المقالات
السياسة
أحلام مغترب..!!
أحلام مغترب..!!
08-30-2015 12:55 AM


جئنا تسبُقنا أشواقنا للوطن..
فى قلوبنا أنت فى حلنا والترحال..
فقط (48) ساعة تبقت من الإجازة والتى استمتعت بقضاءها بين الأهل رغم المُعاناة بعد سنوات طويلة بعيداً عنهم قضيتها ، خرجت باكراً أتأبط مظروفاً يحتوى على كل ما يُثبت هُويتى وسودانيتى وحقيقة الانتماء لهذا البلد ، على غير العادة وجدت الحافلة فى المحطة تنتظر الركاب اخترت مقعدى من بين المقاعد الخالية جلست فيه وبدأت أتفحص فى أوراقى ربما أنسانى الشيطان بعضاً منها والمسافة بعيدة جداً بين دارى وجهاز المغتربين ، أخذ منى الكمسارى ثمن التذكرة وأعاد لى الباقى مباشرة مع ابتسامة نادرة لم نعهدها ، سألنا الكمسارى بأدب شديد بعدها تحبوا تسمعوا شنو ، لا صوت يُسمع داخل الحافلة ولا ضجيج ولم نسمع إلا همساً يدور بينهم..
يا ربى الحاصل شنو..؟
فى الوقت المُحدد كنت فى جهاز المغتربين أقف أمام ضابط الشرطة وقد ردّ على تحيتى له بأحسن منها ثم أجلسنى باسماً على كرسى كان بجانبه ، لا زحمة داخل المكتب تُذكر وكل من بالمكتب وعلى قلتهم كانوا جلوساً على كراسٍ وثيرة يستمتعون بهواء المكيفات البارد فى انتظار تكملة اجراءاتهم منهم من يتصفح فى صحيفة اختارها من بين الصحف الموضوعة أمامهم فى المنضدة ومنهم من يُشاهد فى دليل الاجراءات التى يجب أن يتبعها كل مغترب فى الشاشة الكبيرة المُثبته فى حائط المكتب ، بعضهم انكفأ على موبايله مُستمتعاً بخدمة (الواى فاى) السريعة المُتاحة لمن هم داخل المكتب ، دقائق فقط مرت جاءنى من يهتُف باسمى للاستلام ، اتفضل يا أستاذ هذه وثيقتك الجديدة ربنا يوفقك..
شكراً على جميل المعاملة..
موظف الضرائب فى الجهاز تحدث معى قائلاً لا عليك يا استاذ اذهب واكمل ما لديك من معاملات إن لم يكن لديك ما يكفى من مال تدفعه لنا مقابل الضرائب ونحن نعلم تماماً ما تنفقونه فى اجازاتكم مع الأهل هُنا ، نسأل الله لكم التوفيق ويمكنك السداد فى قابل الأعوام ، قبل أن ينتصف نهار اليوم كُنت قد أكملت كل الاجراءات من تأشيرة وغيرها مع تأكيد الحجز الذى يُمكننى من الوصول قبل وقت كاف من مباشرة عملى فى تلكم الدولة التى استضافتنى طيلة السنوات الماضية ، حمداً لله وقد عاد السودان وطناً يُفرد يديه فى ترحاب ومودة لنا بعد جفوة دامت ، يا سلام عادت الالفة والمودة الأن بعودة سوداننا لنا وقد أشرع أبوابه مُرحِباً بنا وقد أفلح فى تشييد جسراً للثقة بيننا..
يا أخونا يا معلم أرح أدينا ما تعمل فيها نائم..
لم يتركنى الكُمسارى حتى استمتع بالحُلم الجميل فى المقعد الذى حصلت عليه بمشقة فى الحافلة وأنا فى طريقى لتكملة اجراءات العودة وما ينتظرنى من رهق فى الجسد المُنهك والجيب الخالى..
والله المستعان..

بلا أقنعة..
صحيفة الجريدة..
[email protected]


تعليقات 4 | إهداء 0 | زيارات 1690

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1331594 [صلاح بخيت]
0.00/5 (0 صوت)

08-31-2015 11:15 AM
حلو يازاهر والله انا زاتي حلمت معاك وقلت زاهر اتغير والله شنو الجماعة ديل شفروه كل شئ جائز وزي ما قالوا الاخوان احلم في البلد التي كنت فيها مالك ومال السودان ( لانها في السودان كلها هلاويس وادغاث ) لك التحية زاهر اخبار والأهل اتمني ان يكونوا بخير وعافية وجدي الحاج .

[صلاح بخيت]

#1330854 [هدى]
0.00/5 (0 صوت)

08-30-2015 11:22 AM
الموديك السودان شنو ما تحلم في بلدك الجيت منها.

[هدى]

#1330821 [حيدر الفادنى]
0.00/5 (0 صوت)

08-30-2015 10:32 AM
ههههههههههههههه أحلام ظلووووووووووووووووووط

[حيدر الفادنى]

#1330789 [زول خارج بلدي]
0.00/5 (0 صوت)

08-30-2015 09:50 AM
يا ما حلمنا وحلمنا وتاني ما بنحلم بالمحال

[زول خارج بلدي]

زاهر بخيت الفكى..
زاهر بخيت الفكى..

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة