المقالات
السياسة
عمر صاحبنا رئيساً ..!!
عمر صاحبنا رئيساً ..!!
04-17-2015 06:03 PM

قبل أيام اتصل علىَّ هاتفيا صديق عزيز يقيم بالولايات المتحدة.. تبادلنا الأخبار العامة والخاصة.. في نهاية المكالمة سألني عن حظوظ صاحبنا عمر في المنافسة الانتخابية على رئاسة الجمهورية.. في البداية ظننت أن الصديق يعني المشير عمر حسن أحمد البشير، خاصة أن هذا الصديق في الانتخابات الماضية تكبد مشاق السفر من مدينة فلادلفيا إلى نيويورك ليصوت للمرشح عمر البشير.. إلا صديقنا فاجأني حتى كادت سماعة الهاتف تسقط من يدي حينما أخبرني أن صديقنا المشترك عمر عوض الكريم ضمن مرشحي رئاسة الجمهورية.
عدت لقائمة المرشحين ووجدت صديقي رجل الأعمال الهادي ضمن المرشحين.. لا اعرف عمر إلا منذ سنوات قصيرة.. التقيت به في السودان حيث زارني في البيت بصحبة صديق مشترك.. ثم التقيت به في فرصة أوسع في مدينة فلادلفيا الأمريكية.. عمر نجل سفير سابق عمل بمراسم رئاسة الجمهورية في عهد الرئيس جعفر نميري.. يمتلك هذا الشاب مصنعا صغيرا لتعبئة المياه المعدنية.. قليلا ما يتحدث هذا الرجل في السياسة.
قبيل الانتخابات كنت أمازح صديق صحفي أن الانتخابات هذه ربما تحقق لي بعض المنافع الشخصية.. قلت له إذا ما خلط الناس بين العمرين وفاز صديقي عمر عوض الكريم بالرئاسة، فاغلب الظن سيكلفني بمنصب وزاري أقله وزارة الإعلام.. قلت له ساقبل بهذا التكليف رغم أن هذه الوزارة لا قيمة لها.. رئيس الجمهورية يعين شاغلي المناصب التلفزيونية.. والبرلمان ينتخب بعض أعضاء مجلس الصحافة.. أما الجرائد فيمتلكها أصحابها وتتفرج عليها وزارة الإعلام.. أول قرار كنت ستأخذه حال تكليفي من صاحبنا إلغاء هذه الوزارة.
الكسب الثاني سيتحقق إذا ما فاز الدكتور محمد عوض البارودي.. هذه القراءة لم تغادر ذهني منذ أن قرر البارودي على نحو مفاجيء دخول حلبة المنافسة.. البارودي كان عضوا نشطا في الحركة الإسلامية منذ أن كان إعلاميا مميزا في صحف الجبهة الإسلامية إلى أن انتهى وزيرا وناطقا باسم حكومة عبدالرحمن الخضر في الخرطوم.. حتى حينما مضى في إجازة محارب اختاره أسامة عبدالله مديرا لمنظمة (سودان فاونديشن).. لهذا كنت أظن أن البارودي ربما يلعب في ذات الخانة التي لعب فيها الدكتور محمد مرسي.. بمعنى أنه البديل الجاهز للجماعة إذا ما تعذر للمشير البشير خوض المنافسة.
إذا ما قدر للبارودي الفوز حتما سيختارني في منصب كبير المستشارين بالقصر الجمهوري.. الصديق البارودي تربطني به صلة نسب بعيدة.. كما أن كلينا قد عاش في الغرب ونال من فوائد الديمقراطية قسطا كبيرا.. وأود أن اذكر الصديق البارودي أنني قدمت له السبت يوم استضفته في برنامج تلفزيوني قدم فيه رؤيته للسودان الجديد.
صديقي عمر عوض الكريم خذلني حينما اعتذر بالأمس عن إكمال السباق الانتخابي وأعلن انسحابه قبل أن يكمل الطريق للقصر الجمهوري.. الآن قلبي أملي في المنصب معلق بالصديق البارودي.. أدعو لي يا سادتي.

التيار


تعليقات 18 | إهداء 0 | زيارات 4760

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1249934 [محمد احمد]
0.00/5 (0 صوت)

04-19-2015 11:14 AM
ياخى يا ظافر كدى ورينا القطعة الاستثمارية الادوك ليها في منطقة الراقى الغالية ادوك ليها بسبب شنو ، مش دى برضو ا ادوك ليها جماعة عمر البشير الحاليين وكمان عايز برضو جمايل من عمر الاترشح قصاد عمر ، يعنى عايز تبقى زى المنشار من عمر دة واكل ومن عمر داك واكل برضو ... ياخى اختشى ، قالو كنت مجاهد في أيام الإنقاذ الأولى في الجامعة وبتقول أمريكا وروسيا قد دنا عذابها وشايفك في مقالك قلت أمريكا بلد الديمقراطية وعشت فيها فترة ... يعنى مقلبتو الناس الماتو عشانكم في الأيام الأولى عرستو ا ليهم الحور في الجنة وانتو استمتعتو بالحور والقصور في الأرض .

[محمد احمد]

#1249813 [الراصد]
0.00/5 (0 صوت)

04-19-2015 09:20 AM
عبد الباقي الظافر كتاباتك راقية ورائعة...وتعبر عن قلم تسيل احباره نحو المستقبل...الا ان مالايعجبني فيها كثرة اشارتك الي امريكا وايامك فيها...وكأنك تسوق القراء الي ذاكرة ماضيك حتي ثبت لمن لم يراك ولايعلم عنك شيئا انك كنت هناك...وهي ذات الذاكرة التي رددتم فيها ولقنتم السودانيون بان امريكا روسيا قد دنا عذابها...رحلة (( كولمبوس السوداني)) لن تضيف جديد الي عقلية قارئ سوداني حصيف ومطلع تستهدفه مقالاتك...فتوقف عن اصرارك الاشارة الي الاسماء الرنانة للمدن الامريكية وانك كنت علي طرقاتها...

[الراصد]

#1249775 [ahmed abdalla]
0.00/5 (0 صوت)

04-19-2015 08:43 AM
عوض حسين كان موظفا صغيرا في السلك الكتابي في ادارة المراسم في وزارة الخارجية في عهد النميري ولم يكن سفيرا ولم يعمل في رئاسة الجمهورية ..اشتهر بالسمسرة في تأشيرات الدخول لدول الخليج وفي بيع الاثاث والسيارات المستعملة للدبلوماسيين الاجانب في الخرطوم وتقديم الخدمات الخاصة لهم ولكبار المسئولين في الدولة في ذلك العهد ..اثرى من هذه الانشطة وانشأ مصنعا للثلج وآخر لتعبئة المياه المعدنية ..

[ahmed abdalla]

#1249456 [faris]
0.00/5 (0 صوت)

04-18-2015 04:51 PM
يعني ديل انت شغال معاهم 26 سنة واكلت معاهم عدس وزبادي وفى النهاية ادوك علقة مدنكلة وماتبت
انشاءالله المنتظرهم الجاين ديل يعملو الجواجب معاك ويكملو الباقي

[faris]

#1249269 [كردفاني]
5.00/5 (1 صوت)

04-18-2015 10:54 AM
كيسك فاضي احلااااااااااااام زلوط......؟

[كردفاني]

#1249268 [العصار]
5.00/5 (1 صوت)

04-18-2015 10:51 AM
يعني الكلام دا ليك يا البشير . عشمان فيك تديني منصب مستشار ،،، مليت الانتظار يابشة

[العصار]

#1249254 [abdo]
0.00/5 (0 صوت)

04-18-2015 10:17 AM
الاستاذ الظافر لك التحية انت من الكتاب المميزين صراحة و لا ترمي بالاحجار الا الشجرة المثمرة سر فعين الله ترعاك

[abdo]

#1249241 [الكردفاني العدييييييييييييييييييييييييييييييييييييييل]
0.00/5 (0 صوت)

04-18-2015 09:52 AM
هذا ما اوصانا اليه .... الارجاس .... اذ اضاعوا الدين والناس .. . واختلطت .... السياسة .... بالمصالح .... علانية .... واما ... سرا.... فاتركوها الاحداس (جمع حدس ) .... انها .... المشروعات الحضارية .... للادناس .....

اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ...
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك .....

[الكردفاني العدييييييييييييييييييييييييييييييييييييييل]

#1249200 [hanankokoabas]
0.00/5 (0 صوت)

04-18-2015 08:49 AM
زبالة فى زبالة

[hanankokoabas]

#1249133 [الصوت]
5.00/5 (1 صوت)

04-18-2015 04:32 AM
اسألكم بالله دا صحفي من وين وكيف ؟؟.... بعدين الراكوبة بتنشر ليهو ورئيس تحريره ليه مش عارف !!
لا رأي ولا خبر ولا حتى سياق ادبي ، والله افضل منهم المخلقن اسحق ... ياخي ابعدوا مننا القمامة دي .

[الصوت]

#1249079 [Dfgh]
0.00/5 (0 صوت)

04-17-2015 11:26 PM
مبروك عليك فقد تم اختيارك صحفى 5نجوم
شكرا
توقيعى انا

[Dfgh]

#1249072 [راسه دايش و رقبته معسمة]
5.00/5 (2 صوت)

04-17-2015 11:04 PM
هل منكم من يعرف سفير سابق باسم عوض الكريم حسين شغل منصب مدير مراسم القصر في حكم نميري بحسب افادة الصحفي عبد الباقي الظافر صديق ابنه عمر- المرشح للرئاسة..؟

[راسه دايش و رقبته معسمة]

#1249059 [المنجلك]
5.00/5 (2 صوت)

04-17-2015 10:25 PM
بتخفف فى دمك ياتقيل الظل
امشى شوفك ليك سفير "سعودى" يصيحك اخر الليل
وينهزرك فى الصباح ويورك تكتب شنو زماتكتب شنو ياعرة
ودعواتنا ليك:
الله يغطس حجرك وامثالك من الارزقية المرتزقة

[المنجلك]

#1249042 [هديس]
4.50/5 (2 صوت)

04-17-2015 09:58 PM
والله جنس سخافة ربنا يصبرنا عليكم بقيتوا ماعندكم موضوع تتكلموا فيهو غير حكاويكم الضاربة الخالية من الرمزية البعيدة اسالوا انفسكم اانتم صحفيون حقاً ام نحن ليسو بقراء

[هديس]

#1249024 [وطن الجدود]
5.00/5 (1 صوت)

04-17-2015 08:56 PM
ونسة ........................
صحافه وصحفيين اخر زمن

[وطن الجدود]

#1249001 [Alcapitan]
4.50/5 (6 صوت)

04-17-2015 08:00 PM
بالله انت صحفي وعندك كمان برنامج تلفزيوني؟ والله الفاتحة علي روح الصحافة والصحفيين في بلادي في عهد المشروع الشيطاني.

[Alcapitan]

#1248987 [Almisahir fi izallail]
5.00/5 (1 صوت)

04-17-2015 07:34 PM
يا عببائى يا ظافر ..اصحابك عمر وود البارودى خلّهم.. مسؤوول من الخير.. وين صاحبك اللى عشّاك عدس وزبادى؟ خبرو شنووو؟ لعلّو طيبه..الفلفسه الودّر فيها زمنو حت فى الجامعه ما سوّالو عمار! جايز فى عشاه بالعدس والزبادى كان ليها اثر يا ربّى؟ محل ما دفرو ما نجّض حشّتو! قال ايه قال وزير داخليه آل.. زراعه آل.. والى آل!!! لعلّو ما حصّل الدكتور !

[Almisahir fi izallail]

#1248981 [الأزهري]
0.00/5 (0 صوت)

04-17-2015 07:21 PM
يعني انت عايز ليك منصب بالقصر يا الظافر؟ غريبة وطيب شغلك للجماعة القصر الحاليين دا كللو ما جاب حاجة وقنعت من خيرن فيها! ان شالله يفوز البارودي برضو أحسن منهم ولو هو منهم ولكن بروح رياضية أرحب وبعقلية جديدة قطعاً خلاف العقلية المتكلسة 26 سنة

[الأزهري]

عبد الباقى الظافر
عبد الباقى الظافر

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة