المقالات
منوعات
الحالة وااااحدة
الحالة وااااحدة
12-26-2014 03:15 AM

استنكر عدد كبير من القراء في الولايات اهتمامنا بقضايا العاصمة، وما سموه تهميشنا للولايات في كتاباتنا، وعلى الرغم من أن غالبية كتاباتنا تتناول الجانب الاجتماعي والحياة الأسرية وقضايا المرأة والطفل وهي جميعها قضايا موحدة تشترك فيها الولايات والعاصمة؛ إلا أنه لابأس أن نخصص هذا المقال لواحدة من العادات الاجتماعية السيئة والتي تمارس بصورة يومية في كثير من ولايات السودان، وخاصة أهلنا في منطقة الجزيرة.

وتلك العادة هي التداخل المفرط بين البيوت وبصورة مزعجة، وأحياناً دون مراعاة لحرمة البيت وخصوصية الأسرة، وهنا أعني الوجود المستمر للرجال في أماكن النساء والعكس، بمعنى أولاد الأهل والخيلان والأعمام وهلم جرا والذين يدخلون من بيت ويخرجون لآخر من غير (إحم أو دستور) .

بل إنهم يتغولون داخل المنزل حتى يصلوا المطبخ وغرفة النوم، وهي تصرفات تخرج منهم بعفوية ولا مبالاة وبراءة، وأحياناً أخرى تخرج عمدًا وبمبالاة وخبث.

إن طبيعة الريف وإنسان الريف أحياناً تجعله أبعد ما يكون عن الطقوس والإتيكيت وقواعد البرستيج والنظام؛ فيجنح إلى التعامل مع الأشياء بأسلوب يغلب عليه طابع (الحااااالة واحدة) .

وقطعاً الحالة ليست واحدة فإن للبيوت حرمتها، وحرمتها تلك ينبغي أن تراعى في تفاصيل تعاطي الآخر مع ما استوجب حرمة هذه الدار أو تلك .

وفي مناسبات عدة وأكثر من مكان يمكنك أن تجد أحدهم مستلقياً على سرير وسط الدار و(عاااادي لو غفلت شوية) يمكنك أن تجده قد أوصل هاتفه بشاحنك الخاص وبدأ يغير في برمجة وترتيب القنوات، هذا طبعاً بعد أن يستبدل ملابسه بـ(عراقي) بلدي ويضع ملابسه المتسخة مع غسيلك الشخصي أو يعلقها داخل الحمام.

إن التواصل الاجتماعي مهم، وصلة الرحم من الصلة بالله والزيارات الأسرية محببة، ولكن إطالة زمن الزيارة والإقامة المنتظمة والتداخل الشديد في التفاصيل الخاصة وعدم احترام خصوصية الآخر ليست من الإيمان في شيء، ولا تؤدي إلى نتائج أكثر إيجابية في العلاقات الأسرية.

أحد القراء من ولاية الجزيرة واسمه مولانا (الماحي دفع الله محمد) ويعمل (قاضياً ) سرد عليّ تفاصيل بعض المآسي الأسرية وكثيراً من التجاوزات الأخلاقية نتيجة لهذا التداخل غير المبرر.
وهو أمر حقيقي يجب أن نقف عنده ونقتنع به (مافي حاجة اسمها الحالة واحدة).

‏‫


suheir16@yahoo.com



تعليقات 29 | إهداء 0 | زيارات 4210

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1180514 [نور الدين ود الصاوي]
4.54/5 (6 صوت)

01-03-2015 01:11 AM
المميزه سهير/ لك التحية والتقدير فوالله لقد وضعتي قلمك في مكان الألم تماماً فهذا الجرح يعاني منه كل سكان الريف السوداني فهم الذين يجرحون أنفسهم بأنفسهم مما ينتج عنه العلاقات المشبوهة وأحياناً الجرائم الكبري ترتكب تحت مظلة الحالة واحدة وأنت ود البيت .. وحرم البيت بيتك تشرف في أي وقت (دون مراعاة للأوقات التي منع الله تعالي فيها الزيارة) والنفس البشرية أمارة بالسوء والمال السائب بعلم السرقة .. لك الأحترام والتحية مجدداً

[نور الدين ود الصاوي]

#1178183 [ود بحرى]
4.07/5 (5 صوت)

12-29-2014 01:24 AM
درست بجامعة الجزيرةوزرت كتير من قرى الجزيرة وعشت مع اهلها . اعجبت كثير بكرم الناس وطيبتهم. واعتقد ان الثقافة المحلية للجزيرة اضافة لى
نعم ... لابد من مراعة الخصوصية . ولابد من الاستاذان والحالة ما ون . واهلنا فى الجزيرة بيتعاملوا ببساطة شديدة وبفطرة نقية وطيبة فايته الحد.
فى الماضى كان كل الناس اهل. الان بداءت تظهر نتائج خطيرة للتداخل الاجتماعى الغير منضبط لتغير نفوس الناس عموما.
تحياتى للجميع

[ود بحرى]

#1177795 [حمد ابوادريس]
4.54/5 (6 صوت)

12-28-2014 12:56 PM
انت ناس الجزيرة ديل جوك و دخلوا غرفة نومك و انتهكوا خصوصيتك غير كدى ما بنقبل من أي كلام و بنطالبك باعتذار و اصابع يدك ما واحدة فاحذري التعميم لأجي ارفع عليك قضية رد شرف و اشانة سمعة.
نحن من نشر الوعي و الدين و اذا كان احد من اسرتك يسكن في الجزيرة و جاء لمنزلك و انتهك خصوصيتك يبقى مشكلتك مع هذا الشخص (قريبك ) و ليس مع مواطنين الجزيرة

[حمد ابوادريس]

#1177646 [عطوى32]
2.75/5 (3 صوت)

12-28-2014 06:26 AM
... دى المعادلة المعقده الجننت كل النمتشدين الاسلامويين وبيين ثقافة الخرطوم المبنية على المادية والفردانية ..

النتيجة شنووو والفرق شنووو ؟
عشاان كده دار المايقووما اتملت ..ايضا الثقافة الفردانية الخرطوومية توؤدى الى القتل وحتى الرغبة فى الانتحار؟؟ معظم اللائى قدر لها ان تحمل سفاحا فستقوم بقتلة بطريقة ما والسبب هى ثقافة الفردانية وعدم الرجولة وعدم والخووف والجبن من تحمل المسؤلية ...

فى المقابل .. العلاقة المفتوحة التى تحدثتى عنها فى مجتمع الجزيرة او مجتمع الاقاليم بصورة عامة والتى تهمزين وتلميزين على احتمالات وقوع ممارسات غير اخلاقية فى هذا المجتمع (البسيط) وال(البريــــــــــــــــــــــــــــىء) جدا جدا وتعلمين معنى البراءة .. والبراءة دائما توجد فى الاجواء الطبيعية وتقل وتنحسر تماما فى المجتمعات (المادية) الفردانية مثل مجتمع الخرطوم وغيرة ..

وحتى وان حصلت ونهذا وارد وهذه طبيعة الاشياء والناس مش ملايكة.. بعض الامور الغير اخلاقية فهى معزوووووولة ولا تخرج من اطارها ويتم معالجتها (برجوولة) مش بطريقة اضرب واهرب حمل سفاح ثم هرووب واجهاض وقتل نفس ؟؟؟

هذة الممارسات لاتتم الا فى المدن الكبرى .. والسبب

عدم النخوه والرجولة والجبن والثقافة المادية البحتة الاتكييت الذى تتحثيين عنة هذا فهو ليس بتحضر وانما ثقافة غربية اصلا والثاقة الغربية نمت وتطورت من خلال واقعها ومتطلبات طريقة ونمط المفاهيم والقيم التى يعتقدونها اما الاتكييت يا ستى فى السودان الكبيير يسمى الحرص او البخل او عدم المروءه نحن فى السودان لدينا قيمة اخرى مقابل الاتكييت وهى حسن الظن والبساطة والترحاب والود والكرم والحياة الجماعية والثقة فى النفس فاهتمامنا بضيفنا بكل ما تملك قليلا او كثيرا هى قيمنا واتوكييتنا... فنادرا ما يهرب شاب من بنت اخطات معة يتركها ويهرب او ينصحها بالاجهاض .. فاول انهارت قيمة الاسرة عندنا بفعل الكيزان حلت محلها الفردانية بكل بلاويها من انانية وحرص وبخل وعدم لا مبالاه فازداد الفساد.. فانهارت قيمنا واخلاقنا ..

هذة مقارنة بسيطة بين المجتمع البسيط البريىء المتممثل فى مجتمع الجزيرة (الحنووووون) وكفا


واقسم بالله لو تاملت فقط العبارة التى عنوتى بها مقالك .. وفهمت معناها ومغزاها لفهمت ... بان اهل الجزيرة حنيين وطيبيى المعشر ووبرئين وحالتم واااااااااحده فى السراء والضراء ويالكلون من صحن واحد ويتقاسمون الحلو والمر ....فحالة الاخوووه وااااااااااحده ... فهم اخوه يا ستى ...

[عطوى32]

ردود على عطوى32
Saudi Arabia [بريش منصور] 12-28-2014 10:16 AM
ياعطوى 32 / انت جايط فوق شنو ؟؟؟؟ يا أخى البريستيج والاتوكيت جاء به الدين الاسلامى

لا بد لك أن تجلس مع كتاب الله وتتعلم أنه الزيارة لها أوقاتها وهذا من القرآن الكريم

وكل المسلمين بالضرورة يعلمون هذا الشئ ، والقرآن الكريم جاء فيه الأمر للصحابة وهم

أطهر خلق الله أن يخاطبوا زوجات الرسول عليه الصلاة والسلام وهن أمهات المؤمنين أن

يخاطبوهم من وراء حجاب !!! هؤلاء جميعاً من أطهر خلق الله وهم رفقة الرسول عليه الصلاة

والسلام وأصحابه فكيف بك تدعى البراءة والطهر وووووو....

أقول لك مقال الأستاذة سهير عبدالرحيم هو جرس إنذار لنرتقى ونتطور قليلاً ونترك

هذه الهمجية المقرفة والمزعجة التى لا تشبهنا نحن كمسلمين ، يا أخى على الأقل

راعى أوقات الناس وأذهب وأقضى فراغك وعطالتك أين ما شئت ، كفانا الله شر هذه

العادات البغيضة..


#1177558 [آمال]
4.19/5 (6 صوت)

12-28-2014 03:35 AM
حقيقة و الله و عدم مراعاة خصوصيةالبيوت مشكلة

[آمال]

#1177280 [MANO ALI]
4.19/5 (8 صوت)

12-27-2014 07:34 PM
والله دة كلام صاح وقد عايشناهو عندما تزوجت اختى من اولاد الجزيرة وجاء ليسكن فى بيت والدى وفى بعض الاحيان يزورو اصحابو تلقى الواحد طلع هدومو ورقد فى غرفة ابوى التى نستحى احيانا فى الدخول اليها

[MANO ALI]

#1177202 [بت أمدرمان]
4.13/5 (6 صوت)

12-27-2014 12:01 PM
الصيغة بتاعت الجمع دى تعظيم لروحك و العياذ بالله ولا شنو؟ شنو شابكاناإهتمامنا و كتاباتنا و تهميشنا نا نا نا ، قايلة روحك شنو إنتى؟ كتاباتك كلها شترة

[بت أمدرمان]

#1176938 [ماسورة]
4.19/5 (6 صوت)

12-26-2014 11:46 PM
يعني انتي قصدك كلام راجل وداد صحي يا سهير يختي ؟
عرفناهم تربية شيوعيين وحرامية كمان جابت ليها (الحالة واحدة) اجي يا يمة !!!!!!

[ماسورة]

#1176935 [ماسورة]
4.19/5 (6 صوت)

12-26-2014 11:29 PM
يعني ناس الاقاليم استنجدو بيك وطليوا منك المساعدة وتقديم النصح وكشف ما خفي عن انسان الولايات من سلوكيات خاطئة وممارسات وعادات سيئة وتشخيص امراض المجتمع الولائي بوصفك صحفية عبقرية وراصدة استثنائية لسلبيات المجتمع السوداني ..وطوالي انتي دخلتي ( توش) واضعة قلمك المبارك علي مواطن الخلل تعددي بحماس انتو عملتو وانتو سويتو .!!
عليك الله يا سهير كان ما كتبتي عن سلبيات حلتنا (حلة المواسير) والرسول في ايدك كان ما اديتينا معاها وصفة او روشتة نعالج بيها مشكلاتنا ..النبي يا سهير.

[ماسورة]

#1176911 [ود ابراهيم]
4.19/5 (7 صوت)

12-26-2014 10:19 PM
ينصر دينك يا سهير
الكلام ده كلوا حاصل ناس الجزيرة ديل لما يمشوا السعودية يلبسوا نسوانهم الحجاب والنقاب كمان لان النظام السعودي إسلامي وهم عارفين تماما الممارسات في الجزيرة غلط ثم غلط وحدثت مشاكل بسبب هذا التهاون . وكلنا ناس جزيره يا جماعة ما داعى للمكابرة يجب ان نعمل سويا حتى تنتهى هذه العادات . الحالة ما وااااحده

[ود ابراهيم]

ردود على ود ابراهيم
United Arab Emirates [ودالباشا] 12-27-2014 05:48 AM
والله انت رجل حق واشجع ما فيهم كلللهم وانحرفوا عن لب الموضوع سوى ناس الجزيرة او غيرهم من الولايات الاخرى ومنهم من البسها او غلفها بمسميات اجتماعية جميلة اوعادات اصيلة تسلم يا ودابراهيم


#1176767 [jafar]
4.19/5 (8 صوت)

12-26-2014 12:05 PM
والله يا زولة عرفنا حرمة البيوت والخط الاحمر عند دخول بيوت الناس .. بس صورتك دى بتقولى عليها شنو وبرضو فى حاجة اسمها حرمة الصور وبنبغى ان تراعى التفاصيل الخاصة وعدم احترام خصوصية الآخر

[jafar]

ردود على jafar
[مدثر] 12-27-2014 07:15 AM
اها في انصرافية اكثر من كده

Saudi Arabia [المشروع] 12-27-2014 02:09 AM
مما قامت الدنيا الناس تدخل وتخرج واهل في السودان لو ما عديت الحالة واحدة بزعلوا عليك ومع ذلك كل واحد ماسك خشموا .. زي ما قال احد المعلقين في الفيس بوك الناس ترك البيوت ومشت الشارع لحقتهم في الشارع وصورت الشارع كانه خطف وجنس ونعناع وجرجير مع العلم ان مثل هذه الاشياء كانت منذ ألآف السنين والناس عارفاه غلط وتتحاشاها وتسكت عنها وعن ذكرها الاخت سهير تعاني من شئ ما في حياتها لذلك تقذف ما تشعر به في دخليتها على الورق ويخيل لها ان الدنيا كلها بهذه الطريقة وانها الوحيدة التي ترعي مصالح الناس وتبحث عن حلول لمشكلاتهم او ان الجميع فإذا عرفت حاجة او مصطلح من لغة الراندوك سرعان ما تجعله ظاهرة وترسله الى الجريدة ... للأسف كتابات هابطة للغاية..


#1176740 [مغبون مِنْ مَنْ يكره أهل الجزيرة]
4.25/5 (5 صوت)

12-26-2014 10:31 AM
موضوع الاستئذان عند دخول البيوت هو أمر دينيّ مأمور به كل مسلم وليس الأمر خاص بأهل الجزيرة ، وأنت يا سهير تتحدثين عن الجزيرة في أيامها الغابرة أيام تقارب البيوت في كل الأسرة بدون حوش أو داخل حوش واحد ، وما تقاربت هذه البيوت إلا من شدة تحابب أهلها وتوادّهم ، وتقريباً المدنيّة قدانتقلت لكل قرى الجزيرة ، فأصبح في كل بيت سور ( حوش ) وباب يطرقه كل داخل إذا أراد الاستئذان بالدخول على أهل الدار ،وأمّا الفوضى التي تحدّثْتِ عنها في الدخول بلا إذن هذا الأمر يتوقّف على صاحب البيت - هل هو إنسان مرتب حياته أم لا ؟. وبصراحة أنت مسسْتِ كرامة أهل الجزيرة عموماً بهذا الكلام الجارح - لم يبرإ الجرح الذي نبشه رئيس الغفلة وأنت اليوم أصبْتِ أهلنا بجرح آخر ، ومولانا الذي ذكرْتِ اسمه بكلّ تأكيد سيكون قاطع رحم إذا منع أهله عن زيارته - أو هو إنسان لم يبنِ بيته بصورة شرعيّة جانب خاص بالرجال وآخر بالنساء - أو عادة الفوضى وعدم الاستئذان موجودة في أسرتهم بصفة خاصة - وبكل تأكيد سيكون مولاناغاضب منك لذكراسمه في هذا الموضوع بالذات لأنّه حسّاس جدّاً .نرجو أن تعتذري في مقال لأهل الجزيرة والاعتراف بالذّنب فضيلة....

[مغبون مِنْ مَنْ يكره أهل الجزيرة]

ردود على مغبون مِنْ مَنْ يكره أهل الجزيرة
Sudan [مغبون مِنْ مَنْ يكره أهل الجزيرة] 12-27-2014 12:14 PM
قلة الشغلة وتعليم المشاط
12-25-2014 08:09 PM


يحبون الظهور ولكن لا يعملون حسابا لتبعات ذلك الظهور هل هي ستكون تبعات ذات منفعة أم ذات مشأمة تجر على صاحبها ما لم يكن يفكر فيه. المعروف منذ زمن بعيد الاختلاف بين سلوك أهل المدن وأهل الريف وذلك لطبيعة الحياة في كل منهما. ولكن لا يمكن أن نصف أن سلوك المدينة هو الحسن وسلوك الريف هو غير ذلك ولا العكس. كل يرى محمدة في سلوكه ونقصاً في سلوك الآخر. سأضرب مثلاً بأسرة أعرفها وأعتبر نفسي جزءاً منها من أُسر أم درمان العريقة.
جاء والدي عليه الرحمة للعلاج بالخرطوم. وكانت لدي ظروف تركته مع أصدقائي هؤلاء حتى رجوعي من خارج البلاد. عندما رجعت سألني والدي: أنت نحن فاهمين ناس أم درمان غلط ولا الجماعة دول حالة خاصة. لقد أغرقوه بكرم فياض ومعاملة لم يكن يتصوّر أن هنالك من هم في المدينة ويعرفون الواجب كما فعل معه أفراد تلك الأسرة. ولكن هنالك أُسر غير.
صغت كل هذه الرمية على قول استاذي البوني محاولاً توضيح نقطة فاتت على الاستاذة سهير عبد الرحيم التي كتبت عن سلوك مواطن الجزيرة... أحي انا عليكم يا ناس الجزيرة.. دا بهنا يقول ربوكم الشيوعيون .. ودي بهنا تقول أنتم لا تعرفون الأتوكيت وهلم جرا .. يا ربي ناس الجزيرة دول غلطوا على الناس بشنو؟ دي غلطتكم يا ناس الجزيرة ونحن ناس الكنابي معاكم. كنا بنأكِّل السودانيين الشهد من القطن ولكن عندما دارت الدوائر على القطن بقيتوا كعبين... الله يجازي الكان السبب.
يبدو أن الاستاذة سهير عبد الرحيم عاصمية حتى النخاع وحدّها في الشمال الجيلي والجنوب جبل أولياء والكاملين وغرباً المويلح سوق المواشي.. وشرقا الحاج يوسف وكمان عديمة شغلة ولا تريد أن تزيد معرفتها بالسودان خارج الخرطوم. ولهذا فهي لا تعرف شيئاً على سلوكيات مواطن الريف الأصلي. يبدو لي كذلك أنّها لم تغادر الخرطوم في رمضان مروراً بشارع مدني .. كانت سترى ما هو أعجب مما كتبت.. ولا أعلم ماذا ستكتب؟ أدعوها لمغادرة الخرطوم في الخامسة مساءً باتجاه ود مدني لترى وتتأكد فعلاً هل حاتم الطائي هو أكرم العرب أم أن إنسان الجزيرة هو أكرم من مشى على قدمين من قبل حاتم وحتى بعد هيثم وهيفاء ونانسي كمان؟
وبهذه المناسبة أدعوها لزيارة مضارب قبيلتي في كردفان بعد شهر يوليو من كل عام لترى العجب العجاب وتتأكد بنفسها أن السودان سودانين أحدهما بتاع خرطوم أحمد والتاني بتاعنا نحن ناس أم طرقاً عراض. فيا أستاذة خلي بالك من كتاباتك وما تجرحي مشاعر الناس الطيبين والبسيطين وتحاولين فرض أُتوكيت الخرتوم والمدن على إنسان الريف البسيط وإلا طبّقنا عليك القول عنوان المقال. (العوج راي والعديل راي).
كباشي النور الصافي

United Arab Emirates [عنكبة] 12-27-2014 02:25 AM
يا اخوى المغبون لا تخلط الاوراق النصيحة حاااااره وأتوقع غيرك الكيثرين لن يقبلوا كلام هذه البنية وستأخذهم العاطفة سوف يكيلوا لها الشتائم ربما خليك منطقى واعترف بالحقائق بدل النفى حاول وعي اهلك بالجزيرة هذا واقع حالكم حتى فى المدن وليس زماااان كما تقول ومن هنا استوحوا تلك النكته التى ضج لها العربان اما ذالك القاضى تحدث عن قصص مخزية حدتث بسبب هذا التداخل أولهذا وصفته قاطع رحم اما تريد ينصهر فى هذا الحال حتى يكون ضمن هذه القصص التى تحسره ويقول الحالة واااحدة


#1176734 [awad ameen]
4.07/5 (5 صوت)

12-26-2014 10:20 AM
يومتا شفتها في التلفزيون ساعة شباب والله سمحة ما شاء الله لكن
سهير انتي متزوجة ؟

[awad ameen]

#1176716 [ابوعبدالله]
4.13/5 (8 صوت)

12-26-2014 09:38 AM
يسلم قلمك يااستادة

[ابوعبدالله]

#1176714 [عصمتووف]
4.19/5 (6 صوت)

12-26-2014 09:31 AM
نسيت حاجة ي سهوره
غيري صورتك لامنشوره اعلاه وانزلي محلها صورتك الحالية وتعليقاتي القادمة عن الصورة فقط ايقي مثل الفاتح جبره لايوق وملاح ويكة

[عصمتووف]

#1176710 [عصمتووف]
4.19/5 (7 صوت)

12-26-2014 09:22 AM
عدم الشغلة غايتوا *الاخلاقية* هي حالات شاذه وتحصل ف اي مكان وزمان قرية مدينه فريق حله انت تعانين من عقده لا نعرفها مره شارع النيل والان الاتهام الموجة لمواطنين الجزيرة والله لا اعرف الجزيرة زرتها ف حياتي مرتان فقط ولا اصدق ما تكتبين هل عشتي الحدث ام سماعي او كتابي كما ذكره مرسل الرساله الماحي دفع الله احتمال يكون متنطع ومتشدد ف الصحفي الاصلي ينقل الخبر ويعكسه بعد معايشته حقيقة لو عشت مع المومسات والخمرجيات والحشاشات واللصوص والسجون وحتي البيوت المذكور بالجزيره هل تلصلص وتحرش بك احد من اصحاب المنزل او الجيران كنا نصدقك نحن بخير حتي هذه اللحظة لكن نهجكم في عرض الحالات الشاذه هو ما يزيدها نحن ليس بمجتمع ملائكي وليس فينا سيدنا يوسف ولا داعي لتشكيك الجيران والاهل في بعض والحمدالله وربنا يهدي الجميع

[عصمتووف]

ردود على عصمتووف
[كاره الكيزان] 12-27-2014 07:21 AM
عصمتووف هل هذا حديث عصمتووف المعلق المعروف وحده لا شريك له ولا في عصمتووف آخر سارق للعلامة التجارية
لانه الكلام ده والكلام الفوق منه بالاخص ما بشبه عصمتووف


#1176708 [مريم الشجاعة]
4.19/5 (6 صوت)

12-26-2014 09:19 AM
مريم الشجاعة
الحكاية دي وأصلانا هنا في إنجلترا بصورة أفظع يقول ليك فلان جاي للعلاج أمشوا استقبلوهو وجيبوهو وودهو وعالجوهو وفلان يجي يستبيح الشقيقة الضيقة الاماك من الصقيع ماتقيف معاهو وووب عليك. وانت تكون شغال زي التور في الساقية. من ضلامها لي ضلامها أصلو علامها هنا مافي(مافي شمس).
يقول ليك ما ديل مرطبييين ومبسوطين.
ياناس نحنا مدروشين درش تمام. نحنا هنا ماسياح نسكن في قلب عاصمة الضباب وبنجي مارين بمعالمها الأثرية مرور الكرام لا عندنا ليها وقت لاعندنا ليها قروش. ياناس ماتبنوا التوقعات والاحلام على تعب الغلابة المشردين من بلدهم ومهرودين كمااااااااان.

[مريم الشجاعة]

#1176695 [التقى النقيض]
4.19/5 (6 صوت)

12-26-2014 08:40 AM
في المسلميه يضيفونك في ديوان بانينو هناك بعيد من البيوت في طرف الحله
وماان تفلل الواطه تحدث أشياء عجيبه اذ يحضر لك النسوان صينية العشا وتلاجة شاهي لزوم الضيافه آى والله النسوان
مخترقات الظلام الدامس في المسافه مابين بيوت الحله والديوان ولا تعرف تحديدا من الذى ارسل لك العشا .
ولا تمانع من احضرت العشا ان تتناوله معك لو عزمت عليها فتخلع توبا فالحاله واحده ثم تجلس قبالتك لتأكلا سويا
وتتبادلون الحديث والاخبار ويتطور الامر لتبادل الضحكات وبعد تناول الشاهي تكون الحاله واحده قد بلغت قمتها
ليتطور الامر طوال الليل لأمور لاداعي لذكرها فاللبيب الاشارة يفهم.
وفي الصباح الباكر تصجو من نومك لتجدها وصينية العشا وتلاجة الشاهي فص ملح وداب ولن تستطيع تذكر حتى شكلها
فالظلام كان دامسا والصمت والهدوء الا من اصوات كلاب هناك تعم المكان بأسره.
الحاله واحده في الجزيره ثقافة تعم معظم القرى والحلال ويعتبرونها مافيها حاجه مالحاله واحده.!!!!!
وهي من الامور الجايطه المسكوت عنها وكل ابناء وبنات الجزيره يعلمون ذلك ولا يجرؤون علي تناول الأمر.

[التقى النقيض]

ردود على التقى النقيض
Saudi Arabia [ساساق] 12-27-2014 11:58 AM
يا زول ما تشد حيلك او تشيل ليك صينية وتمشي على ضيوف الديوان دا احسن ليك من تكتب


#1176688 [عل الناس بخير]
4.19/5 (6 صوت)

12-26-2014 08:26 AM
يطرشني اكان فهمت حاجة ... دايما مستعجلة ي سهير يعني الكلام المجوبك دا الا تلحقي السوق .. تلفحي الكلام وتلتقي ساي .. احلق دا لو انت فاهمة الكلام دا

[عل الناس بخير]

ردود على عل الناس بخير
European Union [ابوعبدالله] 12-26-2014 09:39 AM
لاتدفن راسك في التراب وتعمل مافاهم


#1176647 [ود الجزيره]
4.00/5 (4 صوت)

12-26-2014 07:06 AM
استاذه سهير كتاباتك من المفترض ان يقرائها من سن 18 عام لان به اثاره اني اتفق معك فهي تحل بعض الاشكالات الاسريه

[ود الجزيره]

#1176644 [ود الجزيره]
4.19/5 (6 صوت)

12-26-2014 07:01 AM
دايما يا سهير كتاباتك بتذكرني بي الروائي المصري نجيب محفوظ يعني بالعربي الواضح بتسيري مواضيع حساسه او علاقات حميمه ومواضيعك لا تخرج كثير عن العلاقات الجنسيه ودائما اتخيل كتاب موسم الهجره الي الشمال عندما اقرا مواضيعك... فلنرجع ال مولانا الذي امدك ببعض الماسي الاسريه فهنا دار في خاطري الكثير مثلا احد المراهقين دخل غرفة نوم احد المحرمات فوجدها في وضع غير لايق وتلك المراءة زوجها مغترب فماذا يحصل

[ود الجزيره]

#1176640 [متداخل]
4.19/5 (7 صوت)

12-26-2014 06:54 AM
أصبحنا ما فاهمين انت صحفية ولا امام جامع, نقدك لاهل الجزيرة فى عاداتهم التى نشأوا عليها من تداخل ليس بألضرورة أن تكون سيئة فى مجتمعات بسيطة محدودة يغلب عليها الطابع العفوى التكافلى, لماذا لديك دائما الحوجة فى أن تغلفى كل شئ وكل صغيرة وكبيرة بنوع من الريبة وسؤ الظن فى الناس عامة, اليس من الافضل التخلى عن النظرة السوداوية السلبية وترى مجتمعات أهل الجزيرة على أنها أصيلة متعاضدة لم يمسها فساد أهل المدن من العزلة والانانية والبرود الاجتماعى, أتركى أهل الجزيرة فى حالهم فهم أقدر على تكييف ما يناسب حياتهم التى يعيشونها منذ مئات السنين من قبل أن تولدى أنت, وخليك مع النظام العام فى العاصمة.

[متداخل]

ردود على متداخل
United Arab Emirates [بت أمدرمان] 12-27-2014 12:04 PM
عفارم عليك، كلام في الصميم. دى موهومة


#1176618 [المشروع]
4.19/5 (6 صوت)

12-26-2014 06:14 AM
انت بت جيبي الظواهر السلبية دي من وين ولماذا تلتقطى هذه الظواهر بالمناقيش من اجل ان تبرزيها الى العلانية فالانسان ينظر الى الجانب الايجابي من الشئ وان الظواهر السلبية سوف تتحات وتنهار كالاوراق الصفراء واحدة تلو الاخرى وهي كأنواع النباتات التي تنبت عقب نزول الامطار لا تلبث الا ان تموت وتختفى فغالبية الظواهر التي تتحدثين عنها من هذا النوع سرعان ما تنتهي وان النسيان هو افضل شئ تواجه به مثل هذه الاشياء..
انت كاتبة لك قلم سيال وامل ان يوجه للظواهر الايجابية وننميها ونترك السلبية وبتجاهلها سوف تموت وتسقط مثل الاف الظواهر التي سرعان ما تقوم وتختفي بذات السرعة ... فنظرات الاعجاب سرعان ما تختفي وتبقى ذكرى الكاتب العطرة في الجميل في المواضيع المفيدة.. ربما للآخرين رأي ولكل منا رأيه فيما اختار..

[المشروع]

#1176612 [صوووووولا]
4.19/5 (6 صوت)

12-26-2014 05:55 AM
يا ست سهير أكيد أنتي مش من الجزيرة ... عشان كده مستحيل تفهمي تصرفات وأخلاق أولاد الجزيرة ... هذه التصرفات الماعجباك دي ما سمعنا يوم من الأيام واحد دخل على مرت أخوه أو بنات عمه أو خالاته ... وبعدين وينا غرفة النوم البتحكي عنها ... غرفة نوم في بيوت الجزيرة ياستي حني علينا شوية ... هو البيت كله كم غرفة عشان تكون فيه غرفة نوم ... ولا بتقصدي لمن يجو الخرطوم وحتى في الخرطوم عدي ليا كم واحد عندو غرفة نوم ...يا ستي هناك تصرفات عرفية وعفوية مهما عملنا لايمكن أن نغيرهالأنها طبيعتنا ... خليك في شارعكم بتاع النيل وأقعدي أمسكي في دي مسكوها ودا بشرب ودا لقيط ... وأتمشطي بيه كان في راسك شعر... وأبعدي عن ناس الجزيرة. والبركة في الفتوشوب... ؟؟؟؟؟؟؟

[صوووووولا]

#1176602 [هاشم السر ابراهيم]
4.19/5 (6 صوت)

12-26-2014 05:38 AM
هذه الردود على الكاتبة من الفيسبوك

يا سامي اخوي البت دي فهمه شنو لي ( يتغولون ) !!!؟ و حياة الله لو فهمته فهمه للكلمة دي بفهم ليكم بقية القصة !!.
21 hrs · Like · 1
محمد المعتصم الطيبى السلفى
يتغلغلون صيغة مبالغه
21 hrs · Like · 1
Sufi Nab
لا يا محمد المعتصم الزولة دي قالت :- يتغولون .. اي و الله يتغولون !!!!!
20 hrs · Like · 1
سامى ابراهيم عبد المطلب
نابري لازم تكون عميق عشان تفهم العميقة دي الزولة دي قاصدة انو الواحد عشان يصل المطبخ ولا غرفة النوم لازم يتحول لغول وبما أنها بتتكلم عن ناس الجزيرة كلهم فعشان كده جمعتها ليك بيتغولون !

[هاشم السر ابراهيم]

#1176570 [عمر]
4.19/5 (7 صوت)

12-26-2014 04:45 AM
والله يا سهير بقيتي تتناولي المواضيع الهامه جدا . ودا كله حاصل لان الناس اصبحو بعيدين عن ما قال الله وقال الرسول صلي الله عليه وسلم ويا ايها الائمه اطرقو هذه الحالات فالامر خطير ...ممنوع ممنوع الدخول الي داخل البيوت الا باذن اهلها اليس كذلك ؟؟

[عمر]

#1176565 [ساهر]
3.38/5 (5 صوت)

12-26-2014 04:38 AM
بصفتي أحد أبناء الجزيرة والحادبين والغيورين عليها. أقول لك نعم الحالة وااااااحدة. لم نسمع طيلة عمرنا المديد بإذن الله تسبُب هذا التداخل الاجتماعي الحميم في حمل سفاح أو اغتصاب طفل أو طفلة أو غيره من ما نسمع ونرى ونشاهد اليوم في عاصمة (الجن) التي اختلط فيها الحابل بالنابل......... (لَّيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ وَلَا عَلَىٰ أَنفُسِكُمْ أَن تَأْكُلُوا مِن بُيُوتِكُمْ أَوْ بُيُوتِ آبَائِكُمْ أَوْ بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُم مَّفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَن تَأْكُلُوا جَمِيعًا أَوْ أَشْتَاتًا ۚ فَإِذَا دَخَلْتُم بُيُوتًا فَسَلِّمُوا عَلَىٰ أَنفُسِكُمْ تَحِيَّةً مِّنْ عِندِ اللَّهِ مُبَارَكَةً طَيِّبَةً ۚ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَعْقِلُونَ )

فهذا القرأن الكريم أباح لنا مؤاكلة بنات خالاتنا وعماتنا فرادى أو في (لمة) واحدة دون أي حرج. ثم أن من يدخل المطبخ ويتلاعب بالهاتف الجوال والريموت كنترول لا يدخل (توش) هكذا فجاءة بل لابد أن يستأذن في الدخول.... بل أن كثير منهم عندما يجد أي بنت لمفردها بداخل المنزل يبادر إلى المغادرة الفورية خوفاً من القيل والقال.... كمادرجت العادة أنه بعد علم أهل الدار بقدوم الشخص سواء بطرقه للباب أو إطلاق نداء تحذيري فإن كافة السيدات بالداخل يتأهبن لإصلاح حالهن كلبس الثوب أو الاعتدال في الجلسة ثم بعد أن يتأكدن من صلاح حالهن يبادرن إلى إجابته بالسماح له بالدخول.... أما إذا كان الشخص غريباً فيبادرن إلى إعلامه أن فلان غير موجود ويعقبنها بكلمة (تفضل) مما يعني أنه غير مرغوب فيه الآن.... فيبادر الشخص الغريب إلى المغادرة الفورية مع إيصال رسالة لهن تفيد إعلام فلان بأن فلان جاء هنا ولم يجدك.....

أختي زهير اعتقد أنه جانبك الصواب بمحاولتك الطرق على موضوع يعتبر من مسلمات أعرافنا التي هي في بعض الأحيان أقوى من المبادئ الإسلامية نفسها...

وبيننا وبينك الأرقام وأنت كصحفية فجميع أبواب مراكز الشرطة مفتوحة لك... فقط أذهبي إلى رئاسة شرطة الجزيرة وتحصلي على أرقام الاغتصاب والحمل السفاح المسجلة خلال الخمس سنوات الأخيرة وقارنيها بمعدلات الاغتصاب في الخرطوم وفي غيرها من الأقاليم في نفس الفترة.... أنني متأكد سوف تكون النتائج في صالح رهاني هذا....

أخيراً، نرجو أن تتفرغي لقيادة حملة توعوية بخصوص الاستخدام الأمثل لشبكات التوصل الاجتماعي وبصفة أخص الواتساب... أنني أؤمن إيماناً قاطعاً أن السبب الرئيسي وراء ارتفاع معدلات المواليد خارج المظلة الزاوجية وارتفاع معدلات الاغتصاب سببه الرئيسي هو شبكات التواصل الاجتماعي التي يتواصل فيها الشاب مع الشاب في سرية تامة وفي غفلة من الآباء وأولياء الأمور... أنظري إلى (لمة) الأهل التي انتقديتها... أنها تحدث جهاراً وعلى مشهد من الجميع وفيها قهقهات تصل عنان السماء، وتعلو الأصوات المادحة والقادحة.... أنه سمر برئ وقارني ذلك بالواتساب حيث ترسل الفتاة (الساذجة) صورة (سلفي) عن أعضائها التناسلية ل (تنبل) آخر على جهة أخرى من المعمورة... هناك فرق يا سيدتي.......... أرجو توخي الحذر عند تناول موضوعات حساسة كهذا الموضوع............ لا تفقدي قرائك من أهل الجزيرة وأنا واحد منهم..........

[ساهر]

ردود على ساهر
[ساهر] 12-27-2014 07:13 AM
رد على سوداني أنا وبقية الجوقة

قلنا ما على الأخت سهير إلا الذهاب لرئاسة شرطة الجزيرة لتحصل على (داتا) عن مساوئ هذا التداخل الحميم وبالتحديد حالات الاغتصاب والحمل السفاح ومقارنتها بالخرطوم وباقي الأقاليم.........انتهي

وبالمناسبة نحن بحاجة إلى تحديد من هو الخرطومي ومن هو الأمدرماني ومن هو الإقليمي إذ انني اعتقد أنه ليس كل من يملك بيتاً في دفرونا وطردونا وتخوم شندي يعتبر مواطنا خرطومياً ولا أمتلك منزلا أو فيلا في المنشية وكافوري قبل أقل من نصف قرن يتعبر خرطومياً الخرطوم سلوك وحضارة وليس امتلاك لمنزل أو فيلا..... فإذا كانت امتلاك العقارات يخوللك القول بأنك خرطومي فأنا خرطومي تربيع بمقياس ما أملك.... ولكن رغم ذلك لا أعتبر نفسي خرطومياً لأن نفسي تعاف هذه الصفة

Saudi Arabia [سوداني انا] 12-26-2014 06:40 PM
كلام اخونا ساهر صار زي عمنا الرئيس وينو الدليل العندو دليل يجيبو . يا عزيزي مثل هذه التصرفات موجودة واصلا لوا كلنت باينة لكل شخص صارت ما تحتاج لناصح ينصح فالاخت متاكدة وانت وانا مناكدون ان مثل هذه العادات موجودة وهي سيئة يجب علينا محاريتها مش نخرج لها فقه التحلل ودفن رؤوسنا في الرمال الا كمان تكون انت مغترب ولحقك السوط

[ود البقعة] 12-26-2014 01:27 PM
(((بل لابد أن يستأذن في الدخول.... بل أن كثير منهم عندما يجد أي بنت لمفردها بداخل المنزل يبادر إلى المغادرة الفورية خوفاً من القيل والقال.... كمادرجت العادة أنه بعد علم أهل الدار بقدوم الشخص سواء بطرقه للباب أو إطلاق نداء تحذيري فإن كافة السيدات بالداخل يتأهبن لإصلاح حالهن كلبس الثوب أو الاعتدال في الجلسة ثم بعد أن يتأكدن من صلاح حالهن يبادرن إلى إجابته بالسماح له بالدخول.... أما إذا كان الشخص غريباً فيبادرن إلى إعلامه أن فلان غير موجود ويعقبنها بكلمة (تفضل) مما يعني أنه غير مرغوب فيه الآن.... فيبادر الشخص الغريب إلى المغادرة الفورية))) . انت متأكد هنا انك بتتكلم عن الجزيرة ولا امدرمان ؟؟؟!! لو كان في كل الطرق الذكرتها دي ماكانت لمحت ليكم ، وبعدين ماتزعل لكل ريف او ضاحية سلبياتها وايجابياتها ، فغير الكلام الذكرتو الكاتبة نعرف انو اهل الجزيرة ناس طيبة وناس كرم ، وده مابمنع عفويتم الزائدة عن الحد

Saudi Arabia [The Outsider] 12-26-2014 12:10 PM
يا ساهر عهدناك سابقا من أميز المناصرين والمدافعين عن الشمارات المطروحه علي الساحه...لكن الليله الكلام دخل الحوش ودارت عليكم الدائره ويا دوب آمنت انو الديك الطالع في العده ما بتقدر تهشو...ليه؟؟؟
النتيجه معروفه طبعا...كان خليتو وكان هشيتو الحصيله تكون...غصبا عنك ح يكسر ليك العده.


#1176534 [البورت]
4.25/5 (4 صوت)

12-26-2014 03:49 AM
عسل ومنقة وقشطة وتفاحة
لي كدي ي سهير ، الجزيرة جااااااتك
المقصود بالكلام دا في اعتقادي
مش اهل الجزيرة بس
حال كل السودانيين
وحالك انتي كمان ي بت
وسعي الماعون شوية وخليه ينضح
بس ما عارف اقول ليك شنو
غير عسل وقشطة وبسكويت
والله الكلام دا كلو حاصل
المشكلة لو قلت تتبع الخطوات الصحيحة
في المسائل دي
تجيك كتاحة ام قمايم
وخصوصا من اهل بيتك

[البورت]

#1176528 [المكوي بنيران اهل العوض]
4.18/5 (9 صوت)

12-26-2014 03:37 AM
والله يا سهير اهلنا في الجزيرة حيرونا

كل الناس طوروا حياتهم الا هم

كل الناس يعرفون ان غرف النوم خاصة الا هم

تجدالواحد منهم يعلق عراقيه جنب فستان مرتك

ومصيبة تانية كمان يتصيدوا وجباتك وما يزوروك الا في وقت الوجبة

ومصيبة اكبر لو ما تعبت مرتك وعملت غداء يرضيهم يسبوك

ويشتموك هم طينة عجيبة لن تفهم الى يوم الدين

سهير اخير ليك تتكلمي عن شارع النيل

[المكوي بنيران اهل العوض]

ردود على المكوي بنيران اهل العوض
Saudi Arabia [Sadig] 12-27-2014 12:02 PM
اذا رئيسك اساء لناس الجزيرة فما بالك انت ايها الطرور

[ود البقعة] 12-26-2014 07:23 AM
براحة عليهم بالله ديل برضو ناس مساكين ساي

[هاشم السر ابراهيم] 12-26-2014 05:40 AM
ومزيداً من تعليقات الفيسبوك على مقال سهير عبد الرحيم

يا سهير غطي راسك وانتي تتحدثين عن الجزيرة واذا كان هذه مواضيعك زيدينا تهميشاً ومولاك الماحي ده ما بعرف يستر هو قعد معاك قعدة جبنة وقعد يفضفض ليك انتي يا المصلحة الاجتماعية
Yesterday at 00:01 · Like · 3
Mohammed Ibrahim Ali
الزولة دي احتمال كبير تتركب بسطونة في القريب العاجل
Yesterday at 00:12 · Like · 4
Mutwakil Fadl Kola
ماعندها سالفه
Yesterday at 00:16 · Like · 2
Nihal Hassan
البت دي قبضت نفسي وعملت لي حساسيه في نخريني..ياخ انتي مال اهلك نحن رضيانيين ومبسوطين بي البدخلو المطبخ ويتمدوا في السرير الكﻻم في الناس القاعدين في قلبنا زي الهم ولسه ناوين يقعدوا 5سنه تانيين اكتبي عنهم وحلينا منهم
Yesterday at 00:22 · Like · 4
Mutwakil Fadl Kola
وفيتي وكفيتي يادكتوره
Yesterday at 00:23 · Like · 2
وجيع الزمان
يا جماعة الزولة دي عندها عقدة اجتماعية ،، ما أكتر ده تحليل لي كتاباتها سواء صدقت مقالاتها او كذبت
الناس الفي الخرطوم احترموا البيوت لحقتهم في شارع النيل والناس الماعندهم شارع نيل لحقتهم في البيوت
اذا ساء فعل المرء ساءت ظنونه ** وصدق ما يعتاده من توهم
Yesterday at 00:29 · Edited · Like · 3
عمر تبلي
ي اخوانا المقال م ظاهر معاي ..ارجو التلخيص
Yesterday at 00:50 · Like · 1
سامى ابراهيم عبد المطلب
الغريبة يا علي الزولة دي قالوا تقدمية أو شيوعية وكانت بتكتب في صحيفة الميدان لسان الحزب الشيوعي السوداني
Yesterday at 00:54 · Like
سامى ابراهيم عبد المطلب
غايتو لو وقفت علي الباسطونة تكون هي الكسبانة يا باش
Yesterday at 00:55 · Like · 1
Mutwakil Fadl Kola
البت دي عندها انزلاق فكري في المسالك العقليه
Yesterday at 00:56 · Like · 2
سامى ابراهيم عبد المطلب
يبدوا لي يا متوكل أنو بعد موضوعها عن شارع النيل وما حققه لها من صيت أتصورت انه لازم تواصل في نفس الطريق والمرة دي إختارت ناس الجزيرة وبكرة حتقبل علي ناس النيل الأبيض ودارفور ، ولسان حالها يقول أنا أثير ضجة إذاً أنا موجودة
Yesterday at 00:58 · Like · 2
Mutwakil Fadl Kola
البت دي مغبيه اناس ها ماتشتغلوا بيها خلوها التنبح ساكت .
Yesterday at 01:03 · Like · 1
يوسف أبو صالح
يا جماعة الخير ما نزعل من النصيحة ، الزولة دى كلامها صاح بس ما وفقت فى حتة تخصيص ولاية بعينها لأنو الكلام دا فى كل ريف السودان لا تختلف فيه ولاية عن أخرى
Yesterday at 01:13 · Like · 2
ازهري مساعد
متزوجة وللا نشوف ليها عريس ؟
Yesterday at 01:14 · Unlike · 2
Adil Ahmed Mohamed
جنس تحشر غايتو إنت مالك ومال الناس ياحشرية هههههههههه ... كيدا" عليك العادات دي أصلو مابنخليها ياسهير ياقبيحة ...
Yesterday at 01:26 · Unlike · 2
الطيب الحاج
سامى تتذكر البنطلون
قول ليها لا تنهى عن خلق وتاتى مثلها
Yesterday at 01:46 · Like · 1
Kabbashi El-Safi
يا سامي قالوا قلة الشغلة بتعلم المشاط. دي بنية تربية عاصمة النوع البقول يا ولد اقفل الباب خلينا نتعدى وعليه ما يحدث في الجزيرة بالنسبة لها شئ كعب وعجيب
Yesterday at 01:50 · Like · 1
Kabbashi El-Safi
ندعوك يا استاذة سهير عبد الرحيم زيارة مضارب قبائل البقارة في الخريف - عشان الجو جميل- لترين بام عينك تداخلاً لا يخطر على بالك وبرضه عشان تعرفي حاجة عن السودان الماهو العاصمة بس ..
Yesterday at 01:51 · Like · 1
Kabbashi El-Safi
كويس يا سامي كتر خيرك الحمد لله الفطيت كردفان
لو كتبت في دار فوركلام ما عنده معنى ام كركنجي حتخبر ام بتيخ وعلى نفسها تكون قد جنت براقش
Yesterday at 01:58 · Edited · Like · 1
ناصر المحسى
ههههه سهبر نعناع وصلت الأقاليم
Yesterday at 02:08 · Like · 2
Kabbashi El-Safi
يا المحسي ورينا قصة النعناع دي شنو كمان؟
Yesterday at 02:09 · Like · 1
سامى ابراهيم عبد المطلب
اعصابك يا دكتورة نهال زي ا قال الطيب المهدي الزولة دي تبحث عن الشهرة وقد علمت أنها لا تأتي الا بمثل هذه الاساليب

Saudi Arabia [AbuAreej] 12-26-2014 04:38 AM
هذه التصرفات يعاني منها كل اهل السودان وليس اهل الجزيرة فقط الذين .. فمثل هذه التصرفات موجودة في كل السودان ما عدا (ناس الخرطوم زماااااااان) والذين تبدلت حالهم بعد اختلاط الحابل بالنابل.. وقد عايشت وشاهدت حالات كثيرة في الخرطوم (الجديد) من مختلف الولايات..
قطعاً هي تصرفات عشوائية نتيجة العادات والتقاليد في الزمن النظيف والتي بالطبع غير قابلة للنقاش..
وبالتأكيد لا بد من احترام خصوصية الاسرة حتى بين افرادها ولكن اذا بدأت في تطبيقها يبتعد عنك الاقرباء وتصبح في النهاية وحيداً رغم انك تنتهج النهج الصحيح شرعاً

اعتقد ان السودان يحتاج الى (فرمتة) في كل الجوانب ومسط الملفات القديمة وتحديث ما يمكن تحديثه واكيد سيطول الزمن حتى تجني النتيجة المرجوة..


تحياتي


سهير عبدالرحيم
سهير عبدالرحيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة