التجهيز بالنظر
08-22-2015 08:57 PM


إقرأ القطعة الأولى ثم القطعة الثانية ثم أجب مستعيناً بالله على الإسئلة التي تليها :

القطعة الأولى :
أكد اللواء عمر نمر معتمد محلية الخرطوم أن المحلية تعمل الآن في المعالجات الفنية اللازمة للمصارف والمعابر بكافة أرجاء المحلية المتفرقة.
وقال نمر فى تصريح لوكالة السودان للأنباء إن المحلية رصدت مبلغ مليون جنيه للاستعددات للخريف .وأشار المعتمد أن العمل في نظافة المصارف بلغت %95 إلى جانب المصارف الوسطية التي تراوحت نسبة الإنجاز فيها مابين % 90 الي93% ، وقال إن نسبة العمل في صيانة العبارات بلغ 80% والمصارف الرئيسية نسبة 100% .

القطعة الثانية :
كشفت مياه الأمطار بعدم وجود مصارف بشوارع منطقة أم القرى شمال بالريف الشمالي لمدينة بحري بعد أن غرقت الشوارع المنطقة بأكملها مما جعل المواطنين يتذمرون من وقفتهم لتصريف المياه وعدم إستطاعتهم لمزاولة أعمالهم فضلاً عن تضرر عدد كبير من المنازل بسبب إحاطة المياه بها حتى تطوع عدد كبير من شباب المنطقة في محاولات جادة لتصريف المياه .
س1 : ما معني كلمة (الآن) في قول السيد المعتمد المحلية تعمل الآن في المعالجات الفنية اللازمة للمصارف والمعابر بكافة أرجاء المحلية المتفرقة !
1- هسه دي
2- ناو
3- في هذه اللحظة
س2 : هل يعتبر العمل (الآن) في المعالجات الفنية للمصارف نوعاً من الإستعداد لمواجهة الخريف الذي نواجهه (الآن) برضو ؟
1- في الزمن ده أي حاجة ممكنة
2- ما فيها حاجة يمشوا بالتوازي
3- دي ما أدونا ليها

س3 : ما رأئك في تصريح المعتمد بأن نظافة المصارف بلغت 95%؟
1- واسعة شوية نضفوها بالدس ؟
2- لو عكس الأرقام برضو كتيرة ..
3- الخمسة في المية الناقصة دي نسبة (السوق العربي) براهو ؟

س4 : ما رأئك في تصريح المعتمد بأن نسبة العمل والإنجاز في المصارف الوسطية بلغت بين 90% و 93% ؟
1- باين إنو النسبة محسوبة بدقة
2- الوسطية دي تطلع مين؟
3- يعني قول 100% ما فرقت
س5 : ما رأئك في قول المعتمد بأن نسبة العمل في صيانة العبارات بلغ 80% والمصارف الرئيسية نسبة 100% ؟
1- معقولة البلد دي فيها حاجة 100%؟؟
2- السوق العربي داخل في ال 100% دي؟
3- أموت وأعرف العبارات دي شنوو؟

س6 : لو كنت من سكان (أم القري) ماذا كنت ستقول للسيد معتمد محلية بحري؟
1- ما تخليك ذي نمر يااخ !
2- إنتا ما أدوك مليون للإستعدادات وللا شنو؟
3- (نمر) للآن قاعد يجهز … إنتا ما جهزتا مالك؟

س7 : لماذا لم يستطع المواطنون بأم القري مزاولة أعمالهم؟
1- لعدم مقدرتهم على تصريف المياه لعدم وجود مصارف
2- المصارف موجودة لكن لم يتم تزويدهم بكتيب التشغيل
3- يعني يزاولو أعمالهم وللا أعمال (المعتمدية)

س8 : ما هو سبب غرق شوارع منطقة أم القري بأكملها؟
1- الأمطار طبعن؟
2- عدم وجود مصارف؟
3- إمتحان من رب العالمين

س9 : تري على من ينطبق المثل الذي يقول (المية تكضب الغطاس) ؟
1- السيد المعتمد
2- مواطنو منطقة أم القرى
3- السباح سلطان كيجاب

س 10 : هل من نصيحة تسديها للسيد والي الخرطوم والسادة المعتمدين ؟
1- إبتعدو عن حكاية النسب المئوية في التصريحات
2- أدعوا الله ألا تهطل أمطار في العاصمة
3- أعترفوا بالقصور لأنو أي مطرة ح تكشف المستور

كسرة :
ليس أدل على فشل القائمين على أمر مجابهة الخريف بولاية الخرطوم إلا ذلك المقال الذي درج العبدلله على نشرة عند بداية كل خريف منذ تسع سنوات بعنوان (وجاء الخريف فجأتن) ، تسع سنوات لم يستطع فيها مسؤولاً واحداً أن يكذب توقعاتنا والتي تقول بان مسالة اكتمال كافة الترتيبات والتجهيزات الادارية والفنية واللوجستية لاستقبال فصل الامطار (الخريف) التي يتشدق المسؤولون بها ما هي ألا وهم (لا غير) وما هي إلا مطرة مطرتين إلا وينكشف المستور ويتضح أن ما يصرحون به من تجهيز ونظافة للمجاري الكبيرة والفرعية كان مجرد (تجهيز بالنظر) !

كسرة تانية :
ذي ما بنقول ليكم كل سنة .. الخريف ده خلوهو إستعدو من (الآن) للخريف الجاي !!

• كسرة ثابتة (قديمة) :
• – أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و)+و

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و)+و
عن هذه الإعلانات


تعليقات 14 | إهداء 0 | زيارات 8161

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1329380 [عبقرينو]
0.00/5 (0 صوت)

08-27-2015 07:17 PM
غايتو جنس غايتو .. عدم الفهم والأمية مشكلة .. الناس القايلة الأستاذ لخبط بين محلية الخرطوم ومحلية بحري ديل بالغو جنس بوليغ هم ما قرو سؤال الأستاذ رقم 6 البيقول :

س6 : لو كنت من سكان (أم القري) ماذا كنت ستقول للسيد معتمد محلية بحري؟
1- ما تخليك ذي نمر يااخ !
2- إنتا ما أدوك مليون للإستعدادات وللا شنو؟
3- (نمر) للآن قاعد يجهز … إنتا ما جهزتا مالك؟

والله أنا يا أستاذ لو في حتتك أبطل الكتابة .. دي عالم وهم ههههههههه

[عبقرينو]

#1327027 [Mohammed Ghalib]
0.00/5 (0 صوت)

08-24-2015 08:32 PM
اكتر حاجه عجبتني في المقال عبارة امتحان من رب العالمين ولو بقت ابتلا من رب العالمين بتكون اظبط
وكلو امتحان لكن ياربي بننجح ولا لا

[Mohammed Ghalib]

#1326188 [ام الحسن]
0.00/5 (0 صوت)

08-23-2015 04:01 PM
جبرا قفلو ليك التصريف في النيلين جيت تصرف بي جاي مصير العرجا لمراحها تنزل لينا احنا ناسك ناس الراكوبة المقالات البايتة وتنزل الجديد اول باول في النيلين اها كنا بنعاين ليك ساااااي وعارفين بجي الخريف واللواري بتقيف

[ام الحسن]

#1326170 [ودالفاضل]
1.00/5 (1 صوت)

08-23-2015 03:44 PM
اخي / لفافات الصبر
شيل الصبر شويه وكلمة ( طبعن ) و( فجاتن ) تم كتابتبها بهذه الصوره عن قصد من قبل الأستاذ / الفاتح حبرا , وصحفي محنك ومبدع ك الأستاذ الفاتح جبرا ان يغلط مثل الغلطات التي لا يفعلها طلاب الابتدائي , تذكرت طرفه تقول ان الشيخ ابن باز كان يصلي في اكبر المساجد بالرياض وكان اماما لهم ولكن اثناء الصلاه نسي اكمال الايه وقام بعض المصلين بتذكيره وبعد فتره اخري نسي اكمال الايه وأيضا تم تذكيره , وبعدها قام احد المصلين من اخر الصف وقال له : يااخي مادام انت ماتعرف تقرأ ولا انت حافظ القران كيف أصبحت اماما , ماكان بالاحري منك ان ترجع الصف التاني وتريحنا ,

[ودالفاضل]

ردود على ودالفاضل
[لفافات الصبر] 09-05-2015 05:02 PM
اخى ود الفاضل

انا ايضا لا اظنه يقع فى هذا الخطأ ولكن لا اعتقد ان الاستاذ جبرا هو من قام بطباعته فى الراكوبة انا قصدت الشخص الذى قام بطباعة المقال , لان هناك اخطاء كثيرة املائية فى الراكوبة .


#1326008 [لفافات الصبر]
1.00/5 (1 صوت)

08-23-2015 12:34 PM
وانا فى تانية ابتدائى السلم التعليمى القديم تم اعطاثى ثلاثة سياط بسوط عنج ماركة نيالا لانى اخطات فى الاملاء غلطة واحدة وجبت تسعة من عشرة ...

س 1 هل تعلمون ماذا كانت تلك الكلمة

س 2 هل كانت كلمة فجاتن ام كلمة طبعن

لانى كتبت طبعن اللى هى تكتب هكذا بالفتحتين على الالف (طبعا) وليست (طبعن )

س1 هل كان الاستاذ قاصدنى
س2 ام هل انتهى التعليم (حالين )

[لفافات الصبر]

ردود على لفافات الصبر
[لفافات الصبر] 09-05-2015 04:57 PM
والله اذا اتتنى المذمة من ناقص فهذه الشهادة لى بانى كامل يا عثمان ادريس لانك ساقط املاء وما كدة وبس وقعت فى الخطأ اللى تعليقى بحذر منو ودة دليل على انك ما فهمت اصلا انا قاصد شنو من تعليقى فالغباء لا علاج له خصوصا لو كان غباء معتق ذى بتاعك دة , ونكسب فيك ثواب ونعلمك مافى حاجة فى اللغة اسمها (فجاتن ) وانما تكتب هكذا فجأة تنوين فتحتين على التاء المربوطة , ولو انا كان بس قريت تانية ابتدائى احسن من تعليمك الاتعلمتو كلو حتى لو قريت جامعة يا تعليم الانقاذ

[عثمان ادريس] 08-23-2015 03:05 PM
اريتك كان كنت لي هسه في تانية ابتدائي !!

كان ارتحنا من تعليقك دا ..!!ّّ

وفجأتن كدا لقيت ليك كي بورد وقعدت تتفلسف !


#1325980 [مراد حماد]
0.00/5 (0 صوت)

08-23-2015 11:56 AM
إنتو يا خوانا الرئيس ده ماعندو مستشار صحفي ولا مدير مكتب؟

[مراد حماد]

#1325963 [زول]
0.00/5 (0 صوت)

08-23-2015 11:37 AM
العبارات هي السفن الصغيرة او ما يعرف عندنا بالبنطون زي بنطون توتي يعني ماهو ما بنفع في ظل عدم وجود تصريف للمياه الا استعمال البنطون ليعبر الناس من شارع الى شارع هههههها

[زول]

#1325934 [عزالدين عثمان عباس]
0.00/5 (0 صوت)

08-23-2015 11:10 AM
يا شيخ جبرة ,, ياخوي خم خمك ,, واسكت .. الفيلم دا بطلو مات زماااان ,, السيد اللواء نمر ( معتمد الخرطوم يشرح حال معتمديته يعني الخرتوووووم ) وسيادتك تتكلم عن الحال فى أم القري بمعتمدية بحري ,,, مبرووك عليك شوالك البتاخدو من المؤتمر الوطني مقابل هذه الفرقعات التى اصبحت لا تشغل احدا ,, وأصبحت من المكشوفين العاملين مع اللقف والسفسفة .. المترزقين من مال الشعب السوداني الكادح ,, الفقير اصلا ,, وانت فى ارزل العمر وقدامك يوم تشيب له الولدان ,, شيل شيلتك ,, و,, (واواتك ) الكتيرة ديك كان زادت كان نقصت ما بتهمنا فى شي .. والفيك اتعرفت .. شوف ليك ضرعا تاني ارضعوووو +و+و+و+ووووو

[عزالدين عثمان عباس]

ردود على عزالدين عثمان عباس
[عبدالواحد المستغرب اشد الإستغراب!!] 08-23-2015 09:00 PM
طالما كتبت إسمك بالكامل ده دليل على إنك وجهت الإتهام لجبرا وانت مالى يديك وعندك قطع شك ما يثبت صحة إتهامك ! ونحن قراء الراكوبه ما إتعودنا نسمع الكلام المرسل والاتهامات المدغمسه وعليه مطلوب منك إبراز ما يثبت صحة إتهامك للرجل وإذا فشلت فلعنة الله على الكاذبين..لعنة الله على الكاذبين..لعنة الله على الكاذبين ولتتيواء مقعدك مع عمر البشير (عميد وعمدة الكذابين)في نار جهنم وبئس المصير !!.


#1325864 [المظلوم]
0.00/5 (0 صوت)

08-23-2015 10:26 AM
القطعة الأولى تتحدث عن تصريحات اللواء عمر نمر معتمد محلية الخرطوم والقطعة الثانية تتحدث عن منطقة أم القرى شمال بالريف الشمالي لمدينة بحري.
س : هل تعتقد أن كاتب الموضوع لم يلاحظ إلى إختلاف المحليتين؟
س : هل تعتقد أن كاتب الموضوع هو فعلا الفاتح جبرا؟
س : هل تعتقد أن الحكومة سواء كانت في الخرطوم أو نيالا الموضوع دا بيهمها في شئ؟
س: وماهو الفرق بين الإستعداد للخريف والإستعداد لصيف دون قطوعات كهرباء؟
س: ماالفرق بين تصريحات المسئولين والحاوي شيكو أبنطيكو؟

[المظلوم]

ردود على المظلوم
[مراد حماد] 08-23-2015 12:03 PM
والله صحيح مظلوم.
عليك الله أقرأ الموضوع مرة تانية بعدين جاوب على الأسئلة بتاعت الفاتح وبتاعتك


#1325733 [صادميم]
0.00/5 (0 صوت)

08-23-2015 07:35 AM
يا جبرا المعتمد نمر اظنه كان بتكلم عن محليته اللي هي الخرطوم لكن معتمد بحري واحد تاني ما عمل اي استعداد لكن في الحقيقة كلهم سجم في رماد و لو جاءت الأمطار في محلية الخرطوم لظهر المستور

[صادميم]

ردود على صادميم
[hanankokoabas] 08-23-2015 12:19 PM
س6 : لو كنت من سكان (أم القري) ماذا كنت ستقول للسيد معتمد محلية بحري؟
1- ما تخليك ذي نمر يااخ !
2- إنتا ما أدوك مليون للإستعدادات وللا شنو؟
3- (نمر) للآن قاعد يجهز … إنتا ما جهزتا مالك؟


#1325721 [ود الشريف]
5.00/5 (1 صوت)

08-23-2015 07:22 AM
جبرا والمسؤولين حيقطعوا رجل المطرة الفاضله لينا في الدنيا دي .... يا جماعة والله نجعتوا المطرة وكرهتوها حياتا .

[ود الشريف]

#1325636 [راسه دايش و رقبته معسمة]
0.00/5 (0 صوت)

08-23-2015 12:05 AM
امريكا هي السبب لمشكلتنا مع قلة المطر و الاثار الكارثيه لهذه الزخات على البلاد و البيوت و العباد. يقال ان امريكا هي السبب. بسبب المقاطعة حجبت عنا ال( سوفت وير soft ware) الذي من شأنه هندسة و حفر و نظافة- العبارات و اسلافها و ذريتها- . ألحل هو امريكا لازم تتدمر و سودانا لازم يتعمر كما بشرونا في مستهل قدومهم.

[راسه دايش و رقبته معسمة]

#1325595 [اسمر]
0.00/5 (0 صوت)

08-22-2015 10:50 PM
البلدبتغرق فى فنجان مويه يااوسطه
انامره جيت ماشى بشارع مبنى الجمارك
وفجاتا انفجره مويه الصرف الصحى متدفق زى
شلال السبلوقه طوالى اتزكرت ليع منحونا عاصمه
الثقافه العربيه 2005

[اسمر]

#1325576 [moly]
0.00/5 (0 صوت)

08-22-2015 09:55 PM
فاجأني النهار اقصد الخريف

[moly]

ردود على moly
[محمود الكذاب] 08-23-2015 05:34 PM
وقال محمود:

هجم (النمر)
للمره الثالثة لم يصدقه احد لانه اتصف بالكذب رغم ان الهجوم كان حقيقه!


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة