المقالات
السياسة
عزيزي (الكوز) هذب نفسك السرقة ملحوووقة
عزيزي (الكوز) هذب نفسك السرقة ملحوووقة
07-14-2015 02:39 PM

image

كله كوم والوزير ابو بدلة مزررة بالغلط وناصلة كوم تانى.
مثل هؤﻻء يجلبون لنا سخرية العالم
هو فى وادي والدبلوماسية في وادى آخر
كونك تكون وزير معناها تهتم بمظهرك هندامك اناقتك.عقلك.ثقافتك.كﻻمك يعنى حاجة متكاملة full option
ﻷنك بصراحة انت انعكاس لينا.. عوﻻقك دة يعنى عوﻻقنا
انعكاس لشعبك فبالله عليك اتهندم زى المسؤولين والعوالم المتطورة.

image
image
وزيرة السياحة بتونس

الكوز مافاضي يعاين لنفسو جاري للسفسفة ماعندو زمن للفارغة دى. يلملم سريع. يبنى سريع الدنيا مامعروفة.

اﻻهتمام بالمظهر الخارجي واحدة من مقاييس حضارة الشعوب. وانعكاس لماهية ونوعية الشعوب متخلفة ام متمدنة..
عزيزي (الكوز) هذب نفسك السرقة ملحوووقة
ولو ما بتعرف تلبس اقترح على النظام تعيين لبيسة تهتم بلبس وشكل المسؤول.. جيوبنا اتخلقت علشانكم..

الله يرحم زمان لما كان في البلد 10 وزراء بس منتقينهم انتقاء من بيئة كويسة. الواحد منهم كان يعرف يلبس. يأكل. يتحدث. يتعامل
لكن الغلط ما منك من حكومة العصر الحجري الذى جعلت كل من هب ودب وزيرا في كراسي الدولة التى تعدت المليون كرسى التى تصرف عليها من عرق ورهق المواطن الغلبان..

حملة تهذيب المسؤولين تحت شعار (حسن شكلك السرقة ملحوووقة)..


تعليقات 12 | إهداء 0 | زيارات 4395

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1304551 [أب راسن غليد]
0.00/5 (0 صوت)

07-16-2015 10:18 AM
تم تكبير هذه الصورة و شراء برواز 75X75 .. كما تم دق مسمار صلب في منتصف حائط الصالون .. بس المشكلة كلما اكون عايز اعلق الصورة دي بذكر حاجة و بلقى نفسي واقع من الضحك ... ههههههههههه

[أب راسن غليد]

#1304295 [على]
0.00/5 (0 صوت)

07-15-2015 09:33 PM
لا يااختى انت غلطانة دا جزء من الدعاية للسياحة عشان السواح يجوا يتفرجوا على الارغوزات ماطبعا لو الشكل واللبس كويس حايجو يتفرجوا فى شنو والسواح بيزورو الحتات الغريبة والاشكال العجيبة بالعكس يبو عليكى عايزة تطفشى السواح ههههه ولاتنسوا حلايب سودانية

[على]

#1304139 [أبو طلق]
0.00/5 (0 صوت)

07-15-2015 03:03 PM
أستغفر الله العظيم ..
كاتبة المقال .. تحري المصداقية والمعلومة ..
الرجل ليس ( كوز ) ولكنه من جماعة أنصار السنة ..
استغفري لربك وأحترمي شرف الكلمة وعدم جر القراء بالإثارة ..

[أبو طلق]

ردود على أبو طلق
European Union [عدو الكيزان] 07-15-2015 11:39 PM
والفرق شنو بين الكيزان وأنصار السنة الاتنين تجار دين منافقين حرامية وشواذ.


#1304084 [مجا هد]
0.00/5 (0 صوت)

07-15-2015 01:09 PM
ديل تهزيب شنو البعرفو بعرفو افتحو الشقق والسياحة النسا ئة اس عليك اللة دى صورة وزير حكومة الحرامية بجيب ديل لانهم جوعا نين من جميع النواحى000000

[مجا هد]

#1304024 [ود العمدة]
0.00/5 (0 صوت)

07-15-2015 11:19 AM
صراحة مقال ف الصميم
بعدين ياخي انتي كوز ولا انصار سنة
اول شي اعرف اتحشم كويس
والبس كويس
وخلي جنس التجرجر دا
صاح نحنا عارفينو الكد وما بتكد
بس علي الاقل الثقافة الهندامية والكلامية
مفروض تكون حاضرة
واقسم بالله العظيم هؤلاء المستوزرين
ولا بعض المتكوزرين ولا نقول معظمهم لو كان عندهم هم
المصاريف وحق اللبن وحق الطعمية وحق الفول والمواصلات ... الخ
طالما شفتوا الكد لابسة البدلة بجنبة واحدة ومفتول
لو وصلوا حالتنا دي والله اجي قالع عديل كدا
الله يكضب الشينة ورمضان كريم عليكم
ناس البدل والكيزان والحردانين
وتحية للاخت ويلا للمشاركة
(حسن شكلك السرقة ملحوووقة )

[ود العمدة]

#1304018 [الكلس ود البلد]
0.00/5 (0 صوت)

07-15-2015 11:13 AM
الظاهر دا اول مرة يلبس بدلة !!!جابوهو من الشارع بعراقى !!!

[الكلس ود البلد]

#1303806 [كاره السلفيين]
5.00/5 (2 صوت)

07-14-2015 10:16 PM
دنيا غريبة, تدي البوم وتخلي المفتح يحوم

[كاره السلفيين]

#1303765 [القارعة]
0.00/5 (0 صوت)

07-14-2015 08:03 PM
بيان هام
الوزير باشمهندس محمد عبدالكريم الهد وزير السياحة من أبناء القضارف وتنقل للعمل في عدة مواقع ..
كان وزيرا للاتصالات وهو الأمين السياسي لجماعة انصار السنة المحمدية ولا تنقصه المعرفة بلبس البدل .. فهو من المهندسين الذين درسوا بالخارج .. وله صور كثيرة في الانترنت يبدو فيها أنيقا جدا ..
امر الصورة التي ظهر بها لايتعدی كونه احد اساليب الكيد السياسي القذرة التي يجيدها اعداء النجاح والفاشلين من فئران اليسار .. هم لم يجدوا مايأخذونه عليه لنظافة يده وخبرته الكبير وهمته العالية فلجأوا الی مستنقعاتهم يقذفونه بأوساخهم ..
الرجل ليس من النافذين وقد التقط الصورة شخص من التلفزيون القومي أمن العقوبة فأسآء الادب وشهر بهذا الرجل المحترم النزيه ..
ملتقط الصورة ليس شخصا مهنيا صادقا في مهنته والا كان اولی به تنبيه ضيفه لوضع البدلة الخاطئ بدلا من ان يسرع الی نسيان اعراف وشرف المهنة ساعيا لتحقيق هدف تسلل لم يزيد الباشمهندس الا تألقا وشهرة ..
ع/ المكتب السياسي لجماعة انصار السنة المحمدية

[القارعة]

ردود على القارعة
United States [عمدة] 07-16-2015 05:53 AM
انصار السنة ديل كانوا قادننا لغاية وقت قريب بان الصورة حرام. هسى بقوا يجروا ليها بى بدلة وكمان مفتولة ها ها هاااااااا.
كسرة: فى العام 1984 واثناء حضورنا لركن نقاش المتحدث فيه عمر القراى نط واحد من برالمة انصار السنة لابس ساعته باليمين استلم المايكرفون وسمع لينا حديث كل محدثة بدعة وكل بدعة ضلالة وكل ضلالة فى النار ووضع المايكرفون واراد الذهاب فبادره القراى سائلا (يعنى نفهم انو ساعتك البيمين دى بدعة ام للحديث مناسبة اخرى) فانفجر الحضور ضحكا مما اخجل البرلوم فهرب هربة رجل واحد
الخلاصة: انصار السنة هم فى الواقع كيزان يعيشون فى الماضى.

European Union [مجا هد] 07-15-2015 01:21 PM
يا جما عة الوزير دة كان نازل من الجبل فى ما مورية عشان كدة ما قفل الزرارة بتا عت البدلة دى ما مشكلة المشكلة فينا يس فينا0000

[بنت الناظر] 07-15-2015 08:01 AM
يسألك الله فى إنسان يده نظيفة بيشتغل مع عصابة الإنقاذ الحرامية ديل ؟؟؟

[محمد خليل] 07-15-2015 12:49 AM
و لما انتو انصار سنة ايه الدخلكم فى حكومة السجم دى؟ الا تستحو من نفسكم و انتم تشاركون فى جرائم هذه الحكومة؟

European Union [ركابي] 07-14-2015 11:43 PM
مافي زول سخر من خلقة ربنا ....الناس فاض بيها من الحكومة دي ومن جميع منتسبيها

European Union [abushihab] 07-14-2015 11:29 PM
انتو مكتبكم السياسي اسمو القارعة؟ استغفر الله العظيم.


#1303757 [kaka]
0.00/5 (0 صوت)

07-14-2015 07:14 PM
نظرة مختلفة و متفحصة للامور و باب هبوب جديد انفتح علي الكيزان ... عجبني المقال

[kaka]

#1303733 [حكومة مؤلمة]
5.00/5 (2 صوت)

07-14-2015 05:48 PM
Nice touch Maha, go a head!

[حكومة مؤلمة]

#1303680 [هدهد]
5.00/5 (2 صوت)

07-14-2015 04:18 PM
فعلا ياجماعة البدلة مزررة غلط !!!!! طيب انت اصلك قلت انصارى سنة وماليك علاقة بلبس الخواجات والكفار كما تزعمون ليه تعولق نفسك وتحرجها بهذه الطريقة البس ليك جلابية وعمه ياراجل وكفاية بهدلة وتمثيل على الناس بعدين الراجل عزابى والا شنو لما طلع من البيت مرتو ماشافت مظهرو دا دا ؟؟؟؟؟ سبحان الله دا عوير باين طالب فى الروضة مايلبس بهذه الطريقة !!! فعلا الكوز جارى لاحق اللغف واللهط .كلكم بقيتو تماسيح والله لادين ولا يحزنون ربكم بقى الدولار ودينكم النفاق والسمسرة تبا لكم .

[هدهد]

ردود على هدهد
European Union [ملاحظ] 07-15-2015 01:24 AM
المدام طبعا بتكون منقبة يعنى امكانية النظر والملاحظة بتكون منخفضة بعض الشئ فهى معذورة.


#1303638 [ركابي]
5.00/5 (6 صوت)

07-14-2015 03:25 PM
انا رأيي الشخصي يستحسن انو اعضاء الكابينيت الانقاذي الموقر يلبسوا جلاليب وعمم مع حذاء كشف وده زينا القومي زي ما وزراء الدول الخليجية بيلبسوا زيهم القومي ......لكن اقول ليك حاجة نحنا مالنا ومال هندامهم حتي لو كانوا في اناقة روبرت دي نيرو والان ديلون البيهمنا ينكشحوا كفاية اكثر من ربع قرن عذاب مفروض يعتقونا لوجه الله

[ركابي]

مها مصطفى
مها مصطفى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة