المقالات
السياسة
سيدي الختم وحكاية (الحمار الرمى العمده)
سيدي الختم وحكاية (الحمار الرمى العمده)
01-30-2015 06:09 PM


ﺃﻋﻠﻦ ﺃﺣﻤﺪ ﺳﻌﺪ ﻋﻤﺮ ﻣﻤﺜﻞ ﺍﻟﺤﺰﺏ ﺍﻻﺗﺤﺎﺩﻱ ﺍﻟﺪﻳﻤﻘﺮﺍﻃﻲ...
ﺍﻷﺻﻞ ﻣﻦ ﺩﺍﺧﻞ ﺍﺟﺘﻤﺎﻉ ﺍﻟﻠﺠﻨﺔ ﻋﻦ ﺃﻧﻪ ﻣﻜﻠﻒ ﺷﺨﺼﻴﺎ ﻣﻦ
ﻣﻮﻻﻧﺎ ﻣﺤﻤﺪ ﻋﺜﻤﺎﻥ ﺍﻟﻤﻴﺮﻏﻨﻲ ﺭﺋﻴﺲ ﺍﻟﺤﺰﺏ ﺑﻤﺴﺎﻧﺪﺓ
ﻭﻣﺆﺍﺯﺭﺓ ﻭﺩﻋﻢ ﺗﺮﺷﻴﺢ ﺍﻟﺒﺸﻴﺮ ﻓﻲ ﺍﻻﻧﺘﺨﺎﺑﺎﺕ، .. ( ﺍﻟﻤﺼﺪﺭ
ﺍﻟﻴﻮﻡ ﺍﻟﺘﺎﻟﻲ 9 ﻳﻨﺎﻳﺮ 2015 ﻡ) ﻛﻞ ﺍﻟﻨﺎﺱ ﻣﺴﺘﻐﺮﺑﻪ ﻣﻦ ﺩﻋﻢ
ﺍﻟﻤﻴﺮﻏﻨﻲ ﻟﻠﺒﺸﻴﺮ ... ﻟﻜﻦ ﺍﻧﺎ ﻣﺎ ﻣﺴﺘﻐﺮﺏ ﻻﻧﻮ ﺍﺻﻠﻮ ﺳﻴﺪﻱ
ﺩﺍ ﻣﻦ ﺯﻣﺎﻥ ﺑﺘﺎﻉ ﺩﻋﻢ ...ﻏﺎﻳﺘﻮ ﺍﻟﺒﻌﺮﻓﻮ ﺍﻧﺎ ﻣﻦ ﺯﻣﺎﻥ ﺳﻴﺪﻱ
ﺍﻟﺨﺘﻢ ﺍﻟﻜﺒﻴﺮ ﻛﺎﻥ ﺑﺮﺿﻮ ﺑﺘﺎﻉ ﺩﻋﻢ ﺣﺘﻰ ﺑﺎﻻﻣﺎﺭﻩ ﻛﺎﻥ ﺩﺍﻋﻢ
ﺍﻟﻤﺼﺮﻳﻴﻦ ﻟﻤﻦ ﺍﻟﻨﺎﺱ ﻛﺎﻧﻮﺍ ﺑﻴﻄﺎﻟﺒﻮﺍ ﺑﺎﻻﺳﺘﻘﻼﻝ ﻭﻃﺮﺩ
ﺍﻻﻧﺠﻠﻴﺰ ﻟﻜﻦ ﺳﻴﺪﻱ ﺍﻟﺨﺘﻢ ﺍﻟﻜﺒﻴﺮ ﻛﺎﻥ ( ﻣﻔﺘﺢ) ﻭﻟﻤﻦ ﻟﻘﻰ
ﻣﻮﺿﻮﻉ ﺍﻻﺳﺘﻘﻼﻝ ﺩﺍ ﻗﺮﺏ ﻃﻮﺍﻟﻲ ﺍﺳﺘﻠﻢ ﺍﻟﻤﻮﺿﻮﻉ ﻭﺑﻘﻰ
( ﺳﻴﺪ ﺍﻟﺠﻠﺪ ﻭﺍﻟﺮﺍﺱ) ﻣﻊ ﺍﻧﻬﻢ ﻛﺎﻥ ﺑﻴﻨﺎﺩﻭﺍ ﺑﺎﻻﺗﺤﺎﺩ ﻣﻊ ﻣﺼﺮ
ﻭﺍﻟﺠﻤﺎﻉ ﺍﻟﻄﻴﺒﻴﻦ ﺩﻳﻠﻚ ﻛﺎﻥ ﺑﻴﺤﺒﻮﺍ ﺍﻻﻧﺠﻠﻴﺰ ..... ﻭﻃﻮﺍﻟﻲ
ﺭﻛﺒﻮﺍ ﺍﻟﻤﻮﺟﻪ ﻭﺭﻓﻌﻮﺍ ﺭﺍﻳﺘﻬﻢ ﻣﻊ ﺍﻟﺠﻤﺎﻋﻪ .......... ﻭﺳﻲﺩﻱ
ﻣﺤﻤﺪ ﻋﺜﻤﺎﻥ ﺍﻟﻤﻴﺮﻏﻨﻲ ﻭﺍﺭﺛﻬﺎ ﻣﻦ ﺟﺪﻭﺩﻭ ...ﻳﻌﻨﻲ ﻗﺼﺔ
ﺍﻟﺪﻋﻢ ﺩﻱ ﻣﺎﺟﺪﻳﺪﻩ ...ﻭﻛﻞ ﻣﺎﺳﺘﻤﻌﺖ ﺍﻟﻴﻪ ﺍﺳﻤﻊ ﺟﻤﻠﺘﻪ
ﺍﻟﻤﺸﻬﻮﺭﻩ ﻭﺍﻟﻮﺣﻴﺪﻩ ( ﻧﺤﻦ ﻣﻊ ﻭﺣﺪﺓ ﺍﻟﺴﻮﺩﺍﻥ ﺍﺭﺿﺎ ﻭﺷﻌﺒﺎ )
... ﻳﺎﺳﻴﺪﻱ ﺍﻟﺠﻨﻮﺏ ﺍﻧﻔﺼﻞ ﻭﺍﻟﺴﻮﺩﺍﻧﻴﻴﻴﻦ ﻧﺰﺣﻮﺍ ﻭﻫﺎﺟﺮﻭﺍ
ﺍﻧﺖ ﻳﺎﺳﻴﺪﻱ ﻣﺴﺆﻭﻝ ﻣﻦ ﺍﻟﺨﻴﺮ ﻭﻳﻴﻴﻴﻴﻴﻴﻦ ﺣﻤﺎﺩﻩ ﺍﻟﻤﺴﺎﻋﺪ
ﺑﺘﺎﻋﻨﺎ ؟؟؟!!! ﺍﺻﻠﻮ ﺧﺒﺮﻭﺍ ﻣﻘﻄﻮﻉ ﻣﻨﻨﺎ ﻣﻦ ﻳﻮﻡ ﻗﺎﻡ ﻻ
ﺭﺳﻞ ﺧﺒﺮ ﻻ ﺟﺎﺏ ﺟﻮﺍﺏ ...ﻣﺘﻮﻫﻮﺷﻴﻴﻦ ﻋﻠﻴﻬﻮ ﻭﺍﻟﻠﻪ ﻗﻠﻨﺎ
ﺍﻟﻤﺴﺎﻋﺪﻩ ﺩﻱ ﻻ ﺗﺒﻘﻰ ﺳﻮﺕ ﻓﻴﻬﻮ ( ﻋﺎﺿﺮﻱ) ....ﻋﻠﻴﻚ ﺍﻟﻠﻪ
ﻳﺎﺳﻴﺪﻱ ﻣﺎﻟﻚ ﻭﻣﺎﻝ ﺍﻟﺪﻋﻢ ﻓﻲ ﺍﻻﻳﺎﻡ ﺩﻱ ... ﺩﻱ ﺍﻳﺎﻡ ﻳﺪﻋﻤﻮﺍ
ﻓﻴﻬﺎ ﺭﺋﻴﺲ ﺭﺍﻓﻊ ﺍﻟﺪﻋﻢ ﻣﻦ ﺍﻱ ﺣﺎﺟﻪ ......ﻛﺎﻥ ﺗﺼﺒﺮ ﺷﻮﻳﻪ
ﻳﻤﻜﻦ ﺗﺠﻴﺐ ﻟﻴﻬﺎ ( ﻧﺴﺎﻡ) ﻭﻻ ﺍﻟﺸﺒﺎﺏ ﺩﺍ ﻳﻘﻮﻡ ﻟﻮ (ﻋﺼﺎﺭ)
...ﺗﻨﻄﻮﺍ ﺗﺮﻛﺒﻮﺍ ﺯﻱ ﻛﻞ ﻣﺮﻩ ....ﻫﻢ ﻟﻮﻛﺎﻧﻮﺍ ﺑﻨﻔﻊ ﻣﻌﺎﻫﻢ
ﺩﻋﻢ ﻛﺎﻥ ﺳﻴﺪﻱ ﺍﻟﺼﺎﺩﻕ ﺍﻟﻤﻬﺪﻱ ﺧﻼﻫﻢ ﺟﺮﺏ ﻣﻌﺎﻫﻢ ﻛﻞ
ﺍﻧﻮﺍﻉ ﺍﻟﺪﻋﻢ ﻭﻣﺎﻧﻔﻊ ..... ﻳﺎﺳﻴﺪﻱ ﻣﺎﻟﻚ ﻭﻣﺎﻝ ( ﺍﻟﺤﻤﺎﺭ
ﺍﻟﺮﻣﻰ ﺍﻟﻌﻤﺪﻩ ).... ﺟﺪﻧﺎ ﺍﺑﻮ ﺍﻟﺸﻴﺦ ﻛﻨﺎ ﺑﻨﻠﻌﺐ ﻣﻌﺎﻫﻮ
( ﺍﻟﻜﺘﺸﻴﻨﻪ) ﻭﻃﻮﺍﻟﻲ ﻳﻐﻠﺒﻨﺎ ﻓﻲ ﺍﻟﺤﺮﻳﻖ ﻻﻧﻮ ﻛﺎﻥ ﻣﻔﺘﺢ ﺍﻱ
ﻭﺭﻕ ﻓﻲ ﻳﺪﻭ ﻳﻨﺰﻝ ﺑﻴﻬﻮ ... ﻧﺴﺄﻟﻪ ﻳﺎ ﺟﺪﻭ ﺩﺍ ﺷﻨﻮ ؟؟؟ﻣﺘﻴﻦ
ﻭﺯﻋﻨﺎ... ؟؟؟ ﻳﻘﻮﻝ ﻗﻮﻟﺘﻪ ﺍﻟﻤﻌﻬﻮﺩﻩ( ﺍﻧﺎ ﻣﺎﻟﻲ ﻭﻣﺎﻝ ﺍﻟﺤﻤﺎﺭ
ﺍﻟﺮﻣﻰ ﺍﻟﻌﻤﺪﻩ ).... ﻣﺮﻩ ﺳﺄﻟﺘﻪ ﻗﻠﺖ ﻟﻮ ﺣﻜﺎﻳﺔ ﺍﻟﻌﻤﺪﻩ
ﻭﺍﻟﺤﻤﺎﺭ ﺷﻨﻮ ؟؟؟!! ﻗﺎﻟﻲ ﺍﻟﻌﻤﺪﻩ ﺍﺷﺘﺮﻯ ﻟﻴﻪ ﺣﻤﺎﺭ ﺟﺪﻳﺪ ﻣﻦ
ﺍﻟﺴﻮﻕ .... ﻭﻣﺸﻰ ﺍﻟﻌﻤﺪﻩ ﻃﻮﺍﻟﻲ ﺟﻬﺰ ( ﺍﻟﺴﺮﺝ) ﻭﻧﻂ ﺭﻛﺐ
ﻓﻮﻕ ﺍﻟﺤﻤﺎﺭ ...ﺍﻟﺤﻤﺎﺭ (ﻓﻨﺠﻂ ...ﻓﻨﺠﻂ)... ﺭﻣﻰ ﻟﻴﻚ ﺍﻟﻌﻤﺪﻩ
ﻣﺮﻗﺪﻭﺍ ﺷﻬﺮ .... ﺍﻟﻌﻤﺪﻩ ﺣﻠﻒ ﻣﺎﻳﺨﻠﻲ ( ﺍﻟﻌﻤﺪﻩ ﻣﺎﻋﻨﻴﺪ )
...ﻗﺎﻝ ﺍﻟﻤﺮﻩ ﺩﻱ ﻳﺮﻛﺐ ( ﺑﺎﻟﺒﺮﺩﻋﻪ) ...(.ﻓﻨﺠﻂ ...ﻓﻨﺠﻂ)
... ﺟﺎﺏ ﻟﻴﻚ ﺍﻟﻌﻤﺪﻩ ﺍﻟﻮﺍﻃﻪ.... ﻣﺮﻗﺪﻭﺍ ﺷﻬﻮﺭ ﻓﻲ
ﺍﻟﻤﺴﺘﺸﻔﻰ ...... ﺍﻟﻌﻤﺪﻩ ﻗﺎﻝ ﻟﻠﺠﻤﺎﻋﻪ ﺍﻟﺤﻤﺎﺭ ﺩﺍ ﺩﺍﻳﺮ ﻳﻘﺼﺮ
ﻋﻤﺮﻧﺎ ﺍﻣﺸﻮﺍ ﺑﻴﻌﻮﻩ ﻓﻲ ﺍﻟﺴﻮﻕ ......... ﻃﺒﻌﺎ ﺍﻟﺴﻤﺎﺳﺮﻩ ﻭ
( ﺍﻟﺴﺒﺎﺑﻪ) ﻣﻔﺘﺤﻴﻦ ... ﺍﺻﻠﻮﺍ ﻋﻠﻲ ﺟﻴﻬﺔ ﺍﻟﺤﻤﺎﺭ ﺩﺍ ﻣﺎ
ﺟﻮﺍ .....ﺍﻟﺠﻤﺎﻋﻪ ﺑﺘﺎﻋﻴﻦ ﺍﻟﻌﻤﺪﻩ ﻟﻤﻦ ﺯﻫﺠﻮﺍ ... ﻗﺎﻣﻮﺍ ﺷﺎﻓﻮﺍ
ﻟﻴﻬﻢ ﻭﺍﺣﺪ ﺩﺭﻭﻳﺶ ﻛﺪﻱ ﺣﺎﻳﻢ ﻓﻲ ﺍﻟﺴﻮﻕ ﻋﺎﻳﺰ ﻳﺸﺘﺮﻱ ﻟﻴﻬﻮ
ﺣﻤﺎﺭ .. ﻗﺎﻟﻮ ﻟﻴﻬﻮ ﻳﺎﺥ ﻣﺎﺗﺸﺘﺮﻱ ﻣﻨﻨﺎ ﺍﻟﺤﻤﺎﺭ ﺩﺍ ﻭﺍﻟﻠﻪ ﺣﻤﺎﺭ
ﺳﻤﺢ ﺧﻼﺹ ﻭﺑﺪﻭﺍ ﻳﺸﻜﺮﻭﺍ ﻓﻲ ﺍﻟﺤﻤﺎﺭ ...ﻭﺍﻟﺪﺭﻭﻳﺶ ﺍﺻﻠﻮﺍ
ﻗﺎﻝ ﻣﺎﺑﻴﺸﺘﺮﻱ ....ﻟﻤﻦ ﺯﻫﺞ ﻣﻨﻬﻢ ... ﻗﺎﻟﻬﻢ ﺍﻧﺎ (ﻣﺎﻟﻲ
ﻭﻣﺎﻝ ﺍﻟﺤﻤﺎﺭ ﺍﻟﺮﻣﻰ ﺍﻟﻌﻤﺪﻩ)

[email protected]


تعليقات 2 | إهداء 0 | زيارات 1064

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1199041 [Musab manofali]
1.00/5 (1 صوت)

01-31-2015 05:31 PM
خلي بالك سيدي الختم عنده لجام كارب وسرج دنقلاوي

[Musab manofali]

#1198947 [ابو هاشم]
1.00/5 (1 صوت)

01-31-2015 01:25 PM
بالغت معانا لكن قلت الحقيقه

[ابو هاشم]

حذيفه ابوعوف
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة