في انتظار الوالي..!ا
02-28-2011 03:16 PM

حديث المدينة

في انتظار الوالي..!!

عثمان ميرغني

يوم الخميس الماضي زار صحيفة \"التيار\" مواطن ترك لنا رسالة أنه سيحرق نفسه أمام مقر الصحيفة في نهار يوم السبت (أمس الأول).. و أنه يخطرنا مسبقاً حتى لا يخرج بيان رسمي يقول عنه (مجنون أو سكران).. وطلب منا تصوير لحظات انتحاره حرقاً بالنار. قبل الموعد الذي حدده يوم السبت.. اتصلنا بشرطة النجدة.. فمثل هذا التهديد لا يمكن اهماله حتى ولو كان مزاحاً ففي الدنيا أمور جدها جد.. وهزلها جد.. ولم تقصر شرطة النجدة وصولوا في لمح البصر وقضوا كامل اليوم حتى مغيب الشمس أمام مقر الصحيفة ينتظرون المواطن المنتحر.. لم يأت في موعده.. لكنه وصل في صباح اليوم التالي..أمس.. أفرغت نفسي من كل مشاغلي للاستماع إليه.. أمهلته ليفرغ كل ما في نفسه من آهات الحزن النبيل.. التي خلاصتها أنه فقد تماماً أسرته المكونة من (13) ابناً وابنة.. بسبب الفقر المدقع.. يزيد من قسوة الغبن في نفسه أنه كان ميسور الحال.. على الأقل بمقاييسه هو لسترة الحال.. كان يملك (كشكاً) جوار الاستاد ولكن أزالته السلطات.. ومن يومها مسحت حياته الأسرية وكتبت عليه الدخول في نفق مظلم معتم.. للدرجة التي أجابني فيها والدمعة تطفر من عينيه، عندما سألته أين أولاده وبناته ( لا أدري.. لا أعرف أين ذهبوا..) يقول المواطن المنتحر.. أن حياته فقدت كل مقومات وحيثيات البقاء على سطح الأرض.. هل تتصوروا أين يعيش الآن.. في المقابر.. أي والله العظيم.. لم يجد غير أسوار المقابر ليقيم فيها بعد أن فقد كل شيء.. قال إنه يريد الموت حرقاً أمام صحيفة التيار.. ليجعل من رماد جسده فرصة لآخرين مثله أن يفلتوا من الفقر المدقع.. كما فعل بوعزيزي في تونس.. تصوروا.. التفاصيل الطويلة التي ظل يسردها لي لمدة طويلة فيها قاسم مشترك واحد.. هو نفس الذي جعل \"بوعزيزي\" يشعل النار في جسده.. الأبواب المغلقة بالضبة والمفتاح أمام المواطن في سعيه لإيصال شكواه للجهات الرسمية.. في ثنايا التفاصيل.. مسؤول كبير قال له (إذا رأيتك مرة أخرى سأطلق عليك الرصاص..) ومسؤولة أخرى قالت له (سأتبرع لك بباغة بلاستيك لتغسل العربات حتى تعيش منها).. كل هؤلاء المسؤولين الذين استبشعوا محاولته الوصول إليهم ليسمعوا شكواه. يعيشون في بيوت حكومية من حر مال فقرنا المدقع.. ويأكلون الطيبات من حر مالنا الذي ندفع لهم منه امتيازات متراكبة لا يعلم إلا الله كم تبلغ.. ويركبون سيارتنا.. ويتحدثون في موبايلاتنا.. لكن لا وقت لديهم لسماع كلمة منا.. كلمة السر في مشكلة المواطن المنتحر.. أنه لا يجد (الأذن) الرسمية التي لديها صبر لتسمعه.. مجرد سماع.. فالسماع أحياناً نصف الحل.. ويكفي السوداني أحياناً فقط أن تسمعه.. قلت للمواطن المنتحر.. هل تمنحني فرصة واحدة لحل مشكلتك.. أرجوك لا تمت الآن.. انتظر قليلاً. لدينا والي في الخرطوم لا يُظلم عنده أحد.. سيحل مشكلتك..!!

التيار


تعليقات 37 | إهداء 0 | زيارات 4877

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#150070 [الشعب الفضل]
0.00/5 (0 صوت)

05-28-2011 09:02 AM
الاخت صفية تم اغتصابها في الخرطوم وهي ولاية ( القوي الامين ) ( الذي لايظلم عنده احد) عبدالرحمن الخضر ( نعم الاسم وبئس المسمى ) امل من الاخت صفية واخواتها في الوطن ان يضعن في بطونهن بطيخة باردة لانهن في امان واذا تعدى عليهن كلب من كلاب الامن سوف لن يغتصبهن واذا اغتصبهن سوف يرد لهن مقطوع الطاري اعلاه كرامتهن وعذريتهن
( وصحي اللي اختشوا ماتوا )


#104497 [خبيرة فى الشئون الكيزانية]
0.00/5 (0 صوت)

03-01-2011 08:30 PM
ياجماعة انتو ماعارفين سر المقال ده شنو...الناس ديل بعد ماهرشو ورجفو من الثورات الشعبية الحولهم والزاحفة عليهم...قررو يبردو النيران شوية وينحنو للعاصفة ..قامو سو ليهم مفوضية لمحاربة الفساد واعلنو انو بيوتهم ومكاتب مفتوحة زى الصدليات بتاعة ال24 ساعة لكل مظلوم ومكلوم ومستعدين لحل مشكلتو وهم جادين فى اطروحاتهم دى .....لكن المشكلة وييييييييين...المشكلة انو الناس فقدت الثقة فيهم طوال ال22سنة الفاتت وزول واحد جاهم عشان يساعدهو مافى وزول واحد قدم عريضة لمفوضية مكافحة الفساد مافى.. يعنى مافى مواطن واحد هببو ليهم ...الفار لعب فى عبهم من الصنة دى وراسهم بقى يودى ويجيب....قامو دفرو المطبلاتى عصمان عشان يروج لحملتهم دى ويقدم ليهم دعاية فحواها ياناس الجماعة ديل والله وعلى الطلاق جادين بس تعالو جربو ........فهمتو السر


#104487 [ما كوزة]
0.00/5 (0 صوت)

03-01-2011 08:13 PM
وروررررررررررروك يا والى الخرطوم .... الحقنى ......انا ح انتحر لو ما اديتونى فيلا فى كافورى وخليتونى اجاور الكوزات الونستهن دقاق


#104482 [سودانية ]
0.00/5 (0 صوت)

03-01-2011 08:05 PM
الحكومة تسوى ليهم شنو.....الراجل السودانى كسلان وسجمان وما بحب الشغل وعمرها البلد دى ماح تمشى لقدام مع كسل السودانية ...الواحد مستعد ينوم النهار كلو اذا لما ليهو فى ضل وبخاف من الشغل عديل وعايز يشتغل اقل مايمكن والباقى يتمو سلفقة ونصب واحتيال ولف ودوران واستغلال وابتزاز ...هم المستثمرين خاتين كان طلبو يجيبو عمالتهم معاهم..اللهم اعوز بك من شر كاسل اذا كسل..


ردود على سودانية
Saudi Arabia [اب ترمة] 05-22-2011 04:01 PM
لا و ألف لا ... كلامك مردود ... أنت تأثرت بالإشاعات المنتشرة في دول الخليج عن كسل السودانيين لكن نحن عشنا في السودان وعشنا في الخليج ..... السودانيين ليسوا كسولين وليسوا فاقدي همم ولكنهم مجبرين على هذا الوضع المزري الذي وضعتهم فيه هذه الحكومة
البائسة ... فهم إما لايجدون فرص عمل وإن وجدت تحرمهم منها السلطات بأسليبها المختلفة ... وما تفسيرك على الكادحين في مناطق التعدين العشوائي الذين يعملون ليل نهار في هذه الفيافي المقفرة بحثاً عن المجهول ؟
هذا النظام ضيق على الناس فرص الرزق إلا للموالين له والكل يعرف التمكين وما ادراك ما التمكين ....
« فليقل خيراً أو ليصمت »


#104326 [عكاشة]
0.00/5 (0 صوت)

03-01-2011 03:16 PM
اذا كان هنالك فعلا واليا لا يظلم احدا لما عثرت على مثل هذا المواطن! كفى استجداء.


#104321 [أبو شهد]
0.00/5 (0 صوت)

03-01-2011 03:12 PM
قلت لي كيف يا عثمان ميرغني (عندنا والي في الخرطوم لا يظلم عنده أحداً) الله بسألك يا عثمان (أتذكر القبر) .. دعاية مدفوعة الأجر في شكل إعلانات الملاحظ إن عثمان ميرغني ومنذ أن تولى عبد الرحمن الخضر أمر ولاية الخرطوم ظل يقول له (إحبك صبحك أحبك ظهراً أحبك عصراً وبعد المغيب وعند السحر توضأ عشقاً وصلي غراماً وقول سلاماً لحب ظهر) لهذا صمدت جريدة التيار التي لا يكفي عائد مبيعاتها لمصروفات خمسة أيام في الشهر.. إني أستغرب لماذا لا يتولى عثمان ميرغني حملة لترشيح عبد الرحمن الخضر الحاكم العادل رئيساً للسودان قاطبة بدلاً أن يضيع وقته مع كامل إدريس (التعيس) ... عثمان لديه اعتقاد في الخضر هو نبي الله المعروف.


#104294 [الظاهر ]
0.00/5 (0 صوت)

03-01-2011 02:35 PM
لا يظلم عندة احد دى لذيذة
ضحكتنى لم دموعى سالت
يا عثمان يا اخوى اخرتة الراجل ساكت من مشروعو
وكان الاجدى والاحسن انك تقول ليهو اصبر شوية وانا بحل مشكلتك
وتفتح باب التبرعات للخيرين والما خيريين ذاتهم بدفعو فى الحالة دى
وتقول ليهو الشعب السودانى لايظلم عندة احدا
لكن طالما اعتمدت على الوالى بتاعك دة الزول دة بنتحر بنتحر بس ح يشوف مكان تانى ما يلاقيهو فيهو مطبلاتى ياخرو اكتر
يا اخوانا الواحد يتخذ قرار شخصى وما يخلوهو ينفذو
الله يحل كربة المسكين دة وامثالو والحل الوحيد هو رحيل المشروع الحضارى


#104230 [ابو احمد]
0.00/5 (0 صوت)

03-01-2011 12:35 PM
:D
عثمان ... يا اوصمااااااااااااااااااان قبضت كم ؟ اصلك انت بتشوت مع الهوا

بالله دا حل .. وعمرنا دا كلو نقرا ليك كمنظراتي يقرأ الساحة ،غايتو الله ينعل ابو السي اي ايه

اين انت من قضايا الاغتصاب ، وصفية ، ولا عشان كدا كدا كدا ، يازول ما تنعدل اسحن ليك

ولا يمكن عندك بضاعة في جمارك الخرطوم جاية من الصين ياربي؟؟
(؟)


#104183 [بوعزيزي]
0.00/5 (0 صوت)

03-01-2011 11:16 AM
فعلا نحنه شعب مسكين!!! وهذا ماشجع وفرعن الفراعنه علينا!! فبدلا ان يقتل نفسه لماذا لم يقتل الذي قال له سارميك بالرصاص!!! فبعد فقد اولاده ماذا ينتظر!! ومن يهن يسهل الهوان عليه ما لجرح ميت ايلام!!!!


#104156 [شيكو]
0.00/5 (0 صوت)

03-01-2011 10:29 AM
يا عثمان ميرغني بعد شكرك حيتكرم عليه بجذء من حقوا السلبو منو ولكن هل يستطيع فصل المسئول الذي ههده بالسلاح والاخرى التي تتطاول على المواطن والجركانه القاعده تستخف بيها اخواتنا في غرب السودان الى الان يحملونها في رؤاوسهم مملواءه بالماء من مسافات بعيده وهم فعلا يتشرف بهم الوطن وليس مثلها عديمة الحياة والتربيه وهل يستطيع ان يحل مشكلة ملاييييييييين المنتحرين الاخرين ومشكلة صفيه ومشكلة الفتاة المظلومه التي جلدت من قبل النظام العام وغيرها من مظاليم بلادي
اكيد لا يستطيع لانه يعشق الظلم هو واعوانه الانتهازييين الانقازييييين فلو كنت مع الحق كان الاولى بك ان تكون نبرتك شديده تجاه من يسلب حق المواطن المسلوب بدلا من التطبيل له


#104133 [ابواحمد]
0.00/5 (0 صوت)

03-01-2011 09:50 AM
لص بلادي
بالتمادي0000يصبح تالص بأوربا مدير للنوادي
وبأمريكا زعيما للعصابات واوكار الفساد
وباوطاني التي من شرعها قطع الايادي
يصبح اللص زعيم للبلاد0
شكرا نزار قباني


#104118 [محمد عثمان]
0.00/5 (0 صوت)

03-01-2011 09:21 AM
خلي والى الخرطوم يديهو قبر كبير يكون ما قصر.


#104068 [ابو ابراهيم]
0.00/5 (0 صوت)

03-01-2011 07:46 AM
جرب يا عثمان اهلنا بيقولوا (الارضه جربت الحجر)


#104053 [عوض سعيد]
0.00/5 (0 صوت)

03-01-2011 06:35 AM
الاستاذ عثمان فى المرة الاولى كنت ستقوم بتسليم هذا الرجل للبوليس الا ان الرجل لم يحضر فى المواعيد التى حددها وفى المرة الثانية قررت تسليمه للوالى بحجة حل مشكلته وفى كلا الحالين لم ترحم الرجل ولم تحل له مشكلة لان الوالى قد يحيله للمحاكمة بحجة ازعاج السلطات فخرج منك الرجل ولسان حاله يقول المستجير بعمر عند كربته كالمستجير من الرمضاء بالنار يا اخى انت معاهم ولا مع هذا الشعب المغلوب على امره فالمشكلة مشكلة شعب يطلب من هذا الوالى رد حقةقه التى سلبها هذا الوالى واخوانه وليست مشكلة رجل واحد ...شعب حكمه الوالى القوة ولم يطلقه ولم يتركه يأكل من خشاش الارض فصار الوالى اولى بالنار من تلك التى حبست هرة


#104050 [ سودانى طافش ]
0.00/5 (0 صوت)

03-01-2011 06:13 AM
أرجوا من جميع الأخوة والأخوات الذين كتبوا تعليقاتهم على الموضوع , أن يحسنوا ( الظن ) فى الأستاذ الكبير الباشمهندس عصمان - وده لقب لأنه خريج المصريين - والرجل قد يكون فى بداية مشروع خير للسودان ! لذا أطللب من جميع الذين تمت إزالة ( أكشاكهم ) وجميع ستتات الشاى اللآئى تم مصادرة ( كفتيراتهن ) وكل الجعانين والصرمانين والذين لم يتعشوا البارحة والعاطلين عن العمل والمحالين للصالح العام .. التوجة فى أقرب فرصة إلى مكاتب صحيفة ( التيار ) ويحمل بيده هذا ( المقال ) والسؤآل عن المذكور أعلاه أو ( أبو الحصين ) لأنه يعرف والى الخرطوم ( الذى لايظلم عنده أحداً ) ! وسوف تحل جميع مشاكلكم ( ولكم فى صاحب الكشك أسوة حسنة ) !


#104037 [Omar]
0.00/5 (0 صوت)

03-01-2011 02:58 AM
I think your suggesting that this person should get a chance to meet with his highness, the WALI. His highness then gives him about 1000Sudanese pounds and then we all know that we have a good governer(WALI SALIH. What a poor scenario ya BASHMOHANDIS...................It is not practical that your WALI meets with hundred of thousands of people who have been living in poverty for years while their money is used to oppress them . Please try to change this tone a little bit..A good man, assuming that he is ,in a bad system is not ... going to help our people......Join Sati, Awooda, and those who stand firmly against this regime and you can help speed up the change process which is no doubt is coming ......................With all respect


#104030 [واحد من الشعب]
0.00/5 (0 صوت)

03-01-2011 02:41 AM
احرجتا نفسك اقرا التعليقات على موضوعك واحكم براك بالجد حشرتا نفسك فى مكان بايخ جدا


#104025 [lmkj]
0.00/5 (0 صوت)

03-01-2011 02:30 AM
بلغتا ياعثمان عملتا واضحه شديد شكلك بتلعب فى الذمن الضائع ولا عاوذ الشعب والشباب يطردوك ذى عمر اديب من ميدان التحرير الرجاء الرد يا عثمان تلجه وذى ما قالو ليك الشباب افضل واشرف ليك كان تكتب فى موضع البت المسكينه المغتصبه انشاء الله كان تقول دى واحده اى كلام كان ريحتا الناس شويه من النار البتغلى فى صدروهم لانوهم شرفاء ما يرضا انتهاك الشرف;)


#103923 [عكاشه حسين عكاشة]
0.00/5 (0 صوت)

02-28-2011 09:57 PM
سؤال ياعثمان ميرغني لماذا لم تكتب عن صفيه اسحاق الم تسمع باغتصابها اذا كان لديكم واليا في الخرطوم لماذا لم يتحدث عن ماساة صفية اليس هذه الجريمة اكبر من هذه التفاهات التي تكتب عنها اتقوا الله في انفسكم ياصحفيين وياولاة الامر فينا فصعاليك الامن احرقوا صفية وهي حيه حسبي الله ونعم الوكيل فيكم


#103908 [سوداني 100%]
0.00/5 (0 صوت)

02-28-2011 09:28 PM
يا عثمان ما تحاول تخارجنا من السيد بشبش ولا شبشب دا وتقول ليه الشعب عاوزك ترحل باسرع ما يمكن وتنقذ كل الفقراء والمعدمين من الشعب السوداني بدل تنقذ زول واحد فقط


#103893 [ابو ملاذ]
0.00/5 (0 صوت)

02-28-2011 08:51 PM
زي ما قال ليك سوداني يا استاذ باقي الشعب يمشي وين انا اتوقعتك تأخذه كنموذج لحل مشكلة الجميع لكن مافيش فايده صحافينا برضو زي مسوؤلينا مرتااااحين بامتيازاتنا ومطلعين زيتنا مع ستهم الحكومه


#103869 [ehab]
0.00/5 (0 صوت)

02-28-2011 08:15 PM
الأخ عثمان ميرغني .... إنت ما ممكن تكون جادي... إذا فرضنا جدلاً أن والي الخرطوم لا يظلم عنده أحد كيف له أن ينام وياكل ويمشي بين الناس والفقر يضرب أطناب الولايه والمشردين في كل مكان وابسط الأشياء في غلاء فاحش بالاضافه لتهمة الاغتصاب التي حدثت لاحدي رعيته ...ماذا فعل الوالي لاحقاق ألحق ونصرة المظلوم... يا مان الوالي دا شكلوا صحبك عشان كدا بديت تدافع عنه وتكسر ليه التلج


#103865 [مواطن غيور]
0.00/5 (0 صوت)

02-28-2011 08:01 PM
ده اسمو كسير تلج ياعثمان ميرغني.. قول لينا بصراحة استلمت منو كم ظرف؟


#103837 [ابو النصر]
0.00/5 (0 صوت)

02-28-2011 07:12 PM
ولي خرطومك دا فين من اغتصاب صفية اسحاق وفين من مظالم الاخرين ومن قصف المحصنات


#103836 [ابو النصر]
0.00/5 (0 صوت)

02-28-2011 07:11 PM
انتا والي الخرطوم بتاع كلم اسوا من بعض تخيل كيف يتعاملو مسؤلي الانقاذ


#103807 [الزول السمح ( الأصل )]
0.00/5 (0 صوت)

02-28-2011 06:34 PM

بس الفقرة الأخيرة دى ياحاج عثمان بالغت فيها والى لايظلم عنده أحد!!!!ود الخدر

ياعثمان إنت حلمان بى والى البصرة واللأ شنو؟ لو رجع ليهو كشكو حايعوضوا أولادو الطشو؟


#103793 [مطيرق الحن]
0.00/5 (0 صوت)

02-28-2011 06:10 PM
تاني رجعتا لي تطبيلك وكسير التلج لي المسؤلين بعد ما انعدلتا ؟والي منو الما بنظلم عنده زول ياخ انتا شكلك علي احسن الفروض البنختها ليك قاصد والينا وولي امرنا من قبل ومن بعد الله سبحانه وتعالي لكن لو كنتا قاصد الزول ده تكون بالجد مطبلاتي من الدرجه الاولي ولو فاكر بي كلامك ده الراجل ده مشكلتو بتنحل اها الرماده


#103740 [ibngabal]
0.00/5 (0 صوت)

02-28-2011 04:19 PM
يا اخ عثمان كم مثل هذا الرجل فى السودان?نحمد الله على كل حال0لن ما الذى شردنا فى الغربة?وجعلنا?هناك مظاليم كثر فى هذا البلد?الشب السودانى كله يتظر حل لمشكلته فهل لهذا الوالى حل مشكتله?اذا كان لا فمن لديه الحل?ارجو ابلاغنا كيف حل النجاشى مشكلة المنتحر


#103739 [أبو اواب]
0.00/5 (0 صوت)

02-28-2011 04:15 PM
إقتباس

(انتظر قليلاً. لدينا والي في الخرطوم لا يُظلم عنده أحد.. سيحل مشكلتك..!! )

أولاً: يا عثمان يا أخوي ما عرفناك شايت على وين!!

ياربي تكون شايت مع الهوا؟

تانيا: الزول ده القلت ليهو إنتظر قيلاً ده حا ينتظر لمن الله يغفر ليهو

ثالثا: إذا كان عندك والي لا يظلم عنده أحد أكيد بكرة حا يجيك الشعب السوداني كلو مش ناس الخرطوم براهم

رابعا: بطلوا دهنسة



#103732 [live]
0.00/5 (0 صوت)

02-28-2011 04:08 PM
طالما عايز ينتحر لماذا ينتحر لوحده ؟ من الافضل الحصول علي قنبلة وتفجيرها في نفسه وفي وسط مسئولين من المتنفذين من المؤتمر الوطني حتي يريحنامنهم.


#103726 [بنت الغرب]
0.00/5 (0 صوت)

02-28-2011 03:58 PM
قلت للمواطن المنتحر.. هل تمنحني فرصة واحدة لحل مشكلتك.. أرجوك لا تمت الآن.. انتظر قليلاً. لدينا والي في الخرطوم لا يُظلم عنده أحد.. سيحل مشكلتك..!! يا لك من فاعل للخير انا عندي اكثر من مليون شخص هل تتبرع وتحل مشكالهم مع هذا الوالي حتى لا يموتوا.



#103719 [سدرا موريس اروب]
0.00/5 (0 صوت)

02-28-2011 03:51 PM
عندنا والى رسالى وكوز على السكين تغتصب فى ولايته النساء
هي لحظة معينة وفى توقيت معين والاعصار ح يقتلع كل جذور العفن بقيادة ابو العفين والمطبلاتية


#103710 [وحيد]
0.00/5 (0 صوت)

02-28-2011 03:37 PM
و هل يوجد في السودان الآن مسئولين؟ نعم يوجد حكام و سلاطين يرفلون في النعيم و يتنطعون و ينظرون و يخمون الاموال و يسكنون القصور و لكن هل يوجد فيهم مسئول واحد من رئاسة الجمهورية الي حراس البوابات؟ هل يوجد فيهم شخص واحد يدرك المسئولية التي عليه؟ هل فيهم من يؤمن انه لو عثرت بغلة في زالنجي لساله الله عنها لماذا لم يمهد لها الطريق؟ هل فيهم من يكي يوما خشية لله لمجرد تذكره ان المنصب مسئولية و انه مسئول عنها يوم القيامة سؤالا شديدا؟ هل يذكر اي منهم - مع كثرة حديثهم عن الشريعة - قول ابي بكر الصديق \" لقد و ليت عليكم و لست بخيركم، اطيعوني ما اطعت الله فيكم، فان لم اطعه فلا طاعة لي عليكم\" و هو من هو افضل بني آدم بعد الرسل و الانبياء و قد استخلفه الرسول في الصلاة فولاه اصحاب الرسول امرهم ، و يات واليا علي ظهر دبابة و لم يفرض نفسه علي الناس بقوة السلاح!
هل يفهم اي مسئول انه مسئول عن كل هؤلاء الناس فردا فردا؟؟؟! ام انهم يحدثوننا عن شريعة قدوقدو؟؟؟!


#103706 [ابو احمد]
0.00/5 (0 صوت)

02-28-2011 03:28 PM
عندنا والى لا يظلم عنده احد
عليك الله انت بى جدك!!!!!!!!!!!!
طيب بس هسى لو الزول المسكين دا ربنا حا يحاسب منو
الله اعلم لكن ان نفس هذا الوالى مسئول عنه ولا انا غلطان
مالكم كيف تحكمون
طيب الزوول دا حريف وجا عليك يامسئول العنايه الالهيه وانت حا توديو للمسئول التانى
اهه والمابعرفوك ديل يعملوا شنو
يموتوا فطيس يعنى
وين المؤسسات ياسيد عثمان
والله ان الله لسائلكم يوم القيامه جميعا
سبحانك اللهم نستغفرك ونتوب اليك


ردود على ابو احمد
Sudan [سووووداااانى] 02-28-2011 04:26 PM
أفرض حليت ليهو مشكلتو...باقى الشعب العايز ينتحر يمشى لمنو؟؟؟؟!!!!!!


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة