المقالات
السياسة
ما تمسحنى يا حاج بالأرض..!!
ما تمسحنى يا حاج بالأرض..!!
02-11-2015 02:41 AM


فى ليلة باردة وليها زيف..
اتلمت الناس فى البيوت..
حتى الطريق أصبح نضيف..
لا حركة فيهوا ولا مرور..
ارصادنا حذروا من برد..
أوعاك من تلبس خفيف..
الصدفة ساقتنى الفجُر..
للمشفى شان أسعِف مريض..
قول يا لطيف..
شفت كان منظر عجيب..
كرتونة واكوام من وسخ..
يا حاج أنا.. راقد هنا..
يا زول أقيف..
ما تمسحنى يا حاج بالأرض..
يبقى الأجل..تحت العجل..
قول يا لطيف..
بِسمِلة مالك يا جنا..؟
بردان أنا ..جعان شديد..
أدينى يا خال شان أجيب..
رغيفة أسكِت بيها جوع..
معاها كباية حليب..
اسمك منو..؟
أمى سمتنى الحبيب..
موجودة وين..؟
ماتت هنا..
قبل ما يشوفا الطبيب..
شالوها ناس الخير وفاتو..
فاضى جابوا العنقريب..
خلتنى يا خال للعذاب..
لا يمة لا زولاً حبيب..
وين فات أبوك..؟
خلانى غاب ..
لى واحدة تانية بلا قلب..
ورتنى ألوان من عذاب..
خلتنى عايش زى غريب..
جيت أشم ريحة أمى قائل..
من عينى ما وقف الصبيب..
سمونى متشرد أنا..شماشى بس..
أنا منكم..من دمكم..أنا زيكم..
القسمة يا خال والنصيب..
خلتنى نكرة بلا إسم..
أمى سمتنى الحبيب..

بلا أقنعة..
صحيفة الجريدة السودانية..
[email protected]


تعليقات 2 | إهداء 0 | زيارات 764

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1206986 [........]
1.00/5 (1 صوت)

02-12-2015 02:18 PM
خلتني نكرة بلا إسم....
أمي سمتني الحبيب...


الله عليك ي رائع.

[........]

#1206066 [ابو ساري]
2.77/5 (7 صوت)

02-11-2015 11:58 AM
رائع

[ابو ساري]

زاهر بخيت الفكى..
زاهر بخيت الفكى..

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة