ملتوف يزيل الكيزان]

#1168187 [بت البلد]
0.00/5 (0 صوت)

12-12-2014 03:21 PM
لو ما كان في الله عشمنا
وفي المستقبل لسه أملنا
ما كنا لربع الميه صبرنا
ومادام مدينا للصبر حبلنا
ونداءالسودان بتوقيعنا مهرنا
بالتأكيد وقطع شك خلاص نحن وصلنا

[بت البلد]

محمد ابراهيم
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة