المقالات
السياسة
البرلمان مع الشريعة ووزير الخارجية مع الحقيقة
البرلمان مع الشريعة ووزير الخارجية مع الحقيقة
06-25-2015 11:10 PM


عندما قرأت الخبر الذى جاء فيه أن نائبا برلمانيا قال بأن الشعب السودانى 95 % منه مسلمين ولذلك يجب أن تتطبق فيهم (شريعة) القرن السابع، كدت أن أقع من الضحك حينما تذكرت مشهدا مشابها لهذا القول الساذج، للممثل الكوميدى عادل أمام فى دور تلميذ مشاغب (بليد) وكبير سن اسمه (بهجت الأباصيرى) فى مسرحية مدرسة المشاغبين المشهورة، رد فيه على مدرسته التى صاحت فى وجهه غاضبة بعد أن تصرف تصرفا أستفزها ( قم وأوقف يا بهجت يا اباصيرى)، فقال لها بطريقته المعروفة:
"بعد 14 سنة ثانوية عامه تقولى لى قم وأوقف"؟
فحضرة النائب المحترم (البرئ) الذى تفوق على عادل امام فى تمثيله لدور الغبى الساذج، يريد من النظام (الخائف) أن يطبق (الشريعة) يا دوب وبعد 26 سنة لا 14 سة أمضاها (بهجت الأباصيرى) فى مرحلة دراسية واحدة؟
طيب تحت أى قانون أو دستور كان الرجال والنساء يجلدون فى محاكم النظام العام فى (الخرطوم) منطقة الوعى والعاصمة القومية دعك من المناطق الأخرى وناس (وطن أم الطيور) أو (تريعة البجا) و(شنقلى طوبايه)؟
واذا كان النظام لم يطبق تلك (الشريعة) طيلة الفترة الجهادية الماضية التى وصلت الى 26 سنة، فلماذا حتى الآن يسمون (غزواتهم) ضد شعب السودان لا ضد عدو خارجى (جهادا) .. ولماذا وحتى اليوم جميع (الأسلامويين) بمن فيهم جماعة (درويش) الذين تنكر لهم (الرقاص) يؤيدونه ويهللون ويكبرون فرحين مسرورين لقدومه اذا عادت طائرته (خائبا) من الأجواء السعودية أو (هاربا) من خلال القواعد العسكرية فى جنوب أفريقيا ومن بين المطبلاتية والساكبين للدموع (نائبة) برلمانية، دورها الأساسى – المفترض - كممثلة للشعب وأن تستجوب ذلك الرئيس الذى أعز الأسلام و(المنتصر) بتلك العودة، عمن يتحمل تكلفة وقود طائرته الذى ضاع هدرا، دعك من أجرة الطيار وطاقم الضيافة وطاقم الحماية والمصوراتية؟
دعنا نتناسى كل هذا الذى يحدث فى مسرح العبث ومسرح اللا معقول، فقط أن نسأل اذا لم تكن شريعة (.....) هذه غير مطبقة فى حقل التجارب السودانى حتى اليوم، فلماذا طلب وزير جديد (لنج) من الحضور فى أجتماع له بالفصل بين النساء والرجال، مما الى تزمر وأشتباك تحت أى بند وأى قانون أو أى (فتوى) ورد ذلك التصرف؟ الم يسمع أو يرى ذلك الوزير الغيور على دينه قبل أن يؤدى القسم بشريط (الفيديو) الذى ظهر فيه (الرقاص) خالطا فى رقيص مشترك بين الرجال والنساء؟
فعلا اول مرة يصدق فيها (الترابى) فى حياته السياسية كلها حينما أطلق على المرحلة القادمة، النظام (الخالف) أو خالف تذكر.
ففى ذات الوقت الذى تحدث فيه عضو (برلمانى) معبرا عن اشواقه فى حتمية تطبيق (شريعة) القرن السابع، لأن السودان كما قال وبما يمتلك من أحصاءات دقيقة، أن 95% من اهله (مسلمين)، ولا أظن حضرة العضو المحترم قد سئل ومن قال لك بأن ال 95% سودانى اؤلئك بمن فيهم من أشتراكيين وشيوعيين وليبراليين وعلمانيين وجمهوريين و(متصوفة) حقيقيين لا متصوفة (المؤتمر الوطنى) اضافة الى مسلمين عاديين بسطاء لا ينتمون الى أى جهة وهؤلاء أكثر من 50 % يريدون أن تطبق فى ديارهم (شريعة) القرن السابع، فى نظام حكمهم وهم منذ سبتمبر 83 لم يعرفوا عنها غير الجلد بالسوط وبتر الأيادى والقطع من خلاف وسفك الدماء والتعذيب فى بيوت الأشباح، الا يكفى ان أهل السودان يصلون ويصومون ويحجون ويزكون ويتصدقون ولا يأكلون مال الحرام ولا ينافقون أو يكذبون كما يفعل هؤلاء المتاجرين بالدين والشريعة و لايحتاجون الى من يكلمهم عن دبنهم؟
الشاهد فى الأمر لم يكتف العضو المحترم بذلك الطلب، بل أضاف من عنده - دون علم - قائلا حتى (المسيحى) فى تلك الشريعة يجد العدل، لا أدرى أن كنا نرغب فى تحقيق شئ رغم انف الناس وضد ثقافة العصر، لا يهم اذا كان ذلك الشئ يهدد دولة المواطنة ويقضى على النظام الديمقراطى أم لا .. واذا كان يفيد الناس ووطنهم أم لا، لماذا نكذب ونلجأ للخداع والغش والباس الأشياء ثوبا لا يناسبها؟
لماذا لا يقول ذلك العضو المحترم فى شجاعة، ان تلك (الشريعة) لا تساوى فى حقيقة الأمر بين المسلم والمسيحى ولا الرجل والمرأة، لكننا نريد أن نراها مطبقة على الأرض بدون (دغمسه) والعجبو عحبو والما عجبو يشرب من البحر.
وهل العضو المحترم يفهم فى الشريعة أكثر من نائب مرشد جماعة (الأخوان المسلمين) المحكوم عليه بالأعدام الآن فى مصر (خيرت الشاطر) ونحن نذكرهم بالمصريين دائما لأنهم أسيادهم ومرجعيتهم، الذى أفتى بعدم (جواز تهنيئة المسلمين، للمسيحيين فى اعيادهم) ولم يكن وحده الذى وقع على تلك الفتوى التى لها نصوص تساندها، بل كان معه كوم من السلفيين على مختلف أشكالهم اضافة الى دكتور فى جامعة الأزهر، فهل هذا هو العدل الذى تحدث عنه حضرة النائب المحترم؟
واين حديثه ذاك من رأى الشريعة الواضح القطعى الدلالة قطعى الثبوت فى طريقة التعامل مع (المسيحيين)،
بحسب النص " فإذا انسلخ الأشهر الحرم فاقتلوا المشركين حيث وجدتموهم وخذوهم واحصروهم واقعدوا لهم كل مرصد فإن تابوا وأقاموا الصلاة وآتوا الزكاة فخلوا سبيلهم إن الله غفور رحيم" ، وبحسب نص آخر يأمر بأن تؤخذ منهم (الجزية) عن يد وهم صاغرون، تقول الآيه " قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ" .. وقبل أشهر قليلة شاهد العالم كله ذلك الصك (المالى) التى أستلم من خلاله (الدواعش) مبلغا ماليا عبارة عن (جزية) سددها مسيحى فى سوريا وهو صاغر وذليل وربما بصق فى وجهه لكى يشترى حياته؟
الم يصرح بذلك عالم (بالشريعة) أكثر من النائب البرلمانى المحترم، وكان والده كذلك (عالما) أزهريا هو الشيخ / حازم صلاح أبو أسماعيل، الذى قال على أحدى القنوات الفضائيه على الهواء، يجب تحصيل (الجزية) عن المسيحيين فى مصر قبل أن يتمكن (الأخوان) من الحكم ويستتب لهم الأمر؟
فلماذا استغفال الناس وخداعهم لهذه الدرجة فى القرن الحادى والعشرين، أما كفاكم أن فلذات اكبادنا قد تركوا تعليمهم وهاجروا الى وكر (الدواعش) فى سوريا، لا يدرى أحد حتى الآن ما هو مصيرهم وهل تم أستخدام البنات فى جهاد (النكاح) أم نكاح (الجهاد) لا أدرى أي الكلمتين تأتى فى الأول، فالله ورسوله أعلم.
والى متى هذه الأزدواجيه و(الشيزوفرينيه) الفكريه التى جعلت اؤلئك (المغرر) بهم يذهبون الى (وكر) الدواعش وفى الوقت الذى تحدث فيه العضو المحترم عن ضرورة تطبيق شريعة القرن السابع فى القرن الحادى والعشرين لأن السودان 95% منه (مسلمين) وهذا يعنى لو كان فيه 95% غير مسلمين أن تطبق شريعتهم .. اليس كذلك .. المهم فى الأمر حينما قال كلامه ذاك والذى يعنى بالضرورة عدم الثقة فى المسيحيين واليهود وعدم التعامل معهم بنص قطعى الدلالة قطعى الثبوت وهو الذى يقول "ولن ترضى عنك اليهود ولا النصارى حتى تتبع ملتهم" .. ولماذا اللهث خلف (الروس)، الا تدعم امريكا بالسلاح الدولة التى تتخذون من معاداتها شماعة، بينما يدعمها الروس بالخبراء والبشر؟
الم يراجع ذلك العضو المحترم الخبر الهام الذى ورد على الصحف منقولا عن وزير الخارجية (السابق) على كرتى والذى قال فيه "كشف وزير الخارجية السودانى على كرتى، عن حوار جاد وموضوعى مع الولايات المتحدة الأميركية لتطبيع العلاقات بين البلدين . وقال كرتى - فى حوار مع "فضائية الشروق" السودانية مساء أمس السبت - " إن هناك تقدما فى مسيرة العلاقات بين الخرطوم وواشنطن، على الرغم من عدم التزام أمريكا بما وعدت به من قبل بشأن رفع اسم السودان من قائمة الدول الراعية للإرهاب".
فاذا كانت امريكا لا تريد أن ترفع اسمكم من قائمة الدول الراعية للأرهاب لماذا ترضون بالذلة والركوع تحت قدميها؟
الم يقرأ حضرة العضو المحترم الخبر الذى تناقلته مواقع التواصل الأجتماعى والذى جاء فيه تصريح لأخيه فى الله حضرة وزير الخارجية (غردون باشا) يقول فيه :" أعلن وزير الخارجية إبراهيم غندور، عن زيارة وشيكة لوفد حكومي من الولايات المتحدة الأمريكية، للبلاد، للانخراط في حوار رسمي بين الخرطوم وواشنطون لمناقشة القضايا العالقة بين البلدين ".
اليس هذا كله تلهف ولهث وركض وهرولة خلف الذين لن يرضوا عنك حتى تتبع ملتهم .. فاين هى لله .. واين هى أنشودة يا الأمريكان ليكم تسلحنا بكتاب الله وقول الرسول .. لا داعى أن نذكرهم بهتافات الحليف السابق الأيرانى (الموت لأمريكا).
صدقونى يا هؤلاء (العصابة) الأكثر خطرا من (الدواعش) لو كنتم صادقين فى المراوغة والفساد والغش والخداع، لتوصلتم لمعرفة الحق سريعا ولألتزمتم به ولتخليتم عن هذا العبث الذى تمارسونه ولتركتم شعب السودان الطيب الصابر الصامد فى حاله، بعد 26 سنة من الأذلال التى ترونه من العالم، وبعد أن تراجعت الدولة السودانية للخلف وأصبحت تعيش فى ظلام دامس بل فى وضع اسوا مما كان عليه الحال فى القرون الوسطى والعصر الجاهلى، حيث لم تتفوقوا فى مجال وتحصلوا فيه على مراكز متقدمه، سوى الكذب والنفاق الذى لم يعرفه (ابن سلول).
تاج السر حسين – [email protected]


تعليقات 9 | إهداء 0 | زيارات 2951

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1293533 [ود الحاجة]
0.00/5 (0 صوت)

06-27-2015 01:36 PM
لماذا لم يكتب تاج السر عن ماساة جنوب السودان؟

[ود الحاجة]

#1293397 [ود الحاجة]
0.00/5 (0 صوت)

06-27-2015 09:01 AM
يحكى أن احد الدروايش قال ((.. والدخل الجر بالسلاسل شنو فى (أمر بى معروف ونهى عن منكر) وهل الأمر بالمعروف والنهى عن المنكر بتكون زمن الحرب ))

فرد عليه أحدهم : لو قلت غير هذا لشككنا في أنك درويش , قالدراويش يا صاح سموا بهذا الاسم لجهلهم و غبائهم .

هل تعلم يا درويش أن للجهاد في الاسلام غايتان :
الاولى تمكين المسلمين من اقامة دينهم و تحقيق الخيرية بالام بالمعروف و النهي عن المنكر " كنتم خير امة اخرجت للناس "

و الثانية دعوة الناس كافة الى الاسلام و عرض دين الله عليهم من دون خوف او مضايقة من القوى الشيطانية ( وهو ايضا من صور الامر بالمعروف و النهي عن المنكر) , قال تعالى : "هو الذي ارسل رسوله بالهدى و دين الحق ليظهره على الدين كله و لو كره المشركون"
للجهاد ف الاسلام غاية غير الحرب و القتال و لكن الدرايش لا يفهمون!!!!!

و من الادلة الواقعية على ضرورة الجهاد ما حدث لمسلمي الاتحاد السوفيتي من القتل و التعذيب من قبل الملحدين البلاشفة بحيث انه لم يكن يسمح لهم حتى بقراءة القرءان و كان الحصول على مصحف مع احدهم يعد من الجرائم الخطيرة.

طبعا لا يحب الدروايش الكلام عن معاناة المسلمين , الدراويش مغرمون فقط بتشويه دين الله.

[ود الحاجة]

#1293235 [ود البقعة]
5.00/5 (1 صوت)

06-26-2015 09:58 PM
(اثنان ليس لهم امان : الشيعة والاخوان )
سبحان الله حتى في رمضان لا يحترم هذا الكويتب تاج السر صيام المسلمين وقيامهم ويعود لنفس اسطوانته القديمة (شريعة القرن السابع ) ، ونفس الايات التي يعترض اصلا على وجودها في القرآن ! وحان الان الوقت للجم هذا الشخص (الشيعي او المتشيع) المدعو تاج السر وهذا التعليق يعتبر للتوضيح وليس للتفضيح ، ولن ادلس عليه او ابهته بما ليس فيه وانما من خلال مقالاته يتضح انه شخص بلا عقيدة وبلا منهج سياسي اصلا ، واتحداه ان يكذبني ، فهو شخص يكتب فقط للاعتراض على كل شئ ، والغريبة انه يدعي معارضة البشير وحزبه الاخواني ولكنه يدعم حلفاءهم في الدول الاخرى ، ولنعد لنرى ماهو هذا الشخص وماهو منهجه ؟:
* تاج السر يعارض الله تعالى في اياته القرآنية (تحديدا ايات الحر ، والاشهر الحرام، وايات الجزية ، ...الخ ) وهنا المعارضة لله تعالى .
* تاج السر يعارض الرسول الكريم صلى الله عليه وسلم ، بقوله انه ليس من الاغبياء اتباع المذاهب السنية الاربعة ، بمعنى ليس بسني .
* تاج السر يدعي تفضليه للشيعة على السنة ولكنه ليس بشيعي !!! .
* تاج السر يدعي معارضته لنظام الاخوان وفي نفس الوقت تجده ضد قتل الشيعي في مصر وضد استتابة المتشيعين في السودان !؟!!!! بل ويقول عنهم اعداد (مهولة) فما الفرق بينك وبين النائب الاخواني الذي تنتقده في المقال ؟ لم يكن اصلا هناك اعداد مهولة ومن كان منهم متشيعا فلقد ظهرت حقيقة التشيع للعالم كافي من خلال الثورة السورية وانكشفت الاعيبهم وخبثهم وحقدهم للمسلمين السنة
* تاج السر يدعي حبه للمتصوفة ولكنه ليس بصوفي !!!.
* تاج السر يدعي محبته للجمهوريين ولكنه ليس بجمهوري !!!!.
* تاج السر يدعي محبته للشيوعيين ولكنه ليس بشيوعي !!!.
* تاج السر يدعي محبته لليبراليين والعلمانيين وهو ليس منهم !!!!.
* تاج السر يدعي معارضته للنظام ولكنه من اكثر مساعدي النظام بتشتيته للقراء المعارضين بحق وحقيقة .
* تاج السر يدعي معارضة الكيزان اخوان الشيطان ولكنه يستعمل نفس اساليبهم فهم دائما يتهمون المعارض لهم بكونه عميل وخائن وكذلك تاج السر يتهم من يخالفه بأنه من اتباع النظام وووو...الخ.
* تاج السر يبجل ويقدر الاشخاص المطعون في عقائدهم الدينية بالاجماع ويسميهم (العارفين بالله والشهيد و...الخ ) ولكنه وعند ذكر صحابة رسول الله تجده يكتبهم بالاسم فقط دون حتى الترضي عليه ناهيك ان يذكر لفظ الصحابي الجليل او كلمة سيدنا قبل اسم الصحابي !!!!!!
* تاج السر يعارض الشرفاء الذين كونوا صحيفة التغيير الالكترونية ويدعي انها فكرته !! مع انه لم يدعى للكتابة فيها اصلا .
* تاج السر اعترض على البروفسور الذي حاول انشاء قناة فضائية للمعارضة الشريفة وصار يتحدث عن ممولها وماهو توجهه ومنهجه ، ولكنه لا يريد ان يفصح عن نفسه وتوجهه ومعتقده هو للقراء في الراكوبة .
* تاج السر يدعي معارضة البشير ولكنه يترحم على صديق البشير وحليفه السابق القذافي كثيرا جدا .
* تاج السر حتى في وقوف البشير مع السعودية (تقية) في عاصفة الحزم ، فرحت كل الشعوب العربية بعاصفة الحزم الا تاج السر ، وبدأ ينتقد علي صالح ولكنه لم يتجرأ وينتقد (الشيعة الحوثيين ) حلفاء صالح وحلفاء البشير.
* تاج السر يدعي معارضة البشير ويقف ويؤازر حليفه (الشيعي النصيري) بشار الاسد في سوريا الذي قتل مئات الالاف ولم نر مقالا واحدا منه يدين بشار الاسد .
* تاج السر يدعي معارضة النظام الاخواني ولكنه في نفس الوقت يقف مع الشيعي المجوسي (حسن نصر الشيطان ) ويسميه سماحة السيد حسن نصر الله !!! ايعقل هذا ؟
* تاج السر يدعي معارضة البشير ولكنه لايبالي بماتفعله (ايران الشيعية المجوسية) في عرب الاحواز واهل السنة بشكل عام ، بكل ويسمي دينهم مذهبا!؟؟.
* عندما يقتل الدواعش الارهابين ويحرقون شخصا تجد قلم تاج السر يهيج ويموج ضدهم ولكن وعندما تفعل الكتائب الارهابية الشيعية نفس الفعل ويحرقون اهل السنة احياء بل يحرقون المدني على اسمه السني فقط ، يتوارى تاج السر وكأنه لم يسمع مع ان كل القنوات تكون قد نقلت اخبار الحرق والتمثيل بالجثث من قبل مليشيات الحشد الشيعي في العراق وسوريا !!!
* (اعتراض اخير مضحك ) من تاج السر ، حتى في الفن يقول تاج السر انه يحترم جمهور الفنان الراحل محمود عبد العزيز ولكنه لا يعترف به كفنان !!! مع ان الفنان الحوت هو الاسطورة الوحيد في تاريخ الاغنية السودانية من ايام سرور وكرومة الذي اجمع الكل على محبته سواء من المختصين (كالموسيقيين والملحنين والكتاب والشعراء ، وجميع فئات الشعب السوداني ، والمحبة التي وجدها محمود لم ولن توجد في فنان اخر سواء كان من جيل العمالقة او غيرهم مع جل الاحترام لهم.
* خلاصة القول : ان المدعو تاج السر رجل متشيع ، او رجل لا يملك اي عقيدة او منهج ديني وهذا طبعا من خلال قلمه ، وهو ايضا ليس له اي منهج سياسي او حزبي ينتمي له ، ولا حتى فني ، او رياضي . فيا تاج السر كلنا نكره الاخوان ونستطيع ان نعطيك ملفات كاملة تساعدك على ان تفضحهم ، ولكن المشكلة انك تكره الاسلام اصلا وتكره السنة ثانيا ، وتساعد الظالم في مناطق كثيرة وتدعي معارضته في السودان وهنا قمة الجهل وقمة السطحية وقمة التدليس والتلبيس ، واخيرا نرجو منك في هذا الشهر الكريم اولا ان لا تطلق لفظ (شريعة القرن السابع ) على الشريعة الاسلامية لأن هذا نوع من التجهيل المقصود والمتعمد ، واذا اردت ان تنتقد الكيزان فلك الحرية وكلنا معك ولكن ان تتعدى الخط الاحمر لدين الامة فهنا يجب لجمك واسكاتك وتوقيفك عند حدك ، واذا عدت عدنا ، وربنا يهدينا ويهديك .

[ود البقعة]

ردود على ود البقعة
European Union [Muslim.ana] 06-27-2015 07:12 AM
يا تاج السر أالجملة والتعليق كله معناه واضح وهو أنك بتتستر بي معارضة الاخوان وفي حقيقتك مدافع عن الشيعة وقتلهم في حين أنو لم نسمع منك شيئاً غن جرائم الشيعة تجاه السنة التي تحدث الآن...

ياخي ما تبطل اللف والدوران وترد على النقاط بدون لولوة....ما قاعد تكتب عن جرائم الشيعة تجاه السنة البتحدث الان ليييييييييييه يا تاج السر يا عبقري؟

[ود البقعة] 06-27-2015 12:45 AM
عندما يسب الشيعي الهالك حسن شحاتة في زوجات النبي علي السلام وفي صحابته ويقتل من قبل اشخاص عاديين وذلك لمحبتهم الفطرية لنبيهم الكريم ولذلك قتلوه وسحلوه ونعم انا معهم واؤيدهم ولكني ضد قتل الشيعي العادي الذي لم يسب زوجات نبينا الكريم ، ونعم انا مع استتابة كل شيعي في الكرة الارضية وارجو ان تتم استتابتك انت شخصيا ، واين الغباء هنا؟ وماشاء الله على ذكاءك لم تجد في كل التعليق الا هذا البند؟ ياخي ارحمنا وارحم نفسك وحاول ان تتعلم وتقرأ ، ياخي ربنا امرنا بالقراءة وانت لا تحاول ان تقرأ ؟ اقرأ فقط في الراكوبة لبناتنا المناضلات (هويدا سر الختم وامل هباني ، وشمايل النور ، وشريفة شرف الدين ) والله لو قعدتا تكتب عشر سنوات لن تكتب ربع الاسلوب والفهم والغضب والوطنية التي في كتاباتهن . معادلة اخيرة (عندما يجتمع العناد مع الغباء ......) اكمل الباقي .
يارجل انت ليس لديك مبدأ ولا عقيدة ولا منهج (لا سياسي ولا ديني ) انت شيعي ليس الا،

[تاج السر حسين] 06-26-2015 10:59 PM
بالله شوف هذا الأرهابى الغبى ماذا كتب:
((تاج السر يدعي معارضته لنظام الاخوان وفي نفس الوقت تجده ضد قتل الشيعي في مصر وضد استتابة المتشيعين في السودان)) !؟!!!!
_________
بعنى هو مع قتل الأبرياء ومع الأستتابه .. هل هناك غباء أكثر من هذا؟؟


#1293234 [تاج السر حسين]
0.00/5 (0 صوت)

06-26-2015 09:57 PM
كل اناء بما فيه ينضح يا ود ابزهانة .. وقيل فى السابق تحدثوا تعرفوا .. أضيفت لها الكتابه .. ود ابزهانة عائز يعمل فيها معارض من الداخل .. وعائز النظام يتغير عشان يجى نظام يطبق شريعة (القرن السابع) .. الشفناها عند البشير ومرسى وناس طالبان والدواعش .. طيب ما نخلى الجن البنعرفوا البهرب من جنوب أفريقيا وبقعد فى (الدبليو سى) ساعة عشان يركب السودانيه للخرطوم ما التونسية الى لاهاى .. يا ود ابزهانة ما تعب روحك معاى انا ما زول سلطة ولا بفكر فيها .. انا زول تنوير لآخر لجظة من عمرى فى هذه الدنيا، ومن ضمن ما يستحق التنوير هو توضيح (شريعة) القرن السابع حتى لا يزداد عدد (الدواعش) فى العالم.
وأهو شيخكم الترابى قال مافى حاجة اسمها دولة أسلاميه أو حكومه اسلاميه، طيب ما تصلوا وتصوموا مع الناس، وتخلوا البلد تتحكم بدولة المواطنة التى لا تميز بين المواطنين بسبب الدين أو المذهب أو الجهة أو العرق.

[تاج السر حسين]

ردود على تاج السر حسين
European Union [تاج السر حسين] 06-27-2015 05:02 AM
الأخ معذور فى عدم الكشف عن اسمه الحقيقى لأنه سوف يدرج كأرهابى، لا يعنى انه سنى من حقه أن يحرض على قتل الشيعة أو جتى شخص لا دين له.
الأمر الثانى أشكره على اهتمامه بكلما أكتب فى العديد من المجالات التى ذكرها وأن كذب فى كثير من الجوانب، مع أن المسلم قد يزنى وقد يسرق كما ورد فى الحديث لكنه لا يكذب.

European Union [ود ابزهانة] 06-27-2015 03:05 AM
يا تاج السر
وريني في اي فقرة قلت عايز اطبق شريعة القوةرن السابع ؟؟
قرن يخفسك؟؟
شنو قلة حياك وأدبك دي وحكاية كل إناء بما فيه ينضح؟؟
والله الذي لا اله الا هو ان الاناء الذي مليء بالجهالة والنتانة ماهو الا اناءك الذي ليس فيه الا الكلام البذيء الذي يشبهك،،،واؤكد لك انني لدي من الإيميلات التي كلها بذاءة وعفن عقل وفاقد تربوي ارسلها لي صديق كنت قد ارسلتها له قبل عامين واكتر لم تترك مسبة او نتانة لم تصبها علي أمه وأخوانه،، ومستعد انشرها اذا الموقع يسمح ليعرف القرّاء من اي طينة انت وأي دين تعتنق؟؟
وأتحداك ان توضح شريعة القرن السابع لنا ،،ان كانت تخرج من كتاب الله وسنة رسوله وسلوك صحابته
لا تدعي انك العارف يا اخي ،، بل والله انك لأجهل الناس بامور دينهم،،، لانك تفقه ما تقول،، ولست وحدي من يقول هذا،، انظر الي المعلقين الذين يردون عليك وعلي خزعبلاتك وتفاسيرك التي لا تليق بمسلم ولا تحترم فيها حرمة الشهر الفضيل،،،
بعدين بتقول يا ود ابزهانة ما تتعب نفسك معاي انا ما زول سلطة زول تنوير،، تنور منو يا جاهل؟؟. ومن وين ليك مؤهلات السلطة،،؟؟ فاكر نفسك يوم من الأيام حتكون حاجة؟؟ والله لو اتغير الوضع وجئت السودان جرايد تلقاهن تبيعن ما تلم فيهن خليها تلقي جريدة تكتب فيها،، وتكتب شنو؟؟ ر
وشريعة شنو دي الشفتها عند مرسي والبشير؟. ات البشير قعدت لي زينا واحتملت الواقع؟ ولا مرسي حكمك لما تتفلسف؟؟
بعدين مادام واجعاك حكاية جنوب افريقيا ما تكتب ليهن تقول رأيك وتستنكر العملوا؟ ولا ما بتعرف تكتب بي لغة غير لغة سب الشريعة والعقيدة والأديان ؟؟ والله لو الله قدرك تكتب بي الانجليزية كان الخواجات سابوها ليك وقلبوا عربي،،
قال نحن بنور؟؟. سبحان الله ندعوه ينور بصيرتك وتبطل تسب شريعة قرنه السابع التي جاءت علي يدي أفضل خلقه صلي الله عليه وسلم،،،
انا أشك في عقيدتك يا تاج السر والله،،
بعدين دولة المواطنة دي اشرحها لينا ،، اوع تكون بتسمع بيها بس ،، لانك لو كنت تفهم معني دولة المواطنة ما بتعمل كدة ولدرجة انك لا تعترف لا بمن يعارض في الداخل ولا في الخارج ومختصرا علي نفسك فقط يا اجهل معارض،،،
انا معارض من الداخل وأتحداك تعال عارض معانا يا راجل عشان تقوم جاري تندس ورا أمك من اول سكة،،، نحن الاتحملناه والله ساعة ما تتحملو منو،، بس ابقي راجل تعال تورينا معارضتك الفشنك دي،،
والثورة بتقوم ومستنين نوعك دة في المطار عشان نعلموا كيف يعرف يعارض،،يا نكرة،، انا معارض وفي الداخل وغصبا عنك يا إمعة ،،،
بعدين منوالقاليك الترابي شيخنا،، طز فيك وفي الترابي،، ونحن لما نصوم بنصوم حسب تعاليم شريعة القرن السابع الفاقعة مرارتك دي ،، اها ربك شنو فيها. واشرحا لينا يا احمد بن حَنْبَل أمكن نحن ما ناقشين،،
النظام نحن خنغيروا من الداخل وحتموت انت بغيظك وحتسوس في مصر والسيسي حيتغير وما حيكمل السنة دي ،، والنشوفك بتطير وين تاني؟؟
شفيق جاك يا تاج السر الشيعي،،، وناس الحزب الوطني مترصدنك،، ونحن مستنين نوعك دة يرجع السودان،، بس ابقي راجل عشان نطبق فيك شريعة القرن السابع الما عاجباك دي،، وخليك في افلاسك دة وتكرارك لي الكلمات الماعندك غيرها،، إسلاموي كوز دواعش وشريعة القرن السابع ،،،

[ود البقعة] 06-27-2015 12:01 AM
(نا زول تنوير لآخر لحظة من عمرى فى هذه الدنيا،) سؤال بسيط يامتنور ياتنويري ماهو معتقدك الديني الذي تريد ان تنير به عقولنا ؟ او ماهو معتقدك الديني الذي تؤمن به أصلا؟ واتحداك لو تجاوب .
وبطل حكاية تنويري الغاشي بيها نفسك دي.


#1293207 [abu saleh]
0.00/5 (0 صوت)

06-26-2015 08:04 PM
إذ لا أدري كيف يتغزل المتغزلون بتاريخ قام على السيف والدماء والاستخفاف بعقل الإنسان، والإعجاب ببضع شراذم من القتلة والسفاحين والقتلة الكبار ويسمون ذلك حضارة؟هل يحتاج هذا القول إلى برهان، وهل هو تجن على الوقائع والحقائق والفبركة؟ ألا يدرس للطلاب في المدارس منذ نعومة أظفارهم وتشوه به عقولهم الغضة إذ لا يفهم هذا الصغير سبب كل هذا الحقد والدم والخراب فيتحول إلى قاتل بالفطرة والغريزة؟ من أين هطلت عليهم علوم الدنيا فجأة هكذا ولماذا لم تكن موجودة في ما يسمى بجزيرة العرب!!أليست هذه جريمة ضد الإنسانية يتغزل فيها الناس بعمر بن العاص ويسمونه فاتحاً ويسمون أسماء الشوارع والمدارس باسمه ويطلبون من الصغار تقديسه والإنشاد له مع تناسي تلك الجريمة المروعة والأرواح التي زهقت عند غزو مصر؟ أين المضامين الإنسانية والأخلاقية في هذا كله؟ هل كان الروم أشد ظلما وعنجهية من هؤلاء الذين فرضوا الجزية على كل من لا يطيعهم؟
من أطلق اسم السفاح على أبو العباس السفاح؟ وكيف يكون سفاحاً وقاتلاً وخارجاً عن القانون خليفة في "العصر العباسي" الذي يعتبرونه أوج ما يسمى بالحضارة العربية والإسلامية ؟ من قصف المدينة والكعبة بالمنجنيق، إسرائيل وأمريكا والفرس أم البدو الغزاة أنفسهم في صراعاتهم العبثية الهوجاء؟ من ارتكب مذبحة البرامكة؟ ومن أخمد ثورة الزنج أول ثورة طبقية في الإسلام قامت ضد ممارسة العبودية والظلم والعنصرية ضد "السود" واستعبادهم واسترقاقهم بشكل حيواني مهين؟ ومن ومن ومن؟ لماذا لا توجد نصوص صريحة تدين العبودية والاسترقاق في الثقافة التي يتغنى بها وزراء الثقافة الطالبان ولا ينبسون ببنت شفة حول العبودية التي تشرعنها ثقافتهم؟
ولا يشرف التباهي بثقافة قامت على سبي عقل الإنساني واحتقاره والاستخفاف به ومسخه وقهره من أجل فرض ثقافة الطلقاء على هذه الشعوب المنكوبة عبر ألف وأربعمائة عام. لقد كان كل هذا التذرر والانحلال والتقسيم والتشرذم بسبب المحاولة المستمرة منذ 1400 عام لفرض وجهة نظر الطلقاء على هذه الشعوب التي ترفض وجهة نظرهم ولها الحق كامل الحق في تبني رؤية ووجهة نظر لما حصل في ذلك التاريخ الدموي الذي يسمى حضارة وهوية عربية وإسلامية؟
لماذا يدرسون لنا لصوص الصحراء و قطاع الطرق أو ما يسمى شعراء العصر الجاهلي ؟ و المعلقات التي لا تصلح إلا لتحويلها إلى ورق المراحيض و غير ذلك من تراث البدو!!

[abu saleh]

ردود على abu saleh
European Union [تاج السر حسين] 06-27-2015 10:32 AM
يا ابو صالح (الجهل) والعقد النفسية والجروح (الذاتية) هى التى تجعل الأنسان متعطشا للدماء يدافع عن قهر الآخرين وذبحهم بالسكين، علينا أن ندعو الله يزيل هذه الأمراض والعقد النفسيه من صدور هؤلاء (المساكين) .. وأن كانت الجروح الذاتية من الصعب ازالتها .. بالطبع تعرف كثير من اؤلئك (الأسلامويين) وتعرف سبب توجههم نحو الفكر المتطرف الأرهابى.

European Union [ود الحاجة] 06-27-2015 09:11 AM
و لماذا تهيمون عشقا بنابليون الذي قتل الكثير من الابرياء و تشرشل و ستاين و مظاهر حضارة الرجل الابيض (او قل الاشقر) التي قتلت فقط في القرن الماضي عشرات الملايين في حرب لم يخجلوا في تسميتها بالحرب العالمية و التي هي عار في جبين الانسانية و يا ليتها كانت واحد بل خاضوا حربين في فارق زمني لا يتجاوز ربع قرن و هم الان يبشرون بالحرب ( العالمية ) الثالثة .

European Union [خضر عمر ابراهيم] 06-27-2015 08:14 AM
يا استاذ abu saleh من اي ملة انت وتسمي نفسك ابو صالح..اي صلاح انت تحمله ؟؟
اخي انك تتحظث عن امة ام عن عقيدة؟
ان كنت تتحدث عن امة وهي العربية فانت منها ولكنك للاسف تجهل تاريخها وتبخسها بين الامم
وان كنت تتحدث عن عقيدة فلا اعتقد انك مدىك لما تقول..
فمن قال لك ان الاسلام قام وتاسس علي الظماء كما تتوهم؟
ةمن قال لك ان الدين الاسلامي موريت فيه العبودية؟؟
اري انك لم تقرا من الذي كان يقول احد احد وابصخرة جاثية علي صدره ويجلد لانه اسلم دون مشورة سيده لانه عبد ..فحرره الاسلام مته ...اذن جب الاسلام العبودية ورفع علم الحرية ونصرة المستضعفين...
اخي لا اريد ان استرسل معك لانه لافايدة تجني هنا في هذا المقام لانك شخص من خلال تعليقك بلا هوية لان الهوية العربية لا تعجبك ولا الحضارة العربية وكذلك انت بلا عقيدة لانك لا تعترف بالاسلام دينا وعقيدة
ارجو ان تقرا تعليقك بتمعن ستجد وصفي هذا ينطبق عليك تماما
نخن لسنا بعرب بل افارقة مستعربين بالنطق ولكننا نحترم العروبة تقديسا للعربية ونعتز بالعقيدة الاسلامية ونهتدي بها برغم انها لم تتنزل علينا مثلكم انتم الاعراب والذين قال فيكم المولي عز وجل وهو اعلم بكم منا..فقال فيما معناه... انكم اشد كفرا ونفاقا..
وهذا يكفي


#1293190 [Muslim.ana]
5.00/5 (1 صوت)

06-26-2015 06:52 PM
وصائم لشنو يا تاج السر (والعهدة على ردك على المعلق ود ابزهانة)...ما الصيام ده زاتو اتفرض في القرن السابع بينما مواثيق حقوق الانسان البتهضرب بيها بتدعو للقضاء على الجوع وبالتالي مافي داعي تجوع نفسك ساكت!!!


قال تعالى: {أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ (85)} (البقرة:85).


حا أقول ليك عبارة كدي فكر فيها وشغل دماغك شوية معانا وحاول شوف علاقتا بالتشبيه الفي شرح البخاري البتردد فيهو طوالي، ولاحظ انو احيانا التعبير ما بيكون مقصود بيهو معناهو الحرفي، فمثلاً ممكن واحد زيك يقول: والله حسين ده ما بخلي يمشي للكيزان ديل كان اربطو بالسلاسل!!

فالاسر (بالسلاسل او غيره) يكون للمحاربين وليس للمعاهدين والمسالمين ويكون سبب اسرهم وتقييدهم بالسلاسل هو انهم محاربين وليس بغرض ادخالهم للاسلام. وبالتالي المعاهد والمسالم ما بيتربط لا بي سلاسل ولا حبال، ومع ذلك الخيرية المقصودة في الحديث بتظل قايمة وما بتنتفي مع المعاهد والمسالم ومن غير ما نربطو بالسلاسل ولكن بأنو نحاول تمنعهم من ان يكون مصيرهم جهنم بي طرق تانية زي الدعوة وغيره.

واما قصة السلاسل الفلقتنا بيها دي دي فمقصود بيها انو حتى البيتم أسره في الحرب (بسبب انو محارب وليس لادخاله في الاسلام) ممكن يتعرض عليهو الاسلام ويسلم ويكون الاسر -رغم كراهته ليهو- سبب في دخوله الجنة وبالتالي حتى الشر الحصل ليهو من أسر كان عاقبتو خير عليهو اذا قبل الاسلام، واما اذا لم يقبل فلن يتم اجباره والتاريخ الاسلامي مليان ادلة على مدن فتحت ولن يسلم من أسروا فيها...يعني يا تاج السر باختصار مبداء الخيرية ما بيكمن في تربيط الناس بالسلاسل ولكن بيكمن في محاولة هداية الناس وتجنيبهم ان يكون مصيرهم جهنم بي عرض الاسلام عليهم وبعد داك (من شاء فليؤمن ومن شاء فليكفر)...وعشان نقرب ليك الفهم فالمعنى شبيه بالمثال الفوق ده، حيث انو عبارتك (المضروبة كمثال دي) ما معناها انو غرضك انك تربط حسين بالسلاسل ولكن غرضك هو انك تمنعو يبقا كوز ولكن بالتاكيد حتحاول كل الطرق التانية معاهو.

عموماً تفسير معنى الحديث نقله ابن حجر العسقلاني في فتح الباري - عند شرح هذا الحديث فقال رحمه الله: قال بن الجوزي أن معناه أنهم أسروا وقيدوا فلما عرفوا صحة الإسلام دخلوا طوعا فدخلوا الجنة فكان الإكراه على الاسر والتقييد هو السبب الأول.

ونفس هذا المعنى توضحه الرواية الأخرى للحديث والتي صحت عن رسول الله صلى الله عليه وسلّم:

عن أبي الطفيل عامر الكناني رضي الله عنه قال : ضحك رسول الله صلى الله عليه وسلّم ثم قال : ألا تسألوني مما ضحكت ؟ قلنا : يا رسول الله مما ضحكت ؟ قال : رأيت ناسا من أمتي يساقون إلى الجنة في السلاسل ، ما أكرهها إليهم ! قلنا : من هم ؟ قال : قوم من العجم يسبيهم المهاجرون فيدخلونهم في الإسلام


وعليه فمن الواضح -لمن خلا قلبه من الغرض والمرض- مقصد أبي هريرة رضي الله عنه المذكور في صحيح البخاري حين ذكر هذا الحديث في تفسير الآية "كنتم خير أمة أخرجت للناس"، حيث أن المقصود من الحديث أنه حتى الأسر والقيد والأغلال على يد الأمة المسلمة في الحروب كانت خيرا لهؤلاء الذين اختاروا الدخول في الإسلام وكان هذا القيد سببا في دخولهم الجنة .. فهذه الأمة خير كلها .. في سلمها وحربها.



وعليك الله قبل ترد علي بتعليقات الغلاط بتاعتك اتذكر انو في حتت كتيرة فتحوها المسلمين وكتير من اهلها ما دخلو الاسلام ورغم ذلك لا الرسول (صلى الله عليه وسلم) ولا الصحابة ما ربّطو الناس دي بالسلاسل عشان يجبروهم على الاسلام ويحققوا مبداء الخيرية بي فهمك العجيب ده...فهل يا ترى انت تفهم مقصود الاية وهم لا يفهموه...وبرضو قبل ما تغالط امشي اقرا بقية شرح الاية في كتب التفاسير عشان تعرف انو تفسير الخيرية الفي الاية مربوط بي مليون حاجة تانية انتا طنشتها او جهلتها وأنو الجزئية الانتا اقتطعها من البخاري من حديث ابوهريرة ما بتحمل المعتى بالطريقة الانتا بتحاول توحي بيها دي، وهي شبهة قديمة لمن يحاربون الاسلام واستغرب في انو بيرددا معاهم واحد !!صايم!!

رمضان كريم يا اخينا

[Muslim.ana]

ردود على Muslim.ana
European Union [تاج السر حسين] 06-27-2015 10:26 AM
رد على الأرهابى المتطرف (ود البقعه).
_______

بالله شوف الزول (الغبى) ده كاتب شنو .. ويا ريت تقعد مع ابو جهل الثانى المدعو ود الحاجه .. عشان تصلوا لأتفاق هل أنتم مع الجهاد والأستتابه فى أى وقت أم بسبب ضرورة اللف والدوران بخلى الجهاد وقت الحرب فقط وكما حدث للشيشان؟
هسه هل المسيحيين المساكين فى سوريا حاربوا زول لمن يقتلوا من رفاقكم الدواعش؟؟
هؤلاء المتطرفين معهم الف حق كونهم لا يظهروا بأسمائهم المعروفة لأنهم عارفين مصير المتطرفين شنو فى عالم اليوم الذى لا يسمح بمثل هذا التطرف.
كتب المدعو ود البقعه ما يلى:
"ونعم انا مع استتابة كل شيعي في الكرة الارضية"!!
طيب ما سألت نفسك ليه لو انت تمت استتابتك من قبل (الشيعة) بنفس الطريقة هل سوف تقبل ذلك؟
وماذا تفعل مع ايات (الأصول) التى نزلت قبل (الشريعه) اذا جاءت تحاجك يوم القيامة والتى تقول (وقل الحق من ربكم فمن شاء فليؤمن ومن شاء فليكفر).
لا أدرى ما هى (عقدة) ومشكلة (الأسلامويين) النفسية التى تجعلهم (كارهين) للبشر من أى ملة، ويميلون للعنف والأرهاب والقتل واراقة الدماء، بهذا الشكل وما هو ذنب الأبرياء فى تلك (العقد) والجروح الذاتية التى جعلتهم، على تلك الحاله من القبح والغباء والتطرف؟ لماذا لا يريدون أن يعيشوا فى مساواة مع الآخرين، ثم بعد كل ذلك يدعون كذبا أنهم معارضين وهم أسوأ واقبح من (نافع على نافع) الذى يتعامل مع الآخرين (كفرعون) .. يعنى هؤلاء المتطرفين يريدون من المعارضين أن يزيلوا لهم النظام (القبيح)، ليأتوا بمجموعة (دعايشيه) أكثر منه قبحا.

European Union [Muslim.ana] 06-27-2015 06:56 AM
يا تاج السر
أيوا حتى زمن الحرب فيهو امر بالمعروف ونهي عن المنكر، والانتا بتستنكروا ده هو بيت القصيد ... فالمفسرين اختاروا اوجه مختلفة لشرح الخيرية المفصودة في الاية، وأما أبوهريرة فقد إختار -في حديث البخري البخاري المجننك ده- ربط خيرية الامة في (كنتم خير أمة أخرجت للناس) بالموضوع الانتا مستنكرو وما قادر تفهمو ده بالذات، حيث أنه حتى زمن الحرب ينبغي على المسلمين مواصلة الدعوة والامر باللمعروف والنهي عن المنكر حتى مع الاسرى المقيدين بالسلاسل واذا اسلموا كان الاسر سبب في نجاتهم ويالتالي .

والتقييد والجر بالسلاسل هو لوصف حالة الاسر دي وهو ما كان يحدث بالحروب بل وحدث حديثا زي ما شفنا في صور معتقلي غوانتنامو وابوغريب وغيرها والتي لم نسمع منك نواحاً وعويلاً متكرراً على ما حدث فيها، فسعادتك ما فاضي من انتقاد شريعة القرن السابع.

عموماً ضربك المثل بي داعش التي اجمع (الغالبية العظمى) من علماء المسلمين بطوائفهم المختلفة عن مخالفتهم للاسلام يلخص حالتك والله يشفيك ويهديك عشان ترحم نفسك وترحمنا وتقدر تفضا لي حسين شوية بدل ضياع الزمن في الفارغة ده.

أسأل الذي يهدي من يشاء ويضل من يشاء، والذي هدى مؤلف الفيلم المسئ للرسول (صلى الله عليه وسلم) أن يهديك


الاخ العزيز ود البقعة
والله صاحبنا ده انا فترتا عديل من طريقة غلاطه وفعلاً كأنو الواحد بيحاور في ببغاء يردد فقط ما حفظه ولا يفقه شيئاً مما يقال له، وفعلاً قررتا اطنشو لانو واضح انو كل همو انو يكتر عدد قراء مقالاتو بالخوض فيما لا يعيه...لكن احياناً أتداخل معهه معذرة إلى ربي ولعله يتقي..

رمضان كريم اخي العزيز وتقبل الله منا ومنكم والله يعينك ويعينا على صاحبنا ده ويحفظ ابناءنا وابنه الحسين من ضلالاته ويجزي أم الحسين خير الجزاء.

[ود البقعة] 06-26-2015 10:05 PM
يا اخي العزيز مسلم انا لك التحية ، لا تتعب نفسك نهائيا مع هذا الشخص فمهما اوردت له من حجج وادلة مقنعة فلن يقرأها ولن يهتم بها ، فهذا الشخص ارى ان به (توحد) في التفكير ، فهو يجادل للجادل ولا يعرف معنى النقاش والحوار ، وكيفية ان تقنع الاخرين او ان تقتنع برأيهم ، فالرأي عنده هو رأيه فقط ، حتى لو كان خطأ لا يهم ، وتجده يدخل الراكوبة ولا اعتقد انه يقرأ لغيره ، فقط يقرأ المقالات التي يكتبها هو ، وعندما يكتب مقالا وسطيا ليس به تجريح او طعن في الدين ولم يكن هناك مداخلين للتعليق فتجده يدخل في حالة من الهزيان لأنه يريد ويفخر بأن مقالاته اكثر المقالات به تعليق !!!! فالغاية عنده اشغال التعليقات وليس طرح مايفيد بوسطية واعتدال ، فلا تضيع وقتك وتشرح له بالادلة والحجج ، وانما ستجد بلاوي مما يكتبه فعليك بها ، ولك الشكر .

European Union [تاج السر حسين] 06-26-2015 09:27 PM
ههههههه شفتو اللوله والف والدوران بتاع (الأسلامويين) شاعرين بالحرج من التفسير وما عائزين يعترفوا .. ومال ناس (داعش) ديل كانوا محاربين أم هم براهم جو (متلبين)فى سوريا والعراق .. والدخل الجر بالسلاسل شنو فى (أمر بى معروف ونهى عن منكر) وهل الأمر بالمعروف والنهى عن المنكر بتكون زمن الحرب .. فى زمن الخرب والكلاشنكوف والراجمات فى زول فاضى لى أمر بالمعروف أو نهى عن المنكر .. كدى شغل مخك شويه عشان تخلى (الفكر) الظلامى العائش فيه ده وبتحاول تدافع عنه باللف والدوران.


#1293148 [كمال ابروف]
5.00/5 (1 صوت)

06-26-2015 04:46 PM
على مايبدو فإن هذا النائب المحترم يريد تحليل الأموال المليونية التى تدفعها له الدولة شهرياً (مرتب و علاوات وبدلات وإمتيازات) ..
عايز إتحرك و يقول أى حاجة , يعنى " الكحــــــة ولا صمـــــة الخشـــــم " ..

لو كان هذا النائب فعلاً جاداً ويريد ان يقوم بعمله كنائب تشريعى هدفه مراقبة و محاسبة السلطة التنفيذية (الحكومة) , فكان عليه محاسبة رئيس السلطة التنفيذية (رئيس الحكومة) على مابدر منه من تقصير عندما غادر البلاد لتمثيل السودان فى مؤتمر للقمة الافريقية فى جنوب أفريقيا و لكنه لم ينجح فى أداء مهامه ولم يقم حتى بإلقاء خطاب السودان بالقمة و رجع البلاد متخفياً و هارباً مما أهان البلاد و شعبها ..

بل كان من الأولى لسيادة النائب ان يقوم بإستدعاء كل الوزراء الذين شاركو فى وفد الحكومة لمؤتمر جنوب أفريقيا , إستدعاءهم للمثول أمام البرلمان للإجابة على الاسئلة بخصوص إخفاقهم و مشاركتهم فى إهانة سيادة البلاد و إهدار كرامة شعبها خارجياً و داخلياً .

[كمال ابروف]

#1293130 [Hourba]
0.00/5 (0 صوت)

06-26-2015 03:31 PM
يا استاذ ناس أب زهانة ديل ما زهجتهم ونرفذتهم براحة عليهم

[Hourba]

ردود على Hourba
European Union [تاج السر حسين] 06-27-2015 10:47 AM
خبر منقول من أحد المواقع:
(((مصر: مصادرة كتب لـ " بن باز وبن عثيمين وابن تيمية" من بعض مساجد القاهرة بناء على أوامر وزارة الاوقاف))).


#1292926 [ود ابزهانة]
5.00/5 (1 صوت)

06-26-2015 02:21 AM
تاني يا شيعي علماني ليبرالي مطرطش. رجعت لي الأسطوانة المشروخة شريعة القرن السابع والدواعش؟؟
يا اخي شريعة القرن السابع دي جابها رسولنا الكريم محمد صلي الله عليه وسلم لانه ولد عام 571 وتوفي عن عمر يناهز ال 63 يعني عام 634 في نص القرن السابع الذي تقصده وتمكلته حكم بعض الخلفاء الأربعة ،،،
يعني بي كلامك دة لا معترف بالرسالة والسنة المحمدية ولا بالخلفاء الأربعة. لأنك ببساطه مسحتهم كلهم واعتمدت التاريخ الاسلامي بخلافة علي التي استمرت يوما واحدا فقط ،، اي المذهب الشيعي الذي ابتدعه الخوارج،،
اللهم أني صايم يا تاج السر ،، يا اخي احترم هذا الشهر الفضيل والذي من إنجازات شريعة القرن السابع فهل نترك الصيام فيه ؟؟ ولا آيه رأيك يا مبتدع شريعة القرن السابع؟؟؟
يا اخي تناول ولو لمرة واحدة موضوع سياسي خالي من تراهاتك هذه ،، حتي مقالك عن الجنوب حشرت فيهو الخزعبلات حقتك دي مما حدا بأحد الإخوة من السودان بان قال لك خليك مع الإسلاميين بتاعنك وسيب الجنوب في حالو،،، شفت كيف حتي ناس الجنوب الذي أسقطه طول فترة نضالك عن أجندتك السياسية ؟؟ وفقط عايز توري القرّاء حذلقتك وبأنك شاعر في قصيدة تدعي فيها حبك للجنوب واهل الجنوب ،،،
يعني قصيدة عند اللزوم زي قصيدة ولدك الحسين التي ظهرت بعد 13 سنة من مولده وكأنك تدخرها ليوم نجاحه الذي كان في غيابك وبفضل امرالحسين المناضلة التي تحملت مالم تتحمله انت الرجل،،، أتدري لم؟؟
لأنك منعم ولا تتحمل حياة الخشونة والكد والجد وربط البطن علي الحزام كما نحن وعلي مدار 26 سنة ،، ولكن سبب طول ربطة الحزام هذه المعارضين الدجالين امثالك والمهدي وغيرهم مع احترامنا لمكانة الرجل وقامته التي لا تطأ ظلها بجواره،،،
كرهتونا الصبر والثورة وأنتو السبب في استمرار وجود البشير وجزمته فوق رقابنا بفلسفتكم وبلسانكم الطويل ونحن البندفع التمن من قلة أدب وصفا المعارضة ،،،
والله الا تموتوا كلكم بغيظكم وتنقرضوا عن بكرة أبيكم حتي نطلع ليكم في ثورتنا بعدما نخلص منكن كلكم بشيركم وامامكم وشيخكم وكل الزبالة المعارضة التي تتاجر بِنَا نحن الشعب الغلابة ويكتبوا وحلاقيمهم متورمة الشعب تعب الشعب جاع الشعب مرض وهم حايمين يلهطوا في الفنادق والقهاوي باسمنا الشعب،،
ليكن ربع قرن وحتقعدوا ربع قرن تاني تجعجعوا لمن تنقرضوا ما يفضّل فيكم طافي النار عشان السودان زانو يتغير لونو وشكلو

ياخي تاج السر نحن مادايرين الكلام الفارغ بتاع شريعة القرن السابع ولا الدواعش او الدايات،،،
عايزين عمل وتغيير حقيقي مش كواريك ونبذ ونشر غسيل وفلهمة وعدم موضوع،، عايزين تتكلموا لينا عن ماذا بعد مش الكلام الفاضي الما يودي ولا يجيب دة

[ود ابزهانة]

ردود على ود ابزهانة
European Union [ود ابزهانة] 06-26-2015 07:04 PM
والله يا اخي تاج السر حسين انطبق عليك المثل البقول "" شن جاب الغراب لي آمو""
طوالي مخك طق وعملت أقواس واستعجابات علي كلمة (منعم). وراح مخك لي بعيييييييد وجابت لأنك ((((منعم)))) !!!! وابتكرت أني انا منعم الفي مخيلتك،،
ياخي نعامة تزوزيك. مالك دايما حتي الرد بغلبك وعامل فيها فاهم ونتبع حكاية اللبيب بي الإشارة يفهم،،، والله اشهد انك فاقد اللباب بس،،، وكتما قادر ترد زي البشر المكتبك لي مواضيع ما بتعرف ترد علي معلقينك فيها ليه؟؟؟؟؟
كل ردودك الزِّي دي ورسائلك الوقحة لاناس كثيرين عاملين ليها ارشيف ،، ومنتظرنك بعد الثورة عشان نوري الشعب نوعية المعارضة الارزقية بي اسمهم،،، بس فالحين ما قادرين نرجع البلد ،، والحكومة ،، والنظام،،، والله ولا شغالين بيكن ناس النظام ولا حتي الأحزاب في الداخل،،، تعالوا ساي مافي زول مانعكن ولا حتي فاضيين ليكن،، كدي لما الثورة تقوم ابقوا تعالوا نطوا لينا زي اخوان مصر عشان نوريكن المكشن بلا بصل
معارضين لا يوضحون للمواطنين ما يكتبون هؤلاء غير مرغوب فيهم وغير مرحب بهم في اي ثورة قادمة،،،، البجي يبدأ معانا من الداخل من قولة تيت اهلًا ومرحب بي نشيلو علي الاعناق،،، اما البجي بعد ما تسخن دة ارزقي ومصلحجي وسوف نرجمه بالحجارة،،
قال معارض قال ،،والله ما فالح الا في الشتيمة والنبذ والتطاول علي العقيدة،،، قال شريعة القرن السابع ؟؟؟ سبعه حبال يكتفوك فيهن أنشالله يا شيعي ،، مش قاعد تقول لي الناس يا إسلاموي ودواعش؟؟. اها انت من الشواعش كمان

European Union [تاج السر حسين] 06-26-2015 04:42 PM
لأنك (((((منعم))))) !!!!!

European Union [تاج السر حسين] 06-26-2015 01:19 PM
اليس لأمريكا حق فى اعادة التجديد لنظام (الأسلامويين) فى السودان بوضعه ضمن قائمة الدول التى ترعى الأرهاب ومنذ عام 1995؟
فى شريعة القرن السابع وحسب ما ورد فى صحيح (االبخارى):
تفسير الآية "كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ".

"تأتون بهم في السلاسل في أعناقهم ، حتى يدخلوا في الإسلام".
أى أن تأتوا بغير المسلمين والسلاسل فى اعناقهم حتى يدخلوا الأسلام. أنتهى.
اللهم أنى صائم.


تاج السر حسين
تاج السر حسين

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة