المقالات
السياسة
قصيدة .. مواطن حر
قصيدة .. مواطن حر
01-20-2015 09:02 PM

انا ما مواطن حر
جواى حرية مابيمنعها السجان
زاكرتى وطنية مابيطمسها النسيان
وياوطنى ياسودان
مايغشى ارضك شر
وياشيخنا يا مافون
هزا البلد مامون
لملم عقابك وفوت
قول لى جدادك كر
انا جز من سودان
كان فيه مليون ميل
بى فكرك الهدام
بدلت نوره ظلام
اتشظى واتبعثر
انا مامواطن حر
لى بلدى شايل دين
فى قلبى قبل العين
وديته حقنا وين
ماليزيا ولاقطر؟
فينى النضال مشروع
ضد الفقر والجوع
شايل كفاح وافكار
وثقافة لى اجيال مافيها(لحس الكوع)
بالله يا مهووس اترقى اتحضر
ملعونة ياخرطوم
فيك ساسة الغفلة
عاملين كروش وجضوم
مثنى وثلاث ورباع
حق اليتيم مهضوم
هزا البلد منكوب
هزا الزمن اغبر
باكر صباحنا جيد
والايد تشد الايد
همة وعزيمة حديد
تبت لحكم الفرد
سحقا لحكم السيد
وياالامنجى الرعديد
ضد شعبنا الصنديد
باكر فى زاك اليوم
مابنفعك يابوم
لادوشكا لاتاتشر
ويبقى الوطن عالى
وفى كل يوم اكبر

محمد ابراهيم
[email protected]


تعليقات 1 | إهداء 0 | زيارات 585

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1192560 [seen]
0.00/5 (0 صوت)

01-21-2015 11:34 AM
والله انتو فضحتونا هذا ........... هزا ........... ذاكرتي .............. زاكرتي عندكم مشكلة مع الذال والزين زمان انا قلت ليكم مكان الذال في اقصى اعالي الشمال من الكيبورد تحت مفتاح الاسكيب مباشرة ام انتم تعليم وتربية الجماعة.

[seen]

ردود على seen
United States [محمد ابراهيم] 01-22-2015 10:43 AM
شكرا على التنبيه والله كانت فايته على لك العتبى( ياذول)


محمد ابراهيم
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة