بعها (بالمرة) يا والي!!
07-03-2015 12:48 PM


*والوالي المعني هنا هو الفريق أول ركن مهندس عبد الرحيم محمد حسين..
*وبعض زملائنا الذين أوردوا خبر (الخيمة) البارحة أخطأوا خطأً عظيما..
*إنه مثل خطئي حين رددت تحية ضابط كبير بعبارة (أهلاً سعادة اللواء)..
*وعندما اسمرّ وجهه استدركت قائلاً (عفواً ، سعادة الفريق)..
*وحين اصفرَ صحت سريعاً (عفواً مرة أخرى ، سعادة الفريق أول)..
*ولما اسودّ كدت أن أقبل رأسه وأنا أدمدم (عفواً للمرة الثالثة ، سعادة الفريق أول ركن)..
*وحينها انبسط الوجه أخيراً ورد مداعباً (أيوه كده خليك منضبط يا ملكي)..
*وزملاؤنا هؤلاء اسقطوا كلاً من مفردتي ركن ومهندس (حتة واحدة) عند ذكر اسم الوالي..
*وبما أن الوالي لن يُصوِّب فأتوقع أن يتكفل بالمهمة زميلنا صاحب (الخيمة)..
*والوالي يعلم - طبعاً - أنه لا محل في منصبه الجديد لعبارة (ممنوع الاقتراب والتصوير)..
*فتلك حصانة انتهت بنهاية وجوده داخل المؤسسة العسكرية وزيراً لها..
*وهو الآن عرضة - من ثم - لمثل النقد الذي كان يُوجه لسلفه عبد الرحمن الخضر..
*بل وربما أكثر إن استمرت (فضيحة) قطوعات المياه والكهرباء الحالية..
*القطوعات هذه التي جعلت حتى النسوة (يتظاهرن) في الأحياء..
*فهي - بصراحة - لم تكن بمثل هذه الحدة أيام الوالي السابق..
*وحين أراد الجديد معالجة مشكلة قطوعات المياه أرجع المدير (المُجرب)..
*المدير الذي جعل الناس يرون مياه (الدميرة) عبر الصنابير..
*ثم يعدهم بحفر مزيد من الآبار لضمان مياه (صافية)..
*وكذلك لم يكن الخبز بكل السوء هذا حيث خالطه - كما يبدو - الكثير من الذرة..
*وعلى حد علمنا لم تصل بعد آلة الخبز المخلوط - الروسية -التي (بشرنا) بها الوالي..
*وتفاقمت ظاهرة زوار الليل إلى حد أن صار بعضم (يزور نهاراً جهارا)..
*وهذا قليل من كثير في انتظار عبد الرحيم الذي ما زال يبحث أمر تشكيل وزارته..
*وهي وزارة - على أية حال - لن تغادر (متردم) ثقافة الإنقاذ السياسية..
*بمعنى أننا سنفاجأ بوجوه جديدة - قديمة - مثل وجه مدير المياه خالد..
*وبسياسات (قديمة) - كذلك - متمثلة في الاعتماد على الموارد ذاتها..
*أي (البيع) الذي أشار إليه الوالي مضيفاً بتحسر (ما فضل حتة ما باعوها)..
*يعني أنت - يا عبد الرحيم - (برضو كنت عايز تبيع؟!)..
*طيب بع (حتة) نهر من أنهار العاصمة بما أنها باتت محض(زينة)..
*ولنعتمد - كما عرب الخلاء- على (آبار خالد!!).



الصيحة/السياسي


تعليقات 6 | إهداء 0 | زيارات 6063

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1309233 [firdoaalboshra]
0.00/5 (0 صوت)

07-26-2015 02:06 PM
خليهو يبعنا نحن زاتنا كان بنجيب ليهو قروش بدل نكون ما عارفين سيدنا منو ؟ نعرف لينا سيد واحد وعبيد راسنا عدييييل بدل الجهجهة دى يعنى نقوم من حفرة نقع فى دحضبرة على قول المصريين ( من الخضر لللمبى) ويا قلب لا تحزن

[firdoaalboshra]

#1298212 [بنت الناظر]
2.00/5 (1 صوت)

07-05-2015 01:25 PM
غايتو الكيزان ديل جنهم بيع وسمسرة والى الخرطوم باله فى الحتات الباعوها ..وإيلا العاملين ليه قومة وهليلة عينه فى إستثمار أراضى ودمدنى..والناس بتحلم إنه عمل وعمل فى بورتسودان ..

هو العملو فى بورتسودان ما زى بوهية ناس عديل المدارس مع إعتذارى لناس عديل المدارس ..
والله الشعب السودانى ده كان راجى ليهو إنجاز من كوز واطاطته أصبحت...

[بنت الناظر]

#1298066 [جنو منو]
4.00/5 (1 صوت)

07-05-2015 10:09 AM
انت قايلو عوير ياود عووضه ماهو داير يبيع برضو .. ود الخدر سلمها ليهو عدمانه
الارض زول بدل مايفكر فى مصادر دخل اخرى قال الجماعى ما خلو حته فى الخرطوم ماباعوها كان يخلو ليك .. قال خيمة الصحفيين قال ..!!

[جنو منو]

#1297315 [موسى]
2.00/5 (1 صوت)

07-03-2015 04:47 PM
كيف الوالي عرف ماخلو حته ما باعوها وهو لسه كراع بره وكراع جوه ؟؟؟؟؟؟؟!!!
طيب شنو الحتت الباعوها ومن هم الذين باعوها وبكم باعوها وأين ذهب المبلغ
وليه أساسا باعوها ومنو الصدق بالبيع ؟؟؟؟؟؟!!!!!!!!!!!!
هذا أول مهمة للوالي الجديد لاطلاع الشعب السوداني بالاجابات على كل هذه الاسئلة لو كان جادي وعايز يبدأ نظيف .

[موسى]

#1297272 [عبد الله]
3.00/5 (1 صوت)

07-03-2015 02:55 PM
البشير قال هديتى لناس الخرطوم عبد الرحيم محمد حسين ( وجععععع)

[عبد الله]

#1297227 [النازف]
4.00/5 (3 صوت)

07-03-2015 01:13 PM
بت أقرأ لك بمزاج وكيف ومزمزة كمان
الإختصار والوضوح أصبحا في كتباتك روعة
هؤلاء تأدبهم المواجهة وليس التورية والرمزية

[النازف]

صلاح عووضة ‎
 صلاح عووضة ‎

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة