ارفع راسك انت سوداني
07-02-2015 12:26 AM


إرفع رأسك أنت سوداني من ضمن برامج رمضان(السنة الفاتت)في قناة تلفزيونية سودانية،شاهدنا مرمطة السوداني في دولة قطر،وحكاية التسول والشحدة ومطاردة العربات حتي العثورعلى(بومحمد)الذي لم يجد قلماً لكتابة شيك للسوداني المغلوب علي أمره،فأصاب السوداني الجنون،وهام في الشوارع يصرخ(قلم قلم). وفي هذه الأيام،يعرض علي شاشة(التسول السوداني)البرنامج الذي ترعاه جمعية خيرية تتبع لدولة خليجية ترعي أيضاً الإسلام السياسي في بلادنا،وفيه نشاهد الشباب بلكنتهم الخليجية،ووجوههم(النايرة)وهم يتجولون في قرية بائسة في نواحي كردفان،وبصحبتهم بعض أهالي القرية،وهم يطوفون بهم علي مدرسة مهترئة بائسة مثل(الاسطبل)،ويطلبون منهم علي استحياء وهم مطأطأي الرؤوس جنريتر لتوليد الكهرباء بقيمة 30 ألف جنيه كما ذكروا،وبناء(حيطة)لحماية داخلية الطلاب من دخول(البهايم)وبناء حيطة تانية لميز المدرسين،والخليجيون(الخبراء الأجانب)مندهشون من عدم وجود الكهرباء،ومن بؤس المدرسة،وتلتقطهم الكاميرا وهم يتداولون في مطالب الناس،وما إذا كانت ميزانيتهم تسمح بشراء الجنريتر من الأبيض أو الخرطوم،وهكذا رأينا بأم أعيننا أهل كردفان الغرة أم خيراً برة،وهم يستجدون الأجانب،لتأهيل المدرسة،بينما أموالهم تبتلعها الولاية والمحليات،وتنفق علي العربات والحوافز والنثريات،فلا يجدون حرجاً في الشحدة من (عرب)كانوا إلي وقت قريب لا يعرفون غير صيد السمك في الخليج والمحيطات. الحكومة تطارد الناس في كل مكان،لتمويل ميزانيتها بالضرائب والرسوم والجمارك والعشور،وتفرض الزكاة علي الفقراء المعدمين،وتلاحق الغلابة إن (طقوا)الهشاب،أو زرعوا التمباك والكركدي،وعلي العتود ضريبة،في شكل مصيبة،ولكن هذه الأموال يستأثر بها السدنة والتنابلة،وتظهر في شكل قصور ومزارع وحسابات بنكية،بينما لا يذهب منها أي جنيه للتعليم والصحة،فتكاد المدارس تسقط فوق رؤوس الطلاب،ومن أرادت الولادة فمطلوب منها ان تركب الكارو لعشرات الأميال حتي أقرب مستشفي،فإما ماتت وهي علي ظهر العربة التي يجرها حمار مسكين،وإما ماتت في المستشفي الذي يخلو من البنسلين. إرفع رأسك يا أيها السوداني في كل مكان،ولا تقف عند أبواب السلاطين،ولو كانوا أصحاب عقالات أو نياشين،واقلع حقك من براثن السدنة،ولو كانوا داخل حصون عسكرية.وافرض عليهم بناء المدارس وتأهيلها،ولا تدفع مليماً لتعليم ولدك أو علاج(بنتك)،وإن قالوا لك لا توجد قروش،فقل لهم،كيف وجدتم القروش للجنجويد،وأين أموال الضرائب والبترول وخردة الحديد،واخرج في المظاهرات ولا تخشي التهديد،واعتصم كما اعتصم أهالي لقاوة في صيوانهم العنيد. إرفع رأسك ولا (تشحد) الآخرين،ومعركتك مع السدنة والتنابلة والفاسدين،ولا يقول لك المتدهنسون إشحد ولا تبالي فإن (الجماعة)إياهم من فاعلي الخير،فلا تسمع كلام من يودون إذلالك،وتصويرك في القنوات الفضائية وكأنك قادم من العصر الحجري،ولا تفرق بين الحصان والخروف(الحمري). أعجب لصحف وقنوات وإذاعات تبحث عن(الرعاية)ولو علي سمعة الوطن وشعبه،من يهن يسهل الهوان عليه،فقد كشفت من قبل الحكومة العراقية عن طلب شحدة بمبلغ 100 مليون دولار،تقدم به وزير المالية السوداني،وأنها(أي الحكومة العراقية)إعتذرت لضيق ذات اليد،وقررت منح السودان 10 مليون دولار منحة لتسليك أموره...وتحت السواهي دواهي،ولوموه اللاهي في (العراق) بالله،شحدة في شكل(مواهي).

[email protected]



تعليقات 6 | إهداء 0 | زيارات 4519

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1383446 [الزول عصمان]
0.00/5 (0 صوت)

12-11-2015 10:23 AM
ياخي مظاهرات شنو يازول

احنا دايرين نعمل مظاهرات لكن المشكله شنو
انو مافي مكان للنوم
خصوصاً فترة الظهر الواحد دايرليه سرير ينسدح ويرتاح قبل وبعد المظاهره

[الزول عصمان]

#1297776 [عبدالقادر محمد]
0.00/5 (0 صوت)

07-04-2015 05:28 PM
ولله حكومتنا ضيعتنا و ضيعت البلد
ياخ ولله الواحد مرات بيشعر بقصة في حلقو لمن تشوف حال البلد ماش وييين و جيرانا ماشييين وييين
بس عندي ملاحظةفي شكل سؤال :
ممكن وزير كان بتاع داخلية ابقى في وزارة دفاع ثم تاني يبقى والي ؟
غايتو مرارتي انفقعت مرارتي

[عبدالقادر محمد]

#1297455 [ابوشوتال]
0.00/5 (0 صوت)

07-04-2015 01:07 AM
استاذي حلمنا في يوم من الايام اننا نقوم بدعم مناطقنا من مدارس ومستشفيات ومساجد لكن كانت الجمارك ومادراك ما الجمارك لازم تلف مائة لفه علشان تصريح حتي تكره الخير والخدمه حتي كرهنا البلد مافي اي حاجه نتفق عليها كلنا مثل مشروع خيري ضخم مثل مصر الجاره وتبرعاتهم ودعمهم لمستشفي سرطان الاطفال ااه

وضرائبنا تدفع للسر قدور وصعاليكه وسيارات الوزراء المايعين في جوفنا كثير من الاهات وعاش الشعب جزلان الحكومه

[ابوشوتال]

#1297133 [nubian]
0.00/5 (0 صوت)

07-03-2015 06:19 AM
الاستاذ الدكتور مصطفي عثمان اسماعيل معانا في المضوع دة يعني ممكن يرفع راسو معانا ياكملي ولا لا

[nubian]

#1297022 [osman]
0.00/5 (0 صوت)

07-02-2015 11:16 PM
كما فهمت البرنامج ليس للدعم ولكن ياخذ حالة كمثال محتاج الدعم ويقدم صورة للخيرين ان يدعمو مثل هذه الحالات
فبدلا ارفع راسك انت سودانى لماذا لا نفكر بدعم هؤلاء
كثير من ابناء هذه الولايات يدعمون التمرد بالملايين ويضنون بالقليل لدعم مثل هذه الحالات
خلو التانيين يدعمو

[osman]

#1296604 [جنو منو]
0.00/5 (0 صوت)

07-02-2015 10:16 AM
والله ديل يا كمال يبيعوا الشعب السودانى لباساتو .. لو ما قلعوهم .. أصحى يابريش

[جنو منو]

كمال كرار
كمال كرار

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة