المقالات
السياسة
والفواتح يا الست الوزيرة
والفواتح يا الست الوزيرة
02-13-2015 09:19 AM

بسم الله الرحمن الرحيم


مشهورة جداً نكتة أهلنا الحلفاويين في انتخابات 1986 عندما وعدهم مرشحهم المرحوم محمد توفيق بأن يلغي قوانين سبتمبر مطالبين بإلغاء صوم رمضان. وصاحوا: ورمضان كمان يا محمد. (رمدان كمان يمهمد).
خبر سونا يقول: الخرطوم (سونا) -اصدرت الاستاذة اشراقة سيد محمود وزيرة العمل والاصلاح الاداري ضوابط لتنظيم وجبة الافطار اثناء ساعات العمل بالخدمة المدنية والذي اشار الي قرار مجلس الوزراء رقم 27 لعام 2008م جاء فيه "لابد من مراعاة بعض الضوابط منها ، الاستفادة من خبرات وامكانيات المكونات النقابية في تجهيز اماكن تناول وجبة الافطار داخل اماكن العمل بصورة صحيحة وباسعار معقولة حتي يتم تفادي ظاهرة خروج العاملين و ضياع زمن الدولة في هذا الأمر، وان يكون مواعيد تناول وجبة الافطار مابين بداية الدوام وحتي الساعة الحادية عشر صباحا على ال اتتعدى نصف الساعة وبطريقة لا تؤثر سلباَ على دولاب العمل "
يعني هناك منذ صدور قرار مجلس الوزراء في 2008 م سبع سنوات والقرار لم ينفذ؟ من المسئول عن عدم تنفيذ القرارات؟ هذا الاستفهام الاول؟ الاستفهام الثاني ما هي الضوابط التي اصدرتها الوزيرة؟ وكيف يمنع الأكل الانفرادي داخل المكاتب ؟ يعني لو في واحد معاه ساندوتش يطلع يأكله بره المكتب ولأ في الحمام زي السجارة ( الحمراء ولا أعني أي سجارة بلون آخر)؟ وما هي عقوبة أو عقوبات من يخالف الضوابط؟ كنت أتوقع مع هذا القرار أو هذه الضوابط أن يكون المقترح ساندوتش كما في البنوك الآن.
نقطة ثانية في الخبر تقول : وجاء في ختام المنشور ان وزارة العمل والاصلاح الاداري تتلقى شكاوى المواطنين حول اي مخالفات لمنشور ضوابط الفطور عبر نافذة مخصصة لذلك بالوزارة وعبر موقع الوزارة الالكتروني.) أ. ه
طيب لماذا لا تكون شكاوى المواطنين على رقم هاتف مختصر ( بالمناسبة يا ستي الوزيرة ناس المرور عملوا واحد 777 يدخل دهب المكالمة بالشيء الفلاني وما حد يقولك دي مفروض تكون خدمة مجانية ).
الاستاذة الوزيرة هل ننتظر سبع سنوات أخر لمنع عادة أسوأ من عادة الفطور هي العزاء الجماعي أثناء ساعات العمل . وأقتبس جزء من رسالة صديق أرسلها لي من اليابان: (بمناسبة الأعذار والله جدول العام يوضع وينفذ بالدقيقة حتى العوامل الطبيعية (الامطار المتتالية لعدة أيام أو الجليد أو البرد الشديد.....الخ)لا تؤخر أو تقدم ما تم أعداده دقيقة. والله كنا في العمل في السودان مرات ننزل من ترحيلنا الصباح ونركب عربة أخرى قبل دخول المكاتب وذلك لشيل الفاتحة في عمة فلان في أطراف العاصمة (قرى وحلال متاخمة للولايات الملاصقة لولاية الخرطوم) بل والله وصل الأمر عدة مرات للسفر اثناء اليوم وبنفس الطريقة قبل دخول المكاتب إلى الولايات).انتهت افادة صديقي.
والفاتحة كمان يا الست الوزيرة.

الصيحة
[email protected]


تعليقات 3 | إهداء 0 | زيارات 1468

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1207555 [لحظة لو سمحت]
0.00/5 (0 صوت)

02-13-2015 04:34 PM
منذ ان غادرت السودان قبل 26 سنة لم اخرج لتناول وجبة خارج وقت الدوام و ذلك للانضباط الذى وجدته في الوله التى اعمل بها و ىا ود المصطفى اقول ليك وقفت الف احمر في تخصيص وقت لصلاة الظهر

[لحظة لو سمحت]

ردود على لحظة لو سمحت
European Union [احمد المصطفى ابراهيم] 02-13-2015 07:31 PM
جزاك الله خيرا لوقوفك الفا احمر لتخصيص وقت لصلاةالظهر


#1207547 [عادل]
0.00/5 (0 صوت)

02-13-2015 04:11 PM
والله انتى ما تنفذى اى قرار ضوابط فطور وفواتح بالجملة الخدمة انتهت من زمان الله يرحم السودان
منشوراتك بليها واشربى مويتها يا اشراقة خليك فى المخصصان واللهف الطوالى قبل الانقاذ دى ما تطير من السودان انتو شغالين بالمواطن والبلد شغالين لى مصلحتكم الشخصية بس

[عادل]

#1207537 [Almisahira fi izallail]
0.00/5 (0 صوت)

02-13-2015 03:26 PM
يا استاذ احمد..العمّه الماتت ولازمة تشيلو فيها الفاتحه اذا بقت عمة المدير او الوزير وهى المربياهو (اللى ربّتو وصرفت عليه دم قلبا) كيفن يعنى ما بتمشو تشيلو فيها الفاتحه اذا ما حصّلتو الدافنه! شن وراكن قاعدينلو.. موش احسن تمشو كوولكن تبيضوا وشوشكن قدام المدير!
*و كمان يعنى البنيات الشغالات معاكم ما يمشن يعزّن؟ ما يمكن رب العالمين جاعل القسمه لواحده منهن فى العزا دا!
* وبعدين كمان انتو يعنى دايرين مرة المدير العمّتو ماتت "تسّدّا" فيهن (تعاملن بالمثل) كان واحده فيهن عمّتا ماتت! هوى يا رجال انتو "جندرتكن" ما بتخلوها.. الله يدينا خيركن!
*وعشان الست الوزيره عارفه ألأصول كوولها (اتحاديه او غيرا) ما جابت سيره لحكاية الفواتح والمعزى.. طبعن لأنو الموت ما بحصل كل يوم .. انت يا بتاع ألأأستفهامات بس اقعد كل يوم انبش فى الكلامات المشاتره دى.. انت مالك يا راجل.. متلقّى حجج كدى! اظنّك ما عندك شغله!

[Almisahira fi izallail]

ردود على Almisahira fi izallail
European Union [ابو خنساء] 02-14-2015 11:09 AM
وانت مساهرة في عز الليل مالك ؟ ما عندك شغله برضه ؟


احمد المصطفى ابراهيم
 احمد المصطفى ابراهيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة