المقالات
السياسة
(أنا ما كيشة)
(أنا ما كيشة)
01-18-2015 07:25 AM

بسم الله الرحمن الرحيم

( جماعة) الترابي اثروا الساحة بعبارات من غير العربي المبين فمن ( لحس الكوع) الي ( موصوها وأشربو مويتها) الي غير ذلك واذا أخذنا( أنا ما كيشة ) التي يتحفنا بها المتعافي عند كل لقاء تلفزيوني نجد ان أحدا في الجماعة كيشة وأكيش كيشة عندهم هو الترابي الذي اخذ من صحف حسن البنا وسيد قطب المصرية المنبت اخذ منهاولم يخضعها للواقع السوداني ونسج منها بيت العنكبوت التي سقط حوله المتعافي وهو طبيب عمومي يملك امر الزراعة في اكبر بلد زراعي في العالم ( طبعا مساحة)كما تلقف الشرك نافع وامين حسن عمر وعلي عثمان وبقية سيئ الذكر.
نعم انت ( ما كيشة)--- ولكن الكيشة هو الترابي الذي مكنكم علي رقاب الشعب السوداني ودفع بعمر البشير ليصطاد له السودان ويقدمه له في طبق من فضه ليتحكم فيه وطبعا طلع البشير ( ما كيشة) واستولي علي الصيد والطبق ولكنه سار علي ذات الكياشة فولاك انت واليا علي عدد من الولايات واسند مهمة بيوت الاشباح والقتل فيها الي المزارع نافع والخارجية الي طبيب الاسنان مصطفي اسماعيل وبعد ازاحته عنها خلق له وزارة خارجية بمسمي وزارة الاستثمار لزوم الاستمرار في مقابلة الشيوخ وتصليح الشركات الخاصة.
نعم انت ( ما كيشة) لانك لا تترك اثرا للشركات التي تختبئ خلفها فمثل خال امين حسن عمر لك ايضا اخوال واخوان وابناء عمومة (جوكية) يتصدرون الشركات ويحصلون علي العطاءات من هنا وهناك وانت فقط بطرفة عين او بلمسة حنون تضغط الزر هنا وهناك لينساب الماء حيثما شئت فأنت الوزير او الوالي.
نعم انت ( ما كيشة) ولكن الكيشة هو الترابي الذي صمم هذا الصنم وتحلقتم حوله دون استفتاء اهل السودان في الجنوب القديم او في الجنوب الجديد.
ولا نقول الا حسبنا الله ونعم الوكيل.
مخلصكم / أسامة ضي النعيم محمد
[email protected]


تعليقات 4 | إهداء 0 | زيارات 1427

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1191016 [محمد فضل السيد]
0.00/5 (0 صوت)

01-19-2015 01:08 PM
وما تنسى كمان عاملين (حبرتجية) ودي بالتركي وبتاعين (ملوص) كمان .
هم مصاصي دماء حقيقة والدليل كدا قول لي سوداني واحد فضل فيهو دم؟ ....

[محمد فضل السيد]

#1190136 [جنا فيل]
1.00/5 (1 صوت)

01-18-2015 11:14 AM
هو الترابي لو ما كيشة يظل يجلس علي الكرسي الدوار امام أي كاميرة و يضحك زي الاراجوز !!! بينما يجمع حوله أورطة من الهبل كلاحس كوعه المانافع و صبي الجزار الما كيشة و ثعبان الحديقة الأرقط و الفاتية أم الحسن و طفل الانقاذ المعجزة و ديك العدة أمين عمر و شيخ الحلة أبو ركبة قزاز !!!!!!!!

[جنا فيل]

ردود على جنا فيل
United States [osama dai elnaiem] 01-18-2015 03:57 PM
لك التحية اخي الكريم-- انت فيل كبير- لك مودتي


#1189941 [على حمد ابراهيم]
1.00/5 (1 صوت)

01-18-2015 08:29 AM
وانا اقسم لك بأنك ذات نفسك زول ناقش تماما وفاهم تماما الاعيب الابالسة وكمان ما كيشة زي البلهاء الذين ضحك عليهم الترابى - سلم لى على اهلنا هناك و قول ليهم مشتاقين - والله مشتاقين كتير

على حمد ابراهيم

[على حمد ابراهيم]

ردود على على حمد ابراهيم
United States [osama dai elnaiem] 01-18-2015 03:56 PM
لك التحية والتقدير اخي سعادة السفير--- ( البلهاء) كما وصفتهم عز عليهم ان ياخذوا صحف حسن البنا ويذهبوا بفحواها الي الاهل في حي الملكية وحمرة الشيخ وكاودة وابو هشيم والدندر ودنقلا ليتبينوا اي شرح من شروحات الاسلام يحتاج الي التطبيق في ارض السودان ليجد الجميع وطنا حدادي مدادي بمليون ميل مربع وغفلوا عن حكمة توقيع صلح الحديبية فضاع عليهم الاثر الي يومنا هذا وتفرقت البلاد ولم تعد الاوطان مكانا للمسلم والمسيحي واليهودي ليصبر المسلم علي دعوة الاخرين فارادوا وطنا فيه الاسلام بمن حضر كما الحوار الان فدان لهم الثوب الممزق من السودان -- لك مودتي وسلامك للاهل انا شايله.


#1189939 [محمود الزوزنى]
1.00/5 (1 صوت)

01-18-2015 08:28 AM
والله يا اخوانا بالصراحة على عكس ما يظنه اتباعه حسن الترابى اكيش من كيشة بدليل مواقفه منذ 30 يونيو من استقدامه للحركات الاسلامية وحركات التحرر فى ما سمى بالمؤتمر الشعبى العربى والاسلامى ثم تراجع عن هذه الخطوة بعد وضع السودان فى قائمة الارهاب حيث اقدموا على اعمال يندى لها الجبين فى سبيل الخروج من هذه القائمة وسلموا كارلوس وحاولوا تسليم بن لادن ولما لم تقبل امريكا استلامه طردوه بعد ان اخذوا امواله ثم فصل الجنوب - ثم مواقفه بعد ان خرج من السلطة بحزبه لسبب بسيط هو انزاله درجة واحدة فى سلم السلطة لصالح عمر البشير ولكنه عاد اليوم للبشير والاخير يلعب به واقصى ما يتمناه هو وجمعه المشاركة فى الكيكة ولو بالربع - الناس يقولوا مافى فايدة من الحوار وهم متشبسين به انفض سامر القوم وهم جلوس فى كراسى الانتظار والله يا ترابى ما اكيش منك الا جماعتك

[محمود الزوزنى]

ردود على محمود الزوزنى
United States [osama dai elnaiem] 01-18-2015 03:58 PM
لك التجلة اخي الكريم وانت جيت من الاخر-- لك الشكر


أسامة ضي النعيم محمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة