المقالات
السياسة
زراعة الجاتروفا وزراعة الفول السوداني
زراعة الجاتروفا وزراعة الفول السوداني
12-14-2014 08:10 PM


كما اتفق الجميع أن الزراعة هي البترول الحقيقي للسودان ينبغي أن نعترف أن الزراعة المطرية هي الساس والراس في السودان لأن تكلفتها تكاد تكون صفرية مقارنة بتكلفة الزراعة المروية. فالأرض متوفرة والأمطار تفوق المعدلات المطلوبة في كثير من الأحيان. والمزارع مستعد للزراعة والعمل متى ما وجد العون القليل من ذوي الشأن. لكننا لا نرى سبباً واحداً لنجاح تجربة الجاتروفا بالصورة المتوقعة لها لعدة أسباب. بدايتها عند المسؤول عن قيام هذه التجربة ووقوفها على رجليها قبل أن تمشي أو تجري. فلو كان هذا المسؤول مثل أقرانه الذين أداروا النفرة الزراعية والنهضة الزراعية فعلى الجاتروفا السلام.
لا نقول هذا الكلام إلقاءً للحديث على عواهنه فتجاربنا ثرة في هذا المجال وما مشروع الجزيرة والمناقل ببعيد عن الأذهان. فعند فشل المشروع مما جميعه وقع اللوم على المزارع المسكين الذي لا يد له في ما اصاب المشروع والضرر الذي أصابه هو شخصياً من جراء إهمال وتسيب وعدم معرفة وخبرة من قاموا على إدارة المشروع خلال ربع القرن الماضي.
وهل ننسى استيراد زيوت الطعام وعلى راسها زيت الفول السوداني؟ اليست هذه فضيحة بجلاجل أن نستورد زيت الفول السوداني – خلي بالك من السوداني دي- ونحن نملك ملايين الهكتارات الصالحة لزراعة الفول السوداني وأمطار غزيرة وعمالة نشطة تنتظر من يحمل عنها عبء التمويل البسيط ولكن العين بصيرة واليد قصيرة.
سياسة البنوك التي يقررها بنك السودان لا تصب في مصلحة الزراعة والمزارع ولكنها موجهة للإستثمار العاطل .. شراء عربة ركوبة تعد كوسيلة انتاج وتمويل شقة في شقق النصر او الرواد وهذا عمل استثماري جبان كما يقول الاقتصاديون. لكن بنوك مثل البنوك الأجنبية وشبه الاجنبية في الخرطوم لا تموِّل هكتاراً واحداً من الزراعة في شرق او وسط أو غرب البلاد. لا توجد رقابة عليها فهم يتحكمون في رقبة البنك المركزي السودان بدلاً من أن يحدث العكس.
ولنا سؤال ليس خارج الموضوع بناء على مبدأ تقسيم الثروة بالتساوي بين كل الولايات كم عدد البنوك العاملة في الخرطوم؟ ونتحدث عن البنوك الأجنبية وشبه الأجنبية كم عدد أفرعها في ولاية الخرطوم وكم عددها في كل باقي الولايات مجتمعة؟ البنوك المعنية هي: QNB .. بنك المال المتحد.. بنك أبو ظبي الوطني .. بنك الجزيرة الاردني .. البنك العربي .. بنك بيبلوس .. ربما نسيت احدها والله أعلم. لو كنت المسؤول في بنك السودان المركزي عن الرقابة على البنوك لأجبرت هذه البنوك الاجنبية أن مقابل اي فرع تفتحه في الخرطوم تفتحه مثله في إحدى الولايات. وهكذا نكون قد قسمنا الثروة بعدالة ومتروك للبنوك تمويل من تراه مناسباً من العملاء. ولكن هل يمول بنك بيبلوس مزارع للجاتروفا في أم قرناً جاك؟ (العوج راي والعديل راي).
كباشي النور الصافي

[email protected]


تعليقات 6 | إهداء 0 | زيارات 1524

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1169906 [كسلاوي]
1.38/5 (4 صوت)

12-15-2014 06:09 PM
أخونا كباشي النور السلام عليكم,
انا من المتابعين لكتاباتك من فتره طويله لانو المواضيع البتكتب عنها دايما بتكون جاذبه, لكن عندي ملاحظه بسيطه, في مرات كتيره بجي اقراء الموضوع بى شغف , لكن بعد أخلص قراءة الموضوع بلقى في حاجات ناقصه بحس انك بتكتب و بتفترض المتلقي عارف الفي راسك شنو,,,
مثال: قبل كم يوم قريت ليك موضوع عن اولادك التلاته, و كان موضوع جميل قيمتهم فيهو كويس و اديتهم حقهم, لكن أبسط حاجه انا كقارئ , ما عرفت سبب الشكر ده شنو, ولا الحاجه الهم عملوها و استحقو بيها المدح ده,,,,
هسي في الموضوع ده, انا ما عارف الجاتروفا دي شنو و فايدتها شنو, و القال داير يزرعها في السودان منو, و اتخيل لي في قراء غيري برضو ما عارفين

[كسلاوي]

#1169904 [كسلاوي]
1.00/5 (3 صوت)

12-15-2014 06:07 PM
أخونا كباشي النور السلام عليكم,
انا من المتابعين لكتاباتك من فتره طويله لانو المواضيع البتكتب عنها دايما بتكون جاذبه, لكن عندي ملاحظه بسيطه, في مرات كتيره بجي اقراء الموضوع بى شغف , لكن بعد أخلص قراءة الموضوع بلقى في حاجات ناقصه بحس انك بتكتب و بتفترض المتلقي عارف الفي راسك شنو,,,
مثال: قبل كم يوم قريت ليك موضوع عن اولادك التلاته, و كان موضوع جميل قيمتهم فيهو كويس و اديتهم حقهم, لكن أبسط حاجه انا كقارئ , ما عرفت سبب الشكر ده شنو, ولا الحاجه الهم عملوها و استحقو بيها المدح ده,,,,
هسي في الموضوع ده, انا ما عارف الجاتروفا دي شنو و فايدتها شنو, و القال داير يزرعها في السودان منو, و اتخيل لي في قراء غيري برضو ما عارفين

[كسلاوي]

#1169712 [Abu Amer]
1.50/5 (4 صوت)

12-15-2014 06:42 AM
أخي مشروع الجاتروفا ذو فائدة عظيمة اذا ما اتبعت الطريقة الصحيحة والعلمية في زراعته للاستفادة منه ولكن شاء القدر أن تكون هناك اجتهادات فردية مستميتة وأنانية وعلى طريقة "أنا فقط وبس وغيري لا مكان له في الساحة" تمدمير الفكرة من بدايتها وانتهى الى فوضى عارمة وستتبعها مآلات أخرى لا تحمد عقباها. وسأزودك بوثائق مدروسة بشأن هذا المشروع الذى تقدمت به الى جهات تحمل ألقاب كبيرة ولكنها أبت الا أن يكون لها الظهور المتفرد لكي تحمل النجاح على حساب الآخرين لتتحمل البلد الفشل المستدام والخسائر المتلاحقة نتيجة للتجارب الفاشلة والمتلاحقة في ادارة موارد البلاد.

[Abu Amer]

ردود على Abu Amer
United States [Abu] 12-16-2014 03:47 AM
Dear [Abu Amer], I see we are getting somewhere with this discussion, and it is turning to become more constructive. As I have commented on [Ahmed] remarks’ we need to know more and to educate the respected readers further on this issue, and with the resources and data you have it will great if you would spread the word raucously. Have no doubted that our beloved “Al-Rakoba” will be more than glad to publish this data. Kindly do not deny us the joy of learning more about the matter?


#1169650 [عثمان احمد]
1.50/5 (4 صوت)

12-15-2014 03:36 AM
انته شايت وين ياللخو عذبتنا معاك بس بي صراحه عاجباني حكاية شكرا ياشباب علي الايكات التلاته البتلقاها في مقالاتك.قوم لف بلا يخمك كرهتنا النت محل نمشي نلقاك

[عثمان احمد]

ردود على عثمان احمد
Saudi Arabia [صغيرون] 12-15-2014 10:34 AM
يعني حيشوت وين امثال هؤلاء غير في كيس الكيزان ... يا عزيز الزمن ده زمن الكيزان اصبحوا زي الامريكان (كيزان في كل مكان) بدل (امريكان في كل مكان) يعني ممكن كيزان الختمية وكيزان الانصار وكيزان انصار السنة وكيزان امريكان كمان


#1169546 [Ahmed]
3.00/5 (2 صوت)

12-15-2014 12:35 AM
تابعت الموضوع على أمل ان يكون هناك تحليل علمي مبني على معلومات واقعية تجعل من المشروع غير مجدي اقتصاديا ..فمثﻻ اذا قمنا بعملية حسابية بسيطة مبنية على حقائق علمية مثل ان الشريرة ﻻ تعني ثمارا اﻻ بعد مرور سنتين على زراعتها و أن انتاج الشجرة في حدود4 كجم و ألن الفدان يحتوي على زراعتها470 شجرة نجد ان انتاج الفدان هو حوالي 1880كجم وان نسبة الزيت في البذرة هي 40% سوف نحصل على752كجم من الزيت ،،،، فكم تبلغ قيمة اﻻنتاج وكم تبلغ تكاليف زراعة و حصاد و عملية استخراج الزيت للفدان ،،،قارن و حدد اذا كان المشروع ذو جدوى اقتصادية أم ﻻ،،، والباب مفتوح امام أهل الشأن،،،

[Ahmed]

ردود على Ahmed
United States [Abu] 12-15-2014 07:03 AM
With all due respect, to the writer of the article, I have end up utterly bewildered with something of no value and not related to the heading! Appreciate your inputs Mr. Ahmed, this exactly what we seek “regardless of the data you furnished right now”. Something that educate the readers, and enlightening our knowledge?


#1169521 [كاره الكيزان]
3.00/5 (2 صوت)

12-15-2014 12:00 AM
قال العوج راي ... عمره العوج ما كان راي ولاحيكون راي ... العوج عوج والعديل عديل ولا تحاول أن تلبس الباطل بالحق فهم طريقان متوازيان لا يلتقيان ابداً

[كاره الكيزان]

ردود على كاره الكيزان
[محمد عثمان] 12-15-2014 08:43 AM
اخي كاره الكيزان العوج راي لانه يقصد به تحليل من زاوية اخري وهو راي من طرف يعتبر ما يقوله رايه لذلك كما قال الراحل ابو داؤد الزول بفتخر بالعندو
في زمن غابر سئل احد الناس في مجلس السلطان ادريس في ديار القمر عن رايه فقال انه يري يجب قتل السلطان فقام احد الحضوروطالب بقتله فورافقال السلطان ابدا هذا رايه لا يمكننا مصادرته منه


كباشي النور الصافي
كباشي النور الصافي

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة