المقالات
السياسة
البلد الصبح ممكون..!!
البلد الصبح ممكون..!!
08-30-2015 11:53 PM


تعالوا نعيش..
فى الوطن الجميل شاسع..
كبير واسع..
يشيل الكُــل..
بلا تهميش..
تعالوا نعيش..
نأسس دولة ذات أركان..
شعارا العدل..
معدوم الظُلم مافيش..
يعود فاروقنا تانى ينوم ..
زى ما كان..
تحت الضل ولا خايف..
منك يا بنى الإنسان ..
ولا من جان..
لا ظالم ولا مظلوم ..
نعيش أخوان..
نتحالف جميع نحن..
نتجاوز خلافاتنا..
تعود الإلفة والتحنان..
تزول الفُرقة والمِحنة..
يرجع زى زمان حالنا..
يرجع لينا ده السودان..
جميل أخضر نضير تريان..
فيهوا (الزول) يعود إنسان..
ليهوا حقوق..
عليو واجب..
عندو (هُوية)..
سودانية..
يفخر بيها بيــن النـاس..
مزيج متعدد الأجنــاس..
يلا نعيش ..
بلا تهميش..
كفاية حروب..كفاية فساد..
استبداد..
استعباد..
استبعاد..
صارت للنزاع أبعاد..
صراع شائن..
غُبن بائن..
كتيير اتغيرت أحوال..
مال الحال..
فى البلد الصبح ممكون..
تعالوا نعيش..
زى ما كان..
بلا تهميش..
*****
بلا أقنعة..
صحيفة الجريدة..
[email protected]


تعليقات 1 | إهداء 0 | زيارات 822

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1331609 [النون الساكن]
0.00/5 (0 صوت)

08-31-2015 11:31 AM
نسيت يازاهر التمكين
نسيت جوعنا و معانا عوين
نسيت حال الملانا جروح و نحنا برانا مجروحين
ياكل في المطايب نام و نحنا عيالنا جيعانين
نسهر تتمها الونسات و كيف حالكم و مشتاقين
زمان الحال اكانوا الناس تتقاسم الوجعين
لو بتا و جارك جاع واخجلت كسير العين
تشيلو عشاك بليلة و زاد تبالغ في دعا الطيبين
و يضحكو من قلوبن عاد كأنهم ضابحين

[النون الساكن]

زاهر بخيت الفكى.
زاهر بخيت الفكى.

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة