المقالات
مكتبة كتاب المقالات والأعمدة
صلاح الدين عووضة
ليس بكري وحده !!
ليس بكري وحده !!
02-25-2015 09:09 AM

*نادي المريخ ذبح خروفاً خلف المرمى لـ(فك الربط) الذي يكبل مهاجميه من إحراز الأهداف..
*ولا أدرى كيف فات على إدارته ذبح آخر أمام المدافعين - وخلفهم - لـ(ربط الفك) عنهم..
*أما علي جعفر فأرى أن يُذبح ثور (بحاله) بين رجليه..
*وأقترح أن نُعمم حكاية الخرفان هذه على كثير مما هو متعثر في بلادنا..
*علينا أن نفعل ذلك بعد أن نرى أثر (الدم) - أولاً- على مهاجمي المريخ في لقاء عزام..
*فربما يرى منسوبو المريخ أن الذبح هذا أولى به بكري - وصحبه - عوضاً عن الخراف المسكينة..
*أما إن نجح الأمر - وانتصر المريخ - فأول ما نبدأ به تجربة الدم هو مشروع الجزيرة..
*فحقوله (مربوطة)- بكل تأكيد- بعد أن كانت تشتعل قمحاً ووعداً وتمن..
*ثم ننتقل إلى هيئة السكة الحديد لنذبح تحت (أطلال) الورش خرافاً كثيرة..
*ثم نريق الدماء على القضبان ، وداخل العربات ، وتحت القاطرات..
*أو بالأحرى ما تبقى منها...
*فقاطراتنا صارت (مربوطة) بعد أن كانت تجري كلاعب المريخ بكري المدينة..
*فهي تشبهه في الجري فقط وليس في إحراز الأهداف..
*ومن بعد ذلك نذهب ببعض الخراف إلى خطوطنا الجوية..
*صحيح لم تعد لدينا طائرات - بعد أن طارت جميعها - ولكن (الأثر) يكفي..
*وكذلك (أثر) خطوطنا البحرية التي (أبحرت) إلى غير رجعة..
*أو كنا نظنها كذلك قبل أن نعرف قوة الدماء في (إرجاع) المفقود..
*فالذي يجعل ذاكرة إحراز الأهداف (ترجع) لمهاجمي المريخ سوف يجعل بواخرنا (ترجع) أيضاً..
*و(بالمرة) نسكب قليلاً من الدماء أمام منزل الميرغني كي (يرجع) إلينا المساعد الرئاسي (الغائب)..
*ثم يجب علينا ألا ننسى مصانع التعليب والتجفيف والنسيج من (حملة الدماء) هذه..
*فهي كلها توقفت ماكيناتها عن الإنتاج بعد أن كانت تهدر كهدير جماهير المريخ المتوقع (ليلة عزام)..
*فقط الهدير هو المتوقع ولكن لا نجزم بـ(فك ربط) بكري أو (ربط فك) علي جعفر..
*لا نجزم بذلك إلا بعد أن نرى تأثير دماء الخراف..
*وعقب الفراغ من مصانعنا التي أضحت (خرابات) نعرج على الخدمة المدنية..
*فأمام كل مرفق حكومي نذبح كبشاً على أمل أن تعود خدمتنا المدنية (منضبطة) كما كانت..
*فكل شيء فيها غدا (مربوطاً) عدا ميزانياتها التي هي (مفكوكة ع الآخر)..
*كما علينا (جر) خروف نحو منزل مهندس البكور عله يقنع الحكومة بخطل فكرته الخاصة بـ(جر) الساعة..
*أما جيوب المواطنين فقطرة فيها تكفي !!

الصيحة


تعليقات 13 | إهداء 0 | زيارات 4748

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1216724 [ابو اشوش]
0.00/5 (0 صوت)

02-27-2015 04:29 AM
لو انت سوف تذبح علي كل شي باظ مع الكيزان خروف حتي يرجع كما كان اعتقد انك سوف تفقد كل الثروة الحيوانية وهتفضل لنا ثروة الجقور فقط

[ابو اشوش]

#1216361 [كردفاني]
5.00/5 (1 صوت)

02-26-2015 01:14 PM
قايتو الحمد الله الحكاية بدت بالخراف المابدت بالجمال كانت الجمال تعبت وإن كانت هي السبب في تدهور مستوي لاعيبت هلال مريخ

[كردفاني]

ردود على كردفاني
[بي كرت] 02-26-2015 07:00 PM
آه يا مجرم ، لكين ما قلت الا الحقيقه .


#1215887 [ملتوف يزيل الكيزان]
0.00/5 (0 صوت)

02-25-2015 07:28 PM
يكفي ذبح خروف واحد ، رأفة بثروتنا الوطنية ، الخروف الاكبر البشير.

[ملتوف يزيل الكيزان]

#1215760 [Almisahir fi izallail]
0.00/5 (0 صوت)

02-25-2015 03:34 PM
يعنى يا سيد"ABBOOOD)اذا كلام صلاح عووضه دا ما "نقشتو" كويس.. دانت بتكون انت اللى (تستحق الدبح) اقصد انك محتاح ال "ذبيحة سمينه" (موش زى اللى ورد ذكرها فى كتاب ألأطفال بتاع زمان) يعنى زى ما تقول ندبح لك فى حدود "سخيل" لزوم فك "العارض " اللى ما مخليك "تنقش" اللى بيكتبو "الولد دّا" ..بدون ما نحلف كل كلمه بيكتبها الود صلاح دا فيها ما فيها. (ما تفتيت تلجا هو ما محتاجلو ولا انا مارقلو)!
على كل حال نديك فرفرصه تانيه تقرا كلام صلاح دا تانى وتدينا رايك عشان نشوف نعمل ليك او نعمل فيك شنو اذا لسّ مصر ان كلام صلاح ما فيهو "صمره"! نعنمنو كلام صلاح دا كووللو صمر!

[Almisahir fi izallail]

ردود على Almisahir fi izallail
United States [حقاني] 02-26-2015 06:55 AM
ي المساهر م تتعب نفسك مع عبود . ده اما واحد غبي واما واحد م الكتاكيت

[ABOOD] 02-25-2015 06:03 PM
حاتعمل شنو يعنى حاتطعنى بالكيبورد ولا شنو مافاهم ؟؟؟ المقال سخيف ولاتحمل مقالت صلاحك الا الهمز واللمز .. وما بظن انو الاسلوب بيكون مؤثر على شئ (الا انت طبعا) ولا احتمال تكون دى رطانه من عنديكم وفى الحاله دى اجمع مقالتو وافرح بيها انت يا ابو الفهيم وترجما لينا بعد داك .....

http://www.alrakoba.net/news-action-show-id-184490.htm
http://www.alrakoba.net/articles-action-show-id-58732.htm
http://www.alrakoba.net/articles-action-show-id-58729.htm
وعشان انزل لاى مستوى فى الفهم اديتك الروابط دى تشوف المقالات دى وتقارن بالاسلوب وتوصيل المقال بدون لف ودوران ...... اها فهمت يابتاع الضبيحه ولا عاوز ليك سخله تونسك ؟ اقصد اضبحا ليك ؟


#1215725 [أنا المظلوم]
0.00/5 (0 صوت)

02-25-2015 02:36 PM
لا ننسى كبشين أقرنين أمام القصر الجديد لعل الريس يعدل عن الترشح للانتخابات القادمة،

[أنا المظلوم]

#1215665 [ناسي حاجة]
0.00/5 (0 صوت)

02-25-2015 12:56 PM
كلمك سنين كل العادة ...
اها ياناس قريعتي راحت شوف برايتو ماركتها شنو...والله في واحدين براية ماعندهم شغالين بالموس عشان كدة تلقي كلامهم زي درب الجداد

[ناسي حاجة]

#1215572 [ABOOD]
0.00/5 (0 صوت)

02-25-2015 11:50 AM
والله يا ود عوضه نفسى يوم واحد القى ليك مقال مفيد ويخدم قضيه وطنيه او يخلى الزول يتابع حقائق من سردك يعنى جيب قضية فساد ووثائق واكشف لينا عصابة الوطنى وعمايل اخوان الشيطان او خليك زى الطاهر ساتى على الاقل عندو موسيقى فى الطرح والاسلوب ..لكن تشبكنا اقترح يضبحو وبكرى المدينه ..وعندنا فى القريه واحد حلفاوى كان عوير وبتاع الدكان واتسلفنا منو ؟؟؟؟؟ظ ياخ والله عمودك ممل ....

[ABOOD]

ردود على ABOOD
United States [ابو اشوش] 02-27-2015 04:25 AM
والله انت غريب الزول ده كان كعب ليك من ألفي الجراب خاطئ سيب الفلسفة وخلّينا مع عدو الكيزان الأصيل

European Union [ريتشارد قلب الاسد] 02-25-2015 05:36 PM
انت مامجبور عليهو احنا مجبورين علي


#1215548 [الحقيقة المرة]
0.00/5 (0 صوت)

02-25-2015 11:27 AM
ألا تتفق معي أخي عووضة أن يتم ذبح عدد( من ال....) أيضا لفك ربط الشعب الذي استكان.. لسنين عددا ... تحياتي

[الحقيقة المرة]

#1215535 [سودانية]
0.00/5 (0 صوت)

02-25-2015 11:13 AM
اسكيزوفرينيا كل الشعب السوداني وحكومتو مصابين بالمصيبة دي والمرض ده الكيزان فكو في الشعب زي الوباء ...اهم اعراضو التشخيصية ان المصاب تتملكه حالة من الاوهام التي يؤمن بحتميتها ان هناك قوي خفية تتحكم في مصيره وافعاله ونتايءج مايفعله وانه شخص مسلوب الارادة لاحول له ولاقوة ...فيبدا باقناع نفسه بان علية ارضاء تلك القوي او اضعافها بطرق تدخله في ملة المشركين وفاقدي الايمان مثل اللجوء للسحر وتقديم القرابين وتقديس الازلام وغيره ...نسال الله ان يعصمنا من الوباء الفكو فينا الكيزان ده ويشفي المصابين

[سودانية]

ردود على سودانية
European Union [سودانية] 02-26-2015 11:41 AM
ياجماعة هووي بلة الغايب ده اهدرو دمه وبعد الثورة اقتلوه ولو وجدتموه متعلقا باستار الكعبة...
ده قولي

[جنو منو] 02-26-2015 08:36 AM
صدقا لكلامك يا سودانية عند افتتاح القصر الرئاسى الجديد .. كان بحضور بلة الغائب .. ويقال ان
هنالك توصية قوية بتأثيث مكتب لة جوار سيدو وبينهما نفاج ... اها شن قولك !!؟


#1215465 [habbani]
0.00/5 (0 صوت)

02-25-2015 10:13 AM
وكبش على حدود نا مع حلايب وحدودنا مع الفشقة وحدودنا مع الجنوب تحتاج تيران

[habbani]

#1215459 [باب المندب]
0.00/5 (0 صوت)

02-25-2015 10:07 AM
اضبحوا الكيزان ينصلح حال البلاد والعباد

[باب المندب]

#1215443 [سيف الدين خواجة]
0.00/5 (0 صوت)

02-25-2015 09:49 AM
يا عووضة العوض علي الله ثروتنا الحيوانيةكلها ما تكفي مصانع القطاع الحاص التي توقفت يوم انقلاب الانقاذ كان بالسوق 4انواع من زيت الطعام نتاج سوداني وكل انواع الصابون انتاج سوداني واهم من ذلك كله ان المواطن يجد ما يريده حسب استطاعته بالتنوع والصلابة وتصور يوم الانقلاب صدر احد المصدرين 4بواخر سماد طبيعي ليعود لنا مصنعا وهم جاءوا بسبب ضيق في الخبز والمواد التموينية وهم سبب الضيق ذاته يعني شلنا المنتحب وجنبنا المضيقه علينا ونطلب انقاذنا حتي ضاقت لحد الموت اليس هذا غباء وهذا الضيق قال به الترابي وهوالي السجن ليوحي بانقلابه بذكاء (لابد للسودانيينان يضيق علي السودانيين في حياتهم حتي يتركوا الاسترحاء علي الحكومة لتطعمهم ) !!!

[سيف الدين خواجة]

#1215434 [جنو منو]
0.00/5 (0 صوت)

02-25-2015 09:41 AM
*كما علينا (جر) خروف نحو منزل مهندس البكور عله يقنع الحكومة بخطل فكرته الخاصة بـ(جر) الساعة
ساعتو دى ياود عووضة داير ليها ثور .. زى ثور صاحبك مالك الصيحة الذى تم ذبحة عند اعلان انصال
الجنوب ..!!!

[جنو منو]

صلاح عووضة
صلاح عووضة

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة