المقالات
منوعات
أشواق مُغترب..!!
أشواق مُغترب..!!
05-20-2015 04:04 AM



مليت خلاص..
والغربة قاسية العشتها..
غالى جد كان التمن..
لافيها صُحبة ولا رفيق..
واللهِ ياخى كرهتها..
والعودة لى حُضن الوطن..
بى كل إرادتى اخترتها..
همى بس كان القرش..
زى مكنة دايرة بلا وقوف..
من بدري قبل العين تشوف..
أنا فى الدوام..
تاكل تنوم لا بسمة لا وجهاً حسن..
ياربى ناس الحلة كيف..؟
بتذكرم والدنيا صيف..
نيمتنا ديك..
القايمة فى وسط الفريق..
السادّه لى نص الطريق..
نسوانا فيها اتجمعن..
شايلات حبيبة بُن..مصرورة فى طرف التويب..
قوم ياوليد للعدة جيب..
ناغم معاك أم الحسن..
معاها بنوت الحبيب..
عماتك الساكنات قريب..
حتى البُعاد بسراع إجن يتلملمن..
مرات يقعدن للمغيب..
للقهوة والشاى يشربن ..
يتونسن يتعازمن يتلاومن..
والبير ملان ..فيهوا البنيات ينشلن..
يملن مواعين البيوت..
حتى السبيل..يملنوا ليهوا يستفن..
يسقن سخيلات الفريق..بى أعلى صوتن يضحكن ويقرقرن..
بالموية مرات يلعبن..
الطش كبير مليان هدوم..ليها دايرات يغسلن..
لمن يشوفن زول هناك..
برااحة ياخى بيسكتن..
ما أجملِن ..أخواتى كانن بخجلن..
بشويش يجرن للدلو..يتهامسن..يتذكرن..
للغاب وجاب..وأنا فى عذاب..
كرهت إسم الاغتراب..
الفيهوا ضاع أجمل زمن..
أنا كُلى شوق للعودة لى حُضن الوطن..


بلا أقنعة..
صحيفة الجريدة السودانية..
[email protected]


تعليقات 2 | إهداء 0 | زيارات 2031

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1269725 [علي احمد جارالنبي المحامي والمستشار القانوني]
0.00/5 (0 صوت)

05-20-2015 12:56 PM
ﺗﺒﺎﻟﻲ ﻭﻻ ﺗﻐﺎﻟﻲ
ﻭﻓﻮﺽ ﺍﻟﻤﻮﻟﻰ ﺍﻟﻤﻮﺍﻟﻲ
ﻭﺣﻴﻞ ﺷﺆﻭﻧﻚ ﻟﻴﻬﻮ ﺣﻴﻼ
ﻭﺷﻴﻞ ﻫﻤﻮﻣﻚ ﺷﻴﻠﻪ ﺷﻴﻼ
ﺯﻱ ﺩﻣﻮﻉ ﻓﻲْ ﺷﻤﻮﻉ ﺗﻀﻮﻱ
ﻋﺎﻳﺶ ﺇﺣﺴﺎﺳﺎﺕ ﻧﺒﻴﻠﻪ
ﻛﻢ ﺩﻣﻮﻉ ﻫﺘّﺎﻧﻪ ﺳﺎﻟﺖ
ﻣﺎﻟﻘﻴﺖ ﻓﻴﻬﻦ ﻭﺳﻴﻠﻪ
ﺃﺭﺟﻊ ﺍﻟﺨﻴﺮ ﻓﻲ ﺭﺟﻮﻋﻚ
ﻭﺍﻟﺮﺟﻮﻉ ﻟﻠﺤﻖ ﻓﻀﻴﻠﺔ
.
........ علي احمد جارالنبي 2001م السعودية ....

[علي احمد جارالنبي المحامي والمستشار القانوني]

#1269477 [جنو منو]
0.00/5 (0 صوت)

05-20-2015 09:20 AM
انها فعلا أشواق مغترب ذاق طعم الغربه المر ..!! أحسنت ياود بخيت .

[جنو منو]

زاهر بخيت الفكى..
زاهر بخيت الفكى..

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة