المقالات
السياسة
ست الشاي ولو كره المبلسون
ست الشاي ولو كره المبلسون
05-25-2015 05:22 PM


ديل شباب شارع الحوادث

يا وطن .. أجمل زهورك .. وبالدليل

ديل خلّوا ( قِبْلِي ) العافية يقدل

وفي شرايينك يشيل

ولو يوزنوهم بالدهب

يلقوا العيار بالحيل تقيل

ديل نفحة من أجدادنا

من سوداننا في الزمن الجميل

( أم قسمة) صارت تاني (عازة)

وفي هواها .. هم ( الخليل)

قالوا البيان بس بالعمل

لا بالضجيج .. لا بالرقيص . . ولا بالعويل

ينبوع أمل غمر السراب

قال ليك مِزاجك سلسبيل

أجمل شبابك يا وطن

أهديم الشكر الجزيل

دي القطرة أول كل غيث

والخطوة أول كل ميل

ترجم رسالتك يا وطن

لي كل زول عامل حِميل
فالقصة ما قصة شباب

شنقوا المحال بالمستحيل

القصة نرغب للحياة

فالفجر أخِر كل ليل
والقصة نكنس للفساد
نكويهو بي نار الغسيل

والقصة تصحيح المسار

من تاجر البشر العميل
من حامل القلم البلم
من نافخ الكير الدغيل

من فتنة الدجل المسيخ
يا تاجر الدين البخيل

يا مدفع السجم الرماد

كن لينا ك.. (الماظ) (الفضيل )

(أم قِسمة) قصَّت للشريط
ويا (وطني) أرحل وإستقيل
القصة بالعربي البسيط

انو البلد فيها البديل

القصة (بالهندي) البسيط

انو البلد فيها البديل

القصة بالعربي البسيط

انو البلد فيها البديل



ضياء الدين مدثر رجب

برلين/مايو/2015

[email protected]




تعليقات 2 | إهداء 0 | زيارات 2844

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1273548 [EZZEDDIN HASSAN]
0.00/5 (0 صوت)

05-26-2015 04:24 PM
إبداع يا ضياء الدين .. تسلم

[EZZEDDIN HASSAN]

ردود على EZZEDDIN HASSAN
[ضياء الدين مدثر] 05-26-2015 06:44 PM
سلمك الله من كل شر يا عزالدين.

لك التحية .. كل الود


#1272966 [هندوية]
0.00/5 (0 صوت)

05-25-2015 06:44 PM
القصة بالهندي البسيط
انو البلد فيها البديل


حلللللللللللللللللللوة دي ... تسلم .

[هندوية]

ردود على هندوية
[ضياء الدين مدثر] 05-26-2015 11:32 AM
والله إحترنا في أمرهم أخت هندوية..

مشكورة على المرور والتعليق

خالص التقدير


ضياء الدين مدثر رجب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة