المقالات
السياسة
الكمبيوتر.. هو الحل..!!
الكمبيوتر.. هو الحل..!!
01-18-2015 04:59 PM


كلما رأيت الواقع السوداني يزداد (وقوعاً) أحس بأن دعوتي القديمة المتجددة.. لعقد مؤتمر مائدة مستديرة لإعادة هكيلة البلاد وتصميم برنامج تسوية سياسية شاملة.. لا زالت هي الحل الأمثل.. لكني اليوم أطورها بفكرة جديدة..
واحد من أهم وظائف الكمبيوتر.. قدرته على تصميم برامج المحاكاة (Simulation).. وتستخدم هذه البرامج في عدة مجالات.. مثلاً الطيارون يتدربون على قيادة الطائرة باستخدام برامج المحاكاة في الكمبيوتر.. وحتى رواد الفضاء يستخدمون برامج المحاكاة للتدريب هنا في الأرض على الأوضاع التي يجابهونها في الفضاء.. ولو يذكر البعض الكارثة الشهيرة التي أصابت مركبة الفضاء أبولو 13.. والتي كانت في طريقها إلى القمر وكادت تهبط فيه لولا عطل فني أضطرها للعودة سريعاً إلى الأرض.. وكات تضل طريقها في الفضاء ويموت روادها لولا برامج المحاكاة.. حيث جلس أحد رواد الفضاء على جهاز المحاكاة في محطة السيطرة الأرضية.. وبدأ يعطل الأجهزة بالتدريح ليحاكي وضع المركبة الفضائية.. ثم يجري تجاربه ويراقب النتيجة التي يحصل عليها.. ثم يتصل بالرواد في الفضاء ويطلب منهم تنفيذ تعليمات محددة.. واستمر على هذا الوضع إلى أن هبط بالمركبة سالمة على الأرض..
السودان الآن هو في نفس وضع المركبة الفضائية.. اقترح أن يجتمع مهندسو الكمبيوتر أصحاب الخبرة و(الخيال الخصب.. فالحلول تحتاج إلى خيال).. ويصمموا برنامج محاكاة لوضع السودان الآن.. وعندما ننجح في عقد مؤتمر المائدة المستديرة بإذن الله.. لن يكون مطلوباً إلا بعض الخبراء في مختلف المجالات.. ليقدموا تصوراتهم لحل مشاكل السودان كلها.. وادخالها إلى برنامج المحاكاة.. والذي يعطي مباشرة النتائج التي يمكن أن تتحقق إذا نفذت التوصيات التي يتقدم بها الخبراء..
هذا المقترح ليس مجرد خيال جامح.. هو عملي إلى أقصى درجة.. ربما غير المختصين في الكمبيوترات لن يدركوا نضارته ووجاهته.. لكني موقن جداً بأنه علاوة على توفير الحلول الحصيفة فهو يشجع الجميع على توجيه بوصلة عقولهم نحو الحل.. لا المشكلة.. فما أودى بسوداننا العزيز إلا حالة الإمعان في العيش في كنف المشكلة.. لا الحل..
أنا مصر جداً.. أن الساسة – من كل حدب وصوب- وعلى رأي المثل السوداني (فهمهم كِمِل) أي أنهم (أدونا آخرهم) فليس لديهم أسوأ مما كان... خلا لـ(60) عاماً من عمر السودان المستقل ما زادونا إلا خبالاً.. وأمعنوا بل أدمنوا استنساخ أخطائهم.. والمطلوب عقول جديدة.. بمنهج تفكير جديد.. وأفق وفضاء جديد للفكرة نفسها..
الكمبيوتر هو الحل.. ليس لتقديم روشتة لعلاج الأزمة السياسية السودانية فحسب.. بل حتى لإصحاح بيئة العمل العام وعلى رأسها الخدمة المدنية.. فدعونا نبدأ..
مطلوب خبراء كمبيوتر.. لتصميم برامج محاكاة Simulation ليستخدمها الخبراء في مختلف المجالات لتصميم خارطة الطريقة السودانية من أجل مستقبل أنضر..
الفكرة سهلة.. وعملية وعلمية.. فقط تحتاج إلى خيال..!! وبكل أسف اللاعبون في رقعة الشطرنج السياسي الآن.. لا يملكون الخيال ولا يسمحون لمن يملك الخيال أن (يتخيل) معهم..!

التيار


تعليقات 26 | إهداء 0 | زيارات 3492

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1191920 [زول]
0.00/5 (0 صوت)

01-20-2015 02:12 PM
خلال 60 عام من حكم الساسة داير تشيل الحرج من جماعتك ؟ الصحيح من 25 سنة عمر جماعتك هو من ودا البلد في ستين داهية

[زول]

#1191819 [Gashrani]
0.00/5 (0 صوت)

01-20-2015 12:34 PM
حسين خوجلي ما قال الكمبيوتر دا ما شغل رجال؟؟؟؟؟؟؟؟ كيف الدبارة؟؟؟؟

[Gashrani]

#1191145 [سيف الله عمر فرح]
0.00/5 (0 صوت)

01-19-2015 04:03 PM
أستاذ عثمان لنساعدك وعشان وقتك الغالى ، اخترت لك أفكار تنفع لخارطة الطريق فى كمبيوترك : ـ

1) مسلم : شيل طربيزتك المدورة وامشى اقعد مع نداء السودان .
2) مزاهر نجم الدين : يا عثمان لا تري الجماهير المطحونة في السودان حلا" غير ذهاب هتلر وإخوانه من السودان يأخي كفاية فضائح .
3) حكم : لكن يا ابو الفهم انت ، ماتقول لى كمبيوتر واللا غيره ، طالما فى سرقة وتحلل .. طالما القانون غائب وطالما مافى مؤسسات دولة.
4) نكد الدولة سخطان : يا عثمان ، ولكنكم أبيتم ، وما تكتبه اليوم لا يجدى
ما تكتبه اليوم لا ينطلى علينا .
5) FATMON : العدل وقبول الآخر مهما كان لونه ودينه وفكره .
6) الدنقلاوى : يا اخي قوم لف بقيت بياع أوهام .
7) القال الروب : يا معشر الصحفيين قولوا خيرا او اصمتوا يرحمكم الله .
8) مدحت عروة : نعم كان هناك فشل واخطاء من الجميع لكن فشل وخطأ الحركة الاسلاموية فى 30 يونيو 1989 كان هو قاصمة الظهر ولا يغتفر !!!.
9) شبتاكا : نحاكى اخواننا فى شمال الوادى ونقول الشعب يريد اسقاط النظام ..
10) سيف الله عمر فرح : يا أستاذنا عثمان ، عليك الله ، قبل البدء فى تغذية كمبيوترك بمعلومات من هنا وهناك ، حاول أن تقرأ ببال رايق وبدون انفعال مقال الأستاذ صلاح شعيب بعنوان ( استبدادية غازى صلاح الدين القديمة ) ، فهو قد صور الأزمة السودانية بأشعة مقطعية .

[سيف الله عمر فرح]

#1191088 [عباس]
0.00/5 (0 صوت)

01-19-2015 02:36 PM
وهل انت واحد منهم خبراء المبيوتر ياعثمان ميرغنى ماتلف ودور علينا راسنا مافيه قنابير عايز تصل لشنو البلد عايزه ناس عندها ضمير وطنية اخلاق اتربوا بالحلال وعينهم مليانة
اما المنظراتيه امثالك وامثال حصين خوجلى البلد مليانة منهم
انت عارف وين الخلل وعارف تماما موارد البلد مهدرة وين والبلد مليانة خير للاسف والباقى اكمله من عندك وارحمنا من خطرفاتك

[عباس]

#1190932 [ود ميدوب]
0.00/5 (0 صوت)

01-19-2015 11:41 AM
انظر الى ثلاثة حكومات تورطت فى حروبات اهلية لا تبقى ولا تذر :
(1)الثورة المهدية
(2)الانقاذ
(3)الشباب المجاهدين فى الصومال
سببها محاكاة الخلافة الاسلامية

[ود ميدوب]

#1190890 [كردفاني]
0.00/5 (0 صوت)

01-19-2015 11:02 AM
توظيف الشباب هو الحل
لقد استوقفني إعلان في صحيفة الانتباهة لجهاز الإستثمار فمن خلال الأسماء والجامعات فيدل ذلك بأن الكثير منهم اتي بالواسطة فنتخيل 17 وظيفة 14 منها لي الإناث 03 وظائف فقط للذكور ب لله عليكم كيف لاترتفع معدلات الهجرة والبطالة والعنوسة
فأي خبير واي محاكة سوف تصلح هذا الحال المائل

[كردفاني]

#1190875 [شبتاكا]
0.00/5 (0 صوت)

01-19-2015 10:43 AM
اخت اللوم على نفسى وارجع اقول انا الغلطان.........يعنى ببساطة كده وحسب فهمك نحن الما عارفين كوعنا من بوعنا بقى حلنا فى برامج محاكاة بالكومبيوتر عشان نشخص انقلاب الاخوان المسلمين وتسلطهم لاكثر من ربع قرن وتمكنهم من كل مفاصل الحياة التى افضت الى الفشل فى كل شئ...وطالما بقى الحل فى المحاكاة طيب ما نحاكى اخواننا فى شمال الوادى ونقول الشعب يريد اسقاط النظام ووبعدين دى ما دايره درس عصر وثقافة تقنية وفك خط يا سعادتك دى دايره بس حرارة قلب وارادة للتغيير ودى بتجى لو تنحى امثالك من اسلوب تغبيش وعى الناس وسوقهم فى القضايا الانصرافية كما تفعل انت وصديقك بتاع السهلة
نحن مشخصين ازمتنا تماما ونعلم ان دكتاتورية اخوان المحفل الماسونى تزداد شراسة كلما ضاق الخناق عليها وكشف احالة الضباط اليافعين الى التقاعد فصل اخر من فصول عدم الثقة حتى فى اقرب الاقربين ومرتزقة عصابات الجنجويد الدستورية بفضل مجاهدات الشيخ الذى سود الله وجهه الحاكم الفعلى لمملكة الكيزان لن تكون بديلا لمؤسسات الوطن العسكرية وحواء السودانية والده وبكره لما ال الاف تمرق فى الشوارع كالسيول يدق زاحفها قلاع الظلم والكبت الطويل ارجع لكمبيوترك وسجل ان شرفاء وشريفات السودان ازاحو اقذر دكتاتورية عرفها التاريخ......

[شبتاكا]

#1190838 [مدحت عروة]
0.00/5 (0 صوت)

01-19-2015 09:44 AM
عليك الله يا عثمان ميرغنى ما تتكلم ساكت وتتهم كل السياسيين بالفشل ولو سلمنا جدلا ان هناك فشل واخطاء فماذا تقول بعد ان اقتنع كل اهل السودان الا الجبهة الاسلامية القومية قبل 30 يونيو 1989 بان الحرب لا منتصر فيها واقتنعوا باتفاقية المبادىء بتاعة الميرغنى قرنق واتفقوا مع الحركة الشعبية على وقف مؤقت لاطلاق النار ووقف العدائيات ومؤتمر قومى دستورى يعقد فى سبتمبر 1989 وتجى الحركة الاسلاموية السودانية بت الكلب وبت الحرام العاهرة الداعرة الفاجرة الفاسدة وتعطل هذا الموضوع ؟؟؟؟
نعم كان هناك فشل واخطاء من الجميع لكن فشل وخطأ الحركة الاسلاموية فى 30 يونيو 1989 كان هو قاصمة الظهر ولا يغتفر !!!
عليك الله لولا هذا الانقلاب الواطى القذر ما كنا وصلنا لحل وحدة او انفصال بالتراضى السلمى بعد نقاش مستفيض وحر فى جو ديمقراطى؟؟؟
الديمقراطية بى سجم رمادها افضل مليون مرة من الحكم العسكرى او العقائدى ودى ما بيغالط فيها الا زول خبل او دلاهة او متخلف عقليا او عديم الرؤية والبصر والبصيرة !!!!!

[مدحت عروة]

#1190662 [الدنقلاوي]
5.00/5 (1 صوت)

01-19-2015 02:19 AM
أيه رأيك في الفيديو قيمس .. مش أحسن .. أهو الشعب يتسلى بينما هو يبحث عن حل لمشاكلوا المزمنة.
يا اخي قوم لف بقيت بياع أوهام

[الدنقلاوي]

#1190647 [القال الروب]
0.00/5 (0 صوت)

01-19-2015 12:47 AM
انتم صحفيى الانقاذ اس بلوانااو لم تكن ظالما ياعثمان عندما تقول 60عاما اصاعها الساسة من عمر السودان تجمع كل الساسة وانت تعلم ان نصيب الانظمة الشمولية من هذه ال60 عاما 70فى المئة بل نصيب حبيبك البشير لوحده اكثر من 40فى المئةمعشر الصحفيين قولوا خيرا او اصمتوا يرحمكم الله

[القال الروب]

#1190644 [fatmon]
0.00/5 (0 صوت)

01-19-2015 12:39 AM
والمبرمج يحتاج للمخطط والمنفذ وهم كثر السودانيون يشاركون في العمل الناجح في كل الدول من حولك
ولكن ولا للعجب وكأنك لا تدري عنهم
السياسيون لا يسمح لهم حتي بالتوقيع
السياسيون لا يسمح لهم بالتعليق في المواقع المتاحه للعالم كله وهم( كما قالوا لو يستطيعون) بصدد محاكمة المترددين على مواقع التواصل الإجتماعي لأنهم يقومون بالإغتيالات السياسية
ومن الذي قال لك نحن نجلس ونتابع ما يدور بالداخل وفقط
جميعنا نحمل الحلول والخطط وهي في غاية البساطة قوامها
العدل وقبول الآخر مهما كان لونه ودينه وفكره
هاك ماليزيا وتركيا كأمثله دول إسلامية حققت ما حققت وبأسم الدين
وهاك السودان كمثال للتخلف ودمر وأفقر إنسانه وبأسم الدين
والحكاية ماهي خطط الحكاية يا حرية وعدالة يا معلم
إذن الحل الوحيد كنس النظام وبأسرع فرصه ممكنه ثورة ثورة حتي النصر
ويمهل ولا يهمل

[fatmon]

#1190614 [فرح ود تكتوك]
0.00/5 (0 صوت)

01-18-2015 11:01 PM
ياسيد عثمان مائدة مستديرة شنو التيمحوا به تتحدث عنها تفتكر الحركة الإسلامية والمؤتمر الوطني ممكن يتواضعوا ويجلسوا مجلساً يساوي بينهم وأحزاب وتجمعات السودانيين الأخري، ذلك أمر دونه المهج والأرواح ولا تفكر فيه وفيهم عين تطرف، (حدي يشعر بالسعادة يمشي يختار البعاد) يارجل كان علينا سويه بكرة

[فرح ود تكتوك]

#1190587 [كاستـرو عبدالحـمـيـد]
1.00/5 (1 صوت)

01-18-2015 09:54 PM
لو احضروا جميع كومبيوترات العالم وكل المواقع والبرامج تمت تغزيتها بما يحدث فى السودان وطلبوا منهم الحل الذى يخرج بالسودان من مشاكله هذه لأنحرقت هذه الكمبيوترات نتيجة عجزها عن ايجاد مخرج للسودان من وضعه الحالى .

[كاستـرو عبدالحـمـيـد]

#1190570 [صرخة شعب]
1.00/5 (1 صوت)

01-18-2015 09:19 PM
سهل جدا تصميم برنامج محاكه وانا على استعداد للتصميمه ومجانى لكن بشرط البرنامج اصممه يشيل الحكومه و الصحفين امثالك والهندى وضياء الدين

[صرخة شعب]

#1190569 [نكد الدولة سخطان]
1.00/5 (1 صوت)

01-18-2015 09:17 PM
أنت وأعضاء تنظيمكم السياسى تعلمون تماما ما ومن أودى بالسودان الى هذا الوادى السحيق فلا تحاول ربط سنين انقلابكم وحكمكم للسودان بما سبق.
قيب انقلابكم واغتصابكم السلطة كان في السودان:
وحدة اراضى
كان في السودان ديمقراطية
كان في السودان أمل حل لمشاكل الحرب وتحقيق السلام
اتحد السودانيون جميعا باستثناء حزبكم او جبهتكم على موقف واحد
ولكنكم أبيتم
وما تكتبه اليوم لا يجدى
ما تكتبه اليوم لا ينطلى علينا

[نكد الدولة سخطان]

#1190562 [اللحوي]
1.00/5 (1 صوت)

01-18-2015 09:10 PM
إيه الكلام ده يا عثمان ... ؟؟؟
تحن بلد ليس فيها أي مشاكل وكل شىء فيها عال العال والدليل دعوة البشير لحكام أفريقيا للإضطلاع على تجربة الحكم الفريدة ....

[اللحوي]

#1190558 [hadees]
1.00/5 (1 صوت)

01-18-2015 09:07 PM
المخدرات لا دين لها
drugs has no religion

[hadees]

#1190538 [ملتوف يزيل الكيزان]
1.00/5 (1 صوت)

01-18-2015 08:28 PM
هذا الاخ المسلم يريد ان يكرهنا الراكوبة كما كرهنا رئيسه السودان. الاخوة العلوج حكموا السودان ربع قرن ولن يتركوه الا ربعا خاليا. لن تكون العاصمةامنة لهم و اسرهم و اصدقائهم. سنصطادهم واحدا بعد الاخر.

[ملتوف يزيل الكيزان]

#1190526 [بدر موسى]
1.00/5 (1 صوت)

01-18-2015 08:12 PM
سلام يا أستاذ ولك التحية والتقدير، وأسمح لي أن أقول لك بأنك قد خيبت أملي فيك، وعلى غير العادة، فاليوم هو يوم الاحتفاء بيوم الشهيد الأستاذ محمود محمد طه، وكنت أتوقع منك أن تكون أول المبادرين بتحيته وتنبيه السودانيين لذكراه، وأنت الذي عرفت بمواقفك وكلماتك النيرة والهادية في مسيرة لوعي والتوعية بين أبناء هذا الشعب.
لا تزال الفرصة متاحة في عمود الغد، فأن تأتي أخيراً خير من أن لا تأتي، ولك غيابك الكامل مرفوض ولا يشرف أمثالك.

[بدر موسى]

ردود على بدر موسى
[fatmon] 01-19-2015 12:42 AM
صراحة إنت مغشوش في هذا الرجل ألا تذكر بعد الضربة إياها عزم الجماعة البشبوهه في بيته البشبه بيوتهم


#1190523 [ashafokhalp]
1.00/5 (1 صوت)

01-18-2015 08:09 PM
قاطعو الإنتخابات
قاطعا وقاطع ابوها
انت عارف الزّوروها
خطّطولا ودبروها
خاب امل كلا الرجوها
حتي دستورن يقوليك
دورتينم كمّلوها
وهو رئيسا مطارد
من عدالتن هم ابوها
قاطعا وقاطع ابوها
وراقبم لو زوّروها
****
شوفو ماب يقدر يسافر
الا بس ساكت يعافر
بين اديس او لي تشاد
الا ماب يقدر يسافر
ماب يمثل في المحافل
ماب يسافر ماب يسافر
انت لوصوّتا ليهم
للجرايم تبقي غافر
ارضي بالفشل السياسي
قبرك انت براكا حافر
ارضا بالتمكين وارضا
انت تنداس بالحوافر
ارضا بالقبليه ترتع
وجهها الجهويه سافر
عنصريه ولونا قاتم
ما ح يقبلا الا كافر
انتخابات قاطعوها
وراقبم ح يزوروها
****
الانتخابات قاطعن - قاطعن
ولا تصوّت يا فطن
يبقي صوتك قد طعن
طعنه في خاصر الوطن
والحروب يتعلا شانا
والسلاح دوّر رطن
اقتصادك يبقي زيرو
لا قمح تزرع ولا حتي القطن
والبلد يصبح دويلات
في الفساد اتمرْمطن
اسقطو الكوز والفتن
والقنابل طن وطن
خلو كل الكون دا يشهد
انو تزوير اتعطن
قاطعوها يا شباب
قاطعوها عشان وطن
ويا بنات شدن رسن
قاطعي في شان الوطن
****
صوتك الغالي امانه
اوعا من الاستكانه
لو تصوّت – انت عارف
يبقي صوتك جبخانه
انو صوتك يبقي دانه
زادنا موت ويزيد اسانا
للنظام تدي الحصانه
ويبقي يمرق من ادانه
لا تصوّت لا تصوّت
صوتك الغالي امانه
المبادره
ديسمبر
2014

[ashafokhalp]

#1190510 [ابو محمد]
3.00/5 (3 صوت)

01-18-2015 07:20 PM
ممكن السودان ده عاملين ليه عمل سحر والا عين مثلا شنو رايك يشوفو فكي كااااارب يقرا ليه احتمال يحضر الجن ويفك المربوط .
كلامك ده قرييب من كلامي لانو خارم بارم ياريت تسمو وتعلو الي مستوي الاحداث يا بشمهندس ولازم تعرف البلد محتاجة الي رجال اوفيا صادقين عندهم ذرة من دين واخلاق يعني عندهم ضمير والضمير للاسف غائب
يعني حاضر مرير ومستقبل مجهول ونحن في فلك الاماني ندور وللاسف كلنا عايشين الدور بس الله يكون في العون .

[ابو محمد]

#1190486 [لحظة لو سمحت]
1.00/5 (1 صوت)

01-18-2015 06:48 PM
واللهى يا هندسة و ريتنا قلت محاكات الواقع ما افظع الجهل حينما يتفلسف المدعون بدون معرفة لجهل الاخر بالتقنية اللفظية المستلبة من اعماق علم الالكترونيات

[لحظة لو سمحت]

#1190452 [حكم]
2.75/5 (3 صوت)

01-18-2015 06:08 PM
يا ميرعنى
المسألة ما عاوزة تنظير ومحاكاة واحلام طفولية

الموضوع واحد زايد واحد يساوى اتنين
عصب الموضوع هو العلم وما يخرج به الخبراء "مش الخبراء الوطنيين بتاعين الإنقاذ"

لكن يا ابو الفهم انت ، ماتقول لى كمبيوتر واللا غيره
طالما فى سرقة وتحلل .. طالما القانون غائب وطالما مافى مؤسسات دولة

كمبيوترك زااااتو حيقول ليك ، بالله انتو عايشين؟؟


لكن خيالك خصب اكتر من اللازم

[حكم]

#1190445 [مزاهر نجم الدين]
1.00/5 (1 صوت)

01-18-2015 06:04 PM
يا عثمان لا تري الجماهير المطحونة في السودان حلا" غير ذهاب هتلر وإخوانه من السودان يأخي كفاية فضائح .لا حول ولاقوة إلا بالله يا جماعة .مش معقول .؟؟

[مزاهر نجم الدين]

#1190435 [Mousa]
3.00/5 (2 صوت)

01-18-2015 05:49 PM
أنا مهندس كمبيوتر وخبير في مجال الـ Computerized Simulation Systems.
وأنا متطوع لحل كل مشاكل السودان مجاناً عن طريق الكمبيوتر.
شرطي الوحيد هو أن ترشحوني رئيساً للجمهورية في الإنتخابات القادمة حتي أتمكن من (التنظير والتحليل بمزاج)، وصدقوني أنا خيالي واسع كما قال عثمان ميرغني و (حأكيفكم تمام)!

أها قلتو شنو؟

[Mousa]

ردود على Mousa
European Union [أحمد] 01-18-2015 08:39 PM
هههههههههههههه بالغت يا موسي.
نحن كده متكيفين تمام وما ناقصين تنظيرك هههههههههه


#1190425 [مسلم]
3.00/5 (2 صوت)

01-18-2015 05:35 PM
شيل طربيزتك المدوره وامشى اقعد مع نداء السودان

[مسلم]

عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة