المقالات
السياسة
قصيدة (خمسة وعشرين)
قصيدة (خمسة وعشرين)
12-27-2014 12:29 PM


خمسة وعشرين ..الحق مكبوت
الحق مهضوم..الشعب العايش بالشلوت
مابين ايمانك والانكار
تتمدى قضيتك تحت البوت
تتنفس غم.. تستنشق هم
تنزف جواك مخنوق الصوت
خمسة وعشرين ..وجايات تانين
ياريس فضلا ..روح فوت

بعد السبعين فاضلك ايه؟
اوعاك تكون راجينا نموت
كملت فهمنا خلاص يازول
قصرت عمرنا الاصله قصير
مابين العيشه وهم القوت
والوجع الفينا صبح كيمان
فى وطن الهرطقة والكهنوت

خمسة وعشرين .. ومعاك لى متين
وحقوق الناس سويتها يخوت
ووفود زايرين ..ووفود غاييرين
نخبة ونواب..وحشم طاغوت
قصور تمتد مدى الابصار
تلقى المرسوم ..تلقى المنحوت
شتان مابين ..ناسا ساكنين
امبده سبيل.. وفيلل بيروت

خمسة وعشرين
الطغمة فساد
اللقمة جداد
مثنى ورباع..اسياد ورعاع
فهم( سيخة)ومنطق( نبوت)
ولحسنا الكوع.. عضانا الجوع
من لفة كوستى لى حلفا( سكوت)
خلونا نعيش..بى كسرة وعيش
يالبى التمكين قفلته بيوت

[email protected]


تعليقات 1 | إهداء 0 | زيارات 581

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1177373 [zolo]
5.00/5 (1 صوت)

12-27-2014 09:55 PM
روعـــــــة

[zolo]

محمد ابراهيم
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة