المقالات
السياسة
خلى الكلام النى وسلم نفسك زى اهورو
خلى الكلام النى وسلم نفسك زى اهورو
12-16-2014 11:23 PM


يا اخى انت بتحقق مع قصيدة وبتمنع سفر قصيدة كيف يحبك الشعب الشاعر الذى أحترمه (نزار قبانى)، والمقصود بالتحقيق والمنع من السفر ليس الأنسان الشفيف الخلوق المهذب المؤدب الراقى (أزهرى محمد على) وأنما قصيدته المحرقه المؤلمه (خمسة سنين كمان لى شنو) وأخواتها.
سلم نفسك يا حجاج وخلى الكلام النى .. فكل طاغية من قبلك قال نفس الكلام وأنه الشعب معاهو ومأيدو .. 99 و 9 من عشرة في الميه .. قالها صدام رحمه الله وقالها القذافى – من أنتم - رحمه الله وقالها (مبارك) – خليهم يتسلوا – وقالها (مرسى) – هى لله – زي بتاعتكم التى لا تذهب أبعد من الشفاه ولا تخرج من القلب.
كدى جرب سلم نفسك شوف منو البسأل فيك .. ومنو الما بقول ليك قشة ما تعتر ليك؟
وياتو شعب الأنت بتكذب وتقول هو المنعك من تسلم نفسك .. يا خى خلى الكلام (النى) .. أهورو كنياتا رئيس كينيا ما قال الشعب منعو لأنه الشعب ما بيتعرف رايو الا عبر استفتاء نزيه .. اهورو حزبو قال ليهو ما تمشى (لاهاى) ما قالت هئية علماء (السلطان)، وقالوا ليهو من حقك تجاوب (المحققين) من خلال (كونفرنس)، لكن (اهورو) الراجل ترك وصيتو وقال ليهم لا .. انا ماشى بى روحى من أجل وطنى وشعبى اواجه وكان (رهيفة التنقد).
يا تو شعب يا (الحجاج) البحبك ولى شنو يمنعك من تسليم نفسك فهل أحب شعب العراق (الحجاج)؟
لى شنو الشعب يحبك ويا توشعب البحبك يا (فرعون) هل تقصد اهل الشهداء (مجدى وجرجس واركنجلو) وديل كم الف ولا كم مليون فقد بكى شعب السودان كله لأعدامهم، ما عدا قلة من المغرر بهم والمخدوعين وناس السكر والزيت وناس (هى لله) الذين يقصدون، هى للقصور العاليه وشقق دبى الفخمه وبنوك ماليزيا.
ياتو شعب البحبك لمن يمنعك تسافر يا حجاج .. وهل تقصد اهل شهداء رمضان (أرجل) من انتموا للمؤسسة العسكرية وديل كم الف بل كم مليون؟
ولا بتقصد أهل شهداء دارفور بمئات الآلاف ولا زال الدم نازف وبجرى وانت يا الحجاج و(كلاب) سلطتك رافضين المسار الواحد لحل كآفة مشاكل السودان لأنكم ما ناس حل .. اها وديلك كم مليون ودارفور مساحتها أكبر من فرنسا.
ولا بتقصد أهالى شهداء المناصير والبجا والنوبة والنيل الأزرق وديل كم مليون؟
ومن قبل لن ننسى الجرح اللسه لم يندمل .. جنوبنا الحبيب .. ولن نرتاح الا تغور يا سفاح و تذهب الى مزبلة التاريخ ونصيغ علاقة جديدة يرتضيها الشعبان لمصلحة الشعبين .. فالسودان الجديد رؤية وجدت لتبقى.
منو الخائف عليك من أهل السودان حتى يمنعك السفر غير الأرزقية والمصلحجية والمأجورين والمهووسين؟
هل تقصد المزارعين القلت مشروعهم فاشل يا رئيس الفشل والفساد هم المنعوك من السفر (للاهاى)، وهل مشروع بعيش عليهو الملايين فاشل حتى لو لم يحقق ربح؟
والمزارعين تربية شيوعيين أم الشيوعيين تربية مزارعين؟
يا اخى أنت ما بتخجل وأنت قريت وين .. كيف تسئ لحزب قائم وموجود قبل يلدوك .. اها كلما البلد غلبتكم رجعت لى ده كافر وده ملحد وده مرتد؟
ارسوا ليكم على بر ديمقراطية ولا نظام (ملالى)؟
سمعتك يا الحجاج بتتكلم مع البجا وبتقول ليهم يا ريت تبطلوا (التمباك) .. (الله أكبر) .. ويا ريت تبطلوا شراب القهوة (الله أكبر) .. غايتو جنس عوارة .. أها (الفياجرا) كيف؟
تاج السر حسين - royalprince33@yahoo.com


تعليقات 4 | إهداء 0 | زيارات 1245

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1171927 [ملتوف يزيل الكيزان]
0.00/5 (0 صوت)

12-18-2014 06:33 PM
الانقاذ= اغتصابات و نهب و تقتيل و ابادة جماعية و تجهيل و دجل و شعوذة باسم الدين.
لن يتركوا حكم البلد الا بالقوة المسلحة. علي الشباب و الشايات انشاء خلايا المقاومة المسلحة بالاحياء لحصر الكيزان وكلاب الامن و اصدقائهم. رصد حركتهم وكامنهم.والمعلومات دي مطلوبة لبدء حرب عصابات المدن بالتنسيق مع مسربي الحركات و مساعدة المغتربين التمويلية.
اذا لم يزوقوا طعم الحرب و الموت في بيوتهم و تصبح العاصمة غير امنة لسكنهم و عائلاتهم ، لن يتركوا الحكم و يهربوا.

[ملتوف يزيل الكيزان]

#1171128 [احمد شقري]
1.00/5 (1 صوت)

12-17-2014 04:54 PM
يسلم قلمك إستاذ السر، البشير وزبانيته لا يسمعون، لا يعوون ولا يختشون الكذب أصبح ديدنهم والنفاق ملح سلطتهم ودماء الشعب المغلوب على أمره يزين موائدهم. لا يعرفون سوف قوة البطش التي حكموا بها ربع قرن من الزمان، ولا مناص من منازلتهم بذات عقليتهم التي لن ترضخ سوى لصوت الرصاص. فلنترك القلم ونحمل خازوقا أطاح بديكتاتور ليبيا قبلهم، حينها سيعرف البشير وزبانيته إن كان الشعب معهم أم حافر قبرهم.

[احمد شقري]

#1171024 [كلاشنكوف]
0.00/5 (0 صوت)

12-17-2014 07:34 AM
نسلمك أنت يا تاج السر ومعااااااك البشكير

[كلاشنكوف]

#1170846 [habbani]
3.00/5 (1 صوت)

12-17-2014 12:02 AM
نحنا حتى لو بنحبك فإننا بنحب العدالة أكثر ودى محكمة . إذهب وبرىء نفسك او بأحسن الأحوال تاخد جزاك اوالقصاص وتكسب أخرتك إذهب وجاهدهم بالحجة إذا كنت برىء.
وانا رغم رأى فى وزير الصحة ابو قردة ولكن أحترم فيه شجاعته وإحترامه للعدالة .

[habbani]

تاج السر حسين
تاج السر حسين

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة