المقالات
منوعات
الرجل الابيض
الرجل الابيض
07-29-2015 11:34 AM

بسم الله الرحمن الرحيم

في تقاطع شارع الأسطبلات مع الإشارة الضوئية لمحطة (أبوحمامة) يقف وفي الصباح الباكر وعند منتصف النهار ومع هجير الشمس وعند القيلولة وقبل الغروب رجل المرور (عماد الدين عصام جمعة) ، هذا الرجل يعرف في هذه المنطقة باسم (صديق الأطفال ).


عماد رجل يمثل الواحهة المشرقة لشرطة المرور . رأيته أول مرة قبل أكثر من عام وشاهدته آخر مرة يوم أمس ، وفي كل المرات التي ألتقي به تجد ابتسامته مشرقة في وجه الجميع ، يقوم بتنظيم حركة السير بكل ذوق واحترام وروح عالية مما يجعل أصحاب المركبات يمارسون الانضباط في الشارع تلبية لروحه العالية قبل ان يكون إذعانا" لحركة يديه وانصياعا لصافرته.


أبرز ما يميز رجل المرور هذا مساعدته للأطفال وكبار السن والمعاقين والمكفوفين في عبور الطريق ، خاصة وأن هذا التقاطع تقع شماله العديد من رياض الاطفال ومدارس الأساس وجنوبه يقع صندوق المعاشيين .


لذلك تجد هذا الشرطي طيلة النهار وهو ممسك بكلتا يديه بالأطفال يحاول جاهدا" مساعدتهم في عبور الشارع ؛ لأن إصرار سائقي المركبات علي اقتلاع حقهم في الإضاءة الخضراء يحجب عنهم الرؤية وضرورة إفساح الطريق قليلا" لعبور الأطفال وكبار السن .


إن رجل المرور (عماد) المعروف بصديق الأطفال هو في الحقيقة صديق للجميع ويمثل الصورة الذهنية الإيجابية التي ينبغي أن تكون ديدن كل رجال المرور ؛ فالمرور ليس جزاءات وإيصالات وتحصيل نقود لصالح خزينة ولاية الخرطوم أو وزارة الداخلية بل هو سلوك وممارسة وتواصل إيجابي مع أفراد المجتمع .


قبل يومين شاهدت نفس الشرطي عماد في زحمة السوق الشعبي الخرطوم ويبدو أنه جوكر لدي المرور يرسلونه في أكثر الأماكن اختناقا" ، وربما يعلمون هم أيضا" أنه رجل يساعد علي فك الاختناقات المرورية ولايساعد علي صناعتها مثل البعض .


برة المسطبة


التحية أيضا" لكل رجال المرور الذين ظلوا طيلة الشهر الكريم يضربون أروع الأمثال في التفاني والإخلاص والعمل الجاد ، لم يثن عزمهم كثرة الزحام ولا ارتفاع درجة الحرارة ولا ضيق صدر الآخرين .

هذه تحية كان لابد منها فنحن لاننتقد من اجل امتهان النقد ولكن من أجل تصحيح المسار نحو طريق أخضر .

كل سنة وكل الشعب السوداني بصحة وعافية ، وكل سنة وكل رجال المرور أصحاب الملابس والقلوب البيضاء بصحة وعافية

*نقلا عن الوطن
[email protected]


تعليقات 18 | إهداء 0 | زيارات 5192

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1312568 [محمد ارباب ارباب]
5.00/5 (1 صوت)

07-31-2015 08:42 PM
التحية الى كافة رجال المرور فى السودان العزيز

[محمد ارباب ارباب]

#1312326 [ali]
5.00/5 (1 صوت)

07-31-2015 08:05 AM
يا ماسورة بامهبب انت مالك ومال شكلها يا شين خليك زول موضوعى وخلبك زول عندك زوق وحس باعديم الحس الفهم قسم

[ali]

#1311722 [إندستين]
5.00/5 (1 صوت)

07-30-2015 10:43 AM
القال معاد اكثر عده مرات باقلام مختلفه مرة بريش ومرة عصام ومرة احمد .وعصام تنظيم المرور بالنسبه ليه اكل عيش .اذن لماذا لا تحفى للا بالعتاله او السماك او اولاد الورنيش.. يا مدير شرطه مرور الخرطوم ما تكرم عصام على طريقه تكريم الراعى الامين من الوزيرة.على العموم شهادة مجروحه والفساد يزكم المناخير.انصحك قراة مقالات شمائل

[إندستين]

#1311449 [ماسورة]
5.00/5 (3 صوت)

07-30-2015 12:22 AM
شفتك في برنامج تلقزيوني مع بعض الصحفيات
سبحان الله شكلك كان مفاجأة كبير ة وصدمة احتجت لبعض الدقائق لاستعايها !!
شكلك بلدي خلاص !
وملامحك بدائية للغاية !
لو قلنا ماعيب والشكل ما ذات اهمية والمهم المضمون ..
طيب انتي ليه حريصة علي عرض صورة لا تشبهك !
ارجو ان تضعي اخر واحدث صورة ليك ..انتي صحفية وليست عارضة ازياء يجب ان تتحلي بالوعي والصدق ولا تلتفتي للشكليات وتختبي خلف صورة قديمة معدلة !
عمومآ ..انا حسيت انك زولة مخادعة غشاشة وفاقدة للثقة في نفسها وبالتالي فقدت الاهتمام بما تكتبين ..
ودا آخر تعليق .

[ماسورة]

ردود على ماسورة
European Union [ماسورة] 07-31-2015 12:12 AM
ههههه حاضر يا ليدو يا اخوي
عشان خاطرك انت بس
مع انك كبرت راسي
مليار تحية حب وتقدير وشكر ليك يا ليدو

[ليدو] 07-30-2015 09:43 AM
أخ ماسورة عليك دينك ما تحرمنا تعليقاتك الصريحة وصادقة دي .
مليون تحية .


#1311413 [الداندورمي.]
0.00/5 (0 صوت)

07-29-2015 10:52 PM
يفترض أن يكون هذا الإسلوب الجميل
لكل من يخدم المواطنين،شئ طبيعي وواجب.

[الداندورمي.]

#1311344 [jafar]
5.00/5 (2 صوت)

07-29-2015 08:17 PM
والله الظاهر بطش كلاب أمن البشير نفع على الستات الصحفيات .. كلهن بدأن يكتبن كلام خارم بارم غير مفهوم بالمرة .. يا بت عبد الرحيم تصرف رجل المرور هذا من صميم عمله يعنى لا جزاءا ولا شكورا وللمعلومية فى غالب الدول وحتى الفقيرة منها قد اختفت ظاهرة رجل المرور الواقف بفضل تكنلوجيا العصر .. ويقال ان اردت أن تعرف تخلف أي بلد وعدم مواكبتها عصر التكنلوجيا فعليك برجل المرور الواقف .. وبالله عليكم اتكلموا لينا فى المرارات الحاصلة فينا فى اليومين ديل وبلاش الهروب من الواقع

[jafar]

#1311267 [faris]
5.00/5 (1 صوت)

07-29-2015 05:37 PM
وقوف رجل المرور فى الشارع وتنظيم الحركة بالتلويح للمارة والسيارات لاتوجد الا فى السودان وما فائدة اشارة المرور . فى كل دول العالم رجل المرور يكتفى بمراقة سير الحركة من داخل سيارته من قاطعي الاشارة وفى بعض الاحيان تفتيش المركبات والتاكد من اوراقها ورخصها ورخص سائقيها ولا يحق لهم تحصيل مبلغ فقط تحرير المخالفة وتسليم ورقة المخالفة وانت تقوم بسدادها عن طريق البنك حتى اذا مشيت للمرور لا يستلمو منك المبلغ .

[faris]

#1311211 [صابر محمد صابر]
5.00/5 (1 صوت)

07-29-2015 03:56 PM
خفتي و لا شنو بقيتي تجدعي التلج عشان ما يقبضوك مثل شمايل النور (نور الله وجها في الدنيا والاخر)

[صابر محمد صابر]

#1311206 [داوودي]
0.00/5 (0 صوت)

07-29-2015 03:42 PM
اتذكرت طوالي الرجل الابيض في اليوم الاسود .

[داوودي]

#1311198 [Abu Taha]
5.00/5 (2 صوت)

07-29-2015 03:29 PM
لماذا تستعملين اللون دلاله للخير الم يكن من الاجدر قول الرجل الطيب او الشهم او اي صفه اخري لاعلاقه لها برمزيه اللون
والله لو استعملتي هكذا عنوان بدول العالم المتقدم لادخلوك سجنا يغير او يظهر لون جلدتك الاصلي

[Abu Taha]

#1311195 [ود العمدة]
0.00/5 (0 صوت)

07-29-2015 03:24 PM
لك التحية العزيزة سهير صراحة كويس الشكرتي ناس المرور
واصبت عين الحقيقة وحتى الناس م تقول ليك كسير تلج ولا العبارات التي جاءت مع الطغاة الجبارين - لذلك ذكرت هذا الرجل بالاسم - اتمني ان ينال التقدير من الجميع ومن ناس الشرطة والمرور علي وجة الخصوص - مثل هؤلاء الجندي المجهول كثر في بلادنا يعملون في ظروف صعبة لانهم من الشعب ويحسون بوجعهم والامهم.
وصراحة كونك تصفي وتشكري ناس المرور - والله ما داير اقول ليك الاجابة المعروفة - والبتقول والله الليلة الا ميرودا - بس عملت لفتة بارعة في حق انسان يستحق كل الخير وفي تقديري عساكر الشرطة الرتب الذين يقعدون بالسنوات ولم يترقوا ولم ياخذوا حقوقهم كافية بالجد الليلة انصفتيهم في مقالك الابيض
بس برضو كدي ألمس رقبتك ي بت
ولا اقول ليك انتي نصيحة
ارمي لقدام


موفقة

[ود العمدة]

#1311170 [المظلوم]
5.00/5 (1 صوت)

07-29-2015 02:51 PM
برة المسطبة:
في زمتك الكلام دا جد ولاعصام دا عاجبك ساكت ؟ لأنو المعروف عن ناس المرور ديل ناس قمت ساكت .

[المظلوم]

#1311142 [عمر حسن]
0.00/5 (0 صوت)

07-29-2015 02:21 PM
والله من لايشكر الناس لايشكر الله ومن هنا نقدم النماذج فى ادارة العلاقة مع العملاء باحترافية واخلاص وتفانى ، ولو كان هذا ديدنا لحلحلنا مشاكلنا ولحقنا بمصاف لامم التى سبقتناوفى النهاية المسئولية لاتقع فقط على السلطات الحكومية.

[عمر حسن]

#1311103 [زول]
5.00/5 (1 صوت)

07-29-2015 01:47 PM
( فنحن لاننتقد من اجل امتهان النقد ) دي فسريها لينا ما فهمنا منها حاجة

[زول]

#1311032 [جنو منو]
5.00/5 (2 صوت)

07-29-2015 12:22 PM
الرجل الابيض .. زى صاحبتك المذيعه ديك الواقعة فى شوال دقيق ..!! وليه هو يقطع
الاطفال وكبار السن العالم المتخلفه دى ماعملت اشارة مرور للمشاة ليه .. بدل
الشرطى شغال يقطع فى الشغع ماشى وجاى .. ده شنو ده .. وبعدين وجود الشرطى لزومو
شنو مادام فى أشارات مرور .ز يعنى شغلو شنو .. ولاشايل الدفتر وقانص ..!!

[جنو منو]

#1311029 [ابو معاذ]
3.00/5 (3 صوت)

07-29-2015 12:15 PM
التحيةلك يا أستاذة با رائعةبما تقدمينه دائما من هذه المواضيع القيمة

[ابو معاذ]

#1311022 [burra]
5.00/5 (3 صوت)

07-29-2015 12:05 PM
(نحن لا نعمل من اجل "إمتهان" النقد).. انت جادة !!

[burra]

#1311001 [ود الحاجة]
5.00/5 (3 صوت)

07-29-2015 11:41 AM
لفتة جميل ان يشكر المتفانون في اعمالهم

[ود الحاجة]

سهير عبدالرحيم
سهير عبدالرحيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة