المقالات
منوعات
اشترينا الركشة
اشترينا الركشة
08-11-2015 11:58 AM

بسم الله الرحمن الرحيم


توجهت يوم الجمعة الماضي وعقب صلاة الجمعة مباشرة إلى (دلالة الصحافة ) للسيارات ، الغرض من المشوار كان شراء ركشة للإخوة المعاقين الذين سبق وأن كتبت مقالاً بخصوصهم نشر في رمضان المنصرم تحت عنوان (30سنة مأساة ) .


فكرة الركشة جاءت من خلال تجربتي في الكتابة عن الحالات الإنسانية حيث يتصاعد التعاطف حتى يصل قمته ثم لا يلبث أن ينطفئ .


نقلت فكرتي تلك لشقيقة المعاقين وأخبرتها أنها يجب أن تستفيد من التبرعات التي انهالت عليهم من أهل الخير في شراء شيء مفيد ويشكل مصدر دخل ثابت ويحافظ على قيمته، واقترحت فكرة شراء (ركشة) تعينهم في إيجاد دخل ثابت ومن ثم يستطيعون استغلالها في الوصول إلى المركز الصحي أو إسعاف أحد الإخوة المعاقين.


كما أنها تغنيهم عن سؤال الناس، وتكون بمثابة (نقاطة) ، وعوضًا عن أن نمنحهم (سمكاً)نشتري لهم (سنارة).


وافقتني شقيقة المعاقين على فكرتي وبدأنا بجمع المال وكان قصب السبق في جمع المال والحماس للفكرة والعمل ليل نهار لإنجاحها يعود إلى سيدة تعمل في شركة زين ، تلك المرأة أذهلتني كليًا بجدها وسعيها لإكمال المبلغ حتى نستطيع شراء الركشة .


وفعلاً بلغت التبرعات ما يقارب (الستون مليون جنيه ) ،هذا طبعًا غير الذين تبرعوا بمواد تموينية تكفي حاجة الأسرة لثلاثة أشهر وفاعل خير تبرع بمراتب وآخر بغسالة ملابس وثالث بحقيبة فرحة العيد و....أكثر من ثماني جهات تبرعت بكراسي متحركة رغم أن حاجة الأسرة كانت لكرسي واحد فقط .


المهم أنه و في نهار يوم الجمعة توجهنا لشراء الركشة ودخلنا إلى (دلالة الركشات) بمنطقة الصحافة بصحبة خمسة من الإخوة الأفاضل ومعنا الأستاذة الفاضلة (......) من شركة زين، و شقيقة المعاقين ومعها جارتها وصديقتها (سعاد الفاتح العبيد) ، وسعاد هذه ليست سعاد الفاتح البدوي السياسية والبرلمانية المعروفة بل هي فتاة تسكن منطقة الحلة الجديدة وتعمل في محلية الخرطوم وكانت قد اتصلت علي في البدء وأخبرتني عن الأسرة وحكت لي عن إعاقة الشبان الثلاثة وطلبت مني زيارتهم والوقوف على حالتهم.


عقب ذلك وجدنا أنفسنا في منتصف الدلالة وسط أبواق الركشات ، ومصطلحات السماسرة ، و التعريفات بمن هي ملكة جانسي وخلافها...

نواصل


*نقلا عن السوداني

[email protected]


تعليقات 15 | إهداء 0 | زيارات 4654

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1320008 [البروف عوف]
5.00/5 (1 صوت)

08-12-2015 10:22 PM
اشترينا الركشه اوووه ماي قووود ياااي ديل مساكين وانا حساعدهم وحشتهر....صج صج

[البروف عوف]

#1319690 [مكي]
0.00/5 (0 صوت)

08-12-2015 11:43 AM
انت مالك ومال صلاة الجمعة؟

[مكي]

#1319655 [حزين جداً]
0.00/5 (0 صوت)

08-12-2015 10:53 AM
إشترينا الركشة .... على وزن :

شبكنا الحكومة ... وبقينا قرايب
ناسبنا الحكومة ... وصبحنا حبايب
قرايب نسايب ... نسايب قرايب
شبكنا الحكومة ... وبقينا قرايب
ومين ع القرابة ياروحي ... حيقدر يعايب
خلاص بنحبوها، ولا تحبكوها ... مادام في الحكومة، صبح لينا نايب
شبكنا الحكومة ... ناسبنا الحكومة
صبح لينا سلطه ... تخلينا اولاطا
قصاد كل ورطه ياسيدي ... وكل المصايب
شبكنا الحكومة ... وبقينا قرايب
ناسبنا الحكومة ... وصبحنا حبايب
ومين ع الحكومة ياروحي ... حيقدر يعايب
ناسبنا الحكومة ... وبقينا قرايب
ومين ع النسب ده ياسيدي ... حيقدر يعايب
ومين حيشاركنا ... ميييييييين
ومين حيعاركنا ... ميييييييييين
مدام هو ديكنا ... وزينة النسايب

رائعة ريا وسكينة .... الله يرحمك يا مدبولي ...

ننتظر بقية إشترينا الركشة .....

[حزين جداً]

#1319639 [mudroosh]
0.00/5 (0 صوت)

08-12-2015 10:27 AM
كنا عايزين باقي القصة نشوف أشتريتوها بكم

[mudroosh]

#1319621 [محمود]
0.00/5 (0 صوت)

08-12-2015 09:46 AM
انا مستغرب جدا من الناس البيقولو عمل الخير لازم يكون في السر
وده رياء ووووووو
ياعالم اول شيء الصحفية ما انفقت من جيبها الخاص عشان يكون العمل بينها وبين الله
الشيء التاني لولا النشر لما جات التبرعات دي كلها
قبل ما نعلق تعليق سلبي نشوف نحن قدمنا شنو للاسرة المحتاجة دي

[محمود]

ردود على محمود
[لفافات الصبر] 08-12-2015 03:14 PM
ما لقيتى مشروع غير الركشة , انتم لا تعرفون ادارة الركشة والجوكية وصعوبة الامر وعاوزة متابعة كيف والاخوة معاقين ,


#1319346 [[جمالوف]
0.00/5 (0 صوت)

08-11-2015 08:33 PM
يا سوسو تشتري ركشة انتي عايزة تزيدي عدد المعاقين ول تعالجي مشاكل المعاقين انتي في رايك سواقة الركشة دي دار ابي سفيان كل من دخلها امن هسة سواق الركشة ده لو راح فيها او مرق منها ب شلل وكده يبقو 2 معاقين بدل واحد ما بقوليك اعملي ليهم بقالة صغيرة حتي المعاق زاتو ممكن يمسك الدرج وتحسسي انو هو منتج وشغال المهم نحن بنحبك ركشة شنو عليك الله في الشوارع المضلمة دي

[[جمالوف]

#1319206 [مستغرب]
0.00/5 (0 صوت)

08-11-2015 03:43 PM
واصلى فى عمل الخير فيما بعده ولا تواصلى فى قول الأنا فيما قبله .. رحمة الله فى عباده واسعة

[مستغرب]

#1319201 [jafar]
5.00/5 (2 صوت)

08-11-2015 03:35 PM
أحسن ما تواصلى .. المتاجرة بمآسى الناس غير محبب بأي حال من الأحوال .. واذا تصدقت لأحد أو ساهمتى فى عمل الخير لمحتاجين خير لك أن تعملى بينك وبين الله سبحانه وتعالى .. فلا تحاولى أن تستغلى معاناة الناس لكي تكون سبق صحفى وسبة فى تواصل كتابة مقالاتك اتركى المحتاج وشأنه الله لا يسيئك

[jafar]

ردود على jafar
[سوداني] 08-11-2015 06:20 PM
الناس ديل مأساتهم لها سنين في زول التفت لهم ؟بعد ما نشرت سهير الحالة انهالت المساعدات و المعينات و ارجعت الفضل لسعاد التي اخبرتها بالمعاناة ،لو لا النشر لما تم ذلك ،و نطلب من سهير تذكير فاعلي الخير بهذه الاسرة كل ستة اشهر حتى يفقون على مستجدات الحوجة ،و ثوابك عند رب العالمين


#1319162 [إندستين]
5.00/5 (1 صوت)

08-11-2015 02:45 PM
الموضوع يكون استعراضى و(شوفونى) ايه المانع يكون فى صمت .بدل سلسله المقالات لا تعدو كونها للاستهلاك المفردات .بطلوا نظام الدعايه والاسترزاق بظروف البشر.بالطريقه دى تحرجى الاسرة الملكومه وتحسسيهم بالمسكنه. لو زول عاوزك فى مساعده ح يغير رايو.

[إندستين]

#1319139 [معجب بيك]
0.00/5 (0 صوت)

08-11-2015 02:12 PM
لك الاجر الكبير والله ي سهير
م تقدميه لمثل هؤلاء المعاقين والمحتاجين
سوف تجدينه قدام
بس م عارف اذا الانسان قال او صرح
بانه عمل كذا وكذا ينقص من الاجر
ولا بكون الاجر ثابت
علي العموم ما مشكلة
ربنا بوفقك وبتلقيه في اولادك واسرتك
كمان لانو لازم تقولي ذلك لكي يعرف الجميع
والعايز اساعد اساعد
بس واصلي جميلك للنهاية
حتى م اشتروا الركشة بسعر غالي
تقريبا سعرها في حدود 35-45
من مستعمل خفيف للجديدة
وكذلك لتوفير سائق ود حلال ليهم
او تعليم احد منهم بقيادتها
واستخراج الرخصة وخلافة
والله بعينكم ان شاء الله

[معجب بيك]

#1319125 [صابر محمد صابر]
5.00/5 (1 صوت)

08-11-2015 01:51 PM
60 مليون ده بتجيب ركشتين جديده لنج و الباقي حق البارد

[صابر محمد صابر]

#1319123 [غربة شجن]
5.00/5 (2 صوت)

08-11-2015 01:50 PM
كنتي تعملي الخير وتسكتي بدل الرياء الفاضي دة

[غربة شجن]

#1319104 [ليدو]
0.00/5 (0 صوت)

08-11-2015 01:32 PM
دة شنو دة ؟؟؟
هو إنتي قلتي حاجة عشان تواصلي ؟؟؟
شيء عجيب والله .

[ليدو]

ردود على ليدو
European Union [داوودي] 08-11-2015 08:09 PM
هههههههه وتاني ههههه ياخ مشيها ههههه وخليك في الانتظار ، الاستاذه احتمال حاسه بطعم النجاح في قصة الاخوة المعاقين . ربنا يوفقه لفعل الخير ...


#1319052 [جنو منو]
5.00/5 (2 صوت)

08-11-2015 12:25 PM
ادينا من الآخر اشتريتو الرقشه ولا لسه ..؟ مافهمنا أى حاجه والله العظيم ..!!

[جنو منو]

#1319048 [أبوقرجة]
0.00/5 (0 صوت)

08-11-2015 12:20 PM
جزاك الله خير يا أستاذه... وربنا يكتبها في ميزان حسناتك..

[أبوقرجة]

سهير عبدالرحيم
  سهير عبدالرحيم

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة