المقالات
السياسة
(أمانه عليك مابتخجل )
(أمانه عليك مابتخجل )
05-27-2015 05:30 PM


أمانه عليك مابتخجل
بعتنا بالرخيص .. وواقع فى الرقيص ...
و الاكرميين سفوا التراب ...
ماكلين فطيس ...
أمانه عليك مابتخجل
لا هاميك كسيح!! ...
لا مريض..... لا جريح ,
النزف من خراب بيتوا في اول خريف ..
لاهاميك زولا بفتش حق رغيف ....
لاطالبا محتاج رسوم بكورك يالطيف.....
لا طفلا فوق صدر امو عدمان الحليب ... وعامل فيها الرئيس !! ...
أمانة عليك ما بتخجل ....
عشرتين وما شى للتالتة ...
مشيت البلد حافية اديتنا بالقاضية ....
رميتنا فى الهاوية ..
خليت العروض عارية ...
أمانة عليك ما بتخجل ...
عايش فى الرفاهية تاكل لحمة يومية ..
ترقص فى الفضائية وشعبك بفتش كسرة ونعيمية...
عليك الله مابتخجل .....
عشرتين وماشى للتالتة مرتين وممكن التالتة ......
شقيت البلد نصين وساعى للتالتة بلد م مليانة بالخيرات ...
نيلا الجارى بالبركات حرقت فيها الخضرة واليابسات ..........
أمانة عليك مابتخجل ...
تقطع فى رقاب الناس,, ياميت الضمير والاحساس.....
تكوش فى الدهب والماس ....
للثروة انت ما كناس وللفارغه امانة ما رقاص...
انشاء الله يجيبلك الوسواس ....
تجرى من شندى لى كدباس كايس الفقراء عشان علاج الراس يقرو ليك يس والمعوذتين والاخلاص .....
ومايفكك الخناس وتضوق مرارة الكاس الشربت منو الناس .......


شعبان احمد سليمان بيرم - الرياض
26 مايو 2015
[email protected]




تعليقات 3 | إهداء 0 | زيارات 2569

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1275638 [محمد احمد صالح]
1.00/5 (3 صوت)

05-30-2015 12:03 PM
بيرم وربي انت عسل ووصفك كلو صحيح
عجبني جدا الدعوة (انشاء الله يجيبلك الوسواس ....
تجرى من شندى لى كدباس كايس الفقراء عشان علاج الراس يقرو ليك يس والمعوذتين والاخلاص .....
ومايفكك الخناس وتضوق مرارة الكاس الشربت منو الناس .......


نردد ااااااااااااااااااااااااامين يارب

[محمد احمد صالح]

#1275288 [شهاب شمت]
1.00/5 (3 صوت)

05-29-2015 02:52 PM
شكرا بيرم

عكست الواقع بكلمات مرتبة

[شهاب شمت]

#1274280 [الفكي]
1.00/5 (3 صوت)

05-27-2015 05:52 PM
شكرا جزيلا صديقي واخي شعبان .. لقد ارحتنا وعبرت عنا وعن كل الغلابة الكادحين المكلومين غبنا وغبينة

[الفكي]

شعبان احمد سليمان بيرم
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة