المقالات
مكتبة كتاب المقالات والأعمدة
الفاتح يوسف جبرا
كلام عجيب - قبل المواصلة في قراءة المقال تأكد من إنك لائق طبياً
كلام عجيب - قبل المواصلة في قراءة المقال تأكد من إنك لائق طبياً
01-09-2015 09:54 AM


تنبيه :
قبل المواصلة في قراءة المقال تأكد من إنك لائق طبياً وغير مصاب بالمصران العصبي أو أمراض القلب أو إلتهاب المرارة ..
المقال :
جاء بعدد هذه الصحيفة ليوم الإثنين الماضي الموافق 5 يناير 2015م تحت عنوان رئيس (عقد حكومي بـ(3) مليارات لصالح شركة وزير ) ... ما يلي :
كشف مصدر موثوق عن توقيع عقد بما يقارب الثلاثة مليارات جنيه لصالح شركة وزير ولائي بالقضارف لتنفيذ مشروعات تنموية بالولاية وأبلغ المصدر (التيار) بأن شركة (ض) المملوكة لوزير التخطيط بالقضارف (عادل الجنيد) قد وقعت عقداً بوزارة المالية بالولاية لتنفيذ وحدات تعليمية بمحلية المفازة عبر الإستدانة المصرفية بحوالى 2.5 مليار جنيه سوداني بجانب 30% كلفة التمويل ليرتفع إجمالي التمويل إلى حوالى ثلاثة مليارات بالقديم حيث وقع إنابة عن الشركة (م. أ.أ) ومن جهته أقر وزير التخطيط بالقضارف (عادل الجنيد) بأن شركته قد وقعت عقداً لتنفيذ مشروعات تنموية بالولاية لكنه لفت إلى أن العطاء قد رسا على الشركة قبل تقلده لمنصب الوزير ، وقد صرح وزير التخطيط بالقضارف للتيار بأنه بعد هذا العطاء قد أوقف عمله الخاص رسمياً لحين انتهاء فترة تكليفه وأردف (هذا التزام مني بذلك) !!!
س (و) جيم :
س: هل يمتلك الوزراء شركات خاصة بهم ؟ وللا دي حالة خاصة؟
ج : حالة بتاعت مين؟ معظم الوزراء والمسؤولين عندهم شركات ومشاريع وأعمال تجارية
س: ألم ينه الإسلام عن ذلك ناهيك عن القوانين الوضعية ؟
ج: إسلام مين يا عم .. الشغال بموجهات الإسلام منوووو
س: هل تعتقد بأن الوزير (عادل الجنيد) وزير التخطيط بالقضارف كادر (إسلامي)؟
ج: يعني ح يكون كادر (سينمائي)
س: هل تعتقد بان هذا العطاء قد رسا لصالح شركة الوزير عبر منافسة شريفة؟
ج: شريفة فاضل ؟
س: هل تعتقد بأن ما قام به هذا الوزير المسؤول يمكن أن يقوم به وزير في احدي الدول الكافرة؟
ج : لا طبعن يستحيل ... عشان هما ح يمشوا النار بعدين !!
س: هل تتوقع أن تكون هنالك محاسبة؟
ج: في كلية التجارة ممكن!
س: لماذا وقع (م. أ.أ) العقد إنابة عن شركة الوزير ولم يوقعه الوزير شخصياً وهو صاحب الشركة؟
ج: يعني عاوزو يوقع هو؟ ما بتبقى ظااااهرة !!
س: ما رأئك في إفادة الوزير بأن العطاء رسا على شركتو قبل ما يبقى وزير؟
ج: كان يعتذر عن المنصب لو أصلو الحكاية (قبل) يكون وزير
س: يعني الوزير ده في الحالتين متورط والقصة فيها شبهة فساد؟
ج: ده شيء (منتهي) وما عاوز ليهو كلام ..
س: هل هنالك علاقة بين كونه وزير للتخطيط وبين أن تشارك شركتو في (التنمية) ؟
ج: بالطبع هنالك علاقة فهو (يخطط) لتنمية (أرصدتو)
س: لأي شركة من الشركات المشاركة في التنمية سيمنح (الوزير) نجمة الإنجاز ؟
ج: شركتو طبعن (دي عاوزة ليها كلام)
س: هل أقر وزير التخطيط بالقضارف بالفعل بأن شركته قد وقعت عقداً لتنفيذ مشروعات تنموية بالولاية ؟
ج: تتخيل إنو (اعترف) وبدون أي خجل (عااااادي ... فيها شنووو) !
س: ما تعليقكم على تصريح الوزير بأنه بعد هذا العطاء قد التزم بأن يوقف عمله الخاص رسمياً لحين انتهاء فترة تكليفه ؟؟؟
ج : هههههههههه هههههههاي
س: بتضحك مالك؟
ج: يعني بعد العملو دة ح يقعد في منصبو لحين انتهاء فترة تكليفو؟ ... كلام عجيب والله

كسرة :
العبد لله يبصم بالعشرة بإنو (كلام زي ده) ما بحصل وللا في أي حتة في (الكرة الأرضية) ... يااا ولد هاااات الحبووووب !!

كسرة ثابتة (قديمة)
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و) !



[email protected]



تعليقات 17 | إهداء 0 | زيارات 6884

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1185498 [koko]
0.00/5 (0 صوت)

01-11-2015 10:36 AM
ههههههههههههههههههههههههههههههههههههههههههههههههههههههههههههههههههههههههههههههه
مخير الله

[koko]

#1184998 [Hamid]
0.00/5 (0 صوت)

01-10-2015 01:00 PM
هههههههههههههههههههههههههههه

[Hamid]

#1184980 [ود البوب]
0.00/5 (0 صوت)

01-10-2015 12:33 PM
مال السحت

لهم يوم ان شاء الله

والله يمهل ولا يهمل

[ود البوب]

#1184656 [حقانى]
0.00/5 (0 صوت)

01-09-2015 10:01 PM
والله يااستاذ الفاتح انت انسان طيب ,ياخ انت ليك كم سنة ماسك لى فى كسرة خط هيثرو والطيارات البتوديك لى هيثرو ذاته لهفوها ناس الشريف بدر وناس عارف والفيحاء وقسموا اسهمهابين اهل التمكين و عارف بعدما شبعت باعت نصيبها للحكومة بس المرة دى مافي ولاطيارة واحدة صالحة فى واحدة جاهزة بنسبة 75% بجازفوا بيها الطيارين رجالة ساى وطبعا اصحاب الاسهم شالوا حقهم كاملا او احتفظوا بيه أسهم فى الشركة الجديدة ونفس الحكاية الخطوط البحرية السودانية والسكك الحديدية ومشروع الجزيرة ومصانع السكر والوزراء كلهم شغالين كدا .المتعافى ماقال عنده 20 شركة واخوانه 20 وهسع بعمل ليه فى مصنع سكر.والوزير المايشتغل بشغل اخوانو و قبيلته كلها. وانت ماسك لى فى وزير عمل عقد بثلاثة مليار ياخ ملازم مكتب والى الخرطوم لعف ليه91 مليار بدون اى عقد. غايتو الله يكون فى عون البلد الغنى بى موارده واهله فقراء غنى باراضيه الخصبةالتى لم يستثمر منها أكثر من15% ومياهه; امطا وانهار ومياه جوفية ثروة حيوانية لا تحصى ولاتعد, ثروة سمكية لم تستثمر بعد ,كنوز فى باطن الارض فىها البترول ,الغاز,اليورانيم والذهب والماس ,ورغم هذا كله مصنف من بين أفقر دول العالم ونسبة الفقر فيه قرابة ال47% وفيه 14 مليون شخص تحت خط الفقر منهم 8% تحت الفقر المتقع.بلد كانوا ينادونه بسلة غذاءالعالم وتارة بسلة غذاءالعالم العربى , ونحن الجوع كاتل اهلنا !!!!
-كالعير فى البيداء يقتلها الظمأ والماء فوق ظهورها محمول)وكل خيرات البلد مستأثر بها فئة لا تشكل أكثر من 2% (حسبنا الله ونعم الوكيل) بالله عليكم لو كنا استثمرنا مليارات الدولارات الجات من البترول فى النهوض بمشروع الجزيرة وزراعة اراضى الشملية بالقمح وطورنا الزراعة والصناعات الزراعية ما كان احسن ؟بالمناسبة دى مليارات الدولارات بتاعت البترول ودوها وين ؟ هل صحيح بيستثمروا لينا فيها فى مليزيا ؟؟ وهى كم؟ انا افتكر يا فاتح كسرة خط هيثرو دى خليك منها لغاية مايجيبو طيارة واكسر لينا بى مليارات البترول وديتوها وين ؟ وهى كم ؟؟

















اثر بيه

[حقانى]

#1184629 [فتح الرحمن السر محمد]
0.00/5 (0 صوت)

01-09-2015 08:15 PM
سرق ابليس دمر ابليس زورابليس ..........ابليس ما الغرابة في ذلك
وجه الغرابة في من سرقت حقوقه وزورت ارادته

[فتح الرحمن السر محمد]

#1184571 [abushihab]
5.00/5 (1 صوت)

01-09-2015 05:40 PM
اسلام مين يا عم........خوفى با صحبى علماء السلطان ىصدرو فتوى يلحقوك محمود محمد طه.

[abushihab]

#1184567 [صالة المغادرة]
5.00/5 (1 صوت)

01-09-2015 05:33 PM
يا جبرة انت ما سمعت بقصة ام عشم الله قبضها حاج مضوى داخل الجبراكة الخاصة به وقفتها مليانة قنقر يعنى حالة تلبس زى ما بيقولوا ناس القانون قال ليها قبل كده ان حذرتك عن طريق اختك وبرضو لسه مصرة على سرقة القنقر قالت ليهو حاشاها ام عشم الله من سرقة القنقر شيل قنقرك وادينى قفتى ما عايزة معاك لخبتة 0 ولناس البندر نشرح مفردة جبراكة وهى مزرعة صغيرة يتعامل معها اهل الريف والقفة معقولة تكونوا ما عارفنها والانقاذ مرقتكم بقد القفة 26 سنة والقنقر هو قندول العيش وعقلية ام عشم الله هى عقلية الوزير الحرامى عادل الجنيد وبقية عصابة الرقاص والنصيحة ام عشم الله مع قوة عينها محتاجة لكن ناس هى لله هى لله ديل نقول فيهم شنو والله يا جبرة انا خايف عليك يوم من الصباح تلقى راسك مافى من الفضائح والمحن والبلاوى يا لطيف من عواسة الليل ام دقيقا دراش .

[صالة المغادرة]

ردود على صالة المغادرة
[جنو منو] 01-11-2015 08:45 AM
تعرف يا صالة المغادرة احلى حاجة فى تعليقك .. يا لطيف من عواسة الليل ام دقيقا
دراش .. ايديك العافية . واقول للاخ جبرة انو الويز ابى يوقع لية ؟ انت قايلو كيشة
ولاشنو .. او كما قال من سبقة الوزير صاحبنا المتعافن زمان.امن كان بمعت فى الجداد


#1184565 [Almisahir fi izallail]
0.00/5 (0 صوت)

01-09-2015 05:29 PM
يا اخ يا فاتح يا جبرا.. ارزااااق!! ويرزق من يشاء بغير حساب!!
يعنى عاوزنو يلوقع هو على العقد.. والله انتو ألأمركم عجب! وعجب عجاب كمان! لييييه
"هوّ كيشه"!! او كما قال! فضوها سيره وياناس يا شر بطلو أررر . وخلّو الخلق لخالقها وقوموا لأستكمال وثوبكم ووقوعكم على زمكّكم فينكسر وترتاحوا.."كتلوك ولا جوك جوك"!!

[Almisahir fi izallail]

ردود على Almisahir fi izallail
[pronile] 01-10-2015 11:46 AM
هلا شرحت لنا ماتعنية أخونا المساهر


#1184558 [ابن السودان البار]
4.00/5 (1 صوت)

01-09-2015 04:56 PM
زمان كنا بنسمع كبارنا في ونستهم بيقولوا والله ابن فلان ما شاء الله عليه ادوه وظيفة حلوة استفاد منها فائدة عظيمة بني بيته وعلم اولاده واشتري بيت في لندن بيصيف فيه هو واولاده كل سنة؟؟؟ فيا دوبك فهمنا كلمة استفادة دي معناها شنو ؟؟؟ ياربي تكون يعني سرقة والا شنو ياجبرا ؟؟؟ فما تبقي حاسد يا جبرا خلي الناس تستفيد ؟؟؟ كسرة جوجو فين ؟؟؟

[ابن السودان البار]

#1184517 [Seek]
5.00/5 (1 صوت)

01-09-2015 03:01 PM
الفساد يمشي عاريا في بلدنا يا استاذ

[Seek]

#1184511 [رئيس جمعورية!!!]
5.00/5 (1 صوت)

01-09-2015 02:55 PM
ذي ماقالو ليك لو بني مدارس بما تعنيه الكلمة مشاريع يكون برضو كويس!!!!!!لكن حيبني كانتونات بالحجاره وبلك ويحاسب عليها بالدولار!!!وبكره تقع!!!ذي صاحبو!!!!يعدين ماقبيل سواها المتعافن!!!والصفر وووووووووو....يعني التكليف اصلن عشان المصلحة الخاصة!!!!!!!!!!!!!بالمناسبة ماتوجع قلبك!!!!!!!!!!!لانو المشافي زاته بتاعة الوزير!!!وحيدفعك دم قلبك لو هوبت ناحيتو!!!!قبل مايقول ليك اتصرف بعد مايفلسو بيك!!!!!!!

[رئيس جمعورية!!!]

#1184457 [الأزهري]
5.00/5 (1 صوت)

01-09-2015 12:57 PM
عندهم شركات ومزارع وصيدليات ومحلات تجارية ولا بدفعوا التكتحة من الضرائب والجبايات البفرضوها وهم وزراء - يعني الغريب شنو في ظل التمكين واللصوصية البحكمو بيها البلد أن تسمع أن الوزير الفلاني وقع عقد بالمليارات على شركتو الفلانية؟ يبقى عوير ما وزير إن وقَّع العقد لحرامي تاني غيرو وهو قعد ساي! ومال هو بقى وزير لشنو؟ ما عشان يرعى مصالحو. ياخي نظام الانقاض دا تفتكر الوظائف العامة فيهو بالواسطة ليه؟ ما عشان هي إقطاعية لشاغلها ليخمج مثل المؤتمرجية الآخرين حتى لو كانت وظيفة غفير لازم تكون بالواسطة بهذا المعنى - هذا هو معنى فقه التمكين عندهم والجميع يعلم ذلك. ألا ترى كيف يتصرف موظفو الجبايات والزكاة والضرائب والمرور والخدمات الحكومية مثل استخراج الشهادات والتصاريح وخلافها من الأوراق والتصديقات _ فليس هناك خدمات حقيقية ملموسة ومحسوسة مثل التعليم والصحة والمواصلات من الخدمات الواجبة على الحكومات في العالم وتعتبر سبب وجوهر وجود الحكومة نفسها- ألا ترى كيف يتصرفون وكأنهم يقتضون مستحقات شخصية لهم على المواطنين لدرجة أنهم يهينون فيها كرامته بل يستخدمون فيها السلاح وقد يقتلونه وكأن البلد ما فيها قضاء فالكل يأخذ حقه بقوة سلطة الحكومة وسلاحها وأمنجيتها - ففي هذا السياق أفهم ياجبرا اعتراف وزيرك دا وما في داعي للاندهاش - افهم فقه التمكين أولا ثم تأمل في التصرفات تجد الأمر عادي...

[الأزهري]

#1184440 [ود الركابي]
5.00/5 (3 صوت)

01-09-2015 12:04 PM
العين بقت قوية . يااستاذ الجماعة ديل نسوا الله سبحانه وتعالي فأنساهم انفسهم . دكتور نافع قال حانسلمها لعزرائيل .. ماقلت ليك نسوا الله سبحانه وتعالي ..

[ود الركابي]

#1184437 [فرح ود تكتوك]
3.00/5 (2 صوت)

01-09-2015 11:57 AM
كان بني المدارس كويس ما قصر، ويكون أخير من غيرو في ناس بتشيل من غير ما تبني وكان بنت تبني لي نفسها، بلاش تبقي حساس ذيادة عِلي اللزوم، إنت نسيت إنو قلبك تعبان ِِ

[فرح ود تكتوك]

#1184415 [كرور]
5.00/5 (2 صوت)

01-09-2015 10:36 AM
هي للمال .. هي للمال .. كمان للجاه و السلطان .

[كرور]

#1184410 [ابن السودان البار]
5.00/5 (3 صوت)

01-09-2015 10:27 AM
سيجيبك علي هذا السؤال مستشار رئيس جمهورية السودان الاسلامية خالص طفل الميرغني الجده النبي المبروك سيدي جوجو (حلاتو) يلحق سودانا وينجده ؟؟؟ اخ حلفاوي مرت بجنبه جنازة سال المرحوم مات بايه ؟؟؟ اجابوه. بملاريا رد عليهم وقال بسيته ؟؟؟ فحكايتك دي بسيته ! مارئيسك البشير بجلالة قدره يراس مجلس ادارة بنك امدرمان وسيدة السودان الاولي تراس سند. الخيرية وتستثمر بمليزيا ؟؟؟ تقدر تقول حاجة والا خايف من بيت الاشباح ؟؟؟

[ابن السودان البار]

#1184408 [الجقود ود بري]
5.00/5 (1 صوت)

01-09-2015 10:20 AM
انا لله وانا اليه راجعون
لا حول ولا قوة الا بالله اظن المرة دي مفروض تاخد حبتين
البقاء لله الفاتحه علي روح الفقيد السودان
الا لعنة الله علي الظالمين المنافقين الفاسدين المفسدين الكاذبين الحراميه اولاد الكلب

[الجقود ود بري]

ردود على الجقود ود بري
European Union [abushihab] 01-09-2015 05:44 PM
آميييييييييييييييييييييييييييييييييييييييييييييييييييييييييين


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة