المقالات
السياسة
عَوج الدربْ
عَوج الدربْ
05-10-2015 09:20 AM


عَوج الدرِبْ
ابراهيم سليمان أبوناجي
القصة ما قصة حُكم
كُرسي ونُظمْ
القصة يا عَوجَ الدرب
حُكمك كعبْ
ملعُون جُنونك يا بلد
إن كان ده حالك من سنين
مُنهَكْ بالتعب
جِنك المَلهُوف
مكنكِش في الضلام
يَحلف يمين يحلف طلاق
من غير سَببْ
يَوعد ويَخلف كل يوم
ما أصلوُ جِن
وسواسهُ خِلقَة
من جنه الكعبْ
عفريتهُ طالع من زمان
في كل حُول
يحرقْ بلد يقتلْ شباب
ما كَفَّاهُ تبْ
الحُول يمُر
كمين سنين ياها الضَياع
والمَسْ خلاص
في كل زول كنكشْ لِعبْ
المسْ جُنون
والحكم جِن
وياهُ حالنا مع الجنون
أصبحْ عَجبْ
عوج الدرب
هلك البلد كمين سنة
شرّدْ وقتّلْ
وكل يوم ينهب نهِبْ
القصة ما قصة حكم
كُرسي ونُظمْ
القصة يا عوج الدرب
زَمنكْ كَعبْ
القصة في الحال العجيب
سِرقة بَلدْ
والقصة في دين العصابة
كِذبْ كِذبْ
عدتْ سنة والخمسة جات
ومع السنين
تبقى الحكاية
وجع قلبْ
ما قُلتَ راجع كار أبوك
تزرع في الخلاء
تحلب بُقاَرْ
تجني العنبْ...!!
ما قُلتَ مَاكْ زولاً نصِيح
مَاكْ حِمل الحُكم
ورجعتَ
تحلف إنك مُنتَخبْ...!!
ورجعتَ تاني
وجيتنا بلا سَندْ
غير العصابة
وجنجويدْ تشعل حرِبْ
ورجعتَ يا عَوجَ الدرب
تكمل يبَاس حُكمك
تحرق وتنهبْ
ما تخلي ضَبْ
كَمِل سنينك بالموات
أَشعل النيران فَرحْ
أزرع الموت الخَرابْ
أحَكمْ وما تسِيبا تبْ
ما أصلو عَدتْ
والخمسة جات
ومع السنين
تبقى الحِكاية وجع قلبْ
والقِصة ما قصة حُكم
كُرسي ونُظمْ
القِصة يا عَوجَ الدرِب
إنت كَعبْ
....أبوناجي...

[email protected]


تعليقات 0 | إهداء 0 | زيارات 1056

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ابراهيم سليمان أبوناجى
 ابراهيم سليمان أبوناجى

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة