الخير والبركة !! منع نشره في (الصيحة)
04-06-2015 09:17 AM


*زوج إحدى الشقيقتين - في مسرحية ريا وسكينة - يطلب من عديله العريس أن (يشد حيله!)..
*ثم يضيف قائلاً (وخلف لنا عيلين يا عبد العال مش واحد)..
*فيسأله العريس دَهِشاً ( وليه عيلين يا حسب الله ؟!)..
*فيجيبه زوج ريا شارحاً (واحد ليكم وواحد لينا إحنا)..
*وحين يسأله عبد العال (وانت بتعمل إيه؟) يقول حسب الله كلاماً يفضح (حالته)..
*يقول وهو يربت على كتف عديله ( لا ما هو انت الخير والبركة!)..
*والآن - ونحن بين يدي ذكرى أبريل - نسرد (طرفة) حقيقية ذات شبه..
*فصاحب (ركشة) كان قد أقلني - وإحدى إطارات السيارة - إلى محل (بنشر)..
*وأثناء المشوار طفق يتحدث معي عن تطاول سنوات (العذاب)..
*قال إنه - وأمثاله - أضحوا (جيلاً ضائعاً) جراء سياسات الحكومة الاقتصادية..
*ثم شرح لي - بحسرة - كيف أن فتاته هجرته من أجل مغترب (جاهز)..
*ثم سألني سؤالاً (جريئاً) لم أتوقعه من شاب مثله..
*أي من أحد الذين (يفلفلون) شعورهم..
*قال لي : متى في رأيك تتغير (أوضاعنا) هذه؟!..
*فأوضحت له ما (فعله!) جيل آبائنا خلال حقبة نوفمبر..
*ثم ما (فعله!) جيلنا نحن - وقد كنا في مثل عمره - أثناء فترة مايو..
*فماذا فعلتم أنتم - سألته - يا معشر جيل اليوم؟..
*فجاءت إجابته غريبة لم أدر أأضحك - إزاءها - أم أبكي ؟!..
*فقد قال وهو يكاد يربت بنظراته على كتفي (والله يا ريت لو تكملوا جميلكم)..
*أي يربت عليها - مجازاً - مثلما ربت حسب الله بيده على كتف عبد العال..
*ونظرت عبر عينيه هاتين إلى مشهد - من أيام أبريل - ما زال محفوراً في ذاكرتي..
*فالمرأة المسنة تقف بجوار شجرة - أمام مشفى الخرطوم - وهي تستحثنا على المضي قدماً..
*أي أن نتجه شمالاً - تجاه القصر - حيث ترابط كتيبة من الشرطة أمامنا..
*كانت تصرخ بأعلى صوتها (ما تخافوا يا أولادي ، إلى الأمام إلى الأمام)..
*ومن عباراتها التي لن أنساها (كفاية ظلم ،كفاية طغيان ، كفاية جبروت!)..
*والشرطة آنذاك - ونقولها للتاريخ - لم تطلق رصاصة (حية!) واحدة صوب المتظاهرين..
*ثم ارتد بصري - من الماضي - ليستقر على وجه الشاب..
*وهمهمت في سري (ألا ليت الشباب يعود يوماً)..
*لا لأخبره - وأبناء جيلي - بما فعل المشيب ...
*وإنما لنكون (الخير والبركة !!!).


الصيحة/السياسي


تعليقات 14 | إهداء 0 | زيارات 6483

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1242970 [الأزهري]
3.00/5 (1 صوت)

04-08-2015 12:56 PM
معليش على تعليقي السابق ما كنت قصدك انو منع من النشر في صحيفة الصيحة أنا قايلو مانعنو كلو كلو

[الأزهري]

#1242637 [الأزهري]
0.00/5 (0 صوت)

04-08-2015 12:48 AM
بس هسه يا ودعووضة كللامك دا شنو الفيهو عشان يمنعوه من النشر؟! آا ؟ أنا من زمان بطلت أقرأ اي مقال منع من النشر وفهمت المقصود زي ما فهمت البنوك والشركات والمحلات البزيدو على اسمها صفة (الإسلامي أو الإسلامية) كذباً ونفاقاً - اكتب يا عووضة بالواضح كدة زي ناس شبونة ولا مش عايز تفارق قروب ناس الظافر وعصمان وساتي؟

[الأزهري]

#1242354 [حوراني]
4.00/5 (1 صوت)

04-07-2015 02:05 PM
يا ود عووضه الجيل الجديد الواحد فيهم يدخل الجامعة ولسه ما بلغ الحلم وما فاضيين من متابعة الواتساب واخبار الفنانين ما كلهم طبعا البعض فيهم خير ومصادميين بالذات اولاد الغلابه اذكر ايامنا كنا في المتوسطه في مدرسة الاتحاد المتوسطه زمن نميري
والله مدرسة الزهور المتوسطه للبنات كان طالباتها بيجو يطلعوا مدرستنا مظاهرات فما بالك بطلبة الثانوية والجامعات في ذاك الزمن الجميل كنا جيل مصادم نساء ورجال

[حوراني]

#1241982 [الدنقلاوي]
0.00/5 (0 صوت)

04-06-2015 10:58 PM
لا أنت ولا جيلك ولا جيل الاستقلال ولا جيل أكتوبر ولا جيل البطولات فعلتم شيئاً ذا قيمة وطنية
والدليل
حالنا الراهن، فلو نجحتم في بذر بذرة التغيير والبناء الوطني لكنا الآن نجلس تحت شجرة الحرية والرفاهية
فدعونا من هذه الأوهام كل إنجازاتكم الوطنية من شاكلة " الخطب الحماسية والضجة في الرادي" والتي ما أن يحول حولها حتى تكون قد تبخرت في إنقلاب عسكري أوتسليم وتسلم بين العسكر والسياسيين

[الدنقلاوي]

ردود على الدنقلاوي
European Union [ود البجا] 04-07-2015 11:24 AM
الدنقلاوي كلامك عجبني شديد يا ها الحقيقة البيتحاشوها ناس عوضة وناس أبو الهول . أنا ما صغير قدركم ولا أصغر منكم شوية . الجيل دا نحن جنينا عليه . نحن أكلنا حقنا وحقو ، نحن ما هيأناه بتربية صح ولا تنمية حقيقية وأساسها الإنسان ، نحن لا زلنا واللي قبلنا متشبسين بكل الإمكانيات و السلطة ، هذا الجيل ضحية من ضحايانا . المسخ الحي قدامنا دا(الزي الميت )ا نحن الكبار صنعناه . الخير ما فينا نحن ، لذلك ما أفرزنا ما ينفع الناس ،وين القيم الخليناها ، وين العز الأورثناهم ليه ، وين المفخرة وين التراث الفضلناه .يا عوضة نحن تمتعنا لذاتنا وما خلفنا إلا الروث والزبالة .
جيل ورى جيل أسوء ثم أسوء ، وبعد داك حتى الذكرى بتنتهي .
نحن أنانين وجهلة ، ولي هسي ما عندي نموذج قائد حقيقي يقود أمة في السودان ، كل الأسماء قديماً وحديثاً أسماء هلامية ، وليدة اللحظة صنعتها الظروف في غفلة من الزمن ، أو قادة إستغلالين تنكبو العشائرية أو المذهبية (الطائفية) واستغلوا بساطة وجهل الناس وروجوا لأنفسهم على أنهم قادة .
حتى التنظيمات الفكرية التي تدعي التقدمية ولا الدينية البتدعي النقاء والروحانية ، تنظيمات فالسو حتى لو تصدر قيادتها من يحمل دكتور ولا مهندس .
ولا زلنا نمارس بكل حرفنة و ذكاء سياسة دفن الرؤوس في الرمال ، ونميل من الحقائق يمنة ويسار .
والله المستعان ، غايتو الله يفهمنا الصح.


#1241950 [اوهاج احمد اوانق دينق]
0.00/5 (0 صوت)

04-06-2015 09:21 PM
لو كانت المسألة مثلما انت فاكر يا عووضة ، فليذهب السادة/ فاروق ابوعيسس و أمين مدني و فرح عقار و الصادق المهدي و غيرهم من الساسة الي المعاش الطوعي ، و تسليم راية النضال و الكفاح السلمي الي شباب اياهم ، كل جيل يقوم باسقاط حطم العسكر الجاسم في صدر الوطن ،و تبكي ياوطني العزيز .

[اوهاج احمد اوانق دينق]

#1241883 [ابو احمد]
0.00/5 (0 صوت)

04-06-2015 06:57 PM
أخ وأخ من انا ذكرتني ايامنا الزمان ومظاهراتنا وهنافاتنا ونحن لا نهاب ولا نخاف وجيل اليوم جيل الواتساب وجيل النت والحبكانة هذا جيل حكم عليه ان يعيش هكذا لا تتوقع منه شي لن يخرج حتى ولو جلس على حاله عشرات السنين مرة اخرى طالما الجوال في ايده والواتس شاغله وهكذا لا تتوقع شي !!

[ابو احمد]

#1241875 [ابو الهول]
5.00/5 (1 صوت)

04-06-2015 06:43 PM
اخونا يبدو انك قد نسيت ابطال سبتمبر والشباب الغض الذين روت دماؤهم الاسفلت وقتلوا ونكل بهم في هجمة همجية ...وياخي لكل جيل وسييلته ..وشعبنا وحواءنا ولودة ....وله الف حق ان يقول لك (ما تكملوا جميلكم)...وما زلتم انتو الخير والبركة لمواجهة جيوش المغول الهمجية التي لا تفرق بين اطفال المدارس ....

[ابو الهول]

ردود على ابو الهول
European Union [ود البجا] 04-07-2015 10:45 AM
الدنقلاوي كلامك عجبني شديد يا ها الحقيقة البيتحاشوها ناس عوضة وناس أبو الهول . أنا ما صغير قدركم ولا أصغر منكم شوية . الجيل دا نحن جنينا عليه . نحن أكلنا حقنا وحقو ، نحن ما هيأناه بتربية صح ولا تنمية حقيقية وأساسها الإنسان ، نحن لا زلنا واللي قبلنا متشبسين بكل الإمكانيات و السلطة ، هذا الجيل ضحية من ضحايانا . المسخ الحي قدامنا دا(الزي الميت )ا نحن الكبار صنعناه . الخير ما فينا نحن ، لذلك ما أفرزنا ما ينفع الناس ،وين القيم الخليناها ، وين العز الأورثناهم ليه ، وين المفخرة وين التراث الفضلناه .يا عوضة نحن تمتعنا لذاتنا وما خلفنا إلا الروث والزبالة .
جيل ورى جيل أسوء ثم أسوء ، وبعد داك حتى الذكرى بتنتهي .
نحن أنانين وجهلة ، ولي هسي ما عندي نموذج قائد حقيقي يقود أمة في السودان ، كل الأسماء قديماً وحديثاً أسماء هلامية ، وليدة اللحظة صنعتها الظروف في غفلة من الزمن ، أو قادة إستغلالين تنكبو العشائرية أو المذهبية (الطائفية) واستغلوا بساطة وجهل الناس وروجوا لأنفسهم على أنهم قادة .
حتى التنظيمات الفكرية التي تدعي التقدمية ولا الدينية البتدعي النقاء والروحانية ، تنظيمات فالسو حتى لو تصدر قيادتها من يحمل دكتور ولا مهندس .
ولا زلنا نمارس بكل حرفنة و ذكاء سياسة دفن الرؤوس في الرمال ، ونميل من الحقائق يمنة ويسار .
والله المستعان ، غايتو الله يفهمنا الصح.


#1241859 [ريتشارد قلب الاسد]
0.00/5 (0 صوت)

04-06-2015 06:04 PM
الليلة وين البقر فر ....دحين يااستاذ انت المرعي ده امس مش كان ملان بقر

[ريتشارد قلب الاسد]

#1241790 [Almisahir fi izallail]
3.00/5 (1 صوت)

04-06-2015 03:46 PM
موش هو برضو يا بن عووضه ابناء بمبه آلوها من زمان " الدهن فى العتائى"!
بس تقدر تفسر لنا ليه الامام الحبيب الرمز لسّ "رافع خبرو ومبتداهو" وعلى قناعتو بخصوص "جلدو الما بيجر فيهو الشوك " المشكله انو ما افصح عن "سببو الحماهو"!
*بس " العتائى" قصر فهمهم عن أى سلطه ومن اى منطلق وعبر ياتو وسيله الامام قال انّو" HE REFRAINED" ؟
يا حليل رياضنا الغنّا!! وحلييييل زمن الخير والبركه! كووولللو فانى!

[Almisahir fi izallail]

#1241657 [كان زمان]
0.00/5 (0 صوت)

04-06-2015 12:13 PM
خطانا تسير في درب النصر هتافنا يدوي يهز القصر ....
لقد أبكت زكراها الفنان القدير محمد الأمين في زمن الخيبات و جيل (لكل مواطن فنانة و فنان)

[كان زمان]

#1241647 [فرح ود تكتوك]
5.00/5 (2 صوت)

04-06-2015 12:00 PM
يا شباب عووضة ده بقول ليكم أبواتنا ثاروا وخلّفوا أكتوبر وثرنا بعدهم وخلّفنا إبريل إنتو بتخلفوا متين وقد قاربتم سن اليأس.

[فرح ود تكتوك]

#1241558 [النملة الشفيقة]
5.00/5 (1 صوت)

04-06-2015 09:55 AM
انتو الخير والبركة يااستاذ ...انكتب عليكم تكونو جيل البطولات وجيل التضحيات ...خلاص حكاية التقاء الاجيال دي بقت مافي هسي ...واملنا كبييييييير
شدو حيلكم اكتر وجيبو لينا فكرة الثورة ...وفكرة من بعد فكرة فجرت في الشعب ثورة ....والدهن في العتاقي وادها وادووود زي مابقولو اولاد بمبة

[النملة الشفيقة]

#1241547 [النملة الشفيقة]
0.00/5 (0 صوت)

04-06-2015 09:43 AM
انتو الخير والبركة يااستاذ ...انكتب عليكم تكونو جيل البطولات وجيل التضحيات ...خلاص حكاية التقاء الاجيال دي بقت مافي هسي ...واملنا كبييييييير
شدو حيلكم اكتر وجيبو لينا فكرة الثورة ...وفكرة من بعد فكرة فجرت في الشعب ثورة ....والدهن في العتاقي وادها وادووود زي مابقولو اولاد بمبة

[النملة الشفيقة]

#1241532 [جنو منو]
5.00/5 (5 صوت)

04-06-2015 09:29 AM
ما كان احسن ياود عووضه بدل ماتودى اطار السيارة الى البنشر ... كان تقول لصاحب الرقشة ضعة فى
نص الظلط وأشعل النيران ,أهتف ضد الحكومة .. وعلمة هكذا تبدأ شرارة الثورة .. ةتكون مافصرت ابدا
وسوف تتغير الاوضاع !!

[جنو منو]

ردود على جنو منو
[abufulla] 04-06-2015 01:10 PM
جنو منو انتا حكمة.لكن عووضة ماكفاهة سجن الجماعة كمان عايزو يحرق لستك عربيتو ويقبل وين

[فرح ود تكتوك] 04-06-2015 11:39 AM
أحياناً كلماتك تنقط حِكم يا جنو منو، تعجبني تعليقاتك وهي مثال لما قل و دل، دوماً حلوة ومعبرة وذكية، لك تحياتي


صلاح عووضة ‎
 صلاح عووضة ‎

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة