المقالات
منوعات

07-27-2015 11:46 PM

بسم الله الرحمن الرحيم

لاحظت في فترة العيد أن هناك حمى تجتاح بعض الرجال ، وتسيطر عليهم وتظهر في تصرفاتهم وأحاديثهم وإيماءاتهم، وهي حمى البحث عن (الزوجة الثانية)، وإطلاق مجموعة من المشاعر الجياشة، واستدرار العطف بنسج قصص عن معاناتهم وحاجتهم لامرأة تفهمهم وتبادلهم الحب.


وقد تكون حالة البحث عن امرأة أخرى قريبة من تفكيرهم طيلة العام، ولكنها تطفو على السطح بصورة ملحوظة في موسم الأعياد، وهو أمر محير؟؟


فالعيد مناسبة يتم فيها تجديد المشاعر ، وإيقاظ الذكريات ،وتعميق المودة والحب ، وتبادل المشاعر الإيجابية ، وزرع مساحات التواصل بالإلفة والمزاح.. ، لذلك من المفترض أن يكون التفكير في امرأة أخرى أبعد ما يكون.


كما أن النساء يعمدن في العيد إلى الاهتمام أكثر بمظهرهن، ذلك الاهتمام الموسمي والذي يظهر في عيدي الفطر والأضحية ويتجاوز فكرة الحناء وصبغ الشعر بـ(البيجن) إلى البدكير والمانكير وحمام البرتقال والساونا، وهو ما ينفض الغبار عن تلك الأنثى المدفونة تحت أنقاض المسؤوليات العائلية.

كل ذلك يجعل الزوجة في ثوب مختلف وإطلالة جميلة.. ولكنه لا يشفع لرغبة مكتومة داخل الزوج تظهر في شكل إعجاب بأخريات ونظرة فابتسامة فرسالة واتس فمكالمة (طوييييلة) فأغنية رومانسية ، يعقبها طلب للزواج وتبرير الطلب بتعليق كل سوءات الدنيا على عاتق الزوجة الأولى.


ولكن ما الذي يدفع بعض الرجال إلى التفكير في الزوجة الثانية وسط أجواء الأعياد.. إن الأسباب التي تقف خلف رغبة الرجل في الارتباط بامرأة ثانية غير الأسباب المعروفة من (طيران العين)، والقدرة المالية التي تشعر أحدهم أنه (خلاااااص الوليد بن طلال)؛ غير ذلك هناك عدة أسباب من ضمنها الملل وهو فايروس قاتل يتسلل للحياة الزوجية ويصيبها في مقتل، وهناك بالتأكيد التوتر والمشاحنات والنقة وأحياناً يكون للأمر علاقة بصحة الزوجة كأن تكون كثيرة الشكوى والمرض.

ولكني أعتقد أن السبب الأساسي الذي يجعل الرجل السوداني يقدم على الزواج هو شعوره بالإهمال وبحثه عن الجمال ومحاولة كسر الرتابة والملل.


ذلك على الرغم من أنه شريك بصورة أو أخرى في صنع ذلك الواقع وفي جعل الحياة رتيبة، فالرجل الماهر والذكي هو من يكسر الروتين ويجعل حياته سلسلة من الإثارة والتجديد وهو الذي يجعل زوجته تغدق عليه المودة والاهتمام والعناية.


وبتعامله الراقي معها وتوجيهاته الناعمة يجعلها أكثر حرصا على الاهتمام بجمالها وأناقتها حتى (لا تزوغ عينو برة).. (طبعاً وبصراحة في كل الأحوال العين زائغة برة زائغة... بس نحاول تخفيف الضرر).


*نقلا عن السوداني


تعليقات 20 | إهداء 0 | زيارات 5381

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1311362 [على]
0.00/5 (0 صوت)

07-29-2015 09:08 PM
اها وبعدين الملل مابتسر ليهو من الثانية بعد شهر حيحصل فاحسن ليهو يلبد ويقبل بالملل وخلاص احسن مايفتش على الثالثة وبعدين يتلموا عليه يوروهو نجوم النهار الاصلية ولاتنسوا حلايب سودانية

[على]

#1310669 [jafar]
0.00/5 (0 صوت)

07-28-2015 10:53 PM
بصراحة انا شخصيا كنت فاهمك غلط ولكن وجدت أخيرا وليس أخرا بأن كتاباتك فى الصميم وزي الرصاصة بتصيب فى العمق .. بس ما تقولى علي دا مالو بتغزل فينى كدى عجبوا كلام الزوجة الثانية وللا شنو .. لا والله عاجبانى كتاباتك من فترة كدى لأنك ما ميالة للدفاع عن المرأة فى السراء والضراء أنا بحب الكتاب المنصفين والمنصفات .. بس فى حاجة واحدة ما عجبتنى فى الملاحظات حقتك الظريفة دى .. ما كان فى داعى تجيب لينا وليد بن طلال من أخر الدنيا عشان تستشهدى لينا الفشخرة انت عارفة ومتأكدة بقى فى مليون وليد بن طلال فى السودان كان تذكرى لينا واحد فيهم بالاسم وما تخافى تانى بنقيف معاكى لو حصل ليكى مكروه لا قدر الله .. وعفيت عنك انت شديدة بتكتبى بس فى الهم العام بعيدا عن السياسة البتجيب هوا للناس .. وقبل ما أنسى قلوبنا معاك يا شمائل النور

[jafar]

#1310573 [توتو بن حميده آل حميده]
0.00/5 (0 صوت)

07-28-2015 06:59 PM
اقتباسات من سهير:
(كما أن النساء يعمدن في العيد إلى الاهتمام أكثر بمظهرهن، ذلك الاهتمام الموسمي والذي يظهر في عيدي الفطر والأضحية (ولكني أعتقد أن السبب الأساسي الذي يجعل الرجل السوداني يقدم على الزواج هو شعوره بالإهمال وبحثه عن الجمال ومحاولة كسر الرتابة والملل.))
أهو يا سهير قلتيها بعضمة لسانك 1- اهتمام بالمظهر من سنه لسنه فقط من اجل العيد 2- إهمال الزوج وعدم الاهتمام به 3- الرتابه 4- الملل .....وريهن يا سهير الله يخليكي منشان يعملن حسابن...

[توتو بن حميده آل حميده]

#1310501 [ود الحاجة]
0.00/5 (0 صوت)

07-28-2015 04:38 PM
لا ادري ان كانت ملاحظة الكاتبة ( ان هناك حمى تجتاح بعض الرجال ،تتلخص في البحث عن الزوجة الثانية في فترة العيد) صحيحة ام لا .

انا شخصيا لا ارى ذلك و اذا كانت هناك حمى من هذا النوع فربما تكون في الافراح و المناسبات حيث تقع أعين البعض على وجوه جديدة او ينخرط بعض الرجال في حوار مع نساء او فتيات جاذبات

[ود الحاجة]

#1310370 [إندستين]
0.00/5 (0 صوت)

07-28-2015 01:35 PM
للاسف العيد فى السودان مناسبه حزينه رغم انف البهرج الفرح التظاهرى لاسباب معلومه.وفرصه للجرد الحسابات الخسرانه قطع شك واعتراف بالفشل وتفكير فى محاومه النجاح من جديد .او الاستمرار فى نفس الحال .الى ان يرث الله الارض . عليه الموضوع عبارة عن رغبات .وامانى.

[إندستين]

#1310323 [مجا هد]
0.00/5 (0 صوت)

07-28-2015 12:39 PM
انتي ما سمعتى النكتة دى واحد قا لو لية زوجتك توفيت قا ل الحمد اللةمع حكومة الجبهية ديل ما ظن واحد جرب الغرق يعوم ثا نى

[مجا هد]

#1310292 [جنو منو]
0.00/5 (0 صوت)

07-28-2015 11:56 AM
ومنو القال ليك ..!!

[جنو منو]

#1310286 [ود ميـــــدوب]
0.00/5 (0 صوت)

07-28-2015 11:48 AM
ياااا لفراغة العين....بت صغيرةلاتزال فى ضفيرتها ريش المهد والحضانة تقول كلامات قدر دة.

[ود ميـــــدوب]

#1310274 [مها]
5.00/5 (1 صوت)

07-28-2015 11:26 AM
ليه دايما بتحسو انو الراجل البتزوج مرة تانية غلطان ..... دى شريعة رب العالمين او البتقبل راجل متزوج غلطانة او خطفتو ؟؟؟؟
الراجل بكامل ارادتو مشى و اتزوج ... و دايما الراجل المتزوج اختيارو التانى بكون صاح بنسبة 100%
عشان بكون عندو تجربة اختيار سابقة
والله الزواج بى اربعة شرع ... و من حقو
عشان كدا حقو اى واحدة تتعود على فكرة انو راجلها ممكن يتزوج
و تعيش حياتها عادى و ما تتاثر بى كلام الناس

[مها]

ردود على مها
United States [ابوعمه] 07-29-2015 02:25 AM
شريعة قالت تفصلوا تخيطوا علي كيفكن
قولي تاني شريعة عليك الله


#1310259 [الطلع النخلة جمل]
5.00/5 (3 صوت)

07-28-2015 10:59 AM
وكيف لاحظتى اطلاق المشاعر الجياشة للرجال
اظن المشاعر تحس ولاتلاحظ ووالمشاعر زغردت يوم الخطوبة

[الطلع النخلة جمل]

#1310230 [غربة شجن]
0.00/5 (0 صوت)

07-28-2015 10:06 AM
حمام البرتقال والساونا دة وين ماشفنا دة الا عندكم حرم عود الطلح دة مرة في الاسبوع

[غربة شجن]

ردود على غربة شجن
European Union [اولاد بلد] 07-28-2015 06:09 PM
ي اخوي الطلح وشاف كان انشاف مع ناسنا ديل مع الهلال مرة كويس كمان جابت لها ساونا وبرتقال البرتقال دا دايرنوا للزكااام .


#1310225 [ميم كاف]
5.00/5 (1 صوت)

07-28-2015 09:59 AM
المشكله يا استاذه عرض وطلب وكتير من النساء وخاهصه العوانس وللاسف كتار وعوزين ضل راجل

[ميم كاف]

#1310208 [السمحة أم كفل]
5.00/5 (3 صوت)

07-28-2015 09:39 AM
كلام الطير في الباقير ..

[السمحة أم كفل]

#1310179 [جنو منو]
5.00/5 (2 صوت)

07-28-2015 09:02 AM
من أى كوكب انت اتيت يا بت الناس .. أعتقد أنك من الكوكب الجديد الذى يشابة
الارض والذى تم أكتشافة بواسطة ناسا .. العكس هو الصحيح .. اذهبى الى دوائر
المحاكم باختلافها وسوف تجدين الواقع المر .. وبالمره نقول سهير دى مشت وهبشت
شىء مهم خالص يهم حياة الناس .. وحتى لاتكونى زائغة من واقع حياة الناس يا بت
الناس .. قالت شنو قالت يبحث عن الزوجه الثانيه.. ماتفقعى مرارتنا ساى ..!!

[جنو منو]

#1310178 [عبدالرحمن المهيدي]
5.00/5 (2 صوت)

07-28-2015 09:01 AM
منو القال ليك الرجال بفكروا في الزواج من ثانية ؟؟ يظهر دي عقدة عندك انتي بس لو متزوجة وحتى لو كنتى آنسة خايفة لما تتزوجي يحصل دا ؟؟ أنا راجل وبقول ليك نحن واحدة ما قادرين عليها في الزمن دا وبعضمة لسانك تقولي كانه الوليد بن طلال والوليد ذاتو ياها واحدة مكفياهو وجايبة خبرو . عين شنو الزايغة ؟؟ الناس فاضية من الجري ورا المعايش لي زوغان العيون ؟؟ اطمئني وارقدي قفا الزمن دا الرجل إذا توفيت زوجته تجربة الحياة والمعيشة في الزمن دا تجعله لا يعيد الكرة !!

[عبدالرحمن المهيدي]

#1310174 [سين عبدالرحيم]
5.00/5 (1 صوت)

07-28-2015 08:58 AM
(ولكني أعتقد أن السبب الأساسي الذي يجعل الرجل السوداني يقدم على الزواج هو شعوره بالإهمال وبحثه عن الجمال ومحاولة كسر الرتابة والملل)..



اعتقادك غير صحيح فلا اهمال ولا هم يحزنون ولولا ضيق المساحة وعدم الخوض في هذا الامر الخلافي وتفسير النصوص على ما يقتضى فهم كل شئ فالله سبحانه وتعالى شرع الزوج من امرأةواحدة الى اربعة برغم انه خلق لأدم زوجةواحدة ولكن انبياء الله كانت لهم اكثر من إمراة..

وفي الآية الكريمة في سورة الروم(ومن آياته أن خلق لكم من أنفسكم ازواجاً لتسكنوا إليها وجعل بينكم مودة ورحمة، إن في ذلك لآيات لقوم يتفكرون).


يلاحظ أن الله سبحانه وتعالى قال (ازواجا) ولم يقل (زوجة) كما خص الرجل بخاصية السكون الى المرأة وليس العكس بل يروى عن ابن عباس (رضي الله عنهما)ومجاهد والحسن البصري فهمهم بأن المودة الجماع والرحمة الولد وأنااميل الى ذلك الرأي خاصة ان السوريين واللبانيين مثلاً يقولون للرجل العقيم انه (مرحوم)وفي ريفناالحبيب تتسائل النساء عما اذا كانت فلانة المتزوجة حديثاان كان قد رحمها الله ويقصدن بذلك الولادة.

وبما اني تخطيت عقبةالزوجة الثانية فأنما يريده الرجل من المرأة هو ما ذهب اليه ابن عباس وجماعته من السكون (اللجوء الى المرأة) ليقضي شهوته ومن اجل تكثير الاولاد والي.. والا فما الداعي للزواج اصلاً ؟

والكاتبة تدرك تماماً من واقع تجرتبتها في الزواج ان الذي يولد له ابن يبحث عن الثاني والثالث والرابع الخ لان المال والبنون زينة الحياة الدنيا لذلك زُين للرجال حب الشهوات من النساء والبنين والقناطير المقنطرة من الذهب والفضة ..الخ

ولكن لم يذكر الله تعالى من الذي زين للرجال حب الشهوات ؟ فقد يكون زينها الله سبحانه وتعالى لنا وقد يكون الذي زين لنا حب الشهوات هو الشيطان او قد يكون التزيين تلقائي بفعل فاعل كالنساء مثلاً ..

لذلك اعود للقول لا اهمال ولا رتابة ولا ملل هي التي تدفع الرجل الى الزوجةالثانيةوالثالثة بل حاجة طبيعية عند الرجل للتنوع والاكثار من الولد وعلى النساء الاستعداد لذلك نفسياً وعدم الخوض فيما يخالف الطبيعة البشرية؟ بل الجزئية الصحيحة من حديثك هو البحث عن الجمال وهو بحث طبيعي ايضا لكلا الطرفين

والمعرو ان مقاييس الجمال واذواق الناس تختلف ساعة الزواج فالكاتبة تزوجت لان زوجها رآها جميلة وانا تزوجت لأني رأيت زوجتي جميلة بما يكفي لزواجي منها كما ان جمال الرجل وزينته تختلف عن جمال المرأة وزينتها

اسف على الإطالة

[سين عبدالرحيم]

ردود على سين عبدالرحيم
European Union [SUPERMAN] 07-28-2015 12:32 PM
ياخ ياريتك لو طولت اكتر من كدا

كلامك جميل ويمس شغاف القلوب

بالجد كلامك عجبني 2000 LIKE


#1310157 [داوودي]
3.00/5 (1 صوت)

07-28-2015 08:46 AM
نخفف الضرر كيف ؟

[داوودي]

#1310133 [منصور محمد أحمد]
5.00/5 (1 صوت)

07-28-2015 08:19 AM
الزواج مباح لحد أربعة زوجات دي شريعة الإسلام والعندو مقدرة يعرس طوالي والعوانس عددن كبير ده غير الأرامل والمطلقات فيا بنات حواء سيبن الأنانية وأدن أخواتكن فرصة يضوقن الزواج...........
ملحوظة: بنعرس بنعرس

[منصور محمد أحمد]

ردود على منصور محمد أحمد
European Union [انت جنيت] 07-28-2015 04:00 PM
مانعرس الا نحنا المافي شنو الدبل سمح قالو

[زول الخلا] 07-28-2015 02:10 PM
الكلام دا لينا ولا للكيزان؟


#1310099 [بت البلد]
5.00/5 (2 صوت)

07-28-2015 06:22 AM
يا بتي لو ما اتغيرت حكومتكم دي ما حيتغير شئ ... موية مافي كهربا مافي أكل مافي سكن مافي علاج مافي تعليم مافي سلام مافي ... باختصار حياة مافي ,اعطني حكومة وعدالة أعطيك خيرا ونماء وحبا ومودة ورحمة وسكنى وأصالة

[بت البلد]

#1310065 [سوداني انا]
5.00/5 (2 صوت)

07-28-2015 02:53 AM
يا فاكهة الراكوبة كلامك ده يكون الا في الكيزان لكن اليومين ديل ما في راجل يفكر في الزواج هو قادر يوفر موية او كهرباء حتي يكون همه فقط في الزواج خلي الناس علي العموم في همها (كهرباء وموية) وبس

[سوداني انا]

سهير عبد الرحيم
 سهير عبد الرحيم

مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة