قال ايه؟ شفافية
01-07-2015 12:52 PM


إقرأ القطعة التالية ثم أجب على الأسئلة بإختيار الإجابة الصحيحة بعد التأكد من إنك لائق طبياً :
قال رئيس الهيئة التشريعية القومية د. الفاتح عزالدين (نحن متقدمون على سائر الدول في الكرة الأرضية في مجال قوانين الحفاظ على المال العام ومكافحة الفساد) ثم أضاف (السودان مثال في الشفافية المتعلقة بالأداء الحكومي ونحن نعيش أفضل فترة في ما يلي الحفاظ على المال العام) ونبه عزالدين إلى أن الفساد لا يقاس بحجم الأموال المعتدى عليها وإنما بتوفر القوانين والتشريعات المعنية بمكافحة الفساد) وقال (إستقلالية المراجع العام وولايته على كل المرافق الحكومية لا توجد في كل الدول المحيطة بنا) ..

الأسئلة :
س1 : في أي شئ نحن متقدمون على سائر الدول في الكرة الأرضية؟
1- التكنولوجيا
2- البيولوجيا
3- الفسيولوجيا
4- مكافحة الفساد

س2 : ما هو مقياس حجم الفساد؟
1- مقدار اللبن المسكوب
2- مقدار المال المنهوب
3- مقدار البلد المنكوب
4- مقدار توفر القوانين

س3 : هل توجد دول محيطة بنا التي لا تمارس إستقلالية المراجع العام وولايته على كل المرافق الحكومية؟
1- إحتمال
2- جائز
3- ربما
4- أنحنا مالنا و مالا

س4 : ما هي أفضل فترة عاشتها البلاد في ما يلي الحفاظ على المال العام؟
1- فترة العصر الحجري القديم
2- فترة العصر الحجري الوسيط
3- فترة العصر الحديث
4- فترة العصر (ده) … بكسر الصاد !

س5: هل للمراجع العام ولاية على كل المرافق الحكومية ؟
1- مش كووولها
2- جزء منها
3- ما عدا كم وزارة ومؤسسه كده
4- كل الإجابات صحيحة

س6 : إذا كان الفساد لا يقاس بحجم الأموال المعتدى عليها وإنما بتوفر القوانين والتشريعات المعنية بمكافحة الفساد .. فكيف يتم قياس الأعطال لماركة عربات ما أثبتت فسادها :
1- بتوفر كتيب التشغيل (الكاتالوج)
2- بتوفر الميكانيكي الشاطر
3- بتوفر قطع الغيار
4- بتوفر شرطة المرور

س7 : أي من هذه المواد القانونية والتشريعات معنية بمكافحة الفساد؟
1- التبلل
2- التعلل
3- التخلل
4- التحلل

س8 : إذا كنا نحن متقدمون على سائر الدول في الكرة الأرضية في مجال قوانين الحفاظ على المال العام ومكافحة الفساد … أي من هذه الدول لا توجد بالكرة الأرضية ؟
1- السويد
2- النرويج
3- كندا
4- نيوزيلندا

س9: ما هي الظاهرة التي تدل على عدم ولايه المراجع العام على كل المرافق الحكومية ؟
1- التفحيط
2- التجريد
3- التحريض
4- التجنيب

س 10 : هل تعتقد أن دولة (أمازونيا) تعد مثالاً في الشفافية المتعلقة بالأداء الحكومي ؟
1- ههههه ههههاي
2- بالله بطل هظار
3- ياااااخ بتـــبالغ
4- ياااا راجل قول كلام تاااني !!

كسرة :
قال ايه ؟ شفافية … شفافية هيثرووو؟؟؟ … هات الحبوووب ياااا ولد !!

تنبيه :
توجد (واو) جديدة لعام جديد .. وكل سنة وإنتو طيبين !!

كسرة ثابتة (قديمة)
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)

كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و) !


تعليقات 11 | إهداء 0 | زيارات 4668

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1183724 [mutasim]
5.00/5 (1 صوت)

01-08-2015 07:45 AM
بس لو يورونا بشترو من ياتو معلم ...

[mutasim]

#1183618 [هاشم السر ابراهيم]
0.00/5 (0 صوت)

01-07-2015 11:32 PM
يامحمود ود احمد السلام عليك
هيثرو في حد ذاته اسم خواجة بريطاني زي سندوتش.. ومطار لندن الكبير واكبر مطار في العالم يقع في هذه المنطقة ولذا اسموه مطار هيثرو
كان الخطوط السودانية سودانير تحط يوميا في مطار هيثرو من خمسينيات القرن الماضي ولكن بعد ما اصابها ما اصاب الوطن كله قام الشريف ود بدر ومن معه ببيع الخط المهم والاول في العالم لشركة الخطوط الجوية الكويتية لتهبط اكثر من مرة بمطار هيثرو وهذا ما بتحث عنه كل شركات الطيران العالمية
المصيبة الخط اتباع والقروش ما نزلت في حساب حكومة السودان نزلت في حساب جهة ما والسودان طلع صفر معاك الواحد.

[هاشم السر ابراهيم]

#1183542 [ربوع السودان]
0.00/5 (0 صوت)

01-07-2015 07:36 PM
قال دكتور قال وقال شفافية اين هي الشفافية وتقارير المراجع العام مليان بالنهب والسلب ويشير الى اموال التجنيب البدعة التي اتى بها هؤلاء ولايستطيع المراجع العام مراجعة المال المجنب لانه خارج الحسابات الرسمية ولا يستطيع مراجعة المصروف منه وهذا قمة الفساد الوزير هو من يصرف او ينهب على كيفه قال شفافية قال قوم لف

[ربوع السودان]

#1183507 [عمار]
0.00/5 (0 صوت)

01-07-2015 05:37 PM
تصريحات المسئولين السودانيين بقيت غريبة جدا , كانو خريجين سنة سادسة ابتدائي , تصريحات غبية ومضحكة ومثيرة للشفقة في نفس الوقت , يا جماعة كفاية مهزلة العالم بقي ينكت فيكم ويضحك عليكم في كل وقت , ده شنووو ده كفاية تخنيث

[عمار]

#1183504 [مبارك]
4.00/5 (2 صوت)

01-07-2015 05:23 PM
هذا الرد لاخونا محمود ود احمد الذي يبدو انه لا يعلم شيئا عن خط هيثرو واليك نبذة قصيرة عنه والاخ الفاتح جبرا يعلم عنه الكثير :
يعتبر خط هيثرو من أعرق الخطوط ويليه فى الأهمية خط القاهرة ثم «الخرطوم ــ جدة»، وكانت تلك الخطوط تشكل عصب الحياة لشركة الخطوط الجوية السودانية، وزادت أهمية ذلك الخط عندما تم فتح خطوط روما وباريس وأمستردام، وكان خط هيثرو يعمل مباشرة بين «الخرطوم ـ لندن»، وكانت الخطوط الجوية السودانية تعمل بطريق «الخرطوم ــ القاهرة ــ روما ــ لندن»، وبذلك تشكل رابطاً بين الخرطوم ومختلف دول أوروبا التى يزورها آلاف السودانيين، و يعتبر خط هيثرو من أفضل خطوط الطيران العاملة فى الشرق الأوسط إذ يؤمن رحلاته لأكثر من «180» وجهة لأكثر من «90» دولة بالعالم، وظل يحقق أرباحاً كبيرة عندما كان يعمل وفق إدارة ممتازة، كما كان نقطة ارتكاز إستراتيجية، وببيع الخط فقد السودان لاهم نشاط اقتصادي .
فخط هيثرو كان يربط الخرطوم بالعاصمة البريطانية لندن ويعتبر من أقدم وأهم الخطوط المربحة للخطوط الجوية السودانية، والحصول على مثل هذا الخط في حد ذاته اعتراف له دلالاته الاقتصادية، وهو منحة من ملكة بريطانيا للسودان في عام 1947م بوصفه امتيازاً خاصاً للخطوط السودانية، وبالتالي فإن الخط كان إستراتيجياً وخطاً أحمر، غير أن الحكومة فرطت فيه بالبيع في الفترة التي تسلمت فيها شركة عارف إدارة سودانير.

[مبارك]

ردود على مبارك
European Union [كاره الكيزان] 01-08-2015 06:33 AM
أنت يا مواطن لو عندك قيمة وبتجيب دولارات كويسه كانوا باعوك زمان.


#1183503 [ياسودان معليش]
0.00/5 (0 صوت)

01-07-2015 05:22 PM
(يكذب حتى يكتب عند الله كذابا)..الحديث

مثل هذا الرجل يجب ان يحاكم او يستقيل

لانه يجلس علي قمة جهاز محاسبة مفترض ان يمثل مصلحة الشعب
ويحمى امواله
الفاتح والفاتح للفساد مقياس مفصلي اساسي واحد:
حجم الاموال المنهوبة باي شكل كان ونوعية سارقيه

الهي ينتقم منك اليوم قبل الغد.

[ياسودان معليش]

#1183485 [alkooda]
1.00/5 (2 صوت)

01-07-2015 04:53 PM
والله والله والله نحنا عاملين فيها رجال وشرفاء وووووووووووووووو ولكننا كسودانيين نحن اسؤا من يمشى على وجه الارض ولا نملك شء من عزة النفس التى كنا نملكها قبل ان ياتى هولاء الفاقد التربوى الى سدة الحكم ودمروا ما كان يسمى بالانسان السودانى اصبحنا مثال لكل ما هو سيء فى اى مجال وفى اى مكان من العالم للاسف الشديد حتى الدعارة التى كان يمارسها الاجانب اصبحنا من روادها لا حول ولا قوة الا بالله

[alkooda]

#1183388 [التمساح]
5.00/5 (1 صوت)

01-07-2015 01:29 PM
برلمان وصمة عار فى تاريخ السودان ومسئوليين أزرقية وأبواق للنظام والفساد ,وإذا لم تستح فأصنع ما شئت,,,,,, قال برلمان قال ههههههههههههههههههههههههههههههههههههههههههه

[التمساح]

ردود على التمساح
European Union [عمار] 01-07-2015 05:38 PM
قصدك البرطمان السوداني ههههههه المامبو سوداني والمامبو في كياني ماااااااامبو


#1183380 [مبارك]
4.75/5 (4 صوت)

01-07-2015 01:20 PM
يالفاتح جبرا الرئيس البشير اكبر حرامي في وجه الارض عشان كدة والى ان ينتفض الشعب فملف هيثرو سوف لن يرى النور لسبب بسيط الرئيس ماسحين ليه شنبو زي ما مسحو ليه شنبو في اموال طريق الغرب . عجبني ردك على التمساح الشريف احمد عمر بدر خلال قناة الشروق ، وهو من شكله حرامي كبير ومحترف ، بس من النوعية البيقتل القتيل ويمشي في جنازته .

[مبارك]

ردود على مبارك
European Union [عمار] 01-07-2015 05:41 PM
يا محمود هيثرو ده اكبر مطار في لندن , الخط من الجوي من الخرطوم الي لندن اتباع للكويتيين مقابل حفنه دولارات , وانتا طبعا عارف الزمن ده السوداني مستعد يبيع وطنه واهله ودينه زاتو مقابل الدولارات

[محمود ود احمد] 01-07-2015 02:06 PM
أنا داير أسأل الفاتح يا مبارك بعدما قلت الزول مسحو ليهو شنبو هو هيثرو دا ملف يعنى ما إسم خواجه صراحه والله ما إستهبال كان انت ولا جبره يشرح لينا هيثرو دا شنو فى شان ماكلين لحم رئيسنا بالواوات المردمة كوم دى


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة