لو
09-05-2015 03:29 PM


لو حبيبك.. قرر إنو خلاص يسيبك..
حقو تقبل بي نصيبك..
أوع تجزع من قرارو وترتفع أصوات نحيبك..
وما تخلي جروح غرامك في قناعاتك تريبك..
وتبدأ تكفر بالمشاعر والدموع للهم تسيبك..
الفراق - الكان خيارو - ما أظن في الريد يعيبك!!
الصبر لازم يلازمك.. ما يشيلك خوف.. يجيبك..
الله هو الكاتب عذابك.. وهو الرسم أحزان قليبك..
أبقى رضيان يا متيم.. قسمة المولى بتصيبك..
****
ولو.. حبيبك قال وداعاً.. وقرر إنو يفوت ودادك..
أوع تجري ورا سرابو.. وتستكين لي جور سهادك..
البحبك ما بضيمك.. وما بطيق نيران بعادك..
وما بيدور ليك المذلة.. ولا بيرحل من وهادك..
بيحتمل زعلك وجنك.. وبيحتمل لحظات عنادك..
ليك بيتمنى السعادة.. وإنو يتحقق مرادك..
راضي دايماً بي ظروفك.. وما بيحاول اعتراضك..
ولا بيصر يفرض أوامرو.. أو يصر يملك قيادك..
****
لو حصل كتر غيابو.. وعن لقاك قلل حضورو..
ولو شعرت بانشغالو.. وبي برودو.. وبي فتورو..
حقو تعرف دي النهاية.. وما تفكر يوم تزورو..
أصلو شوفتك ما ضرورة.. ولا بقت أسباب حبورو..
ولا بقيت إنت بتهمو.. ولا بقيت عطرو وزهورو..
ولا كمان لسع سميرو.. ولاكا ساعة الضلمة نورو..
ولا قريب من أمنياتو.. ولا بتعرف كل أمورو..
المحبين لما يقسو.. ديمة بيلفو ويدورو..
***
ولو.. حبيبك باع حنانك ومات ضميرو
أعرف إنك كنت واهم.. وإنو قدرك ما مصيرو..
انسى أي وعود كبيرة.. وانسى نسامو وعبيرو..
أرمي عشمك في عواطفو.. ما أظن تلقاهو خيرو..
بكرة الله يعيد سعادتك.. يبرى جرحك.. وتلقى غيرو .
تلويح:
الافتراضات في الحب يجب أن تحسم دائماً لصالح إنسانيتنا

اليوم التالي


تعليقات 7 | إهداء 0 | زيارات 2424

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1334984 [ادريس]
0.00/5 (0 صوت)

09-06-2015 04:14 PM
يا حاجة قولي بسم الله دا كلام شنو ؟

[ادريس]

#1334931 [adam]
0.00/5 (0 صوت)

09-06-2015 02:10 PM
ياااخي انت اكثر من رائعة وينعل الظلمك ... انت مابظلموك ولابنهروك .... رايع كلام في غاية الجمال (وين روابة الحاج اقصد روضة الحاج صناعة كيزانية باحتراف)

[adam]

ردود على adam
[السيد] 09-06-2015 04:32 PM
يا (ادم) اين روضة الحاج الآن ؟؟؟؟
لا خبر لا أتر !!! الكيزان غطسوا حجرها
بعدين لا تنسى ان هذه ايضا صناعة كيزانية بس عايزة تخفف دمها شوية!


#1334911 [jafar]
0.00/5 (0 صوت)

09-06-2015 01:38 PM
أها يا ست داليا فى دى ما اختلفنا بس النص مكتمل والافتراضات ناقصة والشواكيش لازمة عموما بيناتنا الراكوبة

[jafar]

#1334798 [الجمصي]
5.00/5 (2 صوت)

09-06-2015 10:20 AM
صاحبتك رمز المروءة والشرف بتاعة خبر الشوم..... ناس المصنفات عملوا ليها دليت للأغنية الفضحية... اها عاجبك كدا؟؟؟؟!!!!!!!!؟؟؟؟؟؟

[الجمصي]

#1334597 [ام بسمه]
0.00/5 (0 صوت)

09-06-2015 12:29 AM
جميل خالص 👍👍👍👍

[ام بسمه]

#1334536 [د.. الزهجان]
0.00/5 (0 صوت)

09-05-2015 09:19 PM
هنا مركز جراحات واهات الوطن .وتاتي الصيحات والبكاء من الام كبيرة الموت والدمار الحرق والاغتصاب .المعتقل والتهجير .اما اهات قتيل الحب فلاتسمع هنا ..باعتبارها من الكمالبات لظم الكيزان .وتجنبها اولي.
ان شاءالله يجي يوم نشارك في الماتم قريب ان شاءالله .... امين

[د.. الزهجان]

#1334488 [السايس]
5.00/5 (1 صوت)

09-05-2015 06:56 PM
الكاتبة تعرضت لشاكوش قوى أفقدها توازنها فأصبحت تلف و ندور حول هذه النقطة فى كل مقالاتها - غايتو الله يعينك بالصبر و تستعيددى توازنك و تكتبى فى مواضيع أكثر أهمية .

[السايس]

داليا الياس
داليا الياس

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة