المقالات
السياسة
ما بننهزم( قصيدة)
ما بننهزم( قصيدة)
12-28-2014 08:35 PM


بسم الله الرحمن الرحيم

كمين سبب..
ممكن يخلو الهمة غاطسة غريق بعيد
في لُجة في زمن التساب..
لا نسمة شايلالا النفَس
ولا حتى قمرة ولا نجيمات تدي ضي
والسكة تتمطى وتطول..
وتتقل الخطوات قيود
والجرح ينزف..والطريق وادِّيها من بلقع ..لصي
والأمة باقية بلا دليل...
ومتاهة تتلوى وتزيد
والعتمة هي الباقيالا زي
كمين سبب..
تبقى العزايم بيها تفتر تنكسر..
وكلامنا حتى ان كان نجيض ..
يملانا شك في نفوسنا يوم نلقاهو ني
كمين سبب..
شان نبقى ضاربين الوهاد..
تتزاحم الأختام على ضهر الجواز
كل المسافات البعاد.. نطويها طي
شان تبقى جنيات الخلاف ..
تلدا الخلاف..نبراه كان يشوينا في حرايته شى
لاكين كمان..مليون سبب
بنفخ يشيل كل الرماد ..يشعل حريق ..
ينفض من الروح الغبار..
يتفجر البركان صهير..نيران وكي
تنفكْ قيود..ونحطم الأصنام نعلق فاسنا
في الصنم الكبير ...
تشرق شموس..ترحل جيوش الظُلمة..
يختال الشعاع فوق الدروب..
ينبت قمح..بي فرحة تتفتح ورود..
أطفال بتلعب في شليل ..
في قمره فارشة الفضة فوق قيزان رمال
تروى الحقول..مع فجة الفجر الجديد
في زروعا كم يرقش نِدَي
ما بننكسر ..ما بننهزم..
بطلع من الجرح النشيد..يبقى الهتاف
لا قهر لا خوف لا حزُن..
وكنار يغني على الأراك عند الوِدي

معمر حسن محمد نور
28/12/2014
[email protected]


تعليقات 0 | إهداء 0 | زيارات 484

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




معمر حسن محمد نور
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة