المقالات
السياسة
ارشيف مقالات سياسية
منحة الذرة لاثيوبيا ..وبوبار حكومة الجوعى..!ا
منحة الذرة لاثيوبيا ..وبوبار حكومة الجوعى..!ا
03-08-2011 04:00 PM

منحة الذرة لاثيوبيا ..وبوبار حكومة الجوعى..!ا

جمال علي حسن
[email protected]

قبل يومين وقبل ان اطالع خبر وصول الدفعة الثانية من منحة الذرة المقدمة من السودان لاثيوبيا هاتفتني زوجتى وانا خارج المنزل طالبة مني ان (اجيب بصل بي الفين) اي بجنيهين فقط ..ولااخفي عليكم انزعاجي من المبلغ إذ قلت في نفسي (هسه معقول في بصل بي الفين الزولة دي نعسانة وللا شنو ..؟) وقررت ان اعدل من عندى قيمة الطلب من جنيهين ربما الى خمسة او ستة جنيهات بحيث يكون الامر معقولا .. وحين وصلت الى الدكان كانت هناك امرأة كبيرة في السن امامي سمعتها تطلب من صاحب الدكان ان يعطيها ملعقة صلصة (بي ميتين) مايسمى (قدر ظروفك) ثم بصل بي (خمسمية) ليكون المتبقي من الجنيه (تلتمية) اشترت بها زيت الطعام ..!!
جنيه واحد تريد هذه الأم السودانية ان توفر به (حلة ملاح) خالية من اللحم طبعا لانها لو لجأت الى الحاوي لن تستطيع ان تجعل داخل هذه الحلة رائحة لحم ..ولكنها حفظها الله ورعاها تستطيع ان (تباصر) هذا الجنيه لتصنع طعامها (بالمرقة) ..!!
وصابرة على كل شئ لكنهم يدفعون من اموالك سيدتي المواطنة و من اموال الغلبانين ياأمي العزيزة فاتورة توتراتهم النفسية وفاتورة (بوبار دبلوماسي) انتهازي حكومي اسمه معونة الشعب الاثيوبي ..
20 الف طن من الذرة تتبرع بها حكومة الجياع والغلبانين والمرضانين والمجانين والمشردين والمسحوقين في السودان تتبرع بها حكومتهم الميمونة دعما للشعب الاثيوبي ..
اين هيئة علماء المسلمين في السودان ...؟!! سيسألكم الله عن صمتكم إذا كنتم تعلمون ان هذا التبرع كان اولى منه ان تقوم الحكومة بالمزيد من الجهود لترحيل السودانيين المنكوبين في ليبيا..وتبعدهم عن مخاطر رئيس فقد عقله وطفق يقتل الجميع ويحرق كل شئ ..
وفي الوقت الذي تتقاطر شاحنات المعونة السودانية للشعب الاثيوبي كانت قنصلية السودان في بنغازي قد فرضت على اي مواطن سوداني دفع مائة وعشرين دينار نظير ترحيله من الاراضي الليبية الى الحدود المصرية كخطوة اولى لعودته للسودان ..
اليس لهيئة علماء السودان راي في هذه المغالطة الغريبة ..تتبرعون لشعب منكوب نعم الشعب الاثيوبي يعاني ونسال الله له الرعاية والعناية ولكنكم وفي نفس الوقت تفرضون على مواطنكم المنكوب في ليبيا رسوما مالية اي تذكرة ترحيل ..!!!!
ان خبر استلام الحكومة الاثيوبية الدفعة الثانية من منحة رئاسة الجمهورية في السودان والبالغة 10 ألف طن من الذرة ليصل مجموع ما استلمته 15 ألف طن وتبقي لها 5ألف طن من جملة المنحة البالغة 20 ألف ..هذه الخبر مستفز جدا لمشاعر تلك المرأة التي (تباصر) جنيها واحدا لطعام ابنائها ..ومستفز جدا لكل منكوب سوداني عالق في ليبيا ..ومستفز جدا لمشاعر مواطن عادي جدا يعرف ان حكومة البوبار تلك لاتزال تتلقى معونات انسانية من دول العالم المقتدرة والمانحة في مناطق الازمات والنزوح في السودان..!!!

نشر في صحيفة الحرة الثلاثاء 8/3


تعليقات 12 | إهداء 0 | زيارات 2753

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#109315 [صلاح محجوب]
0.00/5 (0 صوت)

03-10-2011 01:46 PM
انتو لمن الحكومة ترسل ملء قطارات لمصر واحد يفتح فمه مافي لما تعمل الصاح وترسل ذرة لأثيوبيا التي وقفت معنا كثيراً في العشرين سنة الفاتو تبدو الصياح والنواح خليكم عادلين


#109295 [الفكي الغائب]
0.00/5 (0 صوت)

03-10-2011 01:18 PM
يااخي الناظم ده بيعمل لمين وعلشان لمين ماعارفين نحن لينا عشرون سنة ماشفنا حاجة


#108798 [شماسي]
0.00/5 (0 صوت)

03-09-2011 03:03 PM
يا جمال - نحن في السودان عندنا رئيس ما عاقل- ومطالب للعدالة الدولية بجرائم يستحى منها زعيم ليبيا المزنوق - لسع زي وليد ام لعاب برقص والشعب جيعان ومشرد - وجماعتو عارفين لكن خايفين منو - ما خايفين من الله - زي نافع المانافع والبشير يتكلم في مصر عن تقسيم السودان وهو بنفسو يتولى تقسيم السودان - ولا يخجل يقول انا جبتها بالقوة والداير ا يشيل السلاح - الراجل زي ما قال شيخو حسن - دا ابتلاء من الله


#108698 [مواطن ]
0.00/5 (0 صوت)

03-09-2011 12:45 PM
منو القال ليكم دا بوبار ساي،الحكاية دي ثمنها انهم يستخدموا الحبش لابادتنا،و بكرة تقولوا قال


#108693 [سوداني مسكين ]
0.00/5 (0 صوت)

03-09-2011 12:40 PM
((النخلة العوجاء تساقط على الجيران))

((ضل الدليب يرمي بعيد))

((قاعدين في ضلة وميتين بقلة))

((الزاد ان ما كفى اهل البيت حرام على الجيران))

((عريان ولابس له سديري))

((طلب الغني شقفه فكسر الفقير زيره))

((جود ابحرقوص دفع عيونه وقعد يلوس))

((معبوبات الغرقت في ودا راجلها))

كلها امثال تنطبق على الجود الذي لا يصيب مكانه فيصبح نوع من الهبالة وليس هناك هبالة اكثر من الحوجة الماثلة في الدار ورب البيت يقوم باكرام جيرانه وذلك يندرج تحت طائلة المسئولية المباشرة امام رب العالمين ودي ما محتاجة لعلم ولا علماء ولا درس عصر والشعب السوداني مسلم بطبعة وعالم في امور الدين من الله خلقه وادخله في الاسلام والله موجود


#108652 [زوول]
0.00/5 (0 صوت)

03-09-2011 11:37 AM
يمهل ولايهمل سيحاسبهم الله عن كل مافعلوه بنا جعلونا جوعى مرضى جهلاء ............................................................................................................


#108443 [Saif Al Hagg]
0.00/5 (0 صوت)

03-09-2011 08:02 AM
الله غالب--- حسبن الله ونعم الوكيل


#108418 [ابو ابراهيم]
0.00/5 (0 صوت)

03-09-2011 07:09 AM
قال علماء السودان قال


#108340 [ سودانى]
0.00/5 (0 صوت)

03-08-2011 11:07 PM
طيب رايك شنو فى الؤتمر العقد خلال اليومين السابقين فى الخرطوم بشان القدس والبذخ والصرف فى موضوع نحن عندنا اهمه منه فلسطين على عيننا وراسنا بس ليس على حساب نفسنا شعب على بعدخطوات من القصر الجمهورى لايجد حق وجبه هل هذا عدل اين الاسلام الذى يلبسون ثوبه اهل غزة والله العظيم الخيرات العندهم والنظام اجمل من اى شارع فى الخرطوم اثيوبيا لها علاقات خارجية احسن من السودان وهم بيساعدوها لاننا شعب محتاج الى كل ملوة ذرة اكثر من اثيوبيا ياانقاذ


#108239 [قرفان]
0.00/5 (0 صوت)

03-08-2011 07:16 PM
لك الله يا وطني


#108220 [زول]
0.00/5 (0 صوت)

03-08-2011 06:32 PM
ماقلت الا الحق . أهلنا الكبار بيقولوا الزيت كان ماكفيّ أهل البيت يحرم علي الجيران
والاقربون أولي بالمعروف .

حقيقة بوبار مستفز وماعافينهم ليهم كنت متوقعك تقول الولية قالت دايرة كسرة وشوف براك صحن الكسرة بيكلف كم والذرة ماشية لي منو !!!.


#108168 [محمد]
0.00/5 (0 صوت)

03-08-2011 04:49 PM
;كان الاولي بها انسان دارفور وبما انو معظم الشعب لايستطيع توفير لقمه عيشه


ردود على محمد
Saudi Arabia [أبو أروى] 03-10-2011 05:09 AM
وإنسان دارفور يموت جوعاً .. ومستشفيات الإهمال في ولاية النيل الأبيض تنعي المئات صباح مساء .. يالها من مفارقات .. عطاء من لا يملك لمن لا يستحق ..


جمال علي حسن
جمال علي حسن

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة