المقالات
السياسة
أصلك كنت زارع جن ؟ ( قصيدة)
أصلك كنت زارع جن ؟ ( قصيدة)
02-27-2015 11:04 PM


بسم الله الرحمن الرحيم
أصلك كنت زارع جن ؟ ( قصيدة)

وجابو المش ..ملان بالدود وقالولك
أكل يازول وما تعافه
أصلو الدود ده منه وفيه
لبن رايب لخمسة سنين بعد عشرين
صحة وعافية لو مزمزت ديدانه
وعارفينك قرفت خلاص...
ولا يمكن زوادتك تبقى يوم منه
ولا زيه
تتوع تمرق القولون علي سيرته
وهم غاتسين ..ولا هامين..
عشان دي السكة للتمكين
وباسم الدين
عمارة بدل بيوت الطين
والعربات تقول يا ليل
شرطاً آخر الموديل
علاج بي سفرة بالدولار
عرس مثنى وثلاث ورباع كمان بوبار
وفرعون قال ..زراعته تدخل المليار
لا بالله..أصلك كنت زارع جن؟
يغوص جوه البحار ويلم ..
من الياقوت أو المرجان كريم أحجار؟
صدقناك ..تعال أحلق قنابيرنا
معاك بله ..والمداح يدق الطار
والشلة الحفظناها وكرهناها ..وتسمعا لينا كل مرة
تقول بس عازة عقرت من رجال حرة
عزيزين ما بيرضوا الذلة للدولة
ولا الشحدة..ونكران الرفاقة حطب..
عشان دينار ولا درهم
كمان لافي ..؟ تقول أدوني أصواتكم...
عشان نرويها بِلداتكم
عشان الصحة شان تعليم وليداتكم
قسم بالله لولا سيرة العربات بمال الدولة والبنزين
وكم كده لسه موهومين..عديمي الذمة ملمومين
كان حتحيي صف الغاز ..
تشوف الدنيا زي الغاز..
بس كان فزت ما فزت
حترحل بي جداداتك
تكاكو هناك في لاهاي
ده لو هنا يلحقك حجاز

معمر حسن محمد نور
27/2/2015
[email protected]


تعليقات 0 | إهداء 0 | زيارات 865

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




معمر حسن محمد نور
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة