المقالات
السياسة
الليل المظلم للفاسدين مرتع..!!
الليل المظلم للفاسدين مرتع..!!
02-22-2015 03:33 PM

شـمـس الحــــق..اتوارت غابت..
خلـف الظُـــلمة العمت ليلـنا وطالت..
مهما غابت..
لابد من تَشـرِق..
تبدد ظُلمة ليل أُمبارِح..
تكشـف عَـورة ..
عورة ثَورة.. سَــوءة طامــح..
سارِح ..فى حصـاد الغير..قط ما بشبع..
لما تلوح شمسك ياحـــق فى يوم تسطع..
تصبح نبــراس..تهدى الضـالين..
والليل المُظلــم..للفاسدين مـرتع..
مهما اتوارت..شـمــس الحـق..لابـد مــن تطــلع..
من تانى وتسطع..
فى بـلداً صــار مهـدود الحـيـل..
صـابـر بلحـيل والصـبر جميل..
صارت..لُقمــتنا عَصــية..
غابــت..صنعتنا الوطنية..
طـارت..خِبـراتنا العلمـية..
ركت فــى مَهَاجِـــر..
فيها الــزول إنــسان عِندو هوية..
مهما كانت قُسـوة ليلــنا..
مصيروا الفجر يَهِل..
مهما جارت بلدى علينا..
لابد يوم بُكرة يطِل..
شايل بُشرى..
فيها سلام بيناتنا يحِل..
بيها تعود دارفورنا الكبرى..
تصفوا نفوس الناس من جور أو غِل..
من تانى تعود بلدى أمان..
سلامنا الدائم يصبح ظِل..
تحتوا الكل عايشين..

بلا أقنعة..
صحيفة الجريدة السودانية...
[email protected]


تعليقات 0 | إهداء 0 | زيارات 656

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة