المقالات
منوعات
قصيدة بعنوان حنين
قصيدة بعنوان حنين
03-10-2015 04:05 PM


طالبة بجامعة الاحفاد السنة الاولي ادارة اعمال
منو الاداك حق الريد..
منو الاداك حق انك تكون اني..
تحول كافي لي ياءا ..
وتقلب يائي لي كافا..
تلخبط كل حروفي كياني بي دلك ..
منو الاداك حق تدخل ودون تستاذن الاضلاع
وتطلق من سهام عينيك ..
سهم يدخل حنايا قلبي يتوكر..
واستوطن كتب دقاتو بي اسمك..
وشال عيني حراسا ..
محل ما تمشي تبراك..
وخت اشواقي في حسابك ..
منو الاداك حق اصلا ..
تخلي دفاتري اوراقك ..
وتتحكر كتاباتي ..
ولي غيرك محال يكتب كمان قلمي..
منو الاداك حق انك ..
تشيلني مني بي ريدك ..تخليني..
دوام متشتت الازهان ..دوام محتار
فيني انا البقيت انت ..
وانت كمان بقيتني انا ..
اشوف الدنيا بي عينيك
تشوفا جميله بي عيني..
واسمع بيك جميل الحان
وتسمع انت بي اذني ..
بحسو حنين باحساسك ..
حنين قمرية لي عشه .. وحنين مشتاق
حنين الغربه للعودة ..
وشجن بيزيدا اهاتي اللي جانية علي من مدة..
وبحسو جمال احساسك باحساسك..
واعاين ليك.. تتبسم ..
ودون ما اشعر اتبسم.. واتبكم .. واتلعثم ..
وادور اصرخ بصوت عالي واتكلم ..
واطلب من سمو علاك ..
لو تسمح وتتكرم تعيدني الي من تاني ..




تعليقات 0 | إهداء 0 | زيارات 751

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




سلافة الياس
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة