المقالات
مكتبة كتاب المقالات والأعمدة
صلاح الدين عووضة
قشطة يابا !!
قشطة يابا !!
07-01-2015 11:00 AM



*رامز (واكل الجو) استضاف المطرب الشعبي مصطفى كامل..
*وللتفرقة بينه وبين مصطفى كامل- الرمز التاريخي- نسب لكل منهما عبارة اشتهر بها..
*فمصطفى كامل الأول قال ( لو لم أكن مصرياً لتمنيت أن أكون مصرياً)..
*ثم هو- في الوقت ذاته- واضع أسس النشيد الوطني المصري (بلادي لك حبي وفؤادي)..
*ومصطفى كامل الثاني هذا قال ( قشطة يابا !!)..
*والسقوط من علو مصطفى الأول إلى قاع مصطفى الثاني يرمز لسقوط غنائي مدوي..
*وانتهت حقبة (الرفعة) الغنائية هذه بوفاة عبد الوهاب وعبد الحليم وأم كلثوم..
*وبدأت حقبة (الوقعة!) الغنائية بظهور أحمد عدوية صاحب أغنية (زحمة يا دنيا زحمة)..
*ثم توالى الهبوط إلى أن بلغ درك (بوس الواوا أح !!)..
*وهنا - في جنوب الوادي - ظهر العشرات من شاكلة (قشطة يابا)..
*ظهروا بعد حقبة طرب أصيل كان آخر رموزها زيدان وخوجلي والخالدي ومصطفى..
*ظهر بيننا من يغني لـ(القنبلة) و(راجل المرة) و(الطعن من ورا)..
*وحين أراد السر قدور التوثيق لجيل (العمالقة) لم يجد سوى (الأقزام!)..
*لم يجد سوى أمثال طه والفحيل وعاصم وعصام ورماز وإنصاف..
*تخيل أن يوثق هؤلاء لوردي والكاشف والكابلي وإبراهيم عوض وأحمد المصطفى..
*تماماً كما قد يعجز المصريون عن تخيل إمكان توثيق عدوية لعبد الحليم..
*أو إمكان أن يغني صاحب (قشطة يابا) أغنية (قارئة الفنجان)..
*أو إمكان أن يغني شعبولا لعبد الوهاب (يا ورد مين يشتريك)..
*ولكن الوضع عندنا هنا - بصراحة - أكثر سوءاً وهبوطاً و(انحطاطاً)..
*فعلى الأقل أحمد عدوية لم يغن أغنيات البنات في (القعدات الخاصة)..
*وشعبان عبد الرحيم لم يتغزل في (راجل المرة) عوضاً عن عمرو موسى..
*ومصطفى كامل لم يضع حول معصمه سلسلة ويرتدي مثل بنطلون (لوسي!!)..
*ولمن لم يعرف بنطلون لوسي - من السودانيين- نقول إنه (شبه) بنطلون طه سليمان..
*ولو كان القصد فعلاً التوثيق للكبار فهناك بدائل - رغم سوئها - أحسن حالاً بكثير..
*ففتح الرحمن (التكينة) - مثلاً- يقلد عثمان حسين أفضل من عصام (هسيس)..
*وعز الدين أحمد المصطفى يجيد أغاني والده أحسن - مليون مرة - من السني (فحيح)..
*وسميرة دنيا تتغنى بأغنيات الفلاتية أفضل مما يمكن أن تفعل فاطمة (دموع)..
*وخسارة أن يحظى هؤلاء بمثل الفرقة الموسيقية العظيمة ذات (الأناقة) هذه..
*إنه شيء أشبه بأن يُلحن لصاحب (القشطة) كمال الطويل..
*و يا يابا السر قدور ( قشطة يابا !!!).


تعليقات 13 | إهداء 0 | زيارات 5149

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1297313 [جرتلى]
0.00/5 (0 صوت)

07-03-2015 04:45 PM
الحقيقه برنامج اغانى و اغانى برنامج ترفيهى ناجح جدا بدليل المشاهده العاليه جدا
بعدين يا ود عوضه خليك مودرن شويه و خلى الشباب براحتو(مقدم برنامج جيد+ فرقه موسيقيه عظيمه باعترافك انت) الباقى خليهو للزوق العام الود الضرس غناى بشهاده الاستاذ وردى ود البناسيد الطرب و البنات سكر نبات و رمضان كريم

[جرتلى]

#1296346 [abushihab]
5.00/5 (2 صوت)

07-01-2015 09:06 PM
صلاح عووضة سلام عليك (كري قي آنج نل) من الطبيعي ان ينهار الفن حينما ينهار كل شئ بالله عليك قول لي حاجة واحدة واقفة عدل.

[abushihab]

#1296308 [عبدالواحد المستغرب اشد الإستغراب!!]
3.00/5 (1 صوت)

07-01-2015 07:17 PM
يا ود عووضه عدم إعتراف البعض بتجاوزهم السن القانويه هى التى تجعلهم (يلبدون) وراء الاعمار الصغيره لكى يعطوا لانفسهم إحساس (ما لسه الزمن بدرى)او كما قال الشاعر !! وعامل آخر ومهم الفلوس البتجيب بنت السلطان المنهمره من شركات لاتصالات بدون حساب التى تتحصلها من نن عيون المواطن السودانى دون أن تقدم له الخدمات التى توازى ما ينفقه تجعل الشيخ كهلا والكهل شابا والشاب صبيا والصبى طفلا والطفل رضيعا والرضيع لا مؤاخذه يعاد لورشة عطبره وجدنا السر قدور متعه الله بالصحه والعافيه والعمر المديد نراه بسم الله ما شاء الله كل رمضان فى واحده من المراحل التى ذكرناها آنفا كده آخر شياكه ونشاط وحيويه من العام الذى قبله،، ووحياتك ياغالى إنت ذات نفسك إذا شركة إتصالات ملحتك بعُشر ما يملحون به آخونا السر لرآيناك واقف مع ماما فى البقاله وفى فمك مصاصه!!.
كلام جدى جدا :لماذا لا تقودون حمله صحفية تجبرون بها شركات الاتصالات العامله فى البلاد لكى يوجهوا صرفهم (السفيه) تلقاء ترقية الخدمات التى تقدم للمواطن والغريب سآلت يوما أحد أقربائى من الذين يعملون فى احدى تلك الشركات عن سبب تدهور الخدمات فضحك طويلا وقال الشركه التى يعمل بها ليست لديها إمكانيات!! تخيلوا ما عندها إمكانيات؟!! وصحيح ديل اولاد ابزهانه يتعشون فى أفخم المطاعم ثم ياؤون الى المساجد ليبيتوا فيها!!.

[عبدالواحد المستغرب اشد الإستغراب!!]

#1296294 [Almisahir fi izallail]
0.00/5 (0 صوت)

07-01-2015 06:29 PM
كوولكم خالين شغل وما عندكم ايتها موضوع.. الناس الجو لأنقاذكم قالولكم :
*لا بد من "اعادة صياغة الانسان السودانى..." كيف؟ ما ياهو البتسوو فيهو دا!
*الهدف الاسمى هو التوجه الحضارى.. انتو تتكلمو عن "قفة الملاح"
*وكمان عاوزين تنطربو وتغنّوا وفى رمضان كمان !
*واولادكم حيدوهم اجازه عشان يقيموا الليل ويعتكفو ويتهجدو ويتهيأوا للسفر
فضوها سيره عندكم 3 خيارات
(1) تقوموا على التهجد والاعتكاف وقيام الليل وتانى ما تجيبو سيره لجنوب"افرقيا"
(2)الى الوثبه والحوار والاندغام لأجل الاسترداف وتحللو من التقبّض بتاع زمان!
(3)تتلهو وتسكتو خالص ..احسن الجماعه صبروا عليكم اكتر مما صبروا على نسوانم!

[Almisahir fi izallail]

ردود على Almisahir fi izallail
European Union [abushihab] 07-01-2015 09:43 PM
الله اكبر.. الله اكبر... الله أكبر(الاصلية)


#1296220 [صورة مقلوبة]
0.00/5 (0 صوت)

07-01-2015 04:04 PM
يا عووضة ده حالتك ما سمعت غنية طه سليمان (تبا لك خليتني اجري ورااك و العب معاك سك سك)

[صورة مقلوبة]

ردود على صورة مقلوبة
European Union [abushihab] 07-01-2015 09:14 PM
من علايل ابروف للمزالق من فتيح للخور للمعالق قدلة يا مولاي حافي حالق!! بالله قال سك سك ؟؟؟؟؟؟


#1296170 [أبوقرجة]
1.00/5 (1 صوت)

07-01-2015 02:42 PM
ما بحب أعلقك على بكلامك لاني مختلف معك في كل شيء ... لكن المره دي والله أتفق معك .. ديل ما فنانين ولا أي شيء....

[أبوقرجة]

#1296132 [كان زمان]
3.00/5 (1 صوت)

07-01-2015 01:50 PM
بصراحة التخبيص شديد و لما السنس يغني مثلا -الزكريات - يطلع فحيح و هواء و همهمات غير مفهومة.
دائما ما أشيد بالالبنا في أغنيات الحقيبة فقط - و لما غني للكابلي في عز الليل سقط سقوط شنييييييع

[كان زمان]

#1296096 [عمر]
5.00/5 (1 صوت)

07-01-2015 01:04 PM
مصطفي السني هو المبدع الحقيقي وسط جوقة هذه السنه.

كما ان الواعدة مكارم بشير يرجي منها.

عدم وجود جمال فرفور اثر علي برنامج هذا العام.

لا احب تعميم ود عووضة

[عمر]

ردود على عمر
European Union [alisankal] 07-02-2015 08:33 AM
أيوااااا خلو بالكم من مكارم دي.
و أدوها سنه واحدة بس و نعالو شوفو كلامي دا .
حتطلع ليكم قنبلة الغناء الحديث و قمة في الإبداع.


#1296084 [جملون]
4.00/5 (1 صوت)

07-01-2015 12:43 PM
ههههههههههههها الله يجازى محنك يا عووضه قلت بنطلون منو ههههههها

[جملون]

#1296056 [برعي]
5.00/5 (1 صوت)

07-01-2015 12:02 PM
يا اخي انت زول قشطة والله وعسل كمان ، والله لو لجيت البلد لحاولت التشرف بلقائك في جلسة ود وونسه.
لقد اثلجت صدري ( السني فحيح ) هاهاها ولا فاطنة دموع هاهاهاهاهاهاااا
بس بينك وبينك عصام غناي شوية بس لو خلي ( الهسيس بتاعو ) ده
اما طه الدلاها فكلو كوم وده براهو جبل بتاع كسار ومخلفات انهيار مباني البلد العظيمة وضياع وتفتت اثارها الخالده في زمن الفحيل ورماز واشباه الرجال والنساء
بس انا داير افهم ود البنا بغني لي شنو ؟؟؟؟
عموما اجدت ايها الاستاذ كالعاده مع ودي واحترامي

[برعي]

#1296040 [جنو منو]
2.00/5 (1 صوت)

07-01-2015 11:49 AM
المرة دى نسيت عوضية عذاب مالك ..!!؟

[جنو منو]

#1296029 [ود العمدة]
3.00/5 (1 صوت)

07-01-2015 11:34 AM
في بعض الاحيان ( المقال ) اشاطرك الراي ي ود عووضة
وطالما انتقدنا برنامج اغاني واغاني وغيرا من البرامج
الا اننا نقول ذلك بدافع التقدم والمضي قدما للامام وبروية حضارية تمكن القائمين باخراج هذا العمل باحسن الصورة
صراحة عندما تشاهد لبعض المشاركين في البرامج واقصد الفنانين رجالا ونساء
كيفية الاختيار - ومن يختارهم
هل هو مقدم البرنامج السر قدور - وحتى اذا كان هو صاحب فكرة البرامج
فلابد له ان يترك جهة الاختيار لجهة متخصصة واكاديمية.هذا فقط في مجال الصوت والذي يمثل الجزء الاساسي ف المشاركة الجماعية
مثلن البرامج نجح في بعض التوليفات والثنائيات لبعض الاخوة ولكن في احايين كثيرة يوجد من يغني افضل من جزء من هولاء .. فمثلا مصطفي السني صحيح بانه يجيد اغاني ابو داوود .. ولكن طبقة وخامة صوته ضعيفة وفي كتير من المرات ياكل مخارج الكلام .. وهناك تطريب عند طه وحسين وعصام وعاصم
وكذلك المغنية هدي عربي وانصاف وفاطمة ومكارم
هم بلا شك مغنون جيدون وخامات جميلة جدا في التطريب ولكن نمط اللبس والشكل الخارجي اكيد هو دليل م يقدم --- صراحة طريقة ظهورهم في الشاشة محيرة وغير مريحة / باستثناء عاصم البنا وعصام محمد نور والسني وانصاف فتحي
اما الاخرين فاشكالهم غريبة صراحة بدء من طه وانتهاء بالفحيل
لا حولا ولا قوة
الفنان قدوة لجيل واجيال
كيف يستطيع هولاء قيادة اجيال السودان وهم محكحكين بالطريقة دي في الشعر وفي اللبس وفي القعدة وشيلة المايك

[ود العمدة]

#1296026 [محمد الشيخ محمد الأمين]
2.00/5 (1 صوت)

07-01-2015 11:30 AM
صدقت .ولكن ظلمت الصوت المميز " عاصم"
ما ممكن تختو مع ديل

[محمد الشيخ محمد الأمين]

ردود على محمد الشيخ محمد الأمين
[فنجاط] 07-01-2015 11:19 PM
عاصم في عز الليل جابت كثافتو ضبح الاغنية ضبح


صلاح عووضة ‎
 صلاح عووضة ‎

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة