المقالات
السياسة
ما تتغش في تصويت جناح أم جكو!!!
ما تتغش في تصويت جناح أم جكو!!!
02-13-2015 02:03 AM


بسم الله الرحمن الرحيم
ما تتغش في تصويت جناح أم جكو!!!

ما تتغش في تصويت جناح أم جكو
وش وضهر بجيب ليك القبيل مسَّكنا ضنب الككو
واوعاك من تصدق إنه ديل بنصلحو
والشجر الكبر معووج ..
بموت بي حالو.. كضاب إن بقيت بتعَدْلو
أكان خجوه أو سلقوه..هم القالو بيهو بلاه ما بنفكو
خليهم يسوطوه.. ويخَلْفو شتيم مع الدلوكة
والفرعون يحوم أم فكو
بس ابعد بعيد ..عاف الدرب لا تْدُخْلو
أكرم ليك خلاياً من رفاقة بفِسْلو
ديل خيطم قطع ..نَفَسُم كمل ..ما بجُكُّو
جلدك بي ضفورم .. حاشا ما بتحُكّو
ما يغشوكا بي ناس سيدي أو ذريتو
بالراكبين معاهم كلهم بتبَلْسو
ضاقو الدنيا سادة وديل محال يتعَرْكو
وان حرينا جَزْماً بيرقم بيفكو
أما الفكة خلك منهم ..ديل بس قراد زاملتو
بعد جيب الحطب.. اسمع كلامو القالو
أكالين عقاب..ساعة القرار بتدكو
وان قل النصيب في القسمة بس بتبكو
واالصندوق قبيلك من بَدِير كتلوهو
ركن الشاشة يتلولح .. هداك شنقوه
شن بتكوس بعد كشفوا الورق من شَكو
بلا قلب المشمع في وشيهم ودَكو

معمر حسن محمد نور
13/2/2015

[email protected]





تعليقات 0 | إهداء 0 | زيارات 566

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




معمر حسن محمد نور
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة