المقالات
السياسة
الجقور والطيور
الجقور والطيور
02-09-2015 11:40 PM


لو الجقور رفعت تمام
قالت تثور ضد الطيور
تهد جسور وتهد قصور
ولو مرة ً كل ألف عام
إيه الجديد في رداءة
الكبري المشيد
ما إنتوا سادة وسد
جديد
دوشكة وسيخة وحديد
طيارة تفعل ما تريد
ونحن ما بينكم عوام
خلونا من خرف الكلام
وتعالوا نجردكم حساب
كم ألف باب
مفتوح ملفح بالملام
مسنود وقايم بالحرام
بعري وعربدة النظام
ولو الكلام جاب الكلام
يقولوا ليك طبع الأذية
ما من هنا وما مننا
كل البلية من يوروب
أو من بلاد العم سام
كل الجوار صابو السهام
تعالوا نحسبكم حساب
ما مزايدة بل صواب
دقّ الفساد كم ألف باب
كم أبو دقن أفسد وعاب
كم مسؤول مالي الجراب
والعامة سافين التراب
والتحلل لسه شاب
وآ حُرقة النيل والشباب
كم وكم ركب الصعاب
لعن البلد خلاها ساب
وإنتو السبب
كم وكم مغبون
ومدفوع بالسباب
إختار لو غاب
ركل الوطن وكلمة وطن
في ها الزمن
قتيل وعدمان الكفن
ومسجى في حضرة
نظام
الأولى عندو على الدوام
منصة فرح ورقيص مرح
وعيد وتهديد للهوام
صيوان وصينية طعام
لو الجقور رفعت تمام
قالت تثور ضد الطيور
تهد جسور وتهد قصور
يبدو الدرس أن الجقور
إتعلمت رفع التمام
خِبتَ ياالاسد الجَسور
مبروك على البلد الجقور

[email protected]


تعليقات 1 | إهداء 0 | زيارات 731

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1205123 [نوال سيد احمد/الأمارات]
0.00/5 (0 صوت)

02-10-2015 08:09 AM
تسلم تسلم دا ياهو حالنا

[نوال سيد احمد/الأمارات]

خالد دودة قمرالدين
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة