المقالات
منوعات
فضائح الفضائيات (2)
فضائح الفضائيات (2)
04-16-2015 10:24 AM



في رمضان المنصرم، كنتُ ضيفةً على فضائية أم درمان، في برنامج (بنت ملوك النيل)، وهو برنامج يُعنى بالحياة الشخصية والعامة للضيف، يتخلله بعض الغناء. وعلى الرغم من أني سجلت الحلقة قبل رمضان، وتم التنويه لبثها في بداية الشهر الكريم، عبر بعض الصحف، إلا أن بث المادة تأخر حتى يوم وقفة العيد.

المهم بعدها تحدثت مع أستاذنا (حسين خوجلي)، وسألته عن السبب، فردَّ من خلال ضحكته المميزة وأسلوبه الساخر مُعلِّلاً التأخير بضررٍ أصاب الشريط، واستدرك قائلاً إنه طلب منهم معالجة الأمر، وسيُبث البرنامج خلال اليوم على أيِّ حال، وفعلاً تم بث الحلقة في يوم وقفة عيد الفطر المبارك.
تذكرت هذه القصة، واحترام (حسين خوجلي) لضيوفه، ووقوفه على كل تفاصيل العمل في القناة. في أعقاب تصويري لحلقة بعنوان (الخيانة)، يوم الثلاثاء الماضي. وكان يُفترض أن تبثَّ عبر فضائية الخرطوم، ولم تُبث حتى الآن دون تعليل أو إبداء الأسباب سواء عبر المذيعة اللامعة (زينب السعيد) معدة ومقدمة البرنامج أو عبر أيِّ شخص من إدارة القناة.

وذلك رغم أني أتيت إلى القناة وأنا مريضة يوم تسجيل الحلقة، وكنتُ متوعكة قليلاً بسبب آلام حادة في الظهر، واتصلت يومها على المذيعة (زينب السعيد) واعتذرت عن الحضور، وأوضحت ظرفي الصحي؛ ولكنها أصرت عليّ بالحضور، وقالت إنها روَّجت للحلقة والجميع يعلم أني ضيفتها ولا يمكنني التخلف، وأني مهتمة بالشأن الاجتماعي ومشاركتي مُهمَّة.

المهم، تحت إلحاح الأخت زينب حضرت إلى مباني القناة، ويعلم الله أني كنت لا أقوى على القيادة، حتى فكرت بالاستعانة بشقيقي أو أحد زملائي ليقود لي السيارة. المهم أني وصلت مبنى القناة ودخلنا الإستوديو، وكانت هناك الأستاذة الأديبة (سارة الجاك) الحائزة على جائزة مركز عبد الكريم ميرغنى عن روايتها (خيانتئذٍ)، وسجَّلنا الحلقة.

وأثناء التسجيل، طلبت منهم ماءً لنشرب، وطبعاً فضائية الخرطوم معروفة أنها (بتعطّش) ضيوفها، فلا يوجد لديهم بند اسمه ماء أو نسكافيه أو قهوة أو أي شيء يَرْوِي ظمأ الضيف، ويلطِّف الأجواء، ويخفِّف من سخونة الاستوديوهات.
بعد ذلك، غادرنا القناة،.... ولم تُبث الحلقة.
والآن وبعد عدم بث الحلقة، فإن الأستاذ (عابد سيد أحمد ) مدير فضائية الخرطوم مُطالب بالرد على أسئلتنا: لماذا لم تُبث الحلقة؟.
(وبالمناسبة لو عاوزين تشغلوا نغمة جريئة وخادشة للحياء، فأحسن تسكتوا بعد فضيحة القناة الأخيرة).

نعم فضائية الخرطوم (زاااااتها) ببثها لبرنامج يتحدث فيه فنان بكلمات لا نستطيع حتى كتابتها في صحفنا، وكان الفنان يتحدث عن التداخل في مناطق كردفان حين قال للمذيعة (..........)، فظلت المذيعة صامتة مسافة لا تقوى على الرد.

.........نواصل



[email protected]


تعليقات 16 | إهداء 0 | زيارات 5911

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1249628 [عادل سراج]
0.00/5 (0 صوت)

04-18-2015 11:38 PM
اامذيعة ماعرفت تقول شنو مدام هي جاهلة في العادات وتقاليد الارياف والرحل مشغلينها في برنامج بيتكلم عن التراث
الضيف لايلام فهو يعكس واقع مازال موجود في الارياف بنقائه
اما استغراب المذيعة فهو الخطأ فاستغرابها يعكس سوء سريرتها تجاه الضيف فهو قصد امراء يعكسه المفردات المستخدمة في الارياف والرحل
يعني من الاخر تمشي تقرا وتطلع ولا عينوها بالواسطة وعشان سمحة وكدا
اما الشخص المتابع واستغرب برضو يمشي يطلع ويعرف مكونات السودان دي حاجة في بلدك وعيب تفاجئك السوداني لو ماعرف بلده يعرفو منو
في الدول العربية والغربية يسمى الناس باسماء تكون اسماء محببة في مجتمعاتهم ولكنها في نفس الوقت تكون خادشة للحياء عند البعض والامر عادي
يتم تجاوزه بتفهم البيئة او الثقافة التي يستخدم فيها الاسم

مثلا في لسودان يوجد اسم الكلس وتعني القوي والشجاع لكنها عن العرب تعني احد الملبوسات الداخلية
والمذيعة دي اللي استغربت حقو يحولوها تقدم برنامج عن المكياج افتضل
والفضيحة الحقيقية في استغراب المذيعة
ويااستاذة سهير ارتقي في مقالاتك احسن

لا

[عادل سراج]

#1249374 [hassan]
5.00/5 (1 صوت)

04-18-2015 01:38 PM
يا استاذة سهير الانتخابات دي ما مرت بقدامك

تشوفي الفيل وتطعني في ظله

كيف يستقيم الظل والعود اعوج

يا ليتك ادليت بدلوك فيها لان تمايز

الصفوف في هذه المرحلة مهم جدا

وهي مرحلة تاريخية فاصلة سياتي ما بعدها

ولن يطول السفر

[hassan]

#1249086 [ahmed landing]
5.00/5 (1 صوت)

04-17-2015 11:52 PM
بصراحة ما عندك موضوع موضوعك ركيك ركاكة كتابتك هل انتي صحفية ان كانت الاجابة نعم فتلك مصيبة ام من امثال شاش تنفعي بايعة شاي قد يكون عندك زباين اكثر

[ahmed landing]

#1248695 [خليكم واعيين]
5.00/5 (1 صوت)

04-17-2015 07:08 AM
سبحانة الله....بعد ما قرأت تعليقات الساده القراء حتى فهمت الحاصل لأني ما حضرت الحلقة....ياحليل الصحافة والصحفيين............

[خليكم واعيين]

#1248570 [واحد داقس]
3.50/5 (2 صوت)

04-16-2015 09:54 PM
يا استاذه سهير (زاتها) بالزاء (زبيب) ولا بالذاء (00000000000)

[واحد داقس]

#1248479 [عبد الله دابي الكر]
5.00/5 (3 صوت)

04-16-2015 05:58 PM
آسف على الإزعاج ... و لكن من أنت في هذا الزمان الأغبر ؟؟؟
زمان يفتح فيه أمثال (أستاذكم) حسين خوجلي ابواب التلفزيونات لسميرة عبدالرحيم ؟
لك الله يا وطني أيها السليب .
اللهم فك أسر السودان.

[عبد الله دابي الكر]

#1248374 [من ضهر التور و للاستديو]
0.00/5 (0 صوت)

04-16-2015 03:39 PM
للكل الذين يدافعون عن ذلك الفنان اود ان اقول بان لكل مقام مقال و اصلا الفنان ما كان محتاج لمثل زي دا عشان يؤكد كلامه عن انصهار و تلاقي ثقافات قبائل كردفان ,, و اتمنى ان تكون المهزلة دي عظة لكل قناة تفتح استديوهاتها لكل من هب و دب ...

[من ضهر التور و للاستديو]

#1248334 [Abu Taha]
5.00/5 (2 صوت)

04-16-2015 02:52 PM
ياخي خمج انتي ومواضيعك
وخمج الفنوات البتستضيفك
حريقه في الحلقه الماتبثت

[Abu Taha]

#1248322 [هييءة دفاع النسوان]
4.50/5 (3 صوت)

04-16-2015 02:40 PM
والله حقرو بيك كيفن واحدة عندها عربية مايبثو ليها حلقتها ...ويخلوها تنحرق وتنغاظ لمن (تخوض في عرض القناة ) الناس في السودان حالتها بقت صعبة لدرجة اقتناء العربية بقي مادة صحفية دسمة لكتابة مقال ...قال عندي عربية قال ...الحقني ياعووضة تعال شوف دي
خجلت ليك والله

[هييءة دفاع النسوان]

#1248232 [باب المندب]
5.00/5 (1 صوت)

04-16-2015 12:48 PM
يا سهير يا بت عبدالرحيم ذى البتقولى فيهو ده ( برغم ) اختلافنا مع حسين بت خوجلى الذى عرفناه معول هدم للديموقراطية وبوق تطبيل لأنظمة الفساد وبتاع قناة الخرطوم والتى لا تعدو أن تكون قناة بول عند خنزير وانت ثم انت يا من تكثرين اللغو عن نفسك وتدخلين دائما بين البصلة ( وقشرتا ) ولا أقول بين المرء وملابسه ( تأدبا ) ( ذى الماكتبتها ) ومزيعتهم التى الجمتها المفاجأة ( حتى ان ابن ابليس تبسم عليها ضاحكا ) جميعكم : أمشوا صوتوا وده أكبر عقاب تستحقونه لو كنتم تعلمون . بس.

[باب المندب]

#1248228 [أبوقرجة]
5.00/5 (2 صوت)

04-16-2015 12:43 PM
اقتباس (عم فضائية الخرطوم (زاااااتها) ببثها لبرنامج يتحدث فيه فنان بكلمات لا نستطيع حتى كتابتها في صحفنا، وكان الفنان يتحدث عن التداخل في مناطق كردفان حين قال للمذيعة (..........)، فظلت المذيعة صامتة مسافة لا تقوى على الرد.)

أأي كلام الفنان القالوه ما بنقال والله وكلام عيب عديل كده ... لكن أنا ذهلت من الكلام الانقال لأنه مهما كان الإنسان ما واعي ما بقوله .... (الفنان من الغرب )



لكن عندي سؤال ليك يا بت ... أنتي صورتك دي ما خادشه للحياء بالله ..

[أبوقرجة]

#1248203 [كورال حله الغنم]
5.00/5 (1 صوت)

04-16-2015 12:20 PM
(وبالمناسبة لو عاوزين تشغلوا نغمة جريئة وخادشة للحياء) ... معقوله تشغلوا نغمه ,,, سهير اظن انك تكتبين لفئه معين من الناس

[كورال حله الغنم]

#1248198 [الحلومر]
4.00/5 (3 صوت)

04-16-2015 12:14 PM
سلامتك يا ست أبوك كنت متوعكة قليلاً بسبب آلام في الظهر ...المسالة بسيط اذا كنت متزوجة فبشراك بشراك بشراك افرحي زوجك قبل مراجعة طبيب النساء والتوليد، واقترح ان تسمي المولودة سكرة عشان تذكرك بانتخابات السكر الفاسد.... واذا كنت ما متزوجة شوف ليك فكي كاربي ناس الإنقاذ ديل ب يكونوا عملوا ليك عمل عشان انت أعلنت مقاطعتك لانتخابات السكر الفاسد المغشوش وأعلنت مقاطعتك في وسائط الاعلام...
الناس قالوا جابين فقراء من تشاد ونجيريا ومالي قالوا المرة تكون نايمه جنب راجله تقوم تمشي وتهضرب حي يا سيدي البشير موديني وين ؟؟!!
حي ياسيدي المشير موديني وين ؟؟!!
وفجأ تلقي نفسها عملت علامة صاح علي رمز الشجرة وتروح رامية في الصندوق... وقالوا الفقراء بعدد ولاية السودان كل ولاية عند فكي وكل فكي ادوها مليار دولار
غايتو لو ما لحقتي فكيتي نفسك من العمل ح تدي الشجرة ح تدي الشجرة رغم انفك يا سهير هذا ما أكده المسي بله ()الخايب) انهم يسوف يستعينوا بالجن والسحرة لفوز سيد المشير
بالله ورينا سيدي المشير وداك ياتو مركز بحري ولا امدرمان ولا الخرطوم
انا شخصياً اتمني تكون متزوجة بالله عليك ما تنسي اعزمينا في السماية طولنا من اكل اللحم الواحد بقى يخاف من اكل اللحم الا يشوف الخروف يضبحوه قدام عينه... ومالك يا اختي ما محببه للناس ديل سوق الانتخابات بارد عندك والله سفهتيهم جنس سفاهة... بس حسب كلام السحرة وبله الغائب هم فايزين فايزين الشعار المرفوع انتو نوموا والجن بصوت ليكم

[الحلومر]

#1248127 [جنو منو]
3.50/5 (2 صوت)

04-16-2015 11:12 AM
فى اللقاء القادم أحسن ليك تشيلى عدة الجبنه معاك يابت الناس .ز يعنى تجى جاهزه بعدتك وتوريهم
القهوة الما خمج ..!!

[جنو منو]

#1248121 [حزين جداً]
5.00/5 (3 صوت)

04-16-2015 11:08 AM
السيده / سهير .

لا أري هنا فضائح ولكن هذا يسمي بالتقصير في الأداء ...

وإنتي لسه حكاية عندك سيارة ...وبتسوقي سيارة دي ما عاوزه تخليها ... عرفنا عندك وجع

ظهر وهذا يكفي .... أرجو أت تتركي الجمهور هو من يعمل لك تلميع...

ثانياً بإستضافة الفنان وقد صعب عليه التعبير أن نااااس السودان واحد (( أي سروال في جعبة ))

وجعبه بفتح الجيم بمعني عضلة ... وجعبه بضم الجيم معلوماته أي ما بداخل صدره ...

شئ عادي ... ثانياً هو من قبيلة البقارة ... وقبيلة البقارة دائماً تتحدث بأريحية دون قيد

في الكلام تتكلم بحرية ، وهي قبيلة طيبة رائعة لم تجد وقبيلة الكنانه حظها في الإعلام ...

الله يهديك بس ....

وتفضلي بقبول تحياتي ،،،

[حزين جداً]

ردود على حزين جداً
[tamro] 04-17-2015 04:26 PM
ياحزين البقارة ليست قبيلة بل مجموعات عرقية مختلفة تمتهن حرفة رعى البقر ولها ثقافة مميزة وتضم تلك المجموعات العرب وغير العرب كالنوبة والفور غير ان اصل ثقافة البقارة الفولانى.
للمزيد اطلع على كتابات براو كيمبا و قنار هالاند وفردريك بارث.

[سوداني بس] 04-17-2015 06:07 AM
شكراً على الشرح الوافي والمثل يحمل عمقاً في المعنى جهله من نظر بسطحية للكلمات وعلى انها غير لا ئقة شكراً مرة أخرى.وللكاتبه اقول لم تصمت المذيعة بل أكملت الحوار بأناقة .

[مالك الحزين] 04-16-2015 09:25 PM
غايتو أحسن من البنت القلت في دوله خليجيه أنا بحب ملاح الشرموط ,, لمن خلت المذيعه تقع من طولها ,, ياناس إنتقوا ألفاظكم ,, عشان كل العالم بيسمعكم مازى زمان ,, تخرمجوا ساى ,, قال جعبتين في سروال ,, الحمد لله الماقال ,,,,,,,,,,، في لباس

[دجانقو] 04-16-2015 01:34 PM
علي قول المصريين دي كرتونة بيض


#1248099 [دابي الخشة]
3.00/5 (3 صوت)

04-16-2015 10:44 AM
يااستاذة الفنان قال مثل شعبي ودا يعتبر من التراث يا صحفية (اقري تاريخك واقيف).
ولو راجعتي امثال السودان لوجدتي الكثير من هذه الشاكلة.

[دابي الخشة]

ردود على دابي الخشة
[الصابر] 04-16-2015 01:45 PM
عشان نقدر نناقش يعني الفنان قال شنو ،، اتكلم في شجر شمبات ،، ولا شال عرفات ورونا ياجماعة

[Zero] 04-16-2015 01:15 PM
زولة سطحية وفكر ضحل..ينم عن عدم المامك بالمورثات الثقافبة الاجتماعية..الزول قال نحن في كردفان عندنا مثل شعبي بقول كلنا (سروال في جعبة) وهذا يعكس روح التماسك القبلي فيما بينهم وكلام عادي وطبيعي..الا اذا ارت تفسير الماء بالماء..شكلك بتعتمدي علي الواتساب في تحليل لاشايا....رحم الله الصاحفة.


سهير عبد الرحيم
 سهير عبد الرحيم

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة