المقالات
السياسة
انتخبوناْ ياْولاد الذينا ( قصيدة)
انتخبوناْ ياْولاد الذينا ( قصيدة)
03-11-2015 01:12 AM


بسم الله الرحمن الرحيم


وقال الحزب إنا قد ضمِنّا
بأن الحكم أصلاً من نصيبنا
ونحنا نصفِّر العداد لغيرْنا
وهم لسواهمو سيصفرونا
والصندوق إذا فوزنا مرحب
وإلا بالمباصره فائزينا
نخجها دونما خجل ووجل
على الكوزين نطُسَّها جردلينا
وما دام نحن بي درب الله جينا
ضرورة تحلل التزوير يجيبنا
ولما نموت ونحنا على دربنا
يكون الموت مجيَّه لي نعيمنا
وتاخدو الدِين علي قولنا وفهمنا
وقفل بوزك انت إذا غلطنا
ولو لخبطنا سورة الكافرينا
معَ هبي بصحنك فاصبحينا
عشان كده مافي داعي تجننونا
وتعملوا فيها زي بتراقِبونا
حنوعدكم كما سبقت وعود
وما نفذنا ليكم يوم وعودنا
والقاطَعنا يبقى من الأراذل
نقد عينيه لو رفعن علينا
والراجل يمد إيديه هفوة
عشان يلقانا ليها مكسرينا
وبرنامجنا معروفٌ لديكم
فانتخبونا ياولاد الذينا
والنسوان يشدوا الحيل معانا
بنات الكلب لو ما فوزونا
وكان رقصنا كل مرشحينا
وحتّو نبق أمام العالمينا
وفكروا ناس يقوموا يغلطونا
تحت جزمتنا كل الناقدينا
ويا ناس الجرايد ما تعاندوا
وتعملو فيها زي بتدرسونا
وخطاباتنا نحنا قعدنا ليها
وأجزناها بالإجماع رضينا
وهذي الحملة أطهر ما لدينا
بحمد الله ليها منفذينا
عشان ما تدوا صوتكم للمرشح
رئيسنا البتحانيس راضي بينا
معمرحسن محمد نور
10/3/2015
[email protected]


تعليقات 1 | إهداء 0 | زيارات 1113

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1225062 [إسلوب البشير القذر]
0.00/5 (0 صوت)

03-11-2015 10:28 AM
اسلوب البشير في إدارة حكم البلاد إساءة وقلة أدب فقط لا غير

http://www14.0zz0.com/2015/03/11/10/291282071.jpg


image

[إسلوب البشير القذر]

معمرحسن محمد نور
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة