المقالات
السياسة

05-27-2015 11:25 AM

.
وهكذا يتضح لنا أننا قد ظلمنا المدعو الهندي عز الدين مع سبق الإصرار و الترصد، وإتهمناه زورا وبهتنانا انه لا سمح الله يقلل من مكانة ستات الشاي ويمعن في احتقارهن .. فلقد نشرت صحيفته المجهرية أمس أن ستات الشاي قد تداعينا زرافات ووحدانا من كافة بقاع العاصمة المثلثة ، و تزاحمن و تدافعن بالكتوف و المناكب واقتحمن مقر صحيفته ، منددات بالهجمة الشرسة الذي تعرض لها ذلكم الشاب غض الإهاب في الآونة الأخيرة.
ولقد تم تسليط الضوء على هذه التظاهرة (العفوية) في عدد الأمس من صحيفته المجهرية ، التي ازدحمت بالعديد من الصور الملونة لستات الشاي وهن يحملن اللافتات ويهتفن مستنكرين ما تعرض له الشاب غض الإهاب.
ولقد حملت لافتاتهن عبارات حازمة وقاطعة وقوية مثل :
• الهندي أو لا صحافة ..
• الهندي وبس ...
• لا جنسيات ولا جهويات ... هنود بس ...
• عزو يا عزيزنا .... ما تستقيل و تسيبنا ...
وبهذه المناسبة فلقد تم إستطلاع العديد من ستات الشاي ، ولعلمكم الخاص هن لم يكن سودانيات فقط بل تضامن معهن زميلاتهن في المهنة من الدول المجاورة اللائي وجدن في السودان الملاذ و الأمان ...
صرحت السيدة فطينة عبد التواب ، 55 سنة :
"أنا لي 40 سنة في عمل الشاي المصلح والجبنة الصاموتية .. وتنقلت بين أماكن عديدة في الخرطوم وبحري وأمدرمان لكن يشهد الله ما لقيت محل الناس فيهو حنينين وعطوفين زي محلي ده في ركن جريدة المجهر .. رئيس التحرير بي جلالة قدره سمح لينا نخت عدتنا في مخازن جريدته ، ويا ما أدانا من الجنيه للألف ... وكمان حق رمضان وكسوة العيد لي عيالي .. عشان كده انا بعتبر أي إستهداف ليهو بمثابة إستهداف لأمننا القومي .. ومستعدين نموت عشانو"
أما الماظ أبرها ، 33 سنة ، فلقد صرحت كالتالي:
"هندي ده كوويس خالص .. ما تعملوا شكلة معاهو ... بعدين نحن في أديس لازم تراتيبية ... ليش سودان مافي تراتيبية ؟؟"
والما عاجباهو التراتيبية يشوف ليهو بلد تانية !!!
د. محمد ابراهيم قرض ...
[email protected]


تعليقات 12 | إهداء 0 | زيارات 5818

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1274841 [ali hamad ibrahim]
0.00/5 (0 صوت)

05-28-2015 12:42 PM
ياعالم نحن نافخين فى قرب مقدودة والنفاق كسح كل حاجة فى طريقنا= يعنى ستات الشاى ديل بقن مثقفات واطلعن على الاعلام الاسفيرى الذى يقود هجمة شرسة على الهندى وقررن مساندته اثيوبيات وسودانيات وفيهن كمان من تتعحدث عن التراتبية - ابو الزفت ! وواحدة تقول هندى وبس واخرى تقول ياهندى ولا بلاش صحافة ! الذى وضع هذه الكلمات الفخيمة على شفاه هؤلاء النساء البسيطات خانه ذكاؤه - قال تدافعن بالمناكب ! لقد وصل نفاقنا و توليفنا للحكايات درجات عصية على الوصف ولا نملك الا ان نقول حسبنا الله نعم الوكيل -هل هناك من جدوى للكتابة وعصف الاذهان وحرق الاعصاب - من يتبرع بالاجابة ياسادة

[ali hamad ibrahim]

ردود على ali hamad ibrahim
European Union [زول عادى] 05-28-2015 11:24 PM
انت بتفهم بالناكوسى الراجل بيسخر من الخبر


#1274429 [موسى]
5.00/5 (1 صوت)

05-27-2015 10:59 PM
بالله وعليكم الله منو الهندي هو ولا أنتو ؟؟؟
فكونا منها سيرة ..... زول قال رأيه وفي النهاية رأي زول عادي لا هو رجل دين ولا فيلسوف ولا حكيم ... يعني كلام وشالو الهواء وليس الموضوع بالاهمية التى تفرد لها صفحات وتفتح لها حلقات ....

[موسى]

#1274318 [علي حسين]
0.00/5 (0 صوت)

05-27-2015 07:34 PM
ياقرض أنت مواعدك الهندي بي حجة الأقربوت اولى بالمعروف خلي الهندي أحجج أهلوا المساكين في حلة إم مغد

[علي حسين]

#1274310 [بوروك]
0.00/5 (0 صوت)

05-27-2015 07:11 PM
الهندي قال الروب يا جماعة و عمل ساتر باخوات أم قسمة .. فدعوه في حاله و قاطعوا مجهره

[بوروك]

#1274246 [الهندي يكرم ستات الشاي بالحج لهذا العام]
0.00/5 (0 صوت)

05-27-2015 04:30 PM
كما ذكرا متحديا بانه سيتكفل بإجرآءات الحج إذا عجز ناس السعودية ولم يوفوا بوعدهم ، مش الخالة ام قسمة بس بل مجموعة من ستات الشاي المجاورات لمكتبه منهن :
1- الخالة علوية
2- حليوه هكذا ورد اسمها
3- واحدة اثيوبية بيا اسمها
4- واحده اثيوبية اخرى مع بيا لم يذكر اسمها .

يعني رجل الخير والبر الهندي على الاقل يطلع من جيبيه 80 مليون بالجديد تكلفة وإيفاء بوعده طبعا من غير ام قسمة تضاف إليهن إذا لم يفي ناس السعودية بوعدهم ...


حجا مبروووكا مقدما وتستاهلن ويا الهندي ما تنط وتغيير رائك انت دقيت صدرك وانا عارفك ابششششششر قدها وما بتصعب عليك اثبت ليهم عكس ما يقولو انك شرير وما بتحب عمل الخير

ياحاجات ما تنسو طالبكن طاقية وسبحه بعد إداء الحج إن شاء الله .

[الهندي يكرم ستات الشاي بالحج لهذا العام]

#1274220 [د.جعفر]
0.00/5 (0 صوت)

05-27-2015 03:38 PM
ده الكﻻم يا د.قرض

[د.جعفر]

#1274213 [Adof]
0.00/5 (0 صوت)

05-27-2015 03:26 PM
الهندي سقط بالقاضية من الماجدة ام قسمة

[Adof]

#1274154 [تسفاى تخلى ولدسلاسى]
5.00/5 (1 صوت)

05-27-2015 02:00 PM
واللاهى هندى ده واللاهى زى خواجيين اسحن زول زيو مافى راجل.

[تسفاى تخلى ولدسلاسى]

#1274114 [ابو ملاذ]
0.00/5 (0 صوت)

05-27-2015 01:00 PM
ياخ انت ظريف بشكل
نجمتو وكرهتوا العيشه

[ابو ملاذ]

#1274112 [جنو منو]
5.00/5 (2 صوت)

05-27-2015 12:57 PM
غايتو يا د. قرض .. دبغت الراجل دبغ جد..!!

[جنو منو]

#1274103 [ٍSalah AL Deen P]
0.00/5 (0 صوت)

05-27-2015 12:51 PM
موضوع الهندي دا بقى حامض
الزول دا كان بتاع افلام هندية وخيالات
هسي في جريدتو المجهرية دي جاب المساكين ديل ورشاهم قروش وهاك المديح
زول محبط وداير يصلح يكسر

[ٍSalah AL Deen P]

#1274062 [hassan]
0.00/5 (0 صوت)

05-27-2015 11:51 AM
الهندى انتهى كلاعب
ولا يصلح العطار ما افسده الدهر
وتحيا وتعيش ام قسمة واخواتها المكافحات

[hassan]

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة