المقالات
السياسة
ارشيف مقالات سياسية
كرهتنا الديمقراطية يا ريس
كرهتنا الديمقراطية يا ريس
03-17-2011 07:13 PM

كرهتنا الديمقراطية يا ريس
نجم الدين جميل الله

قالت حاجة السرة مره لابنائها انا ماشة السوق , فقالت لها الابناء \" يا أمي لو مشيتي السوق جيب لينا معاك طبش و لالوب و جقجق \" فردت حاجة السرة بغضب \" و الله العيال ديل كرهوني ب أكل الفواكه خلاص . و اي فواكه !! جقجق, طبش , لالوب

و بالأمس القريب قال رئيس جمهورية المنتخب (بالدغمسة) طبعا انه يدعوناللمشاركة في حكومة ذات قاعدة عريضة (حكومة دغمسة) و وضع شرط المشاركة، و هي الايمان ببرنامج المؤتمر الوطني و السعي لتحقيقه , و تعرفون جميعا برنامج المؤتمر الوطني باختصار شديد (إبادة شعب دارفور + إغتصاب صفيه واخواتها + سرقه المال العام وتفتيت السودان الكبير إلى دويلات) . فهل انتم مستعدون للمشاركة ؟ السؤال لحزبي الأمة و الاتحادي و قال المدغمس بشير دون خجل نسعى لتوطيد الديمقراطية و توسيع قاعدة المشاركة .

يا جماعة هسي في ديمقراطية في البلد دي ؟ اللهم إلا لو قصدنا (الكرسي مغراتيه ) الكنكشه في الكرسي.

سبحان الله , واحد جياشي عامل إنقلاب ... و قتل عشرة الف و قاعدعشرين سنة في السلطة بيتكلم عن الديمقراطية ,,,, كرهتنا الديمقراطية و الله .. ديمقراطية الجقجق و الطبش

فواكه حاجة السرة و لا ديمقراطية الجنرال الانقلابي.

كفى
نجم الدين جميل الله


تعليقات 3 | إهداء 0 | زيارات 2201

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#113384 [حامدابوعبدالمجيد]
0.00/5 (0 صوت)

03-18-2011 05:50 PM
جمعة سعيدة مباركة عليكم
بالعكس موضوع مليان شديد ووافق هواي لانو بحب الكتابة بالبلدي وام شعيفه بالشطة الخدره بدون نظريات واجندات خفية وانتو قايلين الكلام الكتير كويس لانو اتعودتو تنضموا ساكت وتحلموا وكانوا فى المنام تتحقق نظرياتكم بدون عمل والانسان الناجح هو من يطرح حلول للمشاكل
وياصابر حرام عليك اتا ده
تصبحوا على وطن


#113270 [صابر]
0.00/5 (0 صوت)

03-18-2011 10:21 AM
يا ناس الراكوبة حراااااااام عليكم .
هذا الموضوع لا يرقي لوضعه مع المقالات . وكان ممكن يكون مجرد تعليق مضاف لاحد المواضيع .
بيشبه الاغاني الهابطة . اخطاء لغوية ، ركاكة ، خرمجة ، جغمسة .

ومعليش يا اخونا الكاتب ، خليك معلق تحت تحت يعني حتى بدون كتابة اسمك . ولا شنو؟


#113131 [Kafak]
0.00/5 (0 صوت)

03-17-2011 08:32 PM
تسلم---نعم زول جايىغصبا عنناوقاعد يتكلم فىالديمقراطيةاساسا هذا الراجل رئيس غير شرعى للسودان


ردود على Kafak
Saudi Arabia [Sidqi Basha] 03-18-2011 10:41 AM
هو يقصد بالديموقراطية \"ديمومة الكراسي\" وتعني\"الكنكشة في كرسي الديمومة.\"..آمل أنأكون محللاً جيداً...


نجم الدين جميل الله
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة