المقالات
منوعات
مدارس الحلة ذاتن قفلن..!!
مدارس الحلة ذاتن قفلن..!!
04-23-2015 06:24 PM


فارقنا فات ..
الضو ..عشا البايتات..
مرقن بيوت الحلة ليهو يفتشن..
لابسات سواد..
من بكرة داخلات فى حداد..
كيفن يفوت حلتنا عاد..
يجفانا يختار البُعاد..
ناس عشة جن..
معاها بت الحاج سُعاد..
نفيسة بت حاج الحسن..
رافعات يديهن للكريم..
شاخصات عيونن فى السماء..
مدرار دموعِن ينزلن..
مولانا يا خالق العباد..
ليهو ينتم المراد..
يمشى ويجى ..دعواتنا يبقن ليهو زاد..
ينجنوا من محن الزمن..
يا حليلوا فات الباقى دراج للضعيف..
والجسموا هداهوا الوهن..
وين تانى نلقى أخو البنات..
الكان يتم الناقصة يا خوى فى سكات..
حتى الزقاقات ..ضلمن..
مدارس الحلة ذاتن ..قفلن..
حتى القبور..
الليها دائماً كان يزور..
فيها الشواهد يسألن..
شجيرة نيمنا ديك نسوانا فيها اتلملمن..
للقهوة قاعدات يشربن..يتكلمن..
الليلة فات ودالسرور..
قدامنا كان باقيلنا نور..
حبوبتى بت ود الدغور..
تبكى مجروحة الحشا..
كانت تناديهوا العشا..
فارقنا فات الخير مشى..
الضو عشا البايتات..

[email protected]



تعليقات 1 | إهداء 0 | زيارات 935

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1253210 [taha]
0.00/5 (0 صوت)

04-23-2015 07:39 PM
للقهوة مرررة بيشربن ويتكلمن

[taha]

زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة