المقالات
السياسة
قصيدة - عِــــزّة ريــــدي لـــيكِ
قصيدة - عِــــزّة ريــــدي لـــيكِ
05-24-2015 08:25 AM


عِــــزّة ريــــدي لـــيكِ

.
( أموتُ وفي عينيِ دمعةُ من وطن)



ما جِيت أحَاسبِك
ولاّ عِيني تَعلاَ حاجبِك ،،
جيت أقول ليك وينو ريدِك
لمّا كان عِينِيك تسالم الزّول
قَبُل تمتدّ إِيدِك؟؟
جيت أقول ليك وين حنانِك وين وِدادِك
وين أغانيكى ونشيدِك ؟؟
وين بِسمَتِك تِرحاب فرح
قلبى الِبريدِك ؟؟
يا خسارة لمّا يبقىَ الرّيد جَسَارة
دم عيوني يهون عليكي
ينكسر عِز كبرياي
وخاتر مشاعري الفايضة بيكي !!
برضو سامحتِك عذرتِك
رغم جورِك وجور زماني
بِحناني يفيض غمرتِك ،،
لانى خاين مرّة خّنتك
لانى غَدّار يوم غَدرتِك ..
ياما في عينيَّ شِلتِك
قاسيت معاك
نِيران صِدودِك واحتملتِك ،،
لو بإيدي ......
كان قفلت باب الرّيد منَعتِك
كان فرزتِك من عروق قلبي وقطعتِك
كان قلعتِك من شراييني وجدعتِك
كان مِتل باعوكى غيري
برضي كان بالرّخصة بِعتك ،،
إلاّ عِزّة ريدى ليك
ماجاني فكرة ولا كان بإيدي
زي حقيقتِك كان طَبِع لوني وريدي
غيِرك إنتي أنايا نكرة وذاتي نكره
شنو الرّاجيهو من بُكره وصدَى الذِّكرى.
شنو الرّاجيهو من بُكره وصدى الذِّكرى ..

تنبيه :-
قريباً علي موقع الراكوبة ومواقع أُخري
(الفـــــن أفـــيون الشـّــــعوب !!!!!!!!!
مقطُوع الطّاري .. المشروع الحضاري )

عوض شيخ إدريس حسن
ولاية أريزونا ..أمريكا
[email protected]




تعليقات 1 | إهداء 0 | زيارات 1475

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1271948 [كلو من الكهربا الله يقطعا بركة النبي]
0.00/5 (0 صوت)

05-24-2015 11:21 AM
لسة مستنين يا صباح الفال بالامل راجين في دجانا الطال (احمد سليمان)
باقة عسلك عجيبة لكن يا عوض .. وسؤال بالله ..
هل الجسارة برضو بتتغير وتبقى ريد ؟
وفي حاجات كتيرة تاني لكن خليني أمص لحدي آخر قطرة .. قبل يمصونا الكهربجية ..
والحمدلله على كل حال .
س

[كلو من الكهربا الله يقطعا بركة النبي]

ردود على كلو من الكهربا الله يقطعا بركة النبي
United States [عوض شيخ إدريس حسن] 05-24-2015 07:09 PM
يا كلو من الكهرباء ....
تحياتي ..
شكراً علي إهتمامكم ومداخلتكم الجميلة وكلماتكم اللّطيفة..
بخصوص السؤال عن الجسارة برضو بتتغير وتبقى ريد؟ كل شئ محتمل
في صراع القيم الإنسانية كما تعلم ربما الكراهية تتحول إلي حب جارف والعكس ..
ما أعنيه بالجسارة التي وردت في القصيدة التطاول ، التجرؤ والظلم ..أحياناً
تفهم المفردة من خلال السياق الذى وردت فيه كما أعتقد بغضّ النظر عن معناها القاموسي .
(الرّيد دا حالة مجرّده
يسري في الرّوح يـسعده
ناس تعـرفو ومتــأكده
ناس تجهلو زيّك كـده)
أكرر تحياتي


عوض شيخ إدريس حسن
عوض شيخ إدريس حسن

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة